喜滿樓菜館

营业中

休息中

我哋一行10人去喜滿樓聚下舊，雖然話隱世，但其實識路就好易去到，土瓜灣站C出口高山道直行，好快就到，好彩我哋有訂位就唔駛等。芝麻雞外皮夠脆唔油膩，肉質嫩滑唔膩口。招牌欖角骨絕對值得一讚，一字骨肥瘦適宜，一食就知用靚骨。黑椒茄子牛柳，蒜頭配料太多，牛柳都算嫩滑。椒鹽鮮魷係我呢餐最鍾意嘅，外脆內軟，新鮮味濃脆得唔油。值得一提係蝦多士，蝦滑鮮甜仲夾有原隻蝦，多士夠脆口，甚有口感。呢度少鹽少油少味精，碟碟鑊氣十足。