喫茶ちょうぼ

营业中

休息中

今日去左大埔中心行街，依到開左間喫茶，咁就要試下啦我地叫左2個前菜、2個主食同甜品1. 鰻魚玉子蓋飯：鰻魚燒得恰到好處，肉質非常嫩，帶有淡淡嘅炭燒香氣。玉子燒蛋，口感滑嫩，蛋香十足，仲要夠晒厚身，食落好滿足。飯粒蓬鬆，吸收咗鰻魚同玉子嘅味，夾埋一齊食，真係好鬼死正2. 蕃茄香草青口扁意粉：新鮮嘅青口煮得剛剛好，肉質鮮甜。意粉煮得彈牙爽口，配上蕃茄醬汁，味道更加豐富。香草散發出迷人嘅香氣，同青口嘅鮮味好夾。3. 蒜香蕃茄煮青口鍋配香草薯條：青口煮得鮮嫩多汁，蕃茄醬汁濃郁，帶有微微嘅酸甜，加入蒜香，令味道更加豐富。配上香草薯條，薯條炸到香脆，點埋個醬汁一齊食，好好味4. 角煮五花肉：五花肉煮得軟嫩多汁，肉質鮮嫰，真係入口即溶。角煮醬汁濃郁，滲透入肉，正5. 春日士多啤梨布丁盛合：布丁味道幾好，另外，仲有士多啤梨慕絲、大福同新鮮士多啤梨，最後，加埋果醬一齊食，味道都好夾而且甜度岩岩好6.青蘋果梳打／夏日海洋梳打兩杯似品飲落都非常清新，甜味適中，好岩飯後黎飲，清一清d油膩感整體黎講，餐廳食物質數高，而且坐得舒服，好岩三五知己黎聚餐

食物賣相很好，食落一般😞春日士多啤梨布甸甜品OK 👍，擺設很靚，影相打卡一流👍香滑忌廉煮青口配薯條，比預期差，可能之前喺第二間食過，所以覺得佢比較差壽喜燒蛋包飯一般，賣相不錯座位不錯👍服務也幾好👍整體也舒服👍

喫茶ちょば是一間日式料理餐廳，叫了兩個主菜首先是鰻魚玉子蓋飯，玉子的甜味剛好，搭配上香濃的鰻魚汁展現了豐富的味道和質感，玉子的甜味與鰻魚汁的香濃相互融合，完美地送出了鰻魚飯的風味。接下來是香草牛油大蜆扁意粉，牛油的味道與蕃茄的香味相得益彰。秀珍菇的鮮味也為這道菜品增添了層次，大蜆味道鮮甜，整道菜品呈現出濃郁的香草風味。蒜香蕃茄煮青口鍋配香草薯條的幼薯條的香口、蒜味的濃郁和青口的豐富份量使得這道菜品充滿了滿足感。蕃茄的鮮味與蒜香的調味相互融合。角煮五花肉的溏心蛋微甜的口感非常出色，而豚肉外皮軟淋，而肉質具咬口。整個菜品被調味醬汁浸透，讓肉的味道更加濃郁。甜品方面春日士多啤梨布丁盛合是一道完美的甜點。雞蛋的味道適中，甜度不過分，朱古力瑞士卷的忌廉軟綿，士多啤梨慕絲和士多啤梨醬都散發出濃郁的香氣。大福的煙韌質感為整道甜點增添了趣味。飲品選了焙茶麻薯沙冰，Q彈麻薯增加了口感，而沙冰十分解渴。凍Mocha飲品上面有可可粉的印花，讓人雙重享受。

餐廳貫徹簡約雅致的日系裝潢方格，環境非常舒適👍🏻 近門口位置亦有售賣日式精品，有嘢食又可以shopping🥳朋友係鰻魚控，鰻魚玉子蓋飯是不二之選😍 巨大份量鰻魚搭配超厚玉子燒，肥美的雙重享受🤤蒜香蕃茄煮青口鍋配香草薯條，酸酸甜甜清新的湯汁，開胃醒神，啱晒夏天食🍅🦪角煮五花肉，賣相好似東坡肉，味道較清淡🐽 2大塊四四方方的五花腩，肥瘦相間，7分瘦3分肥，食落冇咁多油脂和肥膩感，心理上沒太大負擔🙊甜品係春日士多啤梨布丁盛合，「哇，好靚呀」一致的反應🤩🤩 小松鼠曲奇造型可愛趣緻🐹 盛合材料組合豐富：士多啤梨果肉、布甸、忌廉大福、朱古力卷蛋和士多啤梨忌廉，布甸質地QQ彈彈，蛋味香濃，加少許士多啤梨果醬，酸酸甜甜正好中和甜度🍓🍱

經過左好多次，今日終於食到呢間位於大埔超級城嘅喫茶店。香草牛油青口扁意粉$95青口量足，同意粉醬一拍即合，意粉軟硬度適中，醬汁濃度恰到好處，均勻掛麵。蒜香蕃茄青口鍋配香草薯條$165青口配蕃茄鮮味十足，青口肉厚嫩滑，薯條熱辣辣香脆度十足。鰻魚玉子蓋飯$108 鰻魚又大又肥美，玉子厚身，珍珠飯粒粒分明，食落豐有彈性，口感很好。角煮五花肉$78一口咬下五花肉油香四溢，肉質細緻，溏心蛋夠入味，蛋黃濃滑香醇，諗起都想再食。春日士多啤梨布甸盛合$112呢個甜品盛合擺盤十分吸引，打卡一流！蛋糕質感棉密，布丁口感順滑，好睇又好食。焙茶牛乳$45茶味香濃，配濃滑牛乳，相信熱飲都會很不錯。焙茶麻薯沙冰$52沙冰打得夠滑，麻薯煙煙韌韌，整杯甜度適中。

再一次到訪大埔超級城的日式餐廳，每次都會有新驚喜🥰🥰🥰（10分為滿分：🌕）味道：🌕🌕🌕🌕🌕🌕🌕🌖🌑🌑🌑鰻魚玉子蓋飯($108)以前黎食多數都會叫蛋包飯，因為係佢地既招牌菜，不過都食過好多次，所以今次就試下另一個主菜😆😆一上枱就已經比個鰻魚吸引住，勁大條好似個碗都裝唔曬咁，加埋勁厚身既玉子，再加埋珍珠米，我地兩個都爭住食呢碗🤫🤫香草牛油大蜆扁意粉($95)本身我地2個都好鍾意食青口，見到呢個意粉就即刻叫左，青口份量比想像中多好多，大蝦亦都好大隻好爽口，加埋掛曬啲汁既意粉🍝，簡直係停唔到一啖接一啖😋😋蒜香蕃茄煮青口鍋配香草薯條($165)初頭以為意粉係得好少青口，咁就叫埋呢個青口鍋加薯條，點知個分量又係多得驚人🫨🫨無論係青口同薯條🍟不過略嫌薯條唔夠熱辣辣，如果可能比啲蛋黃醬/茄汁🥫點住食會再好啲😝😝角煮五花肉($78)小小一碗有兩舊煮到好淋既五花肉，再加上煮得岩岩好既半熟蛋，勁好送飯😜係有日本家庭料理既感覺❤️❤️春日士多啤梨布丁盛合($112)呢個一上枱已經覺得可愛同靚到嘩一聲，隻松鼠cookie勁得意🐿️佢有一個布甸加麻糬雪糕係上面，焦糖布甸味道勁好食，綿滑得黎又唔算好甜，加埋上面凍冰冰既麻

充滿童話故事色彩的cafe，襯今晚比較早收工就和老公吃個夢幻晚餐。員工都是管家服裝打扮，而且態度友善又細心的很快收走食完的碗碟，加分！【角煮五花肉】配隻溏心蛋，蛋漿配肥美的五花肉一齊放入口中，融化在口腔，而且五花肉的醬汁又甜甜地 ，好惹味。【蒜香蕃茄青口鍋配香草薯條】青口份量十分之多，超值，濃濃的蒜香味道，還有大量的車厘茄，薯條沾著醬汁都好香口。【香草牛油大蜆扁意粉】由於今天沒有大蜆就轉了蕃茄青口，味道都出色意粉又夠彈牙。【鰻魚玉子蓋飯】鰻魚很多汁，而且質地都算是彈牙，玉子大大份質地又軟熟。【春日士多啤梨布甸盛合】充滿驚喜的甜品大雜燴，首先有塊精緻的曲奇，還有雞蛋布甸朱古力瑞士卷、士多啤梨粒。【幸福綻放花環拿鐵】士多啤梨加咖啡。【抹茶麻薯沙冰】原味的抹茶，不太甜。

喫茶ちょうぼ是大埔區人氣cafe，近門口區域亦有售賣日式精品，將喫茶飲食及生活態度集於一身，日式電笠燈散發出溫潤光芒，配合一室胡桃木的傢俱，溫暖昭和風裝潢充滿懷舊情調，享受穿越時空的復古氛圍，餐牌主打和風洋食料理，包括招牌日式蛋包飯、小食、意粉、米飯、甜品等。鰻魚玉子蓋飯 $108巨型鰻魚比手掌還要長，中間夾著厚實的玉子，猶如一個放大版的鰻魚壽司，鰻魚塗上特製蒲燒汁，散發陣陣香甜焦香，肉質嫩滑，被炙烤得油香四溢。香草牛油青口扁意粉 $95由於大蜆缺貨，所以轉成青口，海鮮足料之餘更添鮮味，扁意粉煮出Al dente輕微韌度的口感，每一根都掛上開胃醬汁。蒜香蕃茄煮青口鍋配香草薯條 $165青口鍋份量十足，足夠二人享用，煮熟後貝類海產的鮮汁滲至醬汁當中，將鮮味再昇華，青口全部已煮成開口，肉質爽口結實，還有脆卜卜的幼身薯條作配菜。角煮五花肉 $78日本料理中的的紅燒滷肉通稱為「角煮」，就是取其四角方正的形狀來命名的，五花肉肥瘦相間，燉煮至入味，半熟蛋軟嫩蛋白包裹著晶瑩的流心蛋黃。春日士多啤梨布丁盛合 $112最近新推出甜品主題為喫茶森林舞會，小松鼠造型可愛又趣緻，一個盛合就已包括士多啤梨果肉、

行完山和朋友去大埔晚餐，這里氣氛舒適，環境雅緻。空間足夠，座位寬敞坐得舒服。鰻魚玉子蓋飯$108賣相吸引眼球，面層是燒鰻魚，細膩柔滑，肉質細嫩，中層是玉子燒，味道帶少少甜，清新自然，蓋在熱熱的白米飯上別有風味，物有所值。青口扁意粉$95青口添加蕃茄醬，鋪在扁意粉上，扁意粉吸收蕃茄醬，互相襯托。蒜香蕃茄青口鍋配薯條$165一個價錢兩個享受，想吃薯條和青口可以考慮一下，不過，薯條要盡快食，熱食比較香口。角煮五花肉$78這道菜式本人非常喜歡，五花肉油花分布，入口即化，非常入味。伴有日本糖心蛋，軟軟糯糯，Q彈又好味，充滿驚喜。朱古力咖啡$39濃郁宜人，拉花有一番講究。紫薯牛乳$38牛乳採用3.6牛乳，紫色紫薯粉充分拌勻之後，Q彈滑順，凍飲比熱飲更加美味。

呢間裝修精美的餐廳，由開業到宜家都出現人龍🐟鰻魚玉子蓋飯 去完名古屋對鰻魚念念不忘，見到呢個飯配上長長的鰻魚、厚厚的玉子超吸引！超足料的一碗飯，完全可以一啖飯一啖餸！🍟蒜香蕃茄煮青口鍋配香草薯條 呢個汁配薯條超好食😆同埋薯條上要少許cheese🥹青口鍋大鍋可能3-4人食都ok🍓春日士多啤梨布丁盛合 店員一放到餐檯上我已經😍好可愛的擺盤，同時一碟有齊我想食的甜品😍有布丁🍮糯米糍、蛋糕、士多啤梨、士多啤梨乾、cream🥹食完滿足感🈵#ChouboKissaten #喫茶ちょうぼ #cafe #coffeeshop #taipo #cwb #大埔 #銅鑼灣 #咖啡店 #喫茶店 #日式 #溫暖 #和室 #昭和

今日同朋友們途經大埔超級城B區想食個lunch，跟住就見到呢一間日式西餐廳～日式昭和風洋食喫茶店。一入到去見到裝潢富有特色，深啡色系傢俱令人感覺舒服自在。我哋首先叫咗個鰻魚玉子蓋飯，蛋漿細滑，鰻魚肥厚多汁，非常美味。呢個10萬個推薦👍👍朋友叫咗香草牛油大蜆扁意粉，（冇晒大蜆嘅關係）改咗做青口，青口肉質唔錯～扁意粉有彈性，亦都唔會好油膩嘅感覺～我地又叫左蒜香蕃茄煮青口鍋配香草薯條🍟青口多汁又鮮甜，我直程想飲晒成鍋汁啊添呀🤣🤣 另外叫左角煮五花肉，五花肉好香，而且肥瘦均勻，好飽肚，呢個抵食。甜品我哋叫咗春日士多啤梨布丁盛合。估唔到個盛合咁豐富。個卷蛋真係好綿好滑～上面有個塊好得意嘅松鼠曲奇我想講佢個士多啤梨雪糕係非常香甜，配上士多啤梨🍓醬係非常match～飲品我哋叫咗個夏日海洋梳打同埋紫薯牛乳，夏日海洋梳打好Fresh好開胃，紫薯牛乳唔係好甜，亦都好重紫薯味不錯～ 大家經過大埔超級城，可以過嚟食❤️❤️❤️❤️我哋一定會再嚟🤗

畀我想像中有點失分～ 自疫情以後再次來吃，環境乾淨！今次一行十位，8大2小！由一點坐到三點幾.... 食物即叫即做。❤️✌️我落單是壽喜燒牛肉蛋包飯～ 相比初時 開張味道有點退步，牛肉比較過熟！😅服務態度有待改進。

🌈壽喜燒牛肉蛋包飯（加配）飲品及前菜（$113+$25）🌈和牛漢堡蛋包飯（加配）飲品及前菜（$108+$25）經典的日式蛋包飯，脹鼓鼓的外表，內裡的雞蛋是水漾般嫩滑，輕輕切開，讓蛋輕輕地滑下來！非常誘人！牛肉份量非常充足，但肉質比較粗身，較難咀嚼！粒粒米飯是番茄醬的味道，酸酸甜甜很開胃！🌈明太子蛋包意粉（$96）意粉煙韌彈牙，軟硬適中，與鮮咸的明太子完美混合，入口嫩滑香甜的蛋包，口感滋味獨特令人上癮！

喫茶ちょうぼ | 有格調日式餐廳 蛋包飯🔶玉子薯蓉沙律 $68薯蓉沙律好好味 面頭上有隻半熟蛋 流心流住蛋液個賣相係好吸引 仲有粒粒既魚籽薯蓉仲食到少少粒粒感 薯蓉同佢個醬好夾🔶壽喜燒牛肉蛋包飯 $113蛋包飯係餐廳既signature 菜式壽喜燒牛肉配埋蛋包飯 又好夾蛋包飯係上到檯 之後店員先係我地面前介開個蛋好有儀式感 滑溜溜既蛋液 好吸引壽喜燒牛肉偏濃味 夾埋蛋一齊食🔶濃郁味噌大蝦意粉 $98意粉係好掛汁 令到個意粉偏向濃郁 味道好夾意粉大蝦份量好多 有成5-6隻 真係啖啖肉 爽口彈牙仲有少少魚籽點綴一下 個賣相又加左分🔶醇厚清酒煮青口鍋配香草薯條 $185薯條幼身 薯條炸到脆口 而且熱辣辣 份量好多薯條表面都有芝士絲 有淡淡既芝士味青口真係成鍋上 青口份量好多 清酒唔會過濃 食到青口本身既鮮味🔶宇治金時盛合 $108有隻小松鼠 拎住粒果仁 好cute cute 抹茶凍 卷蛋 紅豆 同埋cream 甜品黎講真係好豐富 份量都好大份🍴整體評價：好有氣派既日式餐廳裝修十分得體 而已好有日本既感覺餐具都十分靚 真係想買返套返屋企食物質素好高 每一碟都精心炮制 食材新鮮食物賣相都十分吸引

店內木系嘅裝修和枱上的貓咪擺設，望落去好可愛。玉子薯蓉沙律玉子薯蓉口感滑溜，三文魚籽味道鮮甜，配上流心蛋。壽喜燒牛肉蛋包飯燒汁淋上滑蛋，洋蔥牛肉好入味，係好好味。濃郁味噌大蝦意粉意粉醬汁味道夠濃，味道唔會太膩，蝦肉爽口，捲入意粉好食。醇厚清酒煮青口鍋配香草薯條大大粒青口帶有忌廉汁香，薯條味道似薯角，炸得好香口。宇治金時盛合(甜品)可愛嘅松鼠🐿️造型，甜品內有多款口感，紅豆大粒香甜、黑糖布甸滑嘟嘟、抹茶果凍抹茶味濃，麻糬煙韌、朱古力蛋糕軟綿。焙茶麻糬沙冰焙茶配沙冰夠涼快，帶一點點甜。鮮奶咖啡熱咖啡香濃。