唯一雲貴川風味

营业中

休息中

今日同屋企人去完圓玄學院，就想去試下「唯一雲貴川風味」，點知搵左好久先搵到，原來係內街。Typical 老牌子店既裝潢，系現今社會真系買少見少我就叫左個「豬腸炸醬米線」，雖然就甘望落去好似好油膩好多味精，但入口啖湯非常惹味，唔似普通果啲咁好多味精，飲得出香料既味。雖然米線略嫌太淋，欠缺口感，但其他材食能充份搭救。豬腸同炸醬都非常香濃入味，一口炸醬一口米線確系一流。同埋其他食物都好似好吸引，而且性價比極高啊，下一次我一定要再黎

聽到身邊住荃灣既朋友都話呢間辣面好好食今日有機會就來識下， 初頭都搵左陣先搵到佢。叫左炸醬腩肉中辣， 一食落口就已經feel到個湯底超正， 又足料， d腩肉都好入味， 唔係一般既白卓腩肉。 中辣都唔會話超辣， 唔飲水都可以食完成碗。下次再試下佢出名既酸辣先得 好此道既人一定要來呢間食辣面！

要食快捷及好味的晚餐我通常都選呢間平時食開雲吞炸醬小辣近期見佢推出新產品-涼伴米線$27米線本身有簡單配菜（炸肉粒，芫茜，青瓜絲，芝麻）我另加腩肉炸醬，要小辣第一次不會食到一頭大汗坦白講：真係幾好味，整體配搭清新，很適合夏天食但炸肉粒是非常脆的，個人應為有點口感怪怪的但建議大家可以一試！

家人甚喜這一家雲南米線店子，是日便順應民意光顧。樓上雅座正在進行裝修，現時並沒有開放。我們便只好等數分鐘等候樓下之座位。服務只屬一般水平，是一般普通茶餐廳之服務，未見殷勤。衛生不佳，雖食物未見骯髒，唯地下有不少食物殘渣，店東應加強衛生工作。環境頗為狹窄，連普通快餐廳也不如，也使此食評之相片質素未如理想，相信是餐廳希望顧客加快進食速度的策略。食物：1. 雲吞雞肉小鍋米線 ($39-)首先，對於劣圖帶來之不便，本人謹此致歉。雞肉是普通貨色，品質中規中矩。至於雲吞之質素則令人失望，雲吞皮仍然不夠硬身，且吃進口時帶點粉狀的感覺，相信製作者沒有認真製作雲吞皮。我常說，雲吞皮是整個雲吞的靈魂，因此雲吞之製作水準欠佳。湯底未見特色，且喝了一口後十分口渴。據我估計，餐廳未必是用全天然配料弄這一個湯底，否則我在吃後也不用怎樣喝水。食物、環境及服務等都屬一般水平，而個人認為這數年來食物質素有退步之現象，因此只能給予一個OK。

啱啱係放飯時間之前入座，唔洗等位。味覺嘅回憶令我對某幾間由細食到大嘅食店念念不忘。但呢間係好幾年前食過之後，會令我成日想去食嘅食店，世上咁多好嘢未試過，但總有位置預留比呢碗麵。其實呢間嘢好無水準，有時又超辣又時又超酸，話係腩肉但全部瘦肉⋯所以我都唔明點解自己咁鐘意食。唔洗放相啦，因為呢碗麵吸引人嘅絕對唔係外表。

經常去食，好好味！我叫了酸辣腩肉米一碗，二十七元，都幾大碗，不算太貴，食到好飽。夠酸又足料，啱我口味，好快就有得食，不用等太耐，服務態度ok，不錯！！下次再去。

食左呢間米線十幾年，高峰期一星期食一次，因為佢既湯底辣得好有韻味，食過就好易迷上～多數選中大辣，因為本人好食得辣，其實大辣都頂得住，不過大辣太咸，中大辣就最perfect, 仲要多酸，因為佢地既酸菜自家制，特別好味！湯底係豬骨加好多香料同辣椒，其實唔係人人都受到，第一次食應由小辣開始～必食的配料係酸菜、炸醬同腩肉，炸醬炒得好香，同湯底好match, 腩肉帶辣味，不太多肥肉，味道口感都極佳！

幾年前，girlfriend 帶我來吃過。幾啱口味，特別係腩肉，必點！但，遺憾的是，因為同女友結婚生子後，沒經常出外食，記不清係半年前還是一年前，再吃，感覺完全唔同晒。面身超硬唔講，腐竹亦求其。除腩肉仲ok，我再來真係為左，曾有的回憶。遺憾！

呢間米線算系TSUEN WAN之中唯一一間每次去都需要排隊等位既鋪頭，所以我每次自己1個既時候都1定會去食，唔洗等位 哈哈~多數1坐底 就有人幫你落單 好快就黎到食得！呢間米線有口感 唔會太硬 偏"淋" ~ 腩肉入味 唔似譚仔個D有肥膏的，仲有限定1人只能叫1份腩肉，而翼尖入味但多數都"淋"到就斷咁，紅腸無乜特別，腐竹今次食得就未熟透一定無味好硬~ 佢呢間既辣系比平時既多油架 所以我唔建議你地連湯都飲埋~另外記住加葱系要另外講架 如果唔系會走葱 不過系免費既如果唔食得辣 都有TEA無限供應！

從前已經知道此店名氣十足,去到必須要排一輪隊才可以進入,好幾年前我食過一次,經已覺得味道獨特,因為當時唔多米線專門店,但上年再食既時間, 味道大不同,已經唔再令我回味~~~~今次係最後機會, 希望唔好令我失望可惜~~~~感覺已不是當年勇~~~叫左中辣, 只係一層紅油係面, 感覺太油膩,付皮有點硬, 好似冇乜住過咁,我諗都係唔岩我口味~~~

29-12-2012 (六)是日放假，睡得耐一點！ 2pm ，一個人先下來荃灣市中心吃午飯。下車位置在荃灣城市廣場，便走去附近的四陂坊，來到「唯一雲貴川風味」吃麵。人氣店，門外經常都要排隊 今日荃灣微雨，幸好這店外出有少許遮蓋的位置，唔駛開傘排隊舒服很多。。。一邊排隊，有店員已經會走出來，問你想吃甚麼，排隊時落定單。到等到位，入座後，麵就立刻有得食... 慳左好多時間...我點了一麵(米線)三味(腩肉、雲吞、酸辣)($35)。份量十足，最適合大胃口的朋友。其酸辣湯底的味道十分濃郁，配上大量芽菜、酸菜、韭菜等，酸和辣兩種口味層次分明，很滋味。至於配料 ，來到這裡必選腩肉 !!! 這裡的腩肉已經去除肥肉部分，故入口啖啖都是肉，而且燜得極軟腍入味，很正！雲吞也不錯，餡料豐富，菜的清甜和豬肉的鮮甜加上酸辣汁，極之好吃。誠意推介！

來到好彩不算多人，等了10分鐘就有位了第一次食....望見餐牌好似好混亂...因為已經配搭好晒要花點時間睇下想食咩先，最後叫了2味：酸辣+貢丸 (少辣)飲了啖湯，湯底與其他米線店不同，不是很酸，湯底很濃，好味。米線份量都幾多，偏淋身，可能湯好熱，食到最尾湯還是熱，所以令到米線變得淋身。少辣不是很辣，下次可以叫中辣貢丸有3大粒，size都幾大粒，咬下原來入面有包肉碎，不是台式的香菇貢丸。貢丸味道不錯都幾正!!下次會再黎食過~~

米線控又要出動了（我幾日不吃米線個心會囉囉孿的）。今次要介紹的是在荃灣都略有名氣的排隊米線－－唯一雲貴川風味。荃灣附近的朋友應該都嚐過吧，午飯晚飯時更要排隊進場，認真誇張。少則三數人，多則二十多人我也試過！小小一間米線舖能令大家乖乖排隊等候，定有過人之處。是日下午一時十五分到達，地面舖已排了約十人（其實右轉後巷那邊上一層還有位置的，不過很多人不知道），我們當然第一時間衝上樓上舖，成功覓得二人位。我點了一個腩肉豆卜米線（小辣）（$30）太瘋狂了吧，光看相片我又流口水了！近鏡再來一張吧。此店有兩種腩肉，一種是平時經常吃到，連肥肉一起的，那種腩肉是沒有用辣調味的；另外一種是圖中所見的，本身已經有少許辣（事前已用辣醃製過），而且是全瘦。我當然是選擇後者的啦。除腩肉外，我還點了豆卜。豆卜最正之處就是吸收哂湯底的味道，咬一下，口中除了豆味外，更注滿了湯底的精華，你說如何可以不愛它？而且，這碗米線只有少量芽菜（不像有些米線舖用一大抽芽菜墊底，實質米線只有少許）。湯底不是一味的辣，還加入了酸菜和少量炸醬，炸醬慢慢一點點的融進湯底裡，混和在一起。喜歡的朋友如果嫌不夠，可另外再點一份。友人點的是腩肉豬腸

話說好多人講呢間野好正,係米線界中既奇芭環境好迫,有2層.叫左個羅白腩肉米線湯底黑色的,飲落不太濃,也無咩個性.有點像腩汁底加SPICY.米線軟硬適中.腩肉不太腩,都幾瘦下,想點-O-但係都幾入味羅白一般不太甜,也有渣食完後覺得食個X仔會仲爽-O-

很久沒吃米線的話會好想念那種辣味總有衝動想去吃有機會來到荃灣,就來吃這邊的米線叫了個 小窩炸醬米線味道是不錯的米線份量不多不少可是...過了二三個小時後開始口喝死了我已經喝完兩支水...還是口喝........