喫茶ちょうぼ

营业中

休息中

最近同朋友係大埔試咗呢間日式餐廳，唔使出銅鑼灣同尖沙咀就已經試到，餐廳門口位置擺放咗好多唔同嘅精緻餐具同裝飾方便顧客選購。餐牌食物種類都幾多元化，單單主食方面就已經有蛋包飯、飯類、意粉、扒類、漢堡包可供選擇，最後叫咗幾款小食同兩款主食。食物未嚟之前同朋友各自叫咗杯嘢飲嘆吓，白桃梳打 ($45/左)，紫薯牛乳 ($38/右)，估唔到連個杯都咁可愛，紫薯牛乳奶味濃郁，口感綿密滑順。岩燒芝士多士 ($68) : 朋友超鍾意食芝士，所以就叫咗呢個 share 一齊食，多士口感超軟熟，芝士溶晒喺個多士面，再配上咸香味十足嘅巴馬火腿，味道層次豐富。唐揚炸雞 ($88) : 外層炸得夠脆之餘內裏肉厚多汁，配搭奶油質感嘅蛋黃醬，非常惹味又夠飽肚感。蒜香蕃茄青口鍋配香草薯條 ($165) : 青口份量幾多，蒜香蕃茄味道香濃配薯條一流。特大海老蛋包飯 ($137) : 果然真係特大海老無呃人，切開蛋皮後都做到流心嘅效果，而飯就採用珍珠米同已經調味，就算唔點伴碟嘅醬汁都好好食。炸軟殼蟹扁意粉 ($98) : 軟殼蟹成隻上碟一啲都唔孤寒，扁意粉口感 Q 彈，而且又夠多汁，食落非常正。

🤤日洋系喫茶店～都有日本feel架#唐揚炸雞 🍗❣️炸雞係南蠻風🤩炸雞先用醬油、醋、糖調和出鹹甜酸的滋味😊再配上塔塔醬🤤超級邪惡惹味😈一定要趁新鮮食！炸雞仲脆架‼️必點之選HKD88#特大之海老蛋包飯 🍛🍤❣️炸海老夠特大🤗蛋包飯既重點—— 蛋！夠滑～包住炒過既茄汁飯🤭仲有龍蝦汁😍份量夠兩個人食😎HKD137#炸軟殼蟹扁意粉 🍝🦀扁意粉超級Creamy😋好少見到炸軟殼蟹個🦀形狀咁出😌切落去竟然有汁爆出嚟😳香脆唔腥～如果多份鹹香會更好HKD98#蒜香蕃茄煮青口鍋配香草薯條 🥘🍟青口疊到成座山咁😲份量超多~青口size都唔算細😬蒜香蕃茄汁同青口幾夾😉食食下仲有好出既芫茜味🤪唔鐘意芫茜既fafafoodie 下次要走茜先得🙈薯條用左一種特別既脆漿🍟令薯條份外香脆HKD165#岩燒芝士多士 🧀🍞多士軟熟配上芝士同巴馬火腿😗食得出唔係普通片裝芝士咁簡單HKD68#焙茶麻糬沙冰 🥤焙茶濃郁，麻糬軟糯好好食🤤可惜得1粒麻糬🥹HKD52#青森蘋果梳打 🧃天氣咁熱，飲返杯蘋果梳打夠清爽～HKD45加一服務費喫茶ちょうぼ@choubo_kissaten#fafafoodie_大埔

估唔到大埔都有間咁靚嘅餐廳，餐廳喺大埔超級城，經過門口已經俾佢吸引住，裝修好日系，好有特色，門口仲有啲位置賣啲有特色嘅產品，座位都坐得好舒服，就連個餐牌都設計得好有心思😍😍特大海老蛋包飯份量果然好大，個蛋煎得火候啱啱好，下面嘅飯都炒得好，炸蝦處理炸得唔錯炸軟殼蟹扁意粉一上碟俾隻軟殼蟹嘅大細嚇親，係原隻嘅軟殼蟹，炸得好好，個醬落咗好多芝士，好Creamy，有驚喜蒜香蕃茄青口鍋配薯條好多青口，而且青口好入味，蕃茄醬唔會太甜，好開胃唐揚炸雞唐人炸雞個味調得好好，甜甜地，而且雞塊份量切得啱啱好，一啖一舊，好味特別一讚係佢嘅飲品，叫咗一杯焙茶牛乳同Cappuccino，兩杯都好好味，加分

🇯🇵充滿日本色彩既和式餐廳 🌸平時去到日本東京都鍾意食呢類 又有主食小食甜品 環境靚靚🌸 1/ 特大之海老蛋包飯🐣蛋包飯好大個，而且個賣相好靚！舊滑滑既厚蛋，切開個下半熟蛋漿向外滑落去 ，真係好似去咗日本咁樣💛入邊有炒飯～ 特大海老亦都好大隻!!🦐2/ 炸軟殼蟹扁意粉🍝有豐富嘅蛋汁 軟殼蟹大大隻，仲要係真係一隻蟹嘅形狀，見到都覺得好驚喜🤣🦀脆卜卜 而且食到蟹既鮮味～ 意粉係扁意粉 軟硬度啱啱好🤗3/ 蒜香蕃茄煮青口鍋配香草薯條 🍟 好大鍋熱辣辣嘅青口 有新鮮嘅海水味道 蕃茄汁都幾好味 仲可以點埋啲薯條添🤤4/ 唐揚炸雞🍗排到一座山咁高 外脆內軟 有雞汁 好juicy 😙😙5/ 岩燒芝士多士 🍞咸香既味道加上淡淡既奶香味，濃郁既味道喺嘴裡蔓延開而且仲有Parma Ham 嘅鹹香味道🥐加埋啲沙律 啱啱好中和返🤤🤤🍺嗌多兩杯嘢飲，抹茶牛乳& 白桃梳打 呢個午餐真係好豐富呀

靚靚喫茶店門口擺設一棵大樹，樹下陳列出各式杯碟家品可供售賣，精美又可愛！餐廳係復古昭和風設計，木系元素感覺溫暖、純樸。擺放食物的餐具碗碟都非常靚！-特大之海老蛋包飯 蛋包飯係日式洋食料理的代表，有兩隻特大炸海老配甜甜酸酸的他他汁，軟嫩的蛋皮包裹住茄醬炒飯，香口又開胃！-炸軟殼蟹扁意粉隻軟殼蟹好巨型，炸得脆脆的蟹味甘香，再灑上蟹籽，仲有兩隻帶子，滿滿海鮮，外型超靚，扁意粉被濃厚嘅忌廉汁包著好香滑！-蒜香蕃茄煮青口鍋配香草薯條 蒜香蕃茄汁又香又醒胃，配青口食一流，一大鍋真係大件夾抵食🤭薯條都好大份。-唐揚炸雞 炸雞外包著甜酸帶蒜香嘅醬汁，而雞肉保持嫩滑幾好食！紫薯牛乳 $38焙茶牛乳 $45最愛焙茶獨特濃厚的茶香氣，而紫薯牛乳就微甜帶紫薯香氣唔錯。

人氣打卡西日fusion Cafe😎😎每次經過都有長長人龍，今次一定要去排隊隊😃果然沒失望⭐️⭐️首選炸軟殼蟹扁意粉，大大隻軟殼蟹，多肉有咬口，配上扁意粉味道剛剛好。稀有蛋包飯配上2隻超大巨型海老，食到舔舔脷。再來多個青口加薯條，加埋杯靚靚士多啤梨沙冰，超級開心開心。呢間餐廳裝修好有心思，每個角落都適合打卡，環境令人放鬆，椅子坐得好舒服，一路食一路打卡，餐廳還有其他日式擺設售賣，好可愛呢☺️🥰🥰

🥢 唐揚炸雞 $88 ⭐️必點！炸雞外脆內嫩淋上糖漿同他他醬呢個組合意想唔到嘅夾😍而且他他醬嘅洋蔥味超香!!本餐MVP🤤***🥢特大海老蛋包飯 $137炸蝦真係超大隻醬汁係龍蝦汁炒飯底都好香蝦汁味***🥢炸軟殼蟹扁意粉 $98忌廉汁夠哂多唔會食到尾唔夠汁撈炸軟殼蟹口感酥脆唔油膩👍🏻***🥢蒜香蕃茄煮青口鍋配香草薯條 $165青口超級多粒粒都有肉唔會炒到甩哂👏🏻蒜香蕃茄汁用黎撈飯好好味😂***🥢岩燒芝士多士多士超級鬆軟芝士偏淡味 所以食到好飽都食得落🙈***🥢草莓沙冰 $48沙冰好幼滑 唔會有碎冰粒但係螞蟻人如我都覺得有點太甜😂好彩面頭嘅cream稍微減輕左甜度👍🏻***🥢抹茶麻糬沙冰 $52真抹茶沙冰 冇加奶甜度適中麻糬口感軟糯

呢間舖頭平時行開行埋都超多人排隊，難得今日 weekday night 去大中食飯，就同老婆嚟試一試！喺出面等位嘅時候，亦都不妨睇咗入面售賣既餐具，其實好靚好有特色！佢嘅design其實係性價比高嘅，如果排唔到到食嘢都起碼可以過嚟望下！因為今日唔係假日，所以等咗少少時間就即刻有位，七點幾已經全院滿座，能夠喺呢個時勢有全院滿座嘅本事，相信一定有佢嘅長處！每個店員都著西裝背心，同西褲，畀掂客嘅感覺非常高級，有啲畀我感覺似以前細個玩夢幻西餐廳嘅遊戲嘅感覺！餐牌裏面食物都非常吸引，好多嘢都想試試！先點上唐揚炸雞，我特別欣賞這個炸雞的炸粉不厚，而且也沒有炸得非常過火，熱辣辣上台的時，咬一啖感受到炸雞的溫度和十分juice的口感！炸軟殼蟹扁意粉，這個主食令我覺得值回票價！超大隻的軟殼蟹，最令我驚喜這個意粉有兩粒大帶子！整體來說軟殼蟹十分多汁，意粉味道十分香濃！喜歡吃海鮮的人士不能錯過！見到每台都會點上蛋包飯，所以我們也點了特大之海老蛋包飯！超大隻的炸蝦，當切開蛋包飯時，兩面蛋汁流出，很有喜悅感，蛋包飯的醬汁是以龍蝦汁來配搭，別有一番風味！同時也點了，蒜香蕃茄煮青口鍋配香草薯條，青口送上也當場嚇了一

之前已經黎過一次🤣，上次覺得呢度d野食cp值幾高，今次見冇乜人排隊，就同朋友入去食多次🤪~裝修依舊好日系舒適😃~🌟特大之海老蛋包飯 $137黎到呢度點會唔叫呢度嘅主打-蛋包飯呢😁？一如以往切開脹卜卜嘅蛋，蛋汁隨即一湧而出，非常嫩滑😋!再淋上洋蔥汁，同炒飯一齊食，滋味滿瀉😝~而海老真係好巨型，非常震撼，肉質Q彈爽口😍!🌟炸軟殼蟹扁意粉 $98賣相非常靚，意粉上面放左一隻炸得金黃挺身嘅軟殼蟹😁! 啖啖肉~而扁意粉超彈牙，配埋 香濃嘅忌廉汁，好好味😙~🌟蒜香蕃茄煮青口配香草薯條 $165份量好多，好啱同人share食😆!青口幾鮮甜，掛滿濃郁嘅醬汁☺️~ 而薯條就夠金黃香脆，再加上香草調味，令人忍唔住一口接一口咁食🥰!🌟唐揚炸雞 $88炸衣好薄，又鬆脆，冇油膩感😚~入面嘅雞肉仲keep到肉汁，好juicy🤩!🌟岩燒芝士多士 $68多士烤到啱啱好，邊位香脆，但中間仍濕潤鬆軟😜!芝士富有奶香，而面頭嘅ham就咸香十足😚~🌟幸福綻放花環拿鐵 $48原來係士多啤梨拿鐵🤭，咖啡味香醇，帶d香甜士多啤梨味，估唔到可以咁夾😆~🌟夏日海洋梳打 $48顏色好靚🥰!冰冰涼涼，超消暑，亦唔會太甜🙂~

這間Cafe 以木系的懷舊復古設計，裝潢帶點濃濃昭和風情feel。我就試了主食同午後時光套餐，真係有點失望，食過一次就算，點解？🥢 香草牛油青口扁意粉 $95原本是配大蜆，不過賣晒轉了青口都無問題，青口煮得剛剛好，肉質還可以，青口份量都多的，扁意粉煮得有點淋，配上香草蕃茄醬汁，味道都ok。🥢 草莓🍓法式多士 $52 配餐飲呢個好伏，第一次食咁難食的法式多士，個草莓醬勁難食，個人覺得好似茄汁mix 草莓醬，味道唔掂，賣相又唔掂，我吃了少少就放棄了。🥢 白桃梳打唔明點解要加個cream 在梳打水上，加上勁甜，放棄了半杯。埋單 $161.5 不算平但就好伏🫣，不會有下次。

特大之海老蛋包飯 ($137)​炸軟殼蟹扁意粉 ($98)蒜香蕃茄煮青口鍋配香草薯條 ($165)​唐揚炸雞 ($88)岩燒芝士多士 ($68)​白桃梳打 ($45)抹茶牛乳 ($42)餐廳嘅小食真係好吸引，見到都已經係好開胃😍岩燒芝士多士唔會係好脆個種，但係芝士嘅口感就好豐富，咬落口仲有啲拉絲嘅感覺！！而係麵包面頭都再加多一片parma ham，夾住一齊嚟食原來都係好好味，令到芝士比較膩嘅口感都減低左👍🏻真係非常好食！另一樣就係唐揚炸雞，面頭上嘅他他醬完全唔係沙律醬個一隻，而真係有加到黃芥末同醋嘅味道，食落有種酸酸地嘅味道真係幾開胃😋😋而炸雞亦都淋上左甜醬，但都唔會令到雞皮淋哂仲係好脆口，味道都好正，值得一試呀！！另一樣想介紹嘅就係蒜香蕃茄煮青口鍋配香草薯條，青口嘅數量真係好多，而且加左蒜香蕃茄嘅味道都係好正，令到青口嘅甜味都多左👍🏻👍🏻而薯條亦都可蘸一蘸蕃茄汁，食落口感覺上都會冇咁熱氣😆😆評分：9/10大埔安邦路8-10號大埔超級城B區2樓276號舖

👦🏻🧒🏻嚟到大埔超級城行街，去咗呢間充滿特色嘅日式洋食餐廳食晚餐。餐廳以木系裝修，配上深藍色沙發櫈同卡位，有種日式嘅古典感覺。一入到嚟門口位置就見到擺放咗好多好靚嘅餐具同擺設，睇啱可以買返屋企添架。🍤特大海老蛋包飯 $137一碟有兩隻特大海老，size有手掌咁大！炸蝦上面有他他醬，中和膩感。外皮香脆包住嫩滑彈牙嘅蝦身，加上滑溜嘅雞蛋同香濃嘅蝦醬汁，超級好味呀！🍝炸軟殼蟹扁意粉 $98炸原隻軟殼蟹賣相好吸引！炸到金黃酥脆，一咬就爆蟹肉汁，入面仲有蟹膏添，甘香鮮甜。意粉嘅忌廉汁煮得好濃郁，煮得夠入味。🫕蒜香蕃茄青口鍋配香草薯條 $165青口份量好多，蕃茄醬汁酸酸地幾開胃，同時充滿蒜香味！薯條係幼身質地，口感酥脆可口，上面仲有啲芝士碎添😋！🐤唐揚炸雞 $88炸雞淋上特製醬汁後，外皮依然保持外脆內軟，入口鮮嫩多汁。🍞岩燒芝士多士 $68多士口感非常鬆軟，充滿牛油嘅香氣，芝士邪惡又美味配上鹹香嘅ham，配搭非常滋味！🍹夏日海洋梳打 $48甜甜嘅藍色糖漿，配合爽口嘅梳打水，賣相好靚，充滿海洋氣息。🍹抹茶麻糬沙冰 $52抹茶沙冰冰涼清爽，抹茶味濃郁甘香，無苦澀味。📍 喫茶ちょうぼ (大埔)大埔安邦路

每次去大埔行街都會被佢門口嘅樹吸引住，餐廳係和風咖啡店，裝潢以木系、日式復古風格，古典又好別緻。銷魂壽喜燒和牛飯和牛很大片，濃郁嘅壽喜燒汁令和牛肉味香甜，配上珍珠米令你食唔停。溏心蛋出色。明太子蛋包意粉蛋包系列Lee款係餐廳嘅人氣主食，蛋包飯色澤金黄成橄欖形，輕輕介開就會有濕潤嘅蛋漿流出，令你食慾大增，意粉配上明天子醬入口creamy濃郁。角煮五花肉五花肉肥瘦相間，日式醬汁味道香濃有甜，五花肉煮得入味，而且好軟腍。香滑忌廉煮青口鍋配香草薯條青口份量好大份，每粒青口都掛滿濃濃嘅忌廉汁，很creamy，薯條亦炸得香脆。淘氣小松鼠朱古力巻小松鼠造型so cute🐿️小松鼠身體係朱古力卷，蛋糕軟棉，甜道適中。朱古力咖啡夏日海洋梳打

專登走入大埔🏃🏻‍♀️就係為咗食呢間「喫茶ちょうぼ」🍵🍴，山長水遠都入嚟就知幾高質🤩(其實有朋友住大埔嘅)。次次嚟食個menu都會有少少唔同，所以話每次嚟都有新驚喜呢🫶🏻!·♡ 銷魂壽喜燒和牛飯 HKD$1652大片和牛😍係大到完全遮蓋住底下嘅珍珠白飯🍚，和牛用壽喜燒汁煮過，味道香甜有咬口😚，近排戒澱粉質嘅我都引唔住食咗幾啖飯😆。·♡ 明太子蛋包意粉 HKD$96 用刀輕輕介開蛋包🔪，見到半熟滑蛋漸漸向外翻開，完全係完美嘅視覺享受😻!! 半熟滑蛋口感嫩滑濕潤，搭配Q彈明太子意粉🤤，味道唔會好濃，反而來得剛剛好。·♡ 香滑忌廉煮青口鍋配香草薯條 HKD$172一大盤青口份量好驚人😅，青口肉size大概有半隻手指大小，而忌廉香草味道唔算好突出，幾適合我呢啲減鹽人士😌；而搭配嘅一大碟薯條🍟炸得幾白脆，沾著忌廉汁吃都幾夾。·♡ 角煮五花肉 HKD$78兩大件五花肉煮得好入味😋，醬汁味道濃郁帶點香甜，五花肉係肥瘦相間，質感軟腍😙，另外仲配咗2隻溏心蛋🥚。·♡ 淘氣小松鼠朱古力卷 HKD$58小松鼠造型so cute😍！朱古力卷係小松鼠🐿️嘅身體，仲用咗2半粒草莓做佢腳🐾。朱古力卷味道唔會好

~ 香滑忌廉煮青口鍋配香草薯條($172)🦪青口份量比想像中多😯，粒粒青口都掛滿晒濃濃嘅忌廉汁，夠晒creamy😋。另外仲配咗大大兜薯條🍟，一齊點忌廉汁又得點茄汁又得🤓。~ 角煮五花肉($78)🐷五花肉煮得好淋好入味😚，五花肉肥瘦適中，而且份量唔多食落啱啱好唔會太膩😌。仲配咗隻入晒味嘅溏心蛋添🥚。~ 銷魂壽喜燒和牛飯($165)🍛幾塊大大塊嘅和牛鋪喺面😚，配埋甜鹹嘅壽喜燒汁餸飯一流呀🍚。最面仲有三文魚籽點綴同提味😌，跟住又有一隻糖心蛋😝。~ 明太子蛋包意粉($96)🍝之前嚟過呢間食蛋包飯😗，今次就試吓意粉😝。同之前一樣都係厚厚嘅蛋自己切開🔪。個蛋好嫩滑🍳，醬汁配埋蛋汁一齊食更加creamy，意粉軟硬適中岩岩好👍🏻。~ 淘氣小松鼠朱古力卷($58)🍰勁可愛嘅小松鼠曲奇🍪，夠哂打卡able📸。朱古力瑞士蛋卷幾軟綿同多cream😚，旁邊仲有啲朱古力脆脆，口感十足😝。~ 抹茶麻薯沙冰($52)鍾意飲沙冰又驚太甜嘅絕對可以試吓呢一杯🤓，因為我個人覺得麻糬已經係成杯嘢最甜嘅野😂。一杯入面有多重口感，夏天飲夠晒舒爽😚。~ 美式咖啡($36)