喜記避風塘炒辣蟹 (肇明大廈)

营业中

休息中

每次經過銅鑼灣謝斐道，都聞到好香嘅炒蟹味，成日都心思思想去食，今日終於都約齊朋友，一齊嚟嘆海鮮，最緊要梗係試吓成日都想食嘅炒辣蟹啦！餐廳座位都闊落，可以舒舒服服坐喺度食辣蟹👍喜記避風塘炒辣蟹果然係招牌小菜，賣相一流，又香噴噴熱辣辣，最鍾意佢嘅滿滿嘅炸蒜蓉粒，好香口呀，原來送飯食都一流，蟹肉好鮮嫩，必食。食完一嚿急不及待要再食第二嚿。小炒皇嗌小菜，點會唔嗌小炒皇王呀，有韭菜、豬肉等等….又有菜又有肉，好可口。送飯送啤酒都一流！

喜記避風塘炒辣蟹位於銅鑼灣，是一家充滿活力的粵菜海鮮中菜館，非常適合朋友聚餐。”1️⃣ **招牌避風塘炒辣蟹** 🦀 - 蟹肉鮮甜，味道香辣，炒得入味，蒜蓉的香氣好過癮！2️⃣ **小炒王** 🍳 - 肉同菜都新鮮，口感豐富，搭配其他菜式一起吃，特別合適。3️⃣ **上湯水浸蜆** 🐚 - 蜆肉鮮嫩，湯底清甜，感受到海鮮的味道，清爽。人均消費大約$250 ，對於喜歡粵菜和海鮮的人來說，這裡值得一試！

我同家姐都好鍾意食蟹。而呢間之前都食過一次都幾好味道，人均消費大約250一個人都可接受，所以今次有來食下過下隱。招牌避風塘炒辣蟹一上菜就見到鑊氣滿分，都幾多肉，避風塘令蟹肉更加出色惹味，令人停不到口。價錢都算高性價比。豉椒炒蜆另外叫左豉椒炒蜆，豉椒真係炒咩都好食，呢度蜆都ok隻有肉，食呢個可以配半碗飯架。係尖沙咀來講，呢度的食物質素同價錢都ok不錯。🥢喜記避風塘炒辣蟹 (肇明大廈) 🌏銅鑼灣謝斐道477-481號肇明大廈地舖及1樓A室

🌟芥末牛仔粒這道菜的牛仔粒煎得外焦內嫩，每一口都充滿肉汁，鮮嫩多汁。芥末醬的調味恰到好處，帶有淡淡辛辣，刺激味蕾但不搶風頭，與牛肉的濃郁肉香完美融合。🌟招牌避風塘炒辣蟹這道菜的蟹肉鮮甜，肉質飽滿細緻，蟹殼炸至金黃酥脆，散發出迷人的海鮮香氣。香口的避風塘蒜酥和辣椒粒鋪滿整盤，鹹香四溢，讓人忍不住一口接一口。辛辣程度適中，香辣與蟹肉的鮮甜互相襯托。🌟鹹蛋黃金蝦這道鹹蛋黃金蝦真是濃郁而不膩！每隻大蝦炸得外脆內嫩，蝦殼輕輕一剝，嫩白的蝦肉馬上展現。鹹蛋黃醬汁細膩綿密，鹹香濃厚，層層包裹著蝦身，帶出豐富的奶香與甘香。這款菜式既豪華又誘人，值得回味。

入冬當然係食蟹的蟹季啦，聽完朋友講話食過銅鑼灣喜記的招牌避風塘炒辣蟹好惹味, 所以都同屋企人黎試下, 我地叫左幾樣菜式:*招牌避風塘炒辣蟹呢度避風塘炒蟹真的好大隻又新鮮，鑊氣十足, 蟹肉口感柔軟之餘，食落口好鮮甜！用左超多蒜香黎炒, 好香，少少微辣，越食越想食，好惹味~*瑤柱蛋白炒飯炒飯炒得乾身香口，粒粒分明！蛋白份量剛好，連埋瑤柱和菜粒一齊食，好有咬口又不會太咸~*黃金蝦蝦隻炸至金黃色, 蝦肉外酥內嫩，結實, 搭配埋特製醬汁，更有口感提味。喜愛食蝦的愛好者要試下~

喜記咁出名，我真係一次都未食過🤗趁住屋企人出咗花紅，就叫佢請我去食好嘢👏今次食左人均$250左右🤓我覺得一啲都唔過分😎招牌避風塘炒辣蟹一上枱真係嘩出聲😆隻蟹鉗大到呢，啖啖肉又鮮味十足💖避風塘落咗大量嘅蒜茸同辣椒炒到又香口又乾身，惹味到飛起😛羊腩煲天氣開始凍，屋企人就想食羊腩煲❣️羊腩炆到腍得黎保持到有咬口，重點味道一啲都唔羶😚我就最中意Q彈嘅羊皮同超索汁嘅枝竹啦😋杏片蝦球叫左兩樣偏重口味嘅菜，食返一樣帶甜又脆口嘅杏片蝦球先😇蝦球都幾大隻，炸到外脆內彈牙😚黐住咗啲杏仁片增加口感同杏仁特有嘅味道👅

最近同屋企人去咗食蟹，見到呢間餐廳好平多多，啲人都話想中唔錯，雖然本身屋企人唔係食得好辣，但係佢哋都食得好enjoy。招牌避風塘炒辣蟹見到相都知道好吸引啦，好夠鑊氣，雖然太多好似唔係話好大隻咁，但係其實佢都好多肉，再配上避風塘整法同埋辣椒，食落更加惹味同埋鮮味，可以話係個煮法令到呢個菜式昇華不少。值得呢啲，一定要配返啲襯嘅飲品，我哋就開咗支「原漿」啤酒去襯返隻鞋，同埋順便可以中和一下辣度。一路食蟹一路飲啤酒，真係幾爽😂仲嗌多咗兩個餸，水準都唔錯，對我三個人食嘅話其實都夠晒飽

好想食炒蟹特登過咗嚟試吓，試咗幾樣好味嘅菜式，分享一下!➕**避風塘炒蟹**：呢個蟹真係一絕，蟹肉鮮嫩，炒得金黃香脆，仲有蒜頭同辣椒增添風味，食完一隻根本唔夠！😋➕**芥末牛仔粒**：牛仔粒外脆內嫩，配上濃郁嘅芥末醬，口感層次分明，香辣中帶有一絲微酸，令人食到停唔到嘴。😋➕**羊腩煲**：羊腩煲湯底濃郁，羊肉軟嫩入味，配上新鮮嘅蔬菜，暖心又暖胃，正好係寒冷天氣嘅最佳選擇。👍🏻總括而言，這間餐廳嘅菜式都好有水準！

銅鑼灣有幾個食辣蟹地方，呢間炒辣蟹微辣煮得恰到好處，瀨尿蝦亦都係高水準，蟹黃好似黃金流心月餅留咗出嚟。仲有番薯糖水送。建議大家食佢哋嘅二人套餐，情侶可以來一試。

到銅鑼灣閒逛，朋友想吃海鮮，又想吃小菜，但不知有那間能提供好吃的海鮮及小菜，我們不斷行，見到這地方竟然有這間海鮮中菜館，本身已想吃海鮮了，還能有中菜品嚐，簡直一舉兩得呢，要立刻進內試一下了招牌避風塘炒辣蟹這菜式以新鮮蟹肉，搭配香脆蒜蓉和獨特的香料，炒至金黃酥脆，使每一口都充滿濃郁的辣味與海鮮鮮甜，讓人回味無窮芥末牛仔粒用嫩滑牛肉，搭配特製芥末醬，香氣四溢，每一口都帶有微辣的刺激，口感豐富，還有雜色椒作配菜黃金大蝦大蝦大大隻，而且外酥內嫩，表面金黃誘人，蝦肉鮮甜彈牙，口感絕佳喜記避風塘炒辣蟹 (肇明大廈)謝斐道477-481號肇明大廈地舖及1樓A室

喜記的避風塘炒辣蟹，真係食過翻尋味。朋友回港玩一排，安排一起娶會去了銅鑼灣店食喜記，特意來食出名的避風塘炒辣蟹。➡️招牌避風塘炒辣蟹真的要大贊，大隻飽滿又厚肉，避風塘炒，蒜香十足，好有穫氣，蟹肉教索晒蒜香，食到吮晒手指。➡️黃金蝦咸蛋黃的外皮，炸得香脆，包裏住大大隻肥美大蝦，食落咸咸香香，送酒一流。➡️馬拉盞芥蘭煲 煲仔風味一定好吃，有蝦乾同肉碎炒香，特別香口，用肉碎跟飯一起吃也是絕配。朋友好滿意，果然係色香味俱全，無論賣相定係味道都調得很好，夠晒穫氣才炒得好食。

講起食避風塘炒蟹，一定係去最出名嘅銅鑼灣喜記，同朋友去食，可以叫多d唔同嘅菜式，點咗好多唔同種類嘅小菜，其中避風塘炒爛蟹，當然係必叫之選，另外都叫咗其他海鮮同埋炒小菜都一樣有驚喜咁好味！▪️ 招牌避風塘炒辣蟹：其中有啲朋友唔食得辣，所以嗌咗個小辣，但係食咗小小之後就算唔食得辣嘅朋友都一試愛上仲想加辣，呢個炒辣蟹十分惹味，而且淡淡都係蟹肉非常新鮮！美味指數:🌟🌟🌟🌟🌟▪️ 椒鹽瀨尿蝦：雖然知道瀨尿蝦嘅肉唔算好多，但係都想食呢個菜式，椒鹽味道一流，好味到就連蝦殼都食埋！美味指數:🌟🌟🌟🌟🌟▪️ 蒜蓉蒸蟶子皇：蒜蓉蒸嘅味道好鮮甜，蟶子嘅生熟程度掌握得啱啱好，亦都冇縮水好細隻，咬落去非常爽口，唔會好韌！美味指數:🌟🌟🌟🌟🌟

招牌避風塘炒辣蟹真係一個值得推介嘅經典。當你將蟹肉放入口中，首先感受到嘅係一股鮮美嘅蟹味，蟹肉嫩滑而且唔油膩。避風塘嘅炒法，將香脆嘅蒜蓉同埋辣椒融入蟹肉之中，蒜香十分濃郁，而辣椒嘅辛辣味唔會太猛烈，反而令蟹肉嘅鮮甜更突出。每一口都有種微辣嘅刺激，但又唔會令口腔覺得過火，辣度剛好。蒜蓉炒時菜芥蘭炒得恰到好處，既保持咗脆感，又唔會過熟，味道清爽、口感豐富，食返啲菜先健康啲。杏片蝦球係一款味道較為細膩嘅菜式。蝦球本身係用新鮮蝦仁製作，咬開時即時感受到蝦肉嘅鮮嫩，外層包裹住嘅杏片炒得香脆，兩者嘅口感對比鮮明。杏片嘅清香令蝦球更加有層次，帶有一絲微妙嘅甜味，整體味道唔會太油膩，反而爽口得嚟帶點甜。

正式蟹季，我都唔執輸，適時當造，嘗一嘗蟹嘅滋味。今日嚟到📍喜記，人均消費$300/位，等我又盡情一番先💪🏻［食後感］📝1. 招牌避風塘炒辣蟹✔️蟹肉鮮嫩，醬汁濃郁，帶有微辣的香氣。✔️炒香的蒜蓉和香料增添了層次感，讓人每一口都充滿驚喜。2. 豉椒炒青口✔️青口的新鮮度令人驚艷，豉椒的香味與海鮮的鮮甜相得益彰。✔️口感滑嫩，配上香味四溢的醬汁，讓人一口接一口，欲罷不能。 🫶🏻整體來說，兩道菜都非常美味，各具特色，是值得再回味的佳餚！

🌸招牌避風塘炒辣蟹鑊氣十足，大大隻避風塘炒蟹好新鮮，蟹肉口感好柔軟，食落口好鮮甜！蒜香味好香，帶少少微辣，越食越開胃，真係好惹味！！🌸瑤柱蛋白炒飯蛋白份量適中，炒飯炒得幾乾身，米飯粒粒分明！瑤柱都好香口，配埋菜粒一齊食，唔會過鹹！！🌸柱侯牛腩煲熱辣辣上枱，香噴噴！牛腩煮得幾入味，口感軟腍！食到啖啖柱侯嘅香味，味道好夾，我好快就已經撈埋食左一碗白飯餐廳整體食物質素都唔錯，下次會再帶家人黎食飯，唔知道佢哋會唔會鍾意食呢？