喜滿樓菜館

营业中

休息中

我唔鍾意食煎炸菜式怕熱氣，舊同學約食飯一定捧場，好彩喜滿樓個餐牌有好多唔熱氣菜式，同理價錢唔貴。佢地點左芝麻雞、黃金脆蝦，蜜椒脆鱔球、南乳脆豬手、焗魚腸。我就點左清淡嘅招牌欖角骨、豉椒蒸大鱔陳村粉、上湯魚肚浸勝瓜、黑松露鮮魷蒸肉餅。我一直對食物質素及環境衞生有要求，而令我們一直光顧，當然唔可以差，也不能貴。值得提係呢度有好多健康美食包括涼瓜餐牌及蒸類菜式。服務方面也好，唔會催落單亦唔會趕你走，可自帶紅酒及來料加工。款式多，蒸炒煎炸任君選擇。

我家人最喜歡鑊氣小炒，之前幫襯過喜滿樓幾次，仲有好多款懷舊菜，大人同細路都啱食。今次有點貪心，想食齊兩款招牌雞，所以叫炸子雞同芝麻雞各半隻，簡稱鴛鴦雞。 呢道功夫菜，將雞鋪上芝麻及封乾，技巧一流。芝麻雞皮脆肉滑，芝麻香味入口即溶。炸子雞也一樣，皮脆肉滑，既傳統又懷舊。另外叫了新加坡酸辣骨，酸甜辣味恰當，一字骨夠哂新鮮。其他叫了古法焗魚腸、招牌欖角骨、黃金虎蝦球，蜜椒脆鱔球加腰果，質量仍保持高水平，芝麻雞及炸子雞可以一雞兩味，值得一試。

方便舊同事放工一齊聚舊食晚飯，同事推介在馬頭圍小店食懷舊小菜，到達後出乎意外，有點失望，地方狹窄，座位擠迫。餐牌有好多懷舊小菜推介，我哋好像同煎炸食物有很大仇口，除了炒菜外，通通叫油炸食物。晚飯前夕，菜館來電要求我哋預先訂菜，免得到時失望而回，心想，我哋又不是食山珍海味，只食普通懷舊小菜，都要預留菜式，聽取菜館見意，預留三個小菜，鎮店推介芝麻雞，黑松露蝦多士，錦鹵雲吞。現場再落單椒鹽鮮魷、喜滿小炒王，黃金脆涼瓜、家鄉鹹魚煎肉餅、馬拉盞炒通菜，菜館標榜菜式烹調屬少鹽、少油菜式，可能是這個原因，每道菜式，吊不出味道，不能用色香味去形容，整體有點失望。還有不知道菜館是否響應政府推行環保，冷氣嚴重不足，食客們吃到大汗淋漓，最不滿就是經常被侍應騷擾，不停輪流問你是否要加餸或是否有興趣吃推介的甜品炸糯米糍，一聽到炸糯米糍有點怪誕，我哋6位女士order 8個小菜，還問我哋是否要加菜，給我們的感覺好像催促人客快點吃完結帳離開，免得阻礙她們收工。總言之整晚一肚氣收場。

不知媽媽從哪看到這間在土瓜灣的人氣懷舊菜菜館，所以趁著慶祝父親節去試了一試。店內環境真的如網上所指，座位較迫狹，格局像茶餐廳，菜式跟氣氛兩者是有點沖擊的。菜式選擇非常多，花多眼亂。.✾ 秘製芝麻雞 (半隻) $188傳說中的招牌菜，店內的牆上也佈滿了媒體的報導。滿麻麻的芝麻滿佈雞皮上，非常香脆，雞肉都嫩滑，配上日式芝麻醬可選擇沾上調味。不過不沾其實亦很夠味。.✾ 原隻菠蘿咕嚕肉 $248原隻菠蘿上枱是吸引眼球的，菠蘿鮮甜，咕嚕汁做得不錯，但排骨肉質較結實，炸粉少少厚。整個菜式感覺有點喧賓奪主，價錢不算平，感覺就是付了給鮮菠蘿殼。.✾ 風沙脆鱔球 $178鱔球尚算脆口乾身，惹味的一道菜，不錯的。.✾ 古法焗魚腸 (中) $188基本上我們一家到哪裏食中菜都會點的一道菜式。而這個比一般的濕，因為他們所用的是肥脂較多的魚腸。味道不錯，但若論口感，好像還是乾身的較好。.✾ 豉油王炒麵這個炒麵倒是挺不錯。目測已看到炒得很乾身味香，店內主張菜式以少油少鹽製作，所以這個炒麵也不會太油.✾ 腐乳通菜正常爽脆.初訪整體觀念還可，未有太大驚喜，如果是街訪可能會是常客，但未有太大回頭的念頭。

五個人來食晚飯，平均每人百五元以上，沒有飲酒，每人一罐汽水。芝麻雞食物品質估计是急凍雞，肉質粗及完全沒什麼雞味。小炒皇味度極喊。腰果是霖的完全唔脆。啫啫生菜很多油。喊味重手左。食咗面上幾條菜，中間及煲內餘下是油浸住啲菜，完全唔健康。通菜就還可以，小小喊。肉排估計是用加工醃製了，令到肉質完全冇晒口感，咬落啲豬肉有少少霉左嘅感覺。個軟殼蟹質素很一般，上菜亦非常慢。可能今晚有馬跑，個廚師唔知係咪只顧看賽馬，完全唔係其他人的評分咁。

之前經過土瓜灣，行過呢間咁有特色嘅舖頭，所以決定訂位，今天來試一試，我們其叫了其中一個是蝦多士，味道非常爽脆，有很多新鮮的蝦肉，非常出色，功夫都要做得好，其實炸得外脆內有肉汁，其實是很有功夫的，另外我們叫了一個牛柳粒，外面很脆，而且蜜糖味也很重，但是黑椒味道和蜜糖不會大家掩蓋，能是互相輝映，所以這個餸菜也非常出色，有口感，能吃得到黑椒的香味，但又可以發揮到蜜糖的甜味，我很喜歡這個餸菜，另外點了一個芝麻雞，它的肉非常鮮嫩，不會有很乾的感覺，而旦感覺上不油膩，很健康另外我們叫了一個原個菠蘿咕嚕肉，可能本身我喜歡吃咕嚕肉，口感也非常不錯，因為不像有一些舖頭只是着重麵粉，裏面的肉，，肉質非常鬆軟，而且還有一些新鮮菠蘿做配菜，値得推介我們還點了一個椒鹽白飯魚，這個感覺，因為可能白飯魚本身很有無咩肉，所以吃不出來，感覺像吃一些炸粉，本人覺得這個麻麻哋，但整體來說我覺得這個懷舊中菜廳是很不錯的，我也希望有更多的人可以過來土瓜灣。這些地道風味，它是士瓜灣一個出色的菜館。。

一日前預訂了芝麻雞，蝦多士，爵士燉湯，順便預留埋蜜椒鱔球同甜品炸米糍。七點入坐時樓面阿姐細心安排，加單叫咗必食嘅家鄉蓮藕煎餅、鮮菠蘿咕嚕肉，可惜陳村粉已經賣晒，有點失望。招牌菜式芝麻雞、蝦多士、蜜椒鱔加腰果水準高，推介臘味炒飯，估唔到炒到似糯米飯咁出色！第一次食芝麻雞，有點兒期待，雞皮香脆，肉嫩好味，沾埋芝麻醬特別好食，值得再食。最特別個甜品炸米糍，裡面有紅豆或黑芝麻。順帶一提，呢度好多特別招牌菜要預訂，所以訂位時要睇清楚餐牌。

長輩生日想揀一間有懷舊粵菜味道，又要係九龍區，又要價錢實惠，朋友介紹下去咗土瓜灣喜滿樓菜館。食物水準高，值得我開筆讚下。八珍豆腐：有豬潤、鮮魷、叉燒、虎蝦球好多材料，豆腐超嫩滑覇王雞：本來想食芝麻雞，為咗長輩清淡啲，雞肉嫩滑，肉質鮮美，加埋葱油香更好味錦鹵雲吞：雲吞又大又脆，𥚃面有隻蝦同墨魚滑，配上特製甜酸汁用料豐富有虎蝦、豬潤、叉燒、鮮菠蘿，酸酸甜甜又開胃梅菜炒菜心：菜心青嫰，配合埋甜梅菜一齊炒，味道提升秘製蓮藕煎肉餅：煎得香脆，保存到肉汁同豬肉既鮮味，仲加埋臘腸粒最後叫咗家鄉炸米糍呢懷舊甜品，一個完滿的晚餐。

我哋一行10人去喜滿樓聚下舊，雖然話隱世，但其實識路就好易去到，土瓜灣站C出口高山道直行，好快就到，好彩我哋有訂位就唔駛等。芝麻雞外皮夠脆唔油膩，肉質嫩滑唔膩口。招牌欖角骨絕對值得一讚，一字骨肥瘦適宜，一食就知用靚骨。黑椒茄子牛柳，蒜頭配料太多，牛柳都算嫩滑。椒鹽鮮魷係我呢餐最鍾意嘅，外脆內軟，新鮮味濃脆得唔油。值得一提係蝦多士，蝦滑鮮甜仲夾有原隻蝦，多士夠脆口，甚有口感。呢度少鹽少油少味精，碟碟鑊氣十足。

跟咗YouTuber馬先生嘅介紹，黎試咗幾款菜。有梅子芋頭鴨，錦鹵雲吞，枝竹豆腐火腩鱔煲，芝麻雞。好食嘅有鱔煲，正常嘅煲仔菜都有少少嘢未，所以如果難食嘅就執得。錦鹵雲吞，我覺得正正常常，汁唔算太酸，正常生炒骨嗰啲汁，雲吞入邊得隻蝦，其實冇乜驚喜。佢哋嘅金牌芝麻雞，我就真係唔覺得有咩好食，芝麻冇煎香，隻雞又冇咩雞味，完全被芝麻味冚咗。最慘係梅子芋頭鴨，個梅子汁其實冇乜梅子味，只係少少酸有啲似生炒骨汁，成隻鴨啲味俾個汁蓋過晒，芋頭又唔係好入味。結果主菜雞同鴨都唔理想。可能各花入各眼，不過我覺得有好多舊排檔都好食啲。

昨天我寫了一段喜滿樓港式早餐的食評。我想必定是因為相片所拍的是光盤，顯示不了甚么食物就不被通過。今天我再自攜食物盒去買同樣的蕃茄濃湯豬肉絲米粉及炸魚柳，配餐肉煎蛋和絲襪奶茶。我是真的想再食，不是為了寫食評! 結果既有失望，也有驚喜! 10:30 蕃茄濃湯已經賣光! 我順其自然點了豬肉絲及防鮑魚絲加火腿絲雙拼米粉，另加一份炸魚柳早餐。回家後發現仿鮑魚絲不見了，只有豬肉絲及火腿絲，但這个喜滿樓自家制作的湯底卻超越了一般茶記，讓我一再驚喜地光 盤。炸魚柳還是昨天的味道，這份炸魚柳無論是份量或質量都超越了三家有名氣的連鎖快餐。我除了白醬汁之外也是光盤! 絲襪奶茶也超越了一般茶記，但在我咀裡只能夠算是是第二級。一般茶記只有三到五級之間，又或甚至不及格。我需要一提就是我選擇這个雙拼就讓仿鮑魚絲和火腿絲取代了一塊厚吐司和餐肉煎蛋。先不說店家漏了給我仿鮑魚絲，綜合其他，我下一回一定不會再點雙拼。

第二次嚟喜滿樓，水準依然出色。新推出多款懷舊菜，令人有時光倒流既感覺，好多懷舊菜式都係未食過，係味覺新體驗，夠哂新鮮感，適合老中青口味。首選招牌芝麻雞，皮脆肉嫩，芝麻鋪滿面，薄薄雞皮加上芝麻香，再沾啲芝麻醬，令到雞肉更惹味。另外點了八珍豆腐煲、蝦多士、梅子鴨、錦鹵雲吞、客家蓮藕煎肉餅。特別讚下個蓮藕煎肉餅，裡面有臘腸粒，好惹味。係元朗咁遠過嚟食都值得，款款懷舊菜都有時光倒流既風味，其他食店都食唔到。

喜滿樓係食傳統風味地道菜，食落一點都唔老，而且有特色，味道唔錯嘅菜館。週末晚上到來，已經坐得滿滿，一班朋友訂了二樓大檯就坐。揭開餐牌望一望，發覺有多款好合口味的特色小菜，樓面姐姐推介最受歡迎嘅芝麻雞、蜜椒脆鱔球、鳳味蝦球、避風塘鮮魷、陳皮蒸肉餅同雞油炒豆苗。樣樣都有水準食過番尋味。最好味係蜜椒鱔球，食落無骨淡淡肉，沾了蜜芽糖在面。個芝麻雞同避風塘鮮魷香口惹味，避風塘鮮魷夠新鮮，只可惜有點辣，下次要叫少辣。

蕃茄濃湯粉和炸魚柳早餐不是新鮮事。家里人也多次提及喜滿樓的早餐可以。畢竟喜滿樓是飯店，一直沒有足夠動力去一試! 今早自攜外賣合買了蕃茄濃湯豬肉絲米粉及炸魚柳兩份早餐。邊食邊被這个新經驗更新我的味覺及推高我日后的要求。有緣你自己一試吧！

今日得閒睇番手機D相，好耐冇寫食評，呢間土瓜灣店純係直覺揀，主要係西鐵延長線可以不用轉車可達😃先講鋪面，真係唔起眼，似快餐廳。叫咗惹味欖角骨，來到見是用腩排，肉不乾也不太咸，五個人很快掃清。再來是焗魚腸，一般都是重胡椒，這個屬清淡不腥也𠕇果皮香，不過我稍愛重蛋香的。叫了清炒豆苗，可以。反而砵酒焗蠔有些失望，酒香稍遜甜味太重，上桌時也不夠熱，還是喜愛用錫紙包著上桌才𠝹開的吃法😋。見旁邊叫招牌芝麻雞也叫了半隻，可以，不過除多了芝麻也沒怎樣味道突出，下次試叫燒雞。因為不好飯，叫了個豉油王炒面，這個好吃可以encore👍🏼👍🏼埋單時用開飯訂座有9折，總的來说，不錯。