喜點

響TST食完情人節晚餐, 行左陣, 去到佐敦果頭見到呢間有點心同甜品的食店睇外面見到有幾多甜品款式, 價錢又幾平就入去叫左蔗汁糕, 栗子糊都無曬最後叫左3樣野芒果腸粉只係$18, 個皮幾滑, 應該係椰汁皮來, 相比石磨坊的腸粉皮略欠椰味但芒果幾甜, 比發記的芒果甜品更好糖不甩都OK, 算係熱最後黎O既係一個香芋棉花冰, 我地加左杯牙同榛子醬有圖為證, 同我地出面食O既棉花冰賣相好唔同我覺得根本係無醬, 之後問番服務員(全部都係大陸女人)佢話係有醬架WOR~~~D色浸左落去果D咪係榛子醬 LOR年初一真係唔想嗌, 個冰食落去咬口我覺得係好過阿SO果間D餐具係笠笠地服務方面, 我地係31號台, 佢初初俾左張21號台, 全部都係叫甜心的單過來我同個女人糾正番, 佢仲要搏我話我呢張係21號台除左呢D小問題, 其他都可以接受…查看更多

叉燒包： 皮過厚, 叉燒份量比較小, 汁也夠甜口, 幾好 叉燒腸 : 發晒光既皮, 皮薄料靚, 皮滑滑溜, 真係無得頂 薑汁雞包仔 : 又係皮過厚, 唔覺薑汁味, 有點蔥同蝦肉, 而且味道也調教得唔錯 皮蛋瘦肉粥 : 粥底好稀, 瘦肉切到長條形, 同顯係隨便加在粥內, 煮都無煮過, 唔掂 山竹牛肉 顏色微紅十分吸引, 番茜,馬蹄,牛肉是正統材料, 質感比坊間食到的更有彈性全日最正: 菠蘿皮蛋酥 : 本人對皮蛋酥係有情誼結, 只要有得買既地方都會買黎食, 所以是日也試下呢個新配搭, 一碟倆粒仔, 真係好迷李下, 雖則唔覺似菠蘿皮, 但夠香脆唔油, 蓮蓉先攞命, 幼滑清甜, 不痴牙, 主角皮蛋慘成配角 總結 : 味道中上份量 : 比較小, 點心多數是一寵得2 件 價錢 : 變相貴左小小, 茶錢 $3, 勝在唔使加一 …查看更多

無須等位的點心餐廳，在彌敦道可算這間了，茶位又只收 $2合乎經濟原則，北菇雞粒陳村粉陳村粉少油，質感同河粉完全無分別可言，只是卷狀式的，下次光顧定要查問經理是否就是河粉，雞肉很滑，又是很多生粉之故，冬菇粒只有兩三粒作配襯瑤柱紅米珍珠雞很少酒樓供應有紅米做點心，所以幾乎每次光顧都例必點選它白粥吃白粥其實可以看出廚師的技術及餐廳提供的質素，這個粥底很綿，並無味精，無論有病無病吃白粥都有益，而同配上多油的點心就最適宜核桃露首先是質感，很稀，或者有些食客喜歡，但稀的程度應比這店稠些少，所以試過兩次不同的甜品後，還是不宜吃她的甜品，再且甜品甜而無核桃之香，真可惜!…查看更多

腸粉有光澤，但不算太晶瑩通透，厚度不算薄也不算厚，味道一般，而且不太夠熱，綜合來計合格有餘。豉油用小碟分開上這做法不錯。生滾粥則非常不錯，甫送上來就給那個大碗嚇呆了，那個碗比我家的湯碗還要大，足夠兩個胃量不大的女生飽肚。粥底夠綿又夠甜，雞件和肉丸份量可以放滿一個飯碗，雞件夠滑而且很夠味，似乎有先用酒醃過。肉丸不是街市那些很難咬的圓球體，而是凹凸不平的，相信是手打豬肉丸，其味道當然不能和街市貨相提並論，這個肉丸吃起來感覺就像吃小籠包的肉餡般既甜又帶肉汁，比雞件更好吃。…查看更多

相隔一個多星期再度光顧，原因就是方便價錢抵日式綠茶包:剛蒸好的包奇怪有一“裂痕”包蒸得裂開了口，皮不軟熟，味道有點甜，卻又吃不出有綠茶味，有點似東南亞的“班蘭葉蓮容包”，愛吃蓮容包的應該會喜歡這款包瑤柱白粥:雖然味道清啖，而粥並非綿綿的，又不是生滾粥，但還算是頗為清甜的白粥柴魚花生粥:材料平均，有齊應有的配料，柴魚頗多，但就欠了點香噴噴的米粥味蝦米蒸腸粉:腸粉很軟滑，屬低價貨的蝦米很細粒脆皮咸肉粽:炸得糯米不似“粽型”，很是細件，脆是很脆但很乾身，下次還是選蒸珍珠雞為上策…查看更多

路過這點心餐廳，一直想來試試，本意並不在點心，但點心款心似乎頗多而甜品款式又不少，終於來第一次，完全無需等等位，附近酒樓多基本上也無需等位瑤柱白粥肉眼看看粥完全看不出會是一碗很綿的白粥，試過後証實一點也不綿，又沒有米粥香，但加進粟米就有點清甜味靈芝上素粉果靈芝味就欠奉了，皮也過厚，不過餡料卻卻沒有偷功減料，與其他港式酒樓所做的粉果分別不大荷葉籠仔蒸雞飯還以為是糯米飯，只是一廂情願想食才誤以為是糯米飯，白米飯沒有吸收雞汁味，但加少許甜醬油也不失禮，就像吃蒸雞飯加甜醬油，可是這個以荷葉蒸的雞飯又沒有荷葉香，斷估一定是雞還雞煮，然後將雞鋪上白飯北菇雞粒陳村粉雞很滑，生粉“獻汁”也定是加入不少才有此效果(本人間中也會下廚煮兩味)，陳村粉就像是薄身河粉，無味可言必點醬油不可生磨栗子露即磨就真難以確定，名副其實就是一碗“露”很稀身，甜味中度服務:侍應服務加笑容可加，部份似是新移民不準的廣東話口音環境:設計簡潔，桌椅總算清潔，調味架上的瓶也很清潔茶位每位只是$2又不用排隊等位，快捷方便，最啱午飯時間只得一小時…查看更多

未去西九 Wine and Dine Festival先黎這裡打底。吃了蘿蔔糕與紅米珍珠雞。無食到綠茶包，不過有影相。蘿蔔糕不會太結，有蘿蔔味，做得都幾鬆幾好食。我不lau 都麻麻地珍珠雞，但佢呢間有幾多肉餡係入面又幾正喎！之後 order 了番石榴冰底加藍梅醬朱古力樹皮及加了青蘋果椰果 and 黑珍珠($28)。order 左好耐都唔黎，完來送左去第二檯！跟住個伙計將人地檯個個俾我，已經溶緊同好似有人 but 過！咦~~~梗係唔要啦，叫佢整個個俾我。佢個冰無番石榴味，反而有少少牛奶味？？跟住 朱古力樹皮像 coco pops 個 d chocolate cereal。黑珍珠好硬，擺明係雪凍的隔夜珍珠！個冰真係唔好食！我想俾喊個個冰！Average 番個分俾 ok 啦。…查看更多

這裡又係另一間 $2 茶錢就可以嘆點心的食店。觀其款式都有 d 特別左。例如：帶子燒賣 - 帶子好細粒但都有帶子既味，只係佢既鮮味帶唔到落大粒燒賣度呢綠茶綠豆沙飽 - 唔係太有綠茶味，不過都唔係話好甜好溜咁蝦餃 - 個皮好晶瑩好黏，蝦亦都起晒 d 腸好乾淨，好大粒鳳爪 - 顏色無酒樓咁深色既金粟墨魚丸 - 粟米跌晒落黎，帶唔到粟米味入去墨丸，但墨丸就幾彈牙呢度 d 點心唔似大酒樓係太陸大批買入黎咁，呢度似自己整同埋即叫即蒸夠熱原來呢間有綿花冰食 $22，有番口榴味添，下次想試成日有人勘茶跟收碟，very attentive…查看更多

擒晚同友人去重慶食咖喱,之後凌晨四點起身又屙又嘔....十成腸胃炎..今朝起身,口淡淡乜都唔想食....係彌敦道 行行下見到呢間店...睇下D價錢,全部十元八塊...再睇睇有綿花冰食...唔.....本來唔想食野既我,即刻衝左入去...坐低剔左以下點心(荼錢2元1位,平)蝦餃每客2隻($14)----不過不失,一人一隻剛剛好..炸咸水角----哈哈哈哈.唔明佢點解剪開左口,怕我地熱親??叉燒包----唔錯架,幾好味咖喱尤魚----大大碟,又香又好味,熱辣辣煎蘿蔔糕---外脆內軟,奉上甜辣醬,一客兩件....見到好多人叫山竹牛肉---大大2個牛肉球,咬開又有肉汁....煎墨魚餅----呢個煎得唔夠香,但肉質彈牙..亦有D墨魚粒囗感..椰菜蝦春卷---呢個可以不叫,皮夠脆,但冇乜特別由於佢大多數點心只有2件我可以放心叫多少少...臨尾好飽,飽到甜品都唔想食...但我入黎只係想食綿花冰架喎...最後叫左個芒果雪花冰加魔豆($25)...嗯!!曾經倉海難為水,奉勸係糖伯府食過雪花冰既朋友,千祈唔好立亂係外面食,因為保証大多失望.....撇開雪花冰,喜點係good,埋單$115,服務又不錯,一姓趙經理十分醒目健談.由開頭帶位到我們走,一路有笑容..值笑臉…查看更多

好激氣!!!今日11:30去到佐敦間喜點，11:45左右落單，10分鐘先印咗單，再等15分鐘都未有野食，茶要叫兩次先有~~~足足超過半個鐘都未有得食，已經唔係午飯時間，成間店8成客都等，追單就話d陳村粉係要等15分鐘架啦~~咁點心唔駛15分鐘掛?真吹脹...樓面得個3個人，一個成日將d蒸籠由廚房行去門口來回幾轉，一個收銀成日係櫃台將d野擺得正正齊齊，然後仲同老細話我好忙架，不停聽到侍應講對唔住、唔好意思......最後等唔到走人!!!!…查看更多

上兩個星期看了收費電視的 <<覓食天下>>, 介紹中式飲茶, 老公一向最愛吃中餐, 今日收工專程去節目有介紹過的 <<喜點>> 試試看! 去到時已經兩點, 算下午茶時段, 兩個人點了很多東西 :竹笙瑤柱灌湯餃 - 湯算清, 餃皮薄, 不錯!!!水晶鮮蝦餃 - 皮薄蝦新鮮(爽的!), 好吃!帶子手啄燒賣 - 可能盧覓雪在電視介紹得有點誇張太吸引了, 試完覺得也不算很特別......瑤柱紅米珍珠雞 - 本身很愛吃紅米, 做成珍珠雞覺得很有咬口, 且不會很膩, 推介!!!流沙奶皇飽 - 一般貨色, 不算太特別~咖喱蒸土魷 - 咖喱汁帶甜完全不辣, 土魷很爽, 我覺得很好味, 不過吃到尾則覺得有點膩, 還是要與別人一起分享比較好!鮮蝦腸粉皇 - 蝦也是新鮮爽的, 腸粉皮也很滑很薄, 不知是不是其他地方沒吃過這兩者的組口, 反而有點吃不慣?!?!黃油蟹粉小籠包 - 皮不算很薄, 不過真的有不少蟹, 一籠一隻大的, 不算十分抵, 但可以一試!脆皮咸肉粽 - 這個是老公堅持要叫來試試看的, 但感覺有點奇怪, 裡面是一般綠豆粽, 找不到咸肉, 加上是最後點的, 結果吃剩一整隻......服務方面部份服務生/經理很殷勤, 有部份則......(個別人的問題吧), 不過茶餐廳式的食店, 服務已算可接受的了!埋單剛剛 HK$ 100, 也算很化算!!!…查看更多

叫咗碟抄菜，食到最後發現有一條菜蟲，我老婆大叫，部長走過來拿拿聲攞走咗之後埋單話：菜有蟲,正常會有，而你碟菜都食哂，無得退錢天呀，碟菜值幾多錢，咁既解釋不如係餐裨上寫明抄菜送蟲請大家不要去幫襯，不是會食到一肚蟲，而是一肚氣（可惜好多遊客去）…查看更多

有台灣朋友問過西打香港的酒樓晚上沒有沒點心吃？在香港，絕大部酒樓晚上都只供應小菜或火鍋，點心只在早市和午市有供應。可惜往往有西打這種煩人，愛在晚上吃點心。前陣子的人氣店添好運現在晚晚門庭若市，看到人龍西打都不敢吃第二次。終於在尖沙咀開了一家同類型的店！太好了！地點其實很好找，就在九龍公園對面。也在北角利強記雞蛋仔尖沙咀店的旁邊。香煎蘿蔔糕西打一貫好少吃蘿蔔糕，不太懂評價。入口蘿蔔絲切得不夠細，有點硬，普通！隨手點的咖喱魷魚完全想不到是全晚最好吃的點心。咖喱出呼意料的香濃，絕對不是想像中的咖喱粉加水，微微辣，越吃越開胃。西打最後追加多一碟！流沙奶皇包又是一道驚喜菜，西打對一般所謂流沙包很有忌諱。因為太多都只是空掛著流沙的名字，掰開包子，太多是乾巴巴的。這個包卻嚇了西打一跳，輕輕擢了一下，中間的奶黃餡料已經流了出來。中間的完全如夢幻的流沙奶黃餡料，還可以看到小小的咸蛋黃顆粒。西打不想浪費任可一滴餡料，一口就吞了整顆包！帶子燒賣一籠只有兩顆，好聰明的做法，把整道菜的價位都拉低了。其實小小的一片帶子，對味道提升作用不大，相信是綽頭而已。不過單是這顆燒賣已經夠好吃。蝦和豬肉的比例控制得宜，鮮美之餘不會肥膩。送上來看到油油亮亮的粉皮，西打就知不會難吃。QQ的粉皮包著叉燒餡料和芫荽，香甜的叉燒還隱隱吃到一點點清香，又是水準之上的點心。豉汁蒸排骨全晚最難吃的一道菜，看顏色就知豆豉下得不夠，味道好清淡，排骨肉質又差，大家千萬不要點。食量越來越大的西打忍不住點了個荷葉蒸雞飯吃。雞肉還可以，飯有點乾，不過金針雲耳紅棗等配菜的香氣補回了一點點分數。西打覺得味道可以再濃一點。如果要西打排上個多小時才吃到添好運的出品，西打寧可乾脆一點到尖沙咀吃喜點。細心留意價錢，西打發現在這一兩個月已經有價格上揚，應該生意還不錯。來香港的朋友，如果想吃地道點心，又不想花費太多，可以考慮喜點。尤其是這類點心專賣店打破了時間限制，讓大家隨時都吃到現點現做的點心。最愛這種香港精神。延伸閱讀：http://blog.yam.com/ywjoseph928/article/23325362…查看更多

3點幾,餓意起,咁岩娙過呢度,就入去試下好唔好味啦"入到去,環境都唔錯,幾乾淨。我地坐低waitress就立即過黎問飲咩茶,反應都幾快既,只係當我地一見到壺茶就有少少失望,茶芥每位2蚊架喎,估唔到係用茶包沖茶喎,好似誠意不足由於幾肚餓,都叫左唔少野食,2個人食10樣野"因為個土魷好似好吸引咁,所以就食佢先,真係唔錯喎,都幾爽呢" 之後就食帶子燒賣,都ok架,好大粒蝦係入面架至於排骨、粉果同鳳瓜呢,全部都麻麻地啦,全部都唔夠味。排骨雖然唔硬,但係唔夠味,仲有好多肥膏添; 粉果太細, 又唔夠味,但加左佢比既辣油就ok既" 而鳳瓜方面,都係死係唔夠味呢度,賣相尚可啦"本來已經幾失望,但係當我一啖咬落個奶黃包度,成個開心返哂,好味丫食得過喎,淡黃既奶黃度有d"喊"蛋碎粒,幾正" 仲有個蘿白糕都幾好味,可以一試" 本來諗住已經過關,一食到碟腸粉就面都青埋,超級難食好臭,好唔新鮮,好難食,好似食緊豬餿咁= =千祈唔好叫,一定會想吐最後菜包都黎埋lu,,味道一般啦" 唔知係唔係碟腸粉,食個包都仲有果陣臭味= =走果時個口仲feel到果陣臭味好難頂…查看更多

向3號波的天氣下 與鬼佬朋友周尖沙咀搵食話想食chinese food... 夜媽媽又無理由食太多食炒粉麵飯又無乜特別 就醒起呢間一盅兩件的dim sum place喇.(真係一盅兩件, 至fit情侶/2人組合去)叫左六樣點心- 叉燒腸粉, 皮太厚 叉燒少- 紅米糯米雞, 用紅米幾特別 但食唔慣紅米的朋友應該會覺得呢款點心又硬又唔夠汁- 流沙奶皇包, 味道ok 但個流沙一d都唔流- 叉燒包, up to standard- 潮州粉果, 幾好 皮的厚度適中- 煎羅白糕, 好似食緊一堆粉咁... 無乜蝦米 & 其他羅白糕應有的配料...每位$2茶介期間有蚊滋仔飛過 有d倒胃不過我知呢d好難控制既...鬼佬朋友猛讚好 可能佢未係好識食chinese food啦有機會佢話會再黎 到時試埋其他點心再寫review啦…查看更多