喜記避風塘炒辣蟹 (肇明大廈)

营业中

休息中

▫️招牌避風塘炒辣蟹👉🏻蟹肉口感柔軟細膩、仲好仲好香甜！避風塘調味有秘製嘅焦香蒜蓉，乾辣椒同椒鹽，唔單止冇搶去蟹嘅味道，反而更能帶出蟹嘅鮮味.▫️豉油皇中蝦👉🏻豉油皇中蝦好大隻，蝦肉緊實而且有彈性，醬汁滲透蝦肉好入味，但又唔會過咸岩岩好.▫️辣子雞👉🏻辣子雞炸粉好阿薄，外皮炸到酥嫩，咬落好Juicy，香辣味口勁好強，餸飯一流！

今日朋友想食避風塘炒辣蟹，我乜心水，佢就推薦去喜記避風塘炒辣蟹。出咗銅鑼灣地鐵站行2分鐘就到餐廳喇。我哋叫咗招牌避風塘炒辣蟹，豉椒炒青口，辣酒煮東風螺同埋椒鹽九肚魚。招牌避風塘炒辣蟹真係好多膏，廚師扑爛咗個蟹殼先至炒，唔單止方便我哋拆蟹黎食，都令避風塘嘅香氣滲入咗蟹肉入邊，味道既香又鮮。豉椒炒青口一碟份量都幾多，有大概10隻。青口算大隻，有咬口。豉椒味惹味。埋單大概每人$250左右。下次再試吓佢其他海鮮先

這間位於銅鑼灣的中菜館，店內裝潢簡樸但充滿懷舊氣息，主打經典港式風味小菜，招牌避風塘炒辣蟹更得到不少食客的青睞，每一道菜式都展現出食材的質素和廚師的用心，值得一試！🥢招牌避風塘炒辣蟹蟹殼炒至金黃微焦，搭配避風塘特有的蒜蓉和辣椒碎，濃郁的蒜香混合辣椒的辛香味道撲鼻而來，讓人食慾大增。蟹肉鮮甜多汁，層次豐富，辣度恰到好處。🥢乳鴿外皮烤至亮澤的琥珀色，油亮誘人，鴿肉粉嫩且多汁，帶來極大的滿足感。🥢花膠雲吞雞湯雞湯散發出清新且溫潤的香氣，湯汁晶瑩剔透，搭配內裡飽滿的雲吞與誘人的花膠，呈現一幅暖心的畫面。

哇，今次食到一餐真係夠晒矚目！先講呢個招牌避風塘炒辣蟹蟹肉鮮甜到爆配上咁多蒜香同辣椒粒炒到香氣四溢食落去有種「一啖抵十啖」嘅滿足感！蟹腳啲肉仲好易剝唔使用力就食到之後試咗奄仔蟹個蟹新鮮得嚟蒸得剛好肉質彈牙又滑溜配上少少薑絲同蔥味道清新唔膩口雖然份量唔算大但勝在質素高食落有種海鮮嘅原汁原味適合想輕鬆享用嘅朋友最後嘅清蒸鮑魚仔真係驚喜！鮑魚肥美多汁蒸得軟滑又唔會太韌上面加咗少許葱花同豉油提味得恰到好處不失家常味食完仲有種滿足感爆棚！總括嚟講呢餐海鮮大餐真係值回票價環境整潔又有氣氛服務員態度又友善適合同朋友、家人一齊大啖海鮮！

為避風塘炒辣蟹而到訪菜式款式好多，重點勁多海鮮！🤩好有港式風味！🔸招牌避風塘炒辣蟹辣蟹炒得好入味～～食落都偏辣，但勁惹味！蟹肉食落好鮮美又嫩滑又唔會太油膩，必點佢爆香過嘅蒜超鐘意佢嘅避風塘味，蒜香十足🔸避風塘蒜蓉蒸蟶子皇蟶子皇兩大隻，面頭怖滿蒜蓉超鐘意佢仲有啲蔥，食落更香粉絲吸哂蟶子嘅精華，食落鹹香十足🔸蒜蓉炒時菜超有鑊氣，芥蘭超爽口入味！📍 喜記避風塘炒辣蟹 (肇明大廈)地址: 銅鑼灣謝斐道477-481號肇明大廈地舖及1樓A室電話: 24886665

為朋友慶祝生日，主角話想食炒蟹，所以選擇了銅鑼灣名氣店「喜記」。到「喜記」一定試招牌菜～招牌避風塘炒辣蟹，辣蟹啖啖肉，肉質厚嫩又Juicy，同時加了大量蒜蓉、薑蔥及椒絲去炒，辣辣地很惹味，配白飯一絕，推薦！椒鹽瀨尿蝦好大隻，大過整隻手掌，拆開蝦殼啖啖肉，肉質彈牙又鮮甜，連平時不太食瀨尿蝦的我，都搶住食，正！豉椒炒蜆份量很多，蜆無沙肉厚，配埋豉椒去炒，很不錯！食了咁多海鮮菜式，人均消費都只是$250，價錢十分親民。

椒鹽鮮魷. 傳統大排檔飲酒，就一定會叫叫小菜之一。 即叫即炸，加上新鮮的魷魚🦑椒鹽的微妙風味則增添了海鮮的層次感，配有少許炸蒜蓉丶紅椒丶青椒，鮮嫩的鮮魷沾上濃郁的椒鹽調味，不會過於鹹或辣飲杯涼浸浸啤酒再加埋熱辣辣的椒鹽鮮魷魚，天氣再冬d都一樣咁過癮。 避風塘瀨尿蝦瀨尿蝦上碟嗰時可以用巨型嚟形容真係好大隻 而且超多我勁鍾意嘅避風塘炸蒜粒粒，瀨尿蝦嘅蝦肉都新鮮彈牙生炸紅燒鴿肉嫩多汁,黃金鴿皮誘人香脆,油而不膩,色香味俱全每個人平均都係250勁抵

【🦀喜記｜避風塘炒辣蟹專家中的專家】諗起想食炒辣蟹自然想到銅鑼灣喜記!間中都會跟朋友去聚聚，朋友最欣賞他們的避風塘炒辣蟹，味道做到香港味，即係去咗外國都會好掛住嘅感覺。.避風塘炒辣蟹今次和朋友聚舊，照舊點辣蟹，辣度小辣，佢哋係炒得特別香，蟹亦夠新鮮，啖啖肉，加埋啲薑蔥同脆蒜好惹味。.蝦乾炒芥蘭蝦乾要炒得好食絕對唔易，有冇機會太乾、浸泡太耐又會浸走咗份鹹鮮味，今次呢度嘅蝦乾我幾鍾意，爆香後炒有少少口感，鹹香味同鮮蝦味仲保留着呢。另外亦點了豉椒炒青口、煎蝦、咕嚕肉，再跟埋枝大啤，很滿足了!

入冬當然要食蟹！作為愛蟹之人，朋友推薦我嚟呢到一試佢哋嘅招牌避風塘炒辣蟹同辣酒煮東風螺！菜式都非常惹味！好有港式風味！菜品的份量超级丰盛！性價比好高！辣蟹炒得好入味！辣得好惹味！雖然本身唔太食得辣，但都一啖接一啖！而東風螺都好新鮮好鮮甜😋😋推薦推薦！楊州炒飯都炒得粒粒分明！好乾身！好食又足料❤️❤️❤️而且地址方便，環境都幾乾淨，侍應服務態度唔錯！絕對可以再訪！🙌🏻🙌🏻🙌🏻🙌🏻

週末和家人想揀定一間中餐館來慶祝生日，發現銅鑼灣這間餐廳有很多新鮮的即炒海鮮，而且食物選項亦符合我們的口味，所以決定一試😆 這間餐廳的環境感覺十分地道，環境亦算整潔，餐廳安排一張大桌子給我們一行八人😊來到這兒當然要點這裏的名菜避風塘炒辣蟹🦀，整道菜十分之有鑊氣！而且煮法在香港真的不常見，我們所有人都極之欣賞辣蟹的味道，真是很惹味！另外我們點了椒鹽瀨尿蝦🦐，瀨尿蝦來貨很新鮮，而且啖啖肉，也是今晚我最喜歡的其中一道菜！我們亦叫了每人一隻蒜蓉粉絲蒸扇貝，蒸煮的時間剛剛好，所以扇貝的肉質很彈牙😋😋除了海鮮之外，我們也試了一些家常小菜，有蒜蓉油麥菜🥬、沙礓雞腳、潮式蠔仔碎肉泡飯、菠蘿咕嚕肉，味道也是不錯！我們一家很享受在這間餐廳的用餐時間😙😙

🩷招牌避風塘炒辣蟹估唔到係好大碟蟹，份量都幾多仲要好多嚿都啖啖肉，好肥美蟹殼炸得好脆，避風塘啲配料非常多一黎到就已經香噴噴，勁惹味而個辣到唔係死辣，係好香好吸引，好有鑊氣🩷椒鹽瀨尿蝦瀨尿蝦又係我嘅最愛大大隻好多肉，椒鹽嘅味道好香同埋都好容易剝殼🩷豉椒炒蜆一嚟到嘅時候超級香，仲有好多豉椒汁用嚟撈飯一流，而蜆嘅數量都好多有時炒完得返個殼冇晒啲肉但係佢炒完都仲有好多蜆肉🩷乳鴿燒得勁香脆個皮好脆啲肉入邊都好嫩滑食落去啖啖肉又好Juicy

每次經過銅鑼灣謝斐道，都聞到好香嘅炒蟹味，成日都心思思想去食，今日終於都約齊朋友，一齊嚟嘆海鮮，最緊要梗係試吓成日都想食嘅炒辣蟹啦！餐廳座位都闊落，可以舒舒服服坐喺度食辣蟹👍喜記避風塘炒辣蟹果然係招牌小菜，賣相一流，又香噴噴熱辣辣，最鍾意佢嘅滿滿嘅炸蒜蓉粒，好香口呀，原來送飯食都一流，蟹肉好鮮嫩，必食。食完一嚿急不及待要再食第二嚿。小炒皇嗌小菜，點會唔嗌小炒皇王呀，有韭菜、豬肉等等….又有菜又有肉，好可口。送飯送啤酒都一流！

喜記避風塘炒辣蟹位於銅鑼灣，是一家充滿活力的粵菜海鮮中菜館，非常適合朋友聚餐。”1️⃣ **招牌避風塘炒辣蟹** 🦀 - 蟹肉鮮甜，味道香辣，炒得入味，蒜蓉的香氣好過癮！2️⃣ **小炒王** 🍳 - 肉同菜都新鮮，口感豐富，搭配其他菜式一起吃，特別合適。3️⃣ **上湯水浸蜆** 🐚 - 蜆肉鮮嫩，湯底清甜，感受到海鮮的味道，清爽。人均消費大約$250 ，對於喜歡粵菜和海鮮的人來說，這裡值得一試！

我同家姐都好鍾意食蟹。而呢間之前都食過一次都幾好味道，人均消費大約250一個人都可接受，所以今次有來食下過下隱。招牌避風塘炒辣蟹一上菜就見到鑊氣滿分，都幾多肉，避風塘令蟹肉更加出色惹味，令人停不到口。價錢都算高性價比。豉椒炒蜆另外叫左豉椒炒蜆，豉椒真係炒咩都好食，呢度蜆都ok隻有肉，食呢個可以配半碗飯架。係尖沙咀來講，呢度的食物質素同價錢都ok不錯。🥢喜記避風塘炒辣蟹 (肇明大廈) 🌏銅鑼灣謝斐道477-481號肇明大廈地舖及1樓A室

🌟芥末牛仔粒這道菜的牛仔粒煎得外焦內嫩，每一口都充滿肉汁，鮮嫩多汁。芥末醬的調味恰到好處，帶有淡淡辛辣，刺激味蕾但不搶風頭，與牛肉的濃郁肉香完美融合。🌟招牌避風塘炒辣蟹這道菜的蟹肉鮮甜，肉質飽滿細緻，蟹殼炸至金黃酥脆，散發出迷人的海鮮香氣。香口的避風塘蒜酥和辣椒粒鋪滿整盤，鹹香四溢，讓人忍不住一口接一口。辛辣程度適中，香辣與蟹肉的鮮甜互相襯托。🌟鹹蛋黃金蝦這道鹹蛋黃金蝦真是濃郁而不膩！每隻大蝦炸得外脆內嫩，蝦殼輕輕一剝，嫩白的蝦肉馬上展現。鹹蛋黃醬汁細膩綿密，鹹香濃厚，層層包裹著蝦身，帶出豐富的奶香與甘香。這款菜式既豪華又誘人，值得回味。