唯一雲貴川風味

营业中

休息中

見網上吹捧到咁正，去到咁岩唔洗等位，又講到湯低香濃又盛，入到去迫到呀媽都唔認得，又有袋野抽住，見有張櫈多就拎黎放住，點知放左陣佢要返張櫈咁就比返佢啦，我就頂住心口食，碗野又隔到老遠先放到入口。望下周圍，隔離枱有個男人淨係放細袋仔都唔問佢拎！叫左個酸辣雞肉同雲吞。酸菜唔酸。啲芽菜多到食唔到米線再加上啲肉碎多到掛曬係你啲芽菜每一吋，雲吞離曬譜，又係得肉碎，冇餡..個皮仲厚過我面皮。雞肉連評都嘥氣成碗食曬都唔知食左啲乜 好空虛。仲要咁差貴…最後，唯有再去食野🥲

行山前黎左呢度食lunch假日十二點左右唔洗排隊但食完見到已經開始要排隊叫左腩肉+爆汁豬肉丸酸辣米線小酸bb辣啊姐話肉碎已經有d辣個腩肉份量幾多同埋每一塊都幾大塊唔係碎濕濕既腩肉食落味道都幾好食但個爆汁丸冇爆汁，肉質好鬆散下次唔會再點呢個米線質地順滑q彈口感幾好

今晚去試吓呢間媒體及網路紅人推薦嘅荃灣必食米線⋯⋯⋯⋯⋯後悔⋯⋯⋯後悔⋯⋯⋯⋯排隊都算快，期間有個丫嬸幫你落單先一入到去圓枱坐6個人🙄🙄🙄我老公叫左雞亦、豬腸、貢丸 麻辣小辣（佢話不值一提唔會食第二次）🙄我叫左朱紅、豬膶、腩肉 麻辣中辣碗野一到先剿清楚D餸齊唔齊第一啖試湯⋯唔辣超油超油😵‍💫😵‍💫好似一碗垃圾倒埋一齊甘🙈淨睇塊豬膶就知賴嘢😒硬過我條命🥴🥴朱紅都算滑（唯一）腩肉鞋兼硬😵😵😵真係真心普通到唔食都唔可惜嘅米線舖－定唔會再食囉😵😵😵

隔左一排冇食米線，之後總會嚟雲貴川報到，過左2點來都仲要等一等， 但佢turnover rate好快，係門口落定單，等左3分鐘就有位，坐低叫多支豆漿，米線就到 - 食得。 我點左酸辣+豬肚+豬脷+腩肉，美味依然。其實我不嬲麻麻地佢地既腩肉，因為太瘦，一時唔記得就點左。但其他好似豬肚豬脷就好好食，好夠味，每次來都必點。但係唔知係咪點太多餸既關係，覺得米線反而偏少。睇到有d食評覺得雲貴川多油重味唔夠光鮮亮麗，要知道每間店都有其特色， 而正正呢d可能就係其他食客鍾意佢既地方。經典老店， 重口味，熟悉既味道同環境，我like喎👍

一向都知道荃灣有間好出名嘅米線，成日上米線關注組。我本身都係鍾意食米線嘅人，但係無奈住得遠。搵咗一日扚起心肝山長水遠過嚟覓食。當時到達嘅時間係4:30左右非繁忙時間，所以唔使排隊。一入到去員工都好熱情問我哋係咪第一次食，仲推薦熱門米線俾我哋。我叫咗個腩肉米線小辣首先個湯底係有啲失望嘅，淨係食得出辣味同埋花生醬味，但係期望嘅酸味一啲都食唔出，即使佢有咗酸菜喺上面，但係都稱不上為酸辣。個腩肉就不過不失，食落似係冇醃過，所以會有少少豬肉嘅腥味，但係以40幾蚊嚟講份量幾大、幾抵食不過山長水遠特登入嚟朝聖就真係一啲都唔值得，有啲失望

I rarely visit Tsuen Wan but knew that this place is renowned for its mixian so we decided to come and give it a try. Arriving at 4pm, there was no queue and we could walk straight in. Staff was welcoming and super friendly. She asked us if we have been here before. We answered no and she started to introduce us their signature mixian and suggest us the level of spiciness that we should choose. I finally ordered the signature pork belly mixian and requested mild spicy. It came with spring onions

📍唯一雲貴川風味 (荃灣)Yunnan Guizhou & Sichuan Noodle荃灣四陂坊14號地舖G/F, 13 Sze Pei Square,Tsuen Wan我朋友知我鍾意食米線 成日叫我試…🙄條人龍使唔使咁誇張最後我決定買返公司食我嗌左酸辣四味米線(有肉碎底 酸菜 芽菜)-中辣多酸走芽菜望落好似好辣🥶啲辣油好似唔駛錢咁講真嘅辣得唔夠香 一啖米線😰一啖辣油😰-雞翼不錯-豬潤 一啲都唔爽嫰 勁鞋口😅-豬紅唔錯 夠嫰滑-醬爆丸 猪肉醬汁內餡 爽口彈牙 味道不錯唔算出色 我應該唔會再食了…因為實在太太太太多油🥶

喺香港米線關注組知道有呢間米線，好多人讚好，最近搬咗過嚟荃灣，終於都搵到機會嚟試吓～（幸好唔駛排隊等位）朋友叫咗個酸辣腩肉腐竹米線，我諗唔到食咩之下聽到另一個客好熟練咁叫「酸辣腩肉豬腸米線」～決定照跟！我食咗第一啖之後個腦有好多想法⋯就係⋯⋯點解咁難食嘅？點解咁多人排隊？米線個質感係我從來未食過咁難食嘅質感⋯我朋友嗰碗佢形容為好似喺垃圾桶撈翻上嚟俾人食咁樣⋯⋯酸菜食唔到酸菜味 酸辣但係又唔辣（朋友唔係好食得辣但佢都講～點解唔辣嘅？）佢準備嚟解辣嘅支裝茶成支無飲過～成碗麵就喺「好似辣油其實唔辣嘅厚厚一層油」裏面夾啲米線上嚟食咁樣⋯⋯真係無下次，食食下又要起身俾人出嚟（都唔緊要）坐低繼續食一陣又要起身俾佢執枱⋯⋯兜匙羹無蓋就咁放喺枱中間，湯汁、傾偈啲口水都隨時污染到啲餐具⋯對於咁多人讚好 又話必食 到底有幾多人真係食過覺得真係好食？米線好難煮得難食，但咁難佢都做到，係叻嘅⋯⋯

今次去左荃灣食米線，呢間可以話係老字號黎，開左好多年而且都出名既，我當然都要黎食啦🤓 黎呢度食，就預左要排隊，不過都好快有得入，佢地個坐位都幾窄幾迫下，大約6個人share一張圓枱，而佢地既餐牌有小小亂，其實唔一定要跟佢夾埋既叫，可以自己組合完再同佢講，都係跟番幾多餸就幾錢既🤨我地一碗就叫左雞翼尖+豬肚+腩肉（$58）小辣既米線，D餸都真係幾好食，雞翼尖係一啖入口即溶咁，豬肚爽，腩肉唔算肥，湯底雖然係偏油，仲有d酸菜係湯入面，個湯係好好味，間中食一次唔健康既都ok啦🤣另一碗就叫左雲吞+豬大腸+腩肉（$58），雲吞都大隻，皮就稍為厚左d，都ok既，豬大腸就梗係好食啦，幾肥美🤣呢間米線如果要排隊，千祈唔好覺得會好耐，因為坐位都真係幾窄，一般人都係食完就走，唔會坐低吹埋水先行，同埋咁多人等位，d客都醒水食完就埋單走人既😂

唯一雲貴川風味.呢間米線係小編由小學食到而家，都係心目中世一米線店！相信米線愛好者都一定食過呢一間！係荃灣開咗30年，老闆係昆明人，呢間米線只賣酸辣湯底，唔似一般米線舖都有得揀麻辣。由於小編係一個米線愛好者，基本上見到米線店都會入去試，覺得好多米線店嘅湯底都大概係差不多的味道，而呢一間唯一雲貴川風味湯底同坊間唔同！佢哋嘅餸菜都有做過醃製，比嘅份量亦都十分之多！佢哋嘅配菜酸菜同埋芽菜都俾得好足！.🔥三餸米線$58⭐️9.5/10⭐️.-炸醬：炒得好香好惹味！令到個湯睇更加香濃！.-腩肉：腩肉經過醃製，厚薄適中，好入味！比起坊間嘅腩肉瘦，但唔會鞋口，加上有啲辣會令到個湯底更加惹味！呢個係小編每次都必點！.-蘿蔔：炆得好琳同帶甜！.-豬頭肉：即係豬耳，有經過辣椒炒香，鍾意食豬耳嘅朋友可以試吓.-豬大腸：經過醃製好入味，炆到都幾琳，亦都唔係好肥膩既豬大腸，呢個都係小編必點！.⭐️總結：呢間米線小編食咗咁多年都仲係好想去食！呢間米線會比較重口味，如果有d人怕油就未必啱。但係小編就好鍾意佢比好多酸菜，每個餸都經過醃製烹調好夠味！基本上每次去都會爆場，如果佢嘅時間咁啱係食飯時間基本上都會排長龍，開咗30年

我地去到嘅時候唔洗等位坐低之後見門口keep住排長龍好彩早一步入到去係炎炎夏日嘅小確幸🥹不過試完之後個人覺得咁啱經過可以試下但係唔值得山長水遠專登去食🙈***🥢三餸米線(腩肉+豬腸+炸醬) $58湯底本身係酸湯加左炸醬之後好辣又超油🥹直情有一層紅油浮係面唔食得辣嘅我表示食得好辛苦😂腩肉係完全冇肥膏嘅瘦腩一如既往只要唔係肥腩肉係我心目中就係零分🤣豬腸正常發揮 係呢碗入面最好食嘅一款餸😗***🥢三餸米線(豬脷+豬頭肉+雲吞) $58豬脷切得太薄食落變左似普通肉 唔係好食得出係脷豬頭肉分別有豬耳 有豬皮連肥膏同酸湯好夾🤤雲吞係是日最最最唔推薦雲吞皮厚到一個極點似水餃多過似雲吞🤣***🥢涼拌雙拼(木耳拼皮蛋) $28涼拌木耳唔算特別好食 而且好辣皮蛋就好出色大粒得黎味道好好 而且有少少流心feel口感不錯齋嗌涼拌皮蛋就好了😗

店名: 唯一雲貴川風味地址: 荃灣四陂坊14號地下荃灣站B1出口，行7分鐘環境: 3/5價錢: 4/5味道: 4/5荃灣一向米線鋪林立，今次就試左呢間，好彩週末夜晚7點幾，都唔算話要排好耐，唔係嘅話大熱天時都幾辛苦🥵四餸米線❤️❤️❤️❤️$67其中一碗叫左酸辣，腩肉，炸醬，豬肚，另一碗嘅餸都差唔多，有豆卜🧐一上枱不論米線定炸醬份量多到嚇一跳😱入面加咗啲芝麻，令食落更香口，米線質地唔算硬，腩肉好入味，唔算太肥，肥瘦，豬肚就正常，唔算太硬，但個人覺得可以煮得更淋，會比較好😌整體黎講好大碗，但比較咸，適合重口味人士🙈生菜❤️❤️❤️❤️$24正常質素，普通烚菜，唔會太咸🥬

超級推介佢嘅酸辣酸汁仲可以另上好惹味好刺激味蕾但價錢又好抵有唔同嘅款式，可以自由配搭餸菜雖然位置迫迫地要搭臺但都要黎食 ！排隊人龍好長呀好早就會賣完d野因為太受歡迎啦

酸辣米線+豬腸+腩肉：$56🌕🌗/5 酸辣米線有少量配菜：肉碎、蔥花、酸菜等，都係正常過橋米線既配菜😂我食第一啖已經覺得好鹹，完全唔岩我口味🥲成碗都係油，食完會肥10磅嘅感覺🤢如果係好食都唔會介意，重點係又肥又唔好食💩啲腩肉係好鞋好硬☠️價錢仲要偏貴，性價比極低🙅🏿‍♀️坐既位置亦非常迫，係一張細細的圓枱⚪️同好多人搭枱😂隻手舉起少少都會撞到隔籬位陌生人😂😂

荃灣名物 成日行過土見佢好多人排隊 今日5點嚟到唔洗排隊就入去試吓啦 我就叫左碗腩肉米線 都幾辣 又唔覺得佢特別好食 不過地方就真係好污糟🤢佢生意咁好 應該都搵唔少錢 強烈建議佢重新裝修過 個環境好啲 人都食得開心啲！