喫茶ちょうぼ

营业中

休息中

發現近期香港好似好多日食洋食店，唔係特登去搵，經過見到幾靚就入左去試試佢，門口位好多貓貓擺設買幾靚，餐廳入面都好有feel，佢主打蛋包飯緊係試試佢日式紅酒燉牛面肉包飯 🐮$145牛面肉勁腍，而個蛋係真係好滑嘟嘟，咕嚕就吞左，好爽🤣🤣炸軟殼蟹扁意粉 🦀$98隻蟹係勁大隻，個汁好惹味七味雞軟骨 🐔$69宜個不得了，食到唔停口，如果有啤酒就一流白龍布甸牛奶大福盛 🍮$68重點重點，勁靚個布甸，焦糖布甸係去日本必食草莓沙冰 $48青森蘋果梳打 $45

星期日的下午，在大埔超級城內這間復古昭和風格的咖啡店食午餐，咖啡店裝修得真係幾靚，毎次經過都忍唔住望多幾眼. 店門口位置放咗棵打卡樹，為咖啡店增添不少特色，打卡樹的旁邊放咗不少精美的杯杯碟碟同不同擺設供客人選購，幾特別. 食物方面叫了日式紅酒燉牛肉蛋包飯、炸軟殼蟹扁意粉、炸七味雞軟骨及甜品白龍布甸牛奶大福盛，至於飲品方面，見天氣熱熱哋叫咗杯夏日海洋梳打同埋抹茶麻薯沙冰降下溫.食物方面很快上枱，先上蛋包飯，軟綿綿脹卜卜嘅雞蛋放在已調味的飯上，用刀慢慢切開，雞蛋緩緩好似張被咁‘打開’，真係睇到好治癒. 雞蛋夠滑身，紅酒燉牛肉入味而且淋身，好味.炸軟殼蟹扁意粉，真係成隻軟殼蟹放咗喺啲意粉上面，好適合打卡，軟殼蟹唔會炸到好多粉，炸漿厚薄剛剛好，意粉彈牙有口感. 炸雞軟骨新鮮熱辣，酥脆香口，而且份量不少. 甜品係白龍布甸牛奶大福盛，本身諗究極係什麼來，上到枱先知原來係一大舊白雪雪軟綿綿嘅大福餅放咗在布甸上面，真係啱晒我這個甜品控可以一次過食到兩款甜品. 布甸唔會過甜，同大福餅一齊食也不覺膩，布甸旁邊也放了幾塊可愛的士多啤梨，為這個甜品增添了不少色彩. 飲品方面，兩杯飲品賣相也精美，湖水藍色嘅夏日

呢到門面裝修好有日式感覺，好吸引~日式紅酒燉牛面肉蛋包飯擺盤好靚，望落都好吸引，職員仲會幫手切開蛋，再倒醬汁!旁邊有D沙律菜，可以解膩。牛面肉好軟淋，好好食! 個蛋好嫩滑，再包埋入面既炒飯咁食，好滿足。炸軟殼蟹扁意粉 隻軟殼蟹都幾大隻，炸到金黃色，食落都好脆口，唔會淋曬。意粉汁係蕃茄口味，扁意粉掛曬汁，好食! 炸七味雞軟骨 少少辣辣地，雞軟骨每粒都好酥脆，係一款幾唔錯既小食。日式布甸最後一定要叫呢款甜品!! 本身已經好靚，味道仲要好好，好香雞蛋味，食落好滑身，焦糖岩岩好，唔會苦，仲有D cream 中和下! 白桃梳打造型好可愛! 飲落都好冰涼。焙茶牛奶呢個一樣係推介既款! 因為佢唔會太甜，又唔會卡粉係喉嚨既感覺，飲落好smooth ，值得一試!

放工係大埔食飯行過見到門口放左d精品，都幾吸睛👀好多日式野食過幾次，好似2-3個月都會換下meun今次叫左d新野▫️ 日式紅酒燉牛肉蛋包飯每嚿牛肉都燉得好腍，食落唔會痴牙😋仲每舊都大大塊👏🏻，蛋包飯既蛋都好嫩滑，配左日式咖哩飯一流。▪️ 炸軟殼蟹扁意粉原隻軟殼蟹上碟，香脆鬆軟，食落口唔會好油膩😌，配搭埋蕃茄意粉，口感更豐富，▫️ 炸七味雞軟骨上菜速度好快，新鮮熱辣出爐，食到停唔到口🙊▪️ 白龍布甸牛奶大福盛糯米糍入面係雪糕，焦糖布甸好順滑，濃濃的牛奶味，飯後甜品必叫之選仲有2杯野飲覺得紫薯無得輸😂😂

香港有３間既喫茶ちょうぼ，每家既裝潢都好有日系文青風格，除了雅致既裝潢，佢既出品賣相都非常之好。在等侯外賣既時候，不妨欣賞一下店內既精品，有興趣的話可以順便買回家自用。打開卡邦尼意粉，被它的賣相吸引到，木魚香氣撲鼻，意粉煮得恰到好處，每條意粉都沾有濃郁既卡邦尼汁，意粉上面有隻流心蛋，切開後蛋汁流出，連意粉一同進食，增加食物既層次感，佢煙肉比較大條，咬落煙氛味且有口感。反觀，焙茶牛乳較為遜色，不夠味，質感不夠厚。

同朋友們幫襯過呢間餐廳幾次，大家一致認同好食之餘，餐廳整體乾淨、坐得舒服，而且價錢合理👍🏻門口仲有日本嘅擺設、餐具可以買～有時唔知去邊開餐都會諗起呢間餐廳！餐廳門口間中會大排長龍，所以book定位或早啲嚟就好啲啦～🔹日式紅酒燉牛面肉包飯（$145）店員會幫你切開個蛋再淋上洋蔥醬汁，牛面肉份量多，炆得好軟腍同入味！🔹炸軟殼蟹扁意粉（$98）軟殼蟹炸得好香口，加上個人好鍾意多汁，食落去嘅口感更掛汁Juicy，所以好啱我口味😌🔹炸七味雞軟骨 （$69）份量超多！就算食住傾偈放耐咗都仍然係脆！🔹白龍布甸牛奶大福盛（$68）甜品亦係必點，上面嘅大褔口感QQ，布甸都好動L，味道非常好！🔹焙茶麻糬沙冰（$52）有一塊小麻糬同奶蓋，好好味😋又唔會好甜～🔹焙茶牛乳（$45）非螞蟻嘅朋友可以試下呢個～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 7/10CP值： 7/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

今晚終於約到個好耐冇見既朋友響大埔食飯,經過門口見到呢度裝修好有特色門口位仲有擺賣好多日本小擺設同杯碟等見到menu都岩食,於是就同朋友入座喇日式紅酒燉牛面肉包飯黎到由店員幫我切開個蛋包飯視覺效果一流勁厚既牛面珠,肉質非常腍,口感比起普通牛肉牛味更重但又不會帶有牛騷味
中層塊筋膜含豐富骨膠原,經過炆煮後有黏黏的口感蛋包飯係炒底,配上紅蘿蔔及翠肉瓜粒配上紅酒汁非常夾炸軟殼蟹扁意粉一客極打卡賣相！原隻炸軟殼蟹炸到金黃香脆軟殼蟹調味適中,配埋酸甜既蕃茄扁意粉好開胃炸七味雞軟骨一客食唔停口,一粒接一粒,而且份量好多配埋沙律醬一齊上白龍布甸牛奶大福盛一客食落好Creamy既布甸配埋大福估唔到唔算係好甜仲有圍圈士多啤梨🍓另外再叫左兩杯飲渴夏日海洋梳打係的最鐘意波子汽水味道而白桃梳打都非常香兩杯面都有忌廉響面,超正

💥餐廳：喫茶ちょうぼ地址：大埔安邦路8-10號大埔超級城B區2樓276號舖日式和風古典裝修優雅地日本洋食 顏色主打木系柔和暖色燈光 經理侍應嘅制服都係用日本格調- 日式紅酒燉牛面肉包飯上枱後侍應會用刀在中間位置切開一半，輕輕一𠝹蛋液汁從兩側攤開 在淋上紅酒汁牛面頰肉特點是肉質鮮嫩多汁，豐富膠原蛋白肉質柔軟 多汁滋潤- 炸軟殼蟹扁意粉 將整隻軟殼蟹沾裹麵粉後油炸 蟹殼變得脆脆的外脆內軟 大大隻 脆卜卜- 炸七味雞軟骨- 白龍布甸牛奶大福盛士多啤梨加牛奶布甸 賣相整得好靚，而且奶味香濃

服務態度超差 黑口黑面講嘢冇禮貌職員質素好差食物質素超級一般得個樣靚 炸軟殼蟹入面出水牛舌難食到成pat屎咁 都唔知食緊啲乜嘢三個人去兩個食完肚痾 好少會寫食評 希望大家唔好中伏

之前已經見好多人介紹呢間位於大埔既日系CAFE，今次去開終於去左試下，環境都好闊好岩打卡，Menu主打蛋包飯同各式甜品，今次試左幾款味道都好有驚喜龍躍和牛漢堡蛋包飯 和牛漢堡肉質鮮嫩多汁，蛋包飯口感綿密，黎到一定要試下大笑蝦蝦菠菜扁意粉 成碟都係綠色幾特別，蝦仁大大粒好爽，意粉掛汁幾惹味金黃滿屋唐揚炸雞 上枱熱辣辣! 炸雞外皮香脆內裹好juicy，醬汁酸酸甜甜好開胃，值得一試白龍布甸牛奶大福盛 佢地既甜品都好精緻，大福入口軟滑煙韌，布甸甜甜地口感細膩，配茶味道一流紅粉緋緋花環拿鐵☕❄️漸層好靚! 以咖啡做base，加入新鮮的士多啤梨和濃郁牛奶，飲落酸酸甜甜同咖啡都好夾日式冷泡煎茶茶味香濃，飲落去幾清有助解膩

今晚放工跟老公來了大埔超級城吃晚飯😌順便去一田超市補充一下家裏的糧倉🤭眼看這家平日週末要排隊的喫茶今晚竟然不用排隊，我們今晚就在這裏吃晚餐了🥰餐廳內以深色木及淺色植物為主，有些日式昭和風的感覺🍁配有些日式擺設及爵士純音樂，感覺挺復古的❗️門口依然有棵很好打卡的美美大植物🌳樹下放着可出售的餐具及擺設類商品，產品都很可愛很有特色的👍🏻餐牌上的手繪菜式也很可愛❤️眼看有些網友的食評批評過這家店的服務，可我今天來真的所有方面的服務也挺不錯👍🏻不僅所有職員服務態度都非常好🌟職員更主動倒水，不時游走，看看顧客有沒有需要幫忙～上菜時也有講菜式名稱再放下食物，整體來說真的挺不錯❗️日式紅酒燉牛面肉包飯 $145這款蛋包飯是菜單上店鋪推薦的款式❗️整客新鮮熱騰騰的冒着煙上桌❤️賣相吸引🥰四件牛肉燉得夠軟腍很入味，很容易咀嚼😌質感有點像熬過湯的肉🤭配上香滑紅酒汁，味道再昇華了一點😎半生熟狀態的雞蛋入口超嫩滑💕份量很足，絕對夠吃，還配有少量沙律消滯解膩🥰好吃又滿足🥳炸軟殼蟹扁意粉 $98原隻的軟殼蟹炸得非常香脆😍而且俯臥在濃郁的蕃茄汁意粉上，拍照起來挺有震撼感的🤭軟殼蟹吃起來外脆內軟熱，咬下蟹身還擠出濃郁蟹肉汁液及蟹

真心我真係從來都唔會寫食評，但係咁樣貼錢買難受。真係完全唔會再去，首先環境已經唔好安排,坐喺一啲好似Starbucks咁嘅枱,而有好多唔超過五六張以上嘅大嘅卡位,係全部空住晒唔俾人坐. 咁好啦我兩個人啦, 我窄窄地咁我照坐啦，但係張枱真係超細,完全坐得非常之唔舒服你話一粒星半粒星都比多. 跟住就係你我真係未見過一間餐廳啲水杯上面嘅水係有油漬浮下, 即使真係一間好普通嘅茶餐廳都唔會有咁嘅質素, 隻杯已經好油，跟住再講吓啲侍應啲衣着，簡直即係令人哋知道睇到呢間餐廳係一啲管理都冇一啲着五顏六色嘅波鞋，一啲着帶住藍牙耳機，一啲呢啲頭髮呢一路行一路撥頭髮，唔講佢件恤衫條呔飛晒出嚟，仲要嗰啲態度好傲慢，我都唔知嗰個負責人，點樣解呢咁嘅職員。講返啲食物色彩嘅質素，我唔知今日係咁樣啊定係平時都係咁，啲肉可以硬到好似類似石頭咁嘅東西啦。總之完全係環境差服務差，食材都差。 其實我真係覺得， 帶位嘅人你啲枱hold住晒，唔俾人哋坐跟住咁做咩呢？你係唔想執枱定唔想抹張大枱呢。 咁你哋不如以後唔使執啦。 very bad.

大埔喫茶ちょうぼ，裝潢似足日本洋食居嘅Cafe，門口一夥白色大樹底下，擺放了一系列日本餐具、精品、線香等，非常吸精，門口長期有食客排隊，唔想排隊嘅我，選擇買外賣回家品嚐。廚師將傳統的卡邦尼意粉與日式風味結合，在卡邦尼意粉洒上木魚絲及流心蛋，每一口都充滿蛋汁、木魚嘅咸香及卡邦尼嘅芝士醬，口感丰富。原本對是日涼拌菜有點期待，打開發覺系薯仔沙津就有點失望🤣好彩都系好食的。冰朱古力咖啡～食品比飲品好，朱古力同咖啡味都唔夠，好浠，好似半杯嘅份量加一杯水咁。

記憶裏便呢間日式餐廳經常排長龍的，一直都冇機會去試一試。剛好今天中午午餐時間經過發覺不用排隊之餘，入邊有很多空位已經感覺奇怪。😂橫掂未試過，就不如試一次啦。但真係只限一次下不為例。😅首先睇評價已經見到好多人話啲侍應態度差，結果其實都真係嘅，毫無笑容之餘，冇嚟反應，咁樣真係幾趕客。講返啲食物先啦，其實個餐牌嘅選擇都唔係太多，我叫咗一個厚切豬扒飯$138，冇包餐飲冇麵豉湯冇沙律冇甜品，淨係得一碗飯。仲要再加一。唔緊要，如果好食嘅話其實都係值得嘅。實在太可惜，可能日本人做嘅汁比較偏甜，所以整體感覺麻麻地。塊厚切豬扒，係真係幾厚嘅，但係外面層炸皮，可能冧咗個汁落去，已經完全唔會脆卜卜。朋友叫咗個蛋包飯，又係淋咗個勁甜嘅汁喺上邊，相對地個味道好鬼濃，唔鍾意食咁濃味嘅人，其實真係覺得麻麻地。或者個汁應該另上等客人自己調配份量可能會好啲。

今日係大埔行街 去左一間日式喫茶店 龍躍和牛漢堡蛋包飯 食物上枱之後 店員會係你面知切開蛋包飯 然後倒汁落去 原來塊和牛漢堡收埋左係入面 好厚切 同埋真係有牛味 仲有個蛋包做得幾好 蛋夠哂滑 大笑蝦蝦菠菜扁意粉 波菜汁好特別 真係食到有波菜蓉係入面 另外d蝦仁都爽口嘅 意粉軟硬度剛剛好金黃滿屋唐揚炸雞 我expect嘅炸雞係個皮好脆 點知呢種炸雞係有汁係面同埋唔係好脆 但食落有驚喜 雞肉好滑好juicy 白龍布甸牛奶大福盛 原來就係一粒大福擺係布甸上面 不過我地食個時都係分開咁食 仲有叫左2杯野飲 夏日海洋梳打 藍色梳打好fresh 幸福綻放花環latte 原來係士多啤梨latte 唔會過甜 都幾好飲餐廳環境安靜 同朋友坐下都傾左好耐