十成腸胃炎..
今朝起身,口淡淡乜都唔想食....
係彌敦道 行行下見到呢間店...睇下D價錢,
全部十元八塊...
再睇睇有綿花冰食...唔.....本來唔想食野既我,即刻衝左入去...
坐低剔左以下點心(荼錢2元1位,平)
蝦餃每客2隻($14)----不過不失,
一人一隻剛剛好..
炸咸水角----哈哈哈哈.唔明佢點解剪開左口,怕我地熱親??
叉燒包----唔錯架,幾好味
咖喱尤魚----大大碟,又香又好味,熱辣辣
煎蘿蔔糕---外脆內軟,奉上甜辣醬,一客兩件....見到好多人叫
山竹牛肉---大大2個牛肉球,咬開又有肉汁....
煎墨魚餅----呢個煎得唔夠香,但肉質彈牙..亦有D墨魚粒囗感..
椰菜蝦春卷---呢個可以不叫,皮夠脆,但冇乜特別
由於佢大多數點心只有2件
我可以放心叫多少少...
臨尾好飽,飽到甜品都唔想食...但我入黎只係想食綿花冰架喎...
最後叫左個
芒果雪花冰加魔豆($25).
..嗯!!
曾經倉海難為水,奉勸係糖伯府食過雪花冰既朋友,千祈唔好立亂係外面食,
因為保証大多失望.....
撇開雪花冰,喜點係good,埋單$115,服務又不錯,一姓趙經理十分醒目健談.
由開頭帶位到我們走,一路有笑容
..值笑臉
