唯一雲貴川風味

营业中

休息中

大熱天時想食米線 黎得荃灣得3間最出名嘅米線，一間5點半先開，咁就黎食呢間啦，對上一次黎食都十幾年前，果然有料，過左咁多年都仲係到屹立不倒 。而且lunch time仲要勁排長龍，好在都唔駛等好耐 。而且冷氣好夠凍，所以咁熱照食都無問題！叫左碗酸辣，腐竹，豬頭肉；唔好俾個豬頭肉嘅名嚇親，其實同豬耳差唔多，只係再大舊啲，多啲肥咁，一樣咁好食，見到都好多人叫 。湯底超濃又香，仲好多肉碎，唔駛驚唔夠餸 。腐竹好少，下次都係叫番豆卜 。隔左咁多年都仲係咁好食，抵佢係荃灣Top3 。

米線控ge人 一定識e間唯一雲貴川風味米線 。成日見人介紹e間米線，今晚決定就同男朋友試下去到7點 已經好多人起門口排隊。排隊時間已經要決定好食邊款餸。排左10分鐘左右可以入座啦。一坐低已經唔需要等，立即比頭先起門口 order左ge餸 送到起你面前。滿心期待 。不過眼見就好多油 ，成碗都係油。 我地order左 一碗酸辣米線 腩肉 +雞翼❤️另一碗 小鍋米線 豬頭肉 + 雞翼尖 試左第一啖 又幾味，D米線口感煙煙‘’銀銀。係好食 係我中意ge質感❤️ 。湯底都好味 多餸料 ，唯一係太多油，第一次食唔知道可以走油。下次可以再試

大夏天的排隊吃米線，晚上8點很多餸都沒有了。可能有點味精，回家狂喝水。豬腸、豬肚、雞翼、雲吞酸辣米線(小辣)+雞翼三哥的三小辣度，辣味完全是小米辣，沒有特別香，酸菜肉碎也多；鹵水雞翼十分入味。小窩米線+魚蛋也有酸菜肉碎，酸菜味道不錯；魚蛋是炸過的，很好吃。小窩米線+腩肉不想點辣米線，但又想有辣味的話，可以點腩肉，店家自己煮的，有點辣，但配小窩米線剛好。

見到IG成日都有人話呢間嘢好出色，所以就特登入咗去荃灣試吓然之後嗰日就嗌咗一碗腩肉小窩雞肉米線嗌咗個中辣個湯底都幾濃郁最值得講嘅就係佢嘅餸真係好多腩肉成碗都係都幾入味肉碎又好多然之後又嗌多咗一個豉椒皮蛋，然之後佢嘅皮蛋足足有三隻完整嘅皮蛋咁多有啲誇張兩個人食都食唔晒🤪同埋佢都唔算好貴，但係如果要特登入嚟荃灣食嘅話就可以唔使，但係如果經開荃灣都可以嚟試吓因為價錢都同譚仔差唔多，但係比Tam仔好啲嘅質素。

本身滿心期待食一碗濃厚、有風味的雲南米線，大熱天時亦不計距離步行到地點一點也不方便的舖頭。結果非常失望，首先餐具洗咗等如冇洗，筷子用紙巾一抹即時要有橙色嘅辣汁，店面也污糟。最難理解的是，酸辣湯底都計一餸，但整體卻無味。所有餸也冇特別，雲吞皮太厚，不會再食。老實講，市面上已有大量唔同類型嘅雲南米線舖，即使係連鎖嘅米線店，在各方面又俾佢優勝，例如衛生、味道、服務、選擇、甚至抵食。建議大家唔使行咁遠食佢一碗米線。

認識呢間野超過十年 唔係食飯時間過嚟幫襯都可以幾乎坐滿人 - 腩肉雲吞米 (唔辣)- 腩肉炸醬米 （唔辣)因為腩肉本身都辣 腩肉嘅辣會變到成兜米線都辣😂所以食開bb辣嘅我 走辣都已經夠辣 湯底一如既往都係偏油 間唔中食下都可以接受 雲吞大大粒 有菜有肉 皮算薄 餡夠多呢度炸醬就普普通通 都係食返腩肉好味好多咁多年都仲繼續幫襯就一定有佢嘅風味😋喺其他米線店真係食唔到 適合重口味嘅人

呢日係星期日嘅下晝，啱啱過咗午餐時間，嚟到門口都有啲意外，因為仲有一條人龍喺光天化日等緊位，我一場嚟到當然唔會就咁走咗去，行埋去排隊，發現店員姐姐同緊前面排隊嘅人落單，即刻好驚，好驚姐姐好快就嚟到我面前，我完全冇idea係應該叫咩食，即刻就望去餐牌方向，直覺想食乜，姐姐嚟到我就叫咗乜，係腩肉雲吞，更加令我意外嘅係好似10至15分鐘就已經入得去，坐低大約5分鐘碗米線，就嚟到我眼前，見識過唔同嘅人龍店嘅Logistics，每間方法都唔太一樣，每個方法都令我好驚嘆。講返碗米線，我想話我從來未試過碗麵入邊可以有咁多腩肉，而且係好味嘅，雲吞有種人手包嘅時代感，湯底確實係偏油嘅，本身都聽過朋友話好鍾意食呢間店嘅米線，好鍾意佢嘅味道，但係腸胃頂唔順佢嘅油，確實唔敢太常食，好彩我頂得順佢嘅辣同油，完全冇問題，特登再嚟朝聖又未必會，如果喺附近都可以再食嘅。

以前食過好多次嘅好味米線，佢嘅酸辣味幾獨特係經典，最近經過荃灣再食一次，感覺水準有下跌，略為失望🙁🙁今晚食人龍唔算長，都好快有位。最鍾意叫三餸，推薦腩肉、雞肉、豬腸酸辣米線通常會揀唔辣，因為本身腩肉嘅辣都足夠，一定要叫少油‼️如果唔係啲油嘅份量都幾多下，腩肉都keep到水準，肥瘦均勻好夠味，每次必點，其他配料還不錯。可惜湯底食落大不如前，冇咩酸辣味，主要得鹹味，味道冇以前咁豐富，希望下次食會有改善。

👨🏻‍🍳唯一雲貴川風味 (荃灣)📍荃灣四陂坊14號地舖 「腩肉都系咁好食」 老顧客了，以前排好耐隊，宜家都吾使點排，不過我又吾覺得食物差左😆 其他米線店，好少揀腩肉，呢間系要揀既👍🏻大大塊，調味、肉質，都系唯一先有。以為望落「柴」？😈食落吾柴架😝 不過環境就窄D🙈圓凳，坐得無乜舒服。望落都好似污污糟糟咁🙈同埋餸既選擇都少D🙈所以都系想食腩肉米線先去食，暫時荃灣top1，都系「雲家」😆👍🏻 #唯一雲貴川風味 #腩肉米線 #荃灣米線推介 #香港米線關注組

傍晚大約七點左右到，初初都未見到人龍，過咗十分鐘左右後面已經好多人排。大約等咗十分鐘就入得，店員會預先落單，坐低冇耐就有得食。晚市太多人，店入面太逼，食碗麵都怕整到左右邊同後面嘅人。 我哋叫咗一碗豬潤腩肉小辣同一碗炸醬腩肉小辣，但佢一攞過嚟我哋一望俾啲油嚇親。 之後睇返發現原來腩肉可以走油，建議店員可以喺落單嘅時候提一下，第一次食真係唔知會咁多油。雖然好浪費食物，但真係好怕食咗之後會病。食咗幾啖就頂唔順啲油，啲油好似封住個喉嚨咁😭

不嬲就開重口味風格嘅米線，點解湯底淡咗咁多呢？酸辣完全唔酸，小窩米線冇味，腐竹煮到爛晒完全冇一塊係完整，同之前差好遠，四餸仲要$67一碗，以前覺得值，而家湯底冇味唔會再去😠

由細食到大，雖然冇以前咁好食，但依然都係排長龍，可能真係食佢嘅風味，最後排咗大概10分鐘就入到🥺記得我以前食嘅時候好似冇咁油，依家愈來愈油，之前聽人講原來可以叫走油，今次嚟到就即管試吓😂Ok喎，叫咗一個豬肚米線走油，一個腩肉米線走油，2個都幾好食，好夠熱，冬天食真係暖笠笠🥰講番個湯底，由於走油，起碼唔會食到成口都係油，又有少少酸菜，豬肚同腩肉本身都係辣，所以個湯底都唔會話好清，都會有啲辣，對於鍾意食辣，但又唔食得太辣嘅人嚟講係啱啱好嘅程度🤣米線都夠煙靭😇👍🏻👍🏻今次我食嘅腩肉又唔係好韌，都好易咬得開，而好多好爽口，唔錯唔錯！總評分：🍯🍯🍯🍯（4/5）

幾年前住附近都會耐唔耐去食, 依家去少咗個邊, 咁行過諗住食下回味下, 點知失望咗。去ge時候有d夜,, 有好多料都賣哂。叫咗個3味: 雞, 豆卜同魚蛋,, 得魚蛋我覺得ok。 雞溫溫地, 有d唔夠熱咁。大部份都係骨位,, 同埋可能都係賣淨,, 煮得太耐?? 有dd老有d 柴。豆卜,, 真係得個炸面咁,, 唔好味。。。魚蛋ok ge。 但係個湯好似都無以前咁好味,, 得個辣字,, 唔太香.. 食完有d失望。

講到雲南米線 唔可以唔介紹呢間唯一雲貴川風味呢間雲南米線環境係麻麻地 但係每次去都有人龍排隊 而且佢D炸醬係超級海量咁多岩晒我呢個次次食米線都嗌炸醬食既炸醬控仲有 佢個湯底超級濃郁  每夾一啖米線都充滿住炸醬 而且可以叫阿姐多葱  小店就係咁簡單 另外都見好多食客反映呢間店D米線好油無錯 確實係比較油 所以我通常都嗌走油/小油 阿姐就會自然幫你"筆"走D油架喇老實講 我食親炸醬都一定有好多油 所以我又唔係十分介意 另外佢D腩肉都係值得嗌既 醃得非常入味又唔肥 滿滿的一碗米線只係$5X 食完係絕對大滿足

每次去到荃灣都會想食呢間可能食完頭幾次覺得好驚艷之後再食，又保持唔到水準，就會好失望每次嚟都係叫呢幾樣餸炸醬腩肉雞翼小辣多蔥腩肉肥瘦都均勻雞翼滷味得好出色炸醬正常發揮就係個湯底出事個湯底好似死鹹，冇咗酸辣，啲米線又掛唔到湯汁，食完有種失落感！