喜滿樓菜館

营业中

休息中

土瓜灣呢間懷舊菜餐廳之前都食過，上星期六再幫襯，當日我地8個人叫咗芝麻雞、爵士燉湯丶蝦多士、蓮藕煎肉餠、鮮菠籮咕噜肉同砵酒蠔煲。小菜色香味都達到水準，個人好鍾意個鮮菠籮咕噜肉，新鮮菠蘿帶出果種鮮甜能同肉香，咕噜肉外脆内嫩。特別推介蝦多士，真材實料，多士夠脆，蝦膠夠彈牙，仲有原隻鮮蝦夾作中間，多層次口感。最激讚係個爵士燉湯，數過啲材料有蜜瓜丶螺頭丶金華火腿丶雞腳同豬𦟌咁多，夠哂滋潤。整體價錢適中，份量都幾多，個人覺得係良朋歡聚唔錯既選擇。

早1個幾禮拜BOOK位, 聽電話阿姐即時confirm有枱, 仲話唔係waiting, 我同時話想訂埋D餸, 阿姐話weekend 先send menu俾我, 之後先留。係呀, 食之前果禮拜6收到whatsapp menu, 我禮拜日覆返留咩餸, 之後一路都無人覆, 打去餐廳個阿姐又話食之前果一日先會覆, 甘我再等啦, 等到我去食果日都無人覆!!! 有心開舖既甘樣做生意????上網睇返原來慣犯黎，如果你哋想去食，真係要唸清唸楚！仲有佢send俾我個menu比起1,2個月前啲影出嚟啲相又加左價，去到甘既價錢真係有大把選擇，無謂到時一肚氣！

早兩星期經Open rice 預訂,太跨張啦，我地有5個人,再提前一日落定幾個預訂食品。爵士湯～6位份量，夠分10碗，個湯好甜好清潤,有蜜瓜，豬𦟌，雞腳，金華火腿。鳳尾蝦球～6件,蝦球好足料啊…啖啖蝦肉味好彈牙啊…芝麻雞1隻～傳統食品怖滿芝麻，隻雞上下部分應該腌得唔均勻，上部份有咸味，下部份無味道，要點芝麻醬先有味，如果要試可以叫半隻試吓荷葉蒸蟹膏炒飯～用荷葉包住上層係原隻蟹，下面係臘味，潤腸炒飯，將蟹蓋膏撈埋炒飯食，簡直一流原本已預訂埋黑松露蝦多士，然後店員跟我講原來跟鳳尾蝦球同一樣食法，祗係有多士同無多士的分別，最後便睇餐牌轉食其他咕嚕肉～用新鮮菠蘿炒，個咕嚕肉外層脆的，正常味，沒太大驚喜黑松露墨魚餅～個墨魚餅都好食，同蝦球一樣彈牙，一定要叫啊…然後叫左個炒豆苗正常，喜滿樓標榜少油少鹽，都算係嘅。最後店員問我地要唔要甜品炸糯米糍有5粒內有芝麻，花生，紅豆味道都好食的

上星期一家人去土瓜灣食團年飯，要泊得車又方便都係去喜滿樓，最緊要係衞生企理，食物質素有保證。預訂了爵士燉湯、芝麻雞、椒鹽鮮魷、鳯尾鮮蝦球、芥末沙拉骨，黃金蠔及八珍豆腐。首選係招牌菜芝麻雞，坊間少有，味道一流，手工精湛夠特色。做得招牌菜唔會衰，沾上自家製辣麻醬，令到芝麻雞生色不少。黃金蠔，鹹蛋黃味唔錯，香口惹味。鳯尾鮮蝦球用自家手打蝦膠，又新鮮又彈牙，包住隻鮮蝦，係今餐的最驚喜。喜滿樓呢啲懷舊菜館已買少見少，埋單唔使三千蚊，性價比高！

晌11月試過同同事食….覺得味道唔錯！於是今年團年飯，我就提議同屋企人去食，22/1打去訂位31/1，當時聽電話嗰位話，我哋係正選，唔係waiting list上面，不過都要等佢同事打嚟落實。等緊嘅期間，由於之前我哋訂位話因為有老人家，我哋唔上樓上了，但發現原來樓下只係茶餐廳嘅正方形枱，所以再打去更改話都係可以去樓上。同時間亦都同接聽電話嗰位職員講話，仲未有人打嚟確認訂枱，職員叫我哋留低電話。然後一路等，去到27/1，我又再打去，仲未有人確認訂枱，職員都係叫我留電話。到29/1，我再打去，因為佢哋有啲菜式需要一日之前預訂，職員都係叫我留電話，話夜晚九點幾十點會有人打電話俾我。結果去到30/1，都仲未收到任何人電話，打電話去，都係話叫留電話！我有同11月當日都有去食飯嘅同事講，原來佢哋響一月嘅時候都有再去食，又係發生訂位混亂嘅情況！

土瓜灣有好多菜館，最近都引起不少討論😂，例如一間被質疑性價比，另外一間被熱烈討論的是老闆娘。我今日為大家介紹的是土瓜灣菜館的中堅份子💪，老字號「喜滿樓」。「芝麻雞」🐔絕對是必吃的招牌菜。香脆的炸子雞鋪滿金黃的芝麻，這道菜色香味俱全。喜滿樓的「黑松露墨魚餅」充滿墨魚鮮味，吃得出真材實料。另外我也點了經典的椒鹽白飯魚😆及鱔煲。最後也吃健康的豆苗。喜滿樓是土瓜灣有名的菜館，大家快點來試一下香港味道。

這家位於土瓜灣鬧市中心的餐廳，名為「喜滿樓菜館」，地理位置相對熱鬧，但從土瓜灣地鐵站C出口出來，只需步行兩次三分鐘即可到達。這家餐廳的知名度較高，因此如果沒有提前預訂，現場等候的時間可能會比較長，你會見到很多人於門口等候。以下是一些值得推薦的菜式：1. 芝麻雞：這道菜以嫩滑的雞肉搭配香氣四溢的芝麻醬汁，口感香脆，風味獨特，芝麻可以鋪滿整隻雞。2. 蜜椒角牛柳粒：這道菜以嫩牛柳粒炒製而成，配以甜蜜的椒子和其他香料，味道鮮美，有甜亦有黑椒的感覺，嫩滑非常並且惹味。由於我與友人怕熱氣，額外加點西芹炒班球，西芹的清脆口感和班球的彈牙口感相互搭配。建議下次帶埋夏枯草或是涼茶以中和小炒的鑊氣。雖然店家很值得推介，但要注意的是，店面空間、座位以及桌面相對較窄，且放置背包可能會有些困難。有時候，你可能會與背靠背的人坐在一起。如果搞多人有機會安排入最入面的位置，或是單數進來如三人可坐四人枱以多一張椅子擺放物品，盡量不要坐於出菜位附近因為空間太窄，但整體意見味道為上皆之作。

👆🏻《土瓜灣人氣懷舊菜館》必飲爵士湯😍必食芝麻雞，焗魚腸，超大蝦多士🥳喜滿樓菜館｜聚餐一流😋土瓜灣美食｜自費食評｜真實食評｜粵語中字｜4K Eng CC當日係11月，秋風起，涼涼地，嚟喜滿樓飲佢嘅招牌爵士湯就岩哂🤩 好清好好飲，6人份量我地8個人都夠飲，大推～介紹番呢度必食嘅幾款懷舊菜：必食芝麻雞，焗魚腸，超大蝦多士😘呢度有兩層都成日爆滿，記得提前訂位啦～ 芝麻雞炸得好香，味道比較淡，佢有個和風醬汁點嚟食，另一款係炸子雞，個皮炸到好好食。 焗魚腸正呀，唔腥又好送飯，熱辣辣好食，魚腸亦都好長好大條嘅蝦多士叫左兩款味道，我推薦食黑松路味，香口D，好大塊架，好似去似果啲蟹蚶咁啖啖肉🤩

上星期跟幾個老友出來聚舊，去咗喜滿樓食懷舊菜。好多人將喜滿樓同金碧比較，其實各有千秋，我就鍾意呢度多啲，呢度環境夠晒街坊風格，食得唔拘𧫴。菜式選擇超多過百款，價錢大眾化，仲有好多創新菜式，適合各年齡層食家。當日㸃左幾款懷舊菜：龍皇杏汁白肺湯丶風沙雞和芝麻雞各半隻、荷葉蒸膏蟹臘味炒飯、啫啫大鱔煲、避風塘鮮魷、蝦多士、焗魚腸等。菜式有新意，味道一流，夠鑊氣夠風味。招牌菜首選是芝麻雞，芝麻雞勝在芝麻夠脆夠香，風沙雞勝在夠蒜香，皮薄肉質鮮嫩有雞味，有層次口感。蝦多士更是一絕，真材實料。老友們個個食得高興，夠哂和味。

服務態度真係超差羅，21號打電話book29號位，話要waitting list，會係幾日內覆電話confirm有冇位，直至27號打電話再問，又覆要夜晚先知，到夜晚八點再打，又話會10點前覆實有冇位，到過左10點都無電話到，又再打電話去問，又話好忙呀未覆到住，咁樣不如唔好set過waitting list 啦，好多野食又要預早幾日訂好，咁即係想點呢！叫我哋有位都食唔到想食既菜式？如果d野食好多都要預早準備甘不如吾好整個waitting list啦，專心做現有booking好過啦，又怕比人甩底又要hold住其他人

朋友想搵間好食嘅中菜，去咗喜滿樓，因為我去過幾次都滿意，之前已經訂咗幾樣招牌菜，樓面姐姐好客氣招呼，訂咗芝麻雞、爵士湯、蝦多士、避風塘炒蟹、椒鹽南非鮑魚、紅燒炒齡鴿等。芝麻雞夠特色、爵士湯夠清潤、避風塘炒蟹夠惹味、椒鹽鮑魚新鮮。賣相已經好吸引，份量亦好多，好多菜式都係用心去做，朋友都讚不絕口。尤其是個芝麻雞，雖然未必話味道好出眾，但係夠晒特色、夠晒脆皮，整體嚟講都好高分。爵士湯最啱我哋呢啲少煲湯嘅人，養顏又清潤、下次來食埋其他懷舊菜。

夜晚落樓下食個飯餐，叫左兩個全日餐 餐牌寫明奉送白飯 老火靚湯，最後碗湯從無出現過，中途問過一次，收銀呀姐向裡面敷住地扮叫了一聲，然而到走都無俾過。對叫小菜客人的招呼明顯不同，如此差別待遇，叫街坊如何接受，店裡貼滿懷舊佈置，然而服務卻沒有半點人情味。如此服務，評論食物質素已沒有任何意義，幾好味都係假。原本住喺附近，都有諗過如果好味下次叫幾個小菜招呼朋友，今晚過后將不會考慮，小店咁多，何必俾錢買難受。 PS 店裡有個可能係老闆既男人，一副狗眼看人低既樣，對住啲大6客就濕晒 哈哈

喜滿樓係土瓜灣地鐵站附近幾方便，我帶幾個美國朋友去食香港正宗懷舊菜。一行6人分別叫豉椒炒花甲煎米粉底、芝麻雞、椒鹽鮮魷、黑松露煎蝦多士、上湯鮮魚腐浸豆苗。豉椒炒花甲煎米粉底 – 花甲肥大肉厚好鮮甜，豉汁米粉是絕配，一餸兩食。芝麻雞 - 果然係招牌菜，大香里第一次食，皮香脆肉鮮嫩，原來雞都可以黏上芝麻。椒鹽鮮鱿- 超值之選，大碟有10多件，用新鮮鮮魷椒鹽好惹味。黑松露蝦多士- 以為黑松露同蝦膠混在一起，𥚃面仲夾住隻鮮蝦，賣相一流。上湯魚腐浸豆苗- 魚腐吸哂上湯，咬落去湯汁爆出嚟，用魚腐浸菜都幾特別。豆苗夠香滑，夠哂清淡。

支持懷舊菜 預早兩星期訂好枱 7:30 要等到8:10先可入座， 太多人支持 人手不足都不重要可原諒，但手本名菜芝麻雞味道普通， 梅子荔芋鴨不推介，鳳尾蝦球很高水準， 新加坡骨正常一般水準。坊間可encore 的菜館不少但此間不會推介俾朋友了。

歐錦棠曾經講過「究竟佢係神嘅化身定係地獄嚟嘅使者？」 今次來到近期力捧的土瓜灣手功懷舊菜小店 「喜滿樓」 ，選擇午餐時間光顧 ，首先來一道懷舊火腩炆大鱔煲、據YouTube 報道師傅會用不惜工本用上白鱔以致做到最盛放的玫瑰、流芳百世的效果，怎料可以鬼斧神工把爽脆的白鱔做到泥味十足、完全沒有生氣，邊食我心邊哼着許志安的「爛泥」， 叫煲仔菜最重要的是吃到熱辣辣的效果，就算你用湯匙，以免煲仔黐底也沒有「沙沙聲」的聲音，所以其實為了節省功夫，下次可以直接做一道火腩炆大鱔碟上招牌手工菜芝麻雞：付什麼價錢能夠食到什麼質量的雞這個猶如是愛因斯坦的相對論一樣，雪雞是必然的，師傅絕對可以把雞皮上芝麻做到脆卜卜值得一讚、可惜忽略視電視飲食節目主播的名句「雞要有雞味」，這道芝麻雞，完全沒有雞味，餐館其實建議沾上各大超市能夠買到的沙拉芝麻醬、個人認為完全不匹配、餐廳有准鹽、大派用場，如果為了這道芝麻雞而想嘗試的朋友我建議你只需要到北京樓吃一道芝麻蝦，芝麻的香味其實完全蓋過雞皮獨有的香味其實本人去過兩次就係為了預訂一些特別食物，例如蝦多士、店員告知蝦多士只能做晚市、誰不知我在午市的時候已經見到有對情侶在享用、而