喜記蟹將軍

营业中

休息中

🌃 尖沙咀呢頭永遠都好熱鬧，呢間「喜記」旗艦店裝修夠晒闊落，有種舊式大排檔嘅溫暖，又帶點時尚感，未食已經覺得舒服。📝 落單時熱情推薦招牌避風塘炒辣蟹，話呢度隻隻都爆膏爆肉，梗係要試啦！🦀 首先登場嘅避風塘炒辣蟹，一上枱已經見到滿滿金黃色蒜粒鋪喺蟹上面，辣椒同乾蔥嘅香氣撲鼻而來！蟹鉗有半只拳頭咁大，辣度剛剛好，帶點微辛反而更凸顯蟹嘅鮮味！🐟 跟住嚟嘅椒鹽九肚魚，上菜時熱氣騰騰，魚身炸到金黃酥脆，椒鹽味調得剛好，鹹香酥脆，魚肉本身冇咩骨，啖啖肉好啱我呢啲懶人，一碟轉眼就清光～🥩 最驚喜係避風塘牛仔粒！外層帶點避風塘嘅香脆，內裡軟嫩多汁，肉味濃郁，配埋炸過嘅蒜粒，呢個配搭真係估你唔到，連平時少食牛嘅朋友都食多咗幾粒～🥬 蒜蓉菜心綠油油，菜心夠嫩，簡簡單單但做得細心，平衡返成臺濃味餸，剛好中和返個胃。🍚 成餐飯食到尾聲，嘴裡還留着避風塘嘅香口，同朋友一邊抹嘴一邊讚，呢度真係大件夾抵食，難怪開業咁耐依然多人排隊。突然覺得呢種充滿煙火味嘅地方，先係香港美食最吸引之處 💡

食蟹？一係唔食，一食就要去專門店食，最好更有人幫手搣蟹鉗！以為妙想天開，原來香港真係有咁嘅服務，尖沙咀美麗華廣場的「喜記蟹將軍」，有專人代勞，打碎蟹殼起肉，據說因為了解客人的難處，牙齒保護更重要，真細心！高級商場內，環境衛生舒服，周一晚都滿座，記得訂位。兩個人，點四樣：豉椒炒蜆 $108，大大粒肉，醬汁好好味。避風塘炒肉蟹 $788，超美味，肉蟹鮮嫩無比，新鮮的甜味，梳梳蟹肉，大量炸蒜，香而不辣。乾鍋花菜 $98，幾辣吓，但咁樣先至香，好爽口，我鍾意食。招牌蟹油炒麵 $88，個樣似豉油王炒麵，當然食起上嚟味道更加香，更豐腴。燕窩雪梨雪耳糖水，最後贈送的，真係唔簡單，有燕窩食，出乎意料之外，少少甜咋，感覺好清，食得健康。朋友真係好介紹，呢餐非常滿意！

呢度係專食海鮮嘅舖頭款式種類都幾多而且好衛生有價機械人車送到你個位侍應阿姐好好禮貌，會幫你剝蟹 食得輕鬆，又舒適肉蟹一隻 嗌咗小辣估唔到會有咁澎湃嘅炸蒜成座山咁高啲肉蟹辣辣地甜甜地 蟹蓋仲有蟹膏 喜記椒鹽富貴蝦 成隻手咁大嘅瀨尿蝦侍應幫手拆肉之後 真係成啖肉咁樣食落口啲椒鹽味好香豉椒炒蜆 個黑椒味道幾濃郁 啲蜆都大大隻 有口感蒜茸時蔬熱辣辣炒出嚟幾香招牌蟹油炒麵 呢個一定要食，因為啖啖都充滿蟹嘅香味炒麵幾硬身 好有口感

喜記喺香港都開咗幾十年，係以食避風塘炒蟹出晒名，見尖沙咀都有分店，又見佢裝修幾靚同地方闊落，就入去試吓睇下質素仲keep唔keep到～-嚟呢度食，一定要食避風塘炒辣蟹，啲炸蒜多到滿瀉，香口唔油膩，仲有陣陣蟹香，用嚟送飯一流😋蟹鉗見到大大隻，入面都係啖啖肉，連埋炸蒜一齊食，食都停唔到口🤤-由於炸蒜太正，所以叫多個避風塘炒牛河🤣牛河炒得夠乾身唔油膩，配埋炸蒜有啲脆脆地嘅口感，比起平時食嘅牛河味道特別濃郁，特別正👍🏻-食熱氣嘢唔好俾佢停🤣呢間店另一鎮店之寶，椒鹽九肚魚，梗係要試吓啦，一咬落去熱到出晒煙，證明即叫即炸！而且粉漿唔厚，外脆內嫩，果然名不虛傳。-最後叫個冇咁熱氣嘅牛肉粒，估唔到佢係連牛骨上，賣相一流🤣牛肉啱啱煮到五成熟，牛味好濃，而且肉質夠淋，估唔到呢到唔止海鮮好食，連牛肉都咁正👍🏻

忙左成個星期Happy Friday梗係要食餐好😋 同事帶路來到尖沙咀食我最愛嘅海鮮餐🦀 我地點了幾款招牌菜😍 🌟避風塘炒辣蟹🦀賣相固然吸睛🤩蟹肉鮮嫩肥美， 蟹鉗裡的肉質特別結實飽滿， 炸香的蒜蓉和辣椒碎均勻地附著在蟹肉上，脆卜卜，又唔太辣，正呀！ 雖然點的是小份，但份量依然很足👍🏻 吃得十分滿足，最驚喜的是有專人幫我地拆蟹鉗，啱哂我呢啲鍾意食蟹又唔想拆蟹嘅 小吃貨😆😆 🌟喜記椒鹽富貴蝦我地揀Stardard Size 都幾大隻🤩 富貴蝦肉質鮮嫩多汁，椒鹽味道滲透到了 每一口蝦肉中，外酥裡嫩，啖啖肉😋 🌟豉椒炒蜆蜆肉鮮甜肥美，清洗得十分乾淨， 沒有沙子，搭配適量的蒜和豆豉， 讓整道菜更加惹味😛 🌟金銀蛋浸時蔬時蔬選用了小白菜，配金銀蛋，讓整道菜清爽可口，小白菜清脆口感，又融入了金銀蛋的獨特風味，好適合搭配其他重口味的海鮮一起食😚 🌟招牌蟹油炒麵炒麵的面條吸收了蟹油的鮮香， 口感爽滑而不油膩，加上炸香的蒜味道更令我食慾大增，嘿嘿😜 整間店以暖色為主調🔸裝修風格典雅🙆🏼‍♀️ 營造出溫馨而高檔的用餐氣氛，枱與枱之間有充足空間，坐得好舒服😀房入面有幅美人魚🧜‍♀️牆好有特色， 望住美人魚🧜‍♀️食

喜記正宗炒辣蟹（小）：一上枱就聞到陣蒜香辣椒嘅霸氣，隻蟹好大隻呀！侍應仲會幫手開蟹鉗添！小辣對我嚟講剛剛好，蟹肉啖啖肉又彈牙，個避風塘惹味到我想拎嚟撈飯！雖然$680係真係有啲肉赤，但係隻蟹真係好好食！抵佢係招牌！ 豉椒炒蜆 ：鑊氣十足！蜆肉肥嘟嘟冇沙，豉汁鹹香帶甜，仲有啲微辣後勁，送啤酒一流！不過有兩隻蜆仔瞓咗覺（即係冇開到），扣少少分啦。蒜蓉時蔬：食咁多濃味嘢，一定要叫碟菜平衡返。蒜蓉好香，青菜爽甜冇渣，合格！招牌蟹油炒麵：麵底炒到乾身又索晒蟹油香，邪惡度爆燈！ 本身都好鐘意食炒麵嘅我，俾滿分呢碟炒蟹油炒麵！

講食蟹一定諗起呢度，店員仲會幫手剝埋殼，坐定定等食就得🦀 正宗蒜蓉辣蟹（$788） 餐廳嘅招牌菜之一。蟹上面鋪滿咗香脆嘅蒜蓉，上枱已經聞到好香，齋睇已經覺得吸引。蟹肉味道鮮甜，蒜蓉同辣椒落得恰到好處。惹味得黎唔會搶左蟹既鮮味🐚 豉椒爆蜆（$108） 豉椒炒蜆香氣十足，蜆肉飽滿多汁。豉椒嘅香味令炒蜆增添左一份惹味🥬 豆鼓鯪魚油麥菜（$98） 油麥菜上枱時仲好脆口，鹹香嘅豆鼓鯪魚同清甜嘅油麥菜互相襯托，應該冇乜人會唔鍾意食🍝 蟹油炒麵（$88） 用左招牌巴炸蒜炒，將傳統豉油王炒麵提升至另一層次。麵條吸收咗蟹油嘅香氣，每一啖都好惹味，爽滑彈牙。

移咗民嘅舊同學返香港探親，佢話最難忘就系香港嘅美食，約咗我嚟呢間食避風塘炒蟹嘅老字號餐廳。我哋兩個真系好耐冇嚟，我哋一邊食一邊傾偈，坐咗成三個鐘😆。🥢油鹽水浸蜆$108上湯帶著濃濃嘅胡椒味，蜆肉及粉絲盡吸上湯嘅精華，咸鮮清香，系我鐘意嘅味道。🦀肉蟹$788避風塘煮法，成座山嘅香蒜，睇到都開心🤣，蟹肉飽滿，蒜香濃郁，我將啲蒜蓉鋪喺蟹肉上面，食到舔舔脷。最好就系店員會幫客人拆肉，實在太好😀。🦞喜記椒鹽富貴蝦$488巨型嘅瀨尿蝦，蝦肉肥厚，仲有好多蝦膏，椒鹽又香又惹味。🥬蒜茸時蔬（$78）：菜心新鮮，簡單清炒，清新爽口。最後餐廳仲送咗番薯糖水。呢餐食得好開心。

夜晚收工，同事拖實我衝上尖沙咀「試吓呢間開咗成半個世紀嘅喜記，你成日話無好餸！」😎一入到來已經聞到陣陣镬氣夾住蒜香撲面，牆上滿滿嘅明星合照同老字號牌照，即刻覺得呢度唔單止係食飯咁簡單。避風塘炒辣蟹比我平時見到嘅都要大隻！ 蟹肉吸滿咗辣椒、蒜嘅焦香，辣得通透卻唔鎖喉反而越食越上癮，每啖都食得出廚師嘅功力👍。豉椒炒蜆每粒蜆肉都厚身飽滿，豆豉香濃。最驚喜係金銀蛋時蔬🥬，皮蛋同蛋白蓉鋪成金黃銀白嘅，青菜食落好新鮮，食完前面啲重口味嘢最啱來翻啲菜中和下。黑椒牛仔粒煎到外焦內嫩，表面金黃得好誘人，切開嚟，中間粉嫩粉嫩嘅。原隻蠔皇扣鮮鮑魚夠曬「溏心」，咬落去彈牙又有口感，鮑汁撈飯我可以食三碗。呢個年代，連快餐都講求快速迭代，但總有啲味道，寧願慢火細熬，等時間話俾你知：真正嘅經典，從來唔需要趕住潮流💖

今日去咗老字號喜記尖沙咀旗艦店試下佢哋嘅招牌菜，真係冇令我失望😆作為招牌嘅避風塘炒辣蟹🦀，一場來到一定要點，一上枱已經聞到陣陣嘅香味，蟹肉吃落新鮮彈牙，辣中帶鮮，食到停唔到口😍。同埋成隻蟹真係好大，兩隻蟹鉗差唔多有拳頭咁大隻，幾個人 share 都夠食😎仲有專人幫手開蟹鉗，食起嚟非常方便，服務夠晒貼心。涼拌木耳就好清爽🥗，木耳爽脆，調味酸酸辣辣。食完重口味嘅避風塘炒辣蟹，再食返啲涼拌木耳，感覺好平衡，同埋都好開胃😜豉椒炒蜆都係來食海鮮必食嘅🦐，蜆肉大粒又新鮮，冇沙。豉椒嘅味道完全滲入咗蜆肉入邊，每啖都好夠味蒜蓉粉絲蒸蟶子🐚，呢度嘅出品真心唔錯，件件海鮮都係大大件嘅，成個蟶子有我半個手臂咁大隻😮。蟶子鮮甜，蒜蓉同粉絲吸收咗蟶子嘅鮮味，蒜香粉絲又軟又入味，同蟶子一齊食，口感豐富😋因為都差唔多夠飽到食唔落飯，所以最後點咗個主食蟹油炒麵🍜，炒得乾身又有鑊氣，蟹油香滲嗮入每條麵入邊，好香口🤩​​喜記嘅出品真係好有水準，我就一定認準呢間尖沙咀嘅喜記旗艦店喇！每道菜都好用心炮製，食材新鮮，味道又好。環境都舒服，應該會帶埋屋企老人家再嚟多次🤗

今晚約左家人到尖沙咀食晚飯，屋企人都係熱愛海鮮分子，於是去左喜記蟹將軍，佢係著名炒辣蟹店喜記開設嘅尖沙咀旗艦店，係老字號號餐廳，屋企人好中意。喜記正宗炒辣蟹（小辣）$788上枱時店員會細心地幫手拆一拆肉，方便食用，蟹肉鮮甜嫩滑，尤其蟹鉗啖啖肉，辣味適中，炒香蒜蓉帶出濃郁香氣🤩啖啖肉配埋香脆嘅蒜粒，口感豐富，令人停唔到口喜記椒鹽富貴蝦 $488富貴蝦即瀨尿蝦，蝦肉非常鮮甜彈牙，外層炸得香脆，椒鹽同炸蒜片香口惹味，而且一隻都成隻碟咁大，share食都好滿足椒鹽九肚魚 $108九肚魚炸得金黃香脆，內裡嫩滑不油膩，椒鹽味令魚肉更加鮮甜，伴酒一流豆豉鯪魚油麥菜 $98油麥菜嫩而帶脆，豆豉鯪魚咸咸香香。令每一啖都濃味惹味，而且香口得黎　唔會太油膩招牌蟹油炒麵 $88麵條彈牙乾身，唔會太油膩，蟹油香味濃郁，口感一流📌喜記避風塘炒辣蟹（旗艦店）」地址：尖沙咀彌敦道118-130號美麗華商場2 期2樓268-270號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igf

今日同朋友去咗試下佢哋嘅招牌菜，真係冇令我哋失望！喜記尖沙咀旗艦店作為一間老字號，果然有佢嘅獨到之處😃​​一定要講嘅就係佢哋嘅避風塘炒辣蟹🦀，呢個真係招牌中之招牌，嚟到呢度一定要試下👍 蟹大大隻，一上台就已經好吸引眼球👀。服務員好貼心，會主動過嚟幫手，將蟹拆好，方便我哋食用。蟹肉鮮甜飽滿，避風塘嘅炒法令到蟹殼都變得好香脆，再加上辣椒🌶同蒜蓉嘅香氣，食落去好惹味，辣度亦都啱啱好😋​​跟住就係招牌乳鴿，皮脆肉嫩，見到呢個色澤已經流曬口水😍！乳鴿嘅肉質好滑，而且好入味，鹹淡啱啱好，一食就知呢個乳鴿嘅製作工序好講究🤩​​椒鹽雙拼都好唔錯。九肚魚炸得外脆內軟，魚肉好似豆腐咁嫩滑，椒鹽調味好到位；魷魚嘅口感就好爽脆，咬落去好有嚼頭，同九肚魚嘅軟嫩啱好形成對比😎除咗招牌海鮮菜式，鹹蛋黃蒸肉餅，都好值得一讚。鹹蛋黃嘅味道好濃鬱，蛋黃大大粒🥚，鹹蛋嘅味道同肉餅完美融合，令到肉餅嘅味道提升咗唔少。肉餅本身亦都剁得好細膩，食起身好彈牙，用嚟送飯一流🍚​嚟到餐廳就感受到濃厚嘅老字號氛圍，到每一道精心泡製嘅招牌菜入口，再加上服務員周到貼心嘅服務，每一環都處理得無懈可擊👏​

成班朋友走黎呢度圍住食海鮮大餐，涼涼地食完之後週身暖笠笠，真係好滿足！🔥 今次試咗幾款招牌菜，每道都令人回味無窮～🦀避風塘炒辣蟹呢個係餐廳招牌菜點可以唔試下！蟹殼炸到金黃，蟹肉鮮甜仲帶住陣陣蒜香🧄🌶，辣得啱啱好，唔會蓋住蟹本身嘅鮮味。蟹鉗已經擘開，食起身超方便！🦐招牌椒鹽富貴蝦蝦身炸得外脆內軟，椒鹽味濃鬱到滲入蝦肉裡麵，仲有好多膏💥，正到痺！🐚豉椒炒蜆蜆肉肥大鮮美，蜆殼裡麵嘅汁都係精華，送飯食一流🍚，連啲汁都唔想浪費！🕊紅燒乳鴿乳鴿外皮燒得好酥脆，裡麵嘅肉汁豐富，咬落去啖啖肉香。乳鴿都係出爐唔耐，熱辣辣嘅！🥬蒜蓉炒菜心菜心新鮮爽脆，蒜蓉炒得香噴噴🧄，食完咁多煎炸嘢，食返啲菜清清腸胃。🍚瑤柱蛋白炒飯炒飯顏色潔白，瑤柱絲同蛋白分佈均勻，食起身鹹香可口。呢度環境好好，啱曬一邊食野一邊傾計👨👩👧👦，呢個寒雨天真係窩心到痺❤！

中國人向來喜歡食海鮮, 講到食蟹, 避風塘炒辣蟹就最為惹味, 美麗華商場呢間食蟹名店, 裝修以至食物質素都好講究。招牌炒辣蟹肉蟹置於大量炸蒜香料上, 香氣撲鼻, 可謂先聲奪人。店員為蟹鉗拆肉, 再鋪回蟹的形狀, 方便食客進食。蟹肉清甜嫩滑, 加入辣椒和蒜末, 香辣惹味, 金黃酥脆, 風味獨特, 而且有多層次口感。豉椒炒蜆鮮甜蜆肉沾滿豉椒醫汁, 香味四溢, 爆炒鑊氣十足, 大蜆肥美肉厚, 充滿大排檔風味。椒鹽富貴蝦富貴蝦大隻香脆, 肉質結實鮮甜, 入口陣陣濃郁椒鹽味道, 十分惹味。還有豆豉鯪魚油麥菜, 豉香油滑。招牌蟹油炒麵彈牙有鑊氣, 充滿蟹油脂香。最後來個番薯糖水, 滋潤解膩。

講到食海鮮就份外眉飛色舞, 避風塘炒辣蟹更是令人垂涎三尺 這間位於尖沙咀美麗華商場嘅海鮮酒家, 裝修有格調, 用餐環境舒適。喜記正宗炒辣蟹小辣嘅辣度, 炒得好香口, 蟹隻好有份量, 店員協助拆開蟹鉗, 蟹肉肉質鮮嫩, 加上大量脆香蒜末, 惹味又不會蓋過蟹肉的鮮甜味, 口感好豐富。喜記椒鹽富貴蝦份量十足大蝦充滿椒鹽香氣, 金黃脆香而且蝦肉好爽甜, 蝦膏甘香濃厚, 令人回味。豉椒炒蜆蜆肉鮮甜肥美, 和豉椒鹹香是理想的配搭, 鮮味可口。豆豉鯪魚油麥菜油麥菜鮮甜幼滑, 配搭豆豉鯪魚, 鹹香油滑。招牌蟹油炒麵炒麵煙韌有嚼口, 沾滿惹味蟹油, 炒得有鑊氣。