唯一雲貴川風味

营业中

休息中

今晚，我約了朋友看電影，她熱烈推介雲貴川米線，反正我們都要吃點東西，就去試試吧~才剛食完一個豐富的下午茶，不太肚餓，所以點了一份辣辣腩肉米線，才$38，平!小店裝潢簡陋，服務豪邁，但美味依舊。湯底濃烈油膩，味精味都頗重，幸而有點香蔥，令湯底加添點清新，肉碎粒粒增質感，這就是傳統雲南米線。辣辣腩肉是小店招牌菜；滿滿佈滿整碗米線，腩肉煙韌有嚼勁，頗有麻香味。米粉頗彈牙爽口，整碗米缐份量不多，但每一囗也滋味無窮，充斥著濃厚味道，食一口吸收了酸酸辣辣汁的米缐，叫一聲Aloi!舊区仍有此特色小店，實難能可貴！希望政府能夠為它們保留生存空間，延續這一份唯一的味道。

叫左二味碗腩肉雲吞麵三十幾蚊抵食得黎又好食可能吾食得辣，小辣可能更好腩肉好食有味，鬆軟，雲吞就反而咩特別酸辣湯底，個配合都吾錯，幾好食人太多，建議入坐前落單

十幾年前係荃灣打工, 當年香港經歷SARS, 一餐下午飯超過$10都要唸得好清楚, 計好數先好食. 但係咁既環境下, 每個月總要有幾日(其實想日日) 食下個米線. 當年既味道一路都好記得. 因為個時做野間公司係我入去大半年就執鬼左, 人浮於事之下四維去工作。而家去左柴灣區工作, 琴晚好突然有種好掛念當年幾辛苦都要食返餐好既味道. (係呀, 當年用$26食一餐對當日既我係食餐好架啦) 於是, 夜晚收工即刻係柴灣極速飛左黎荃灣就係為左食返個啖米線. 其實個度D呀姐好鬼多野做, 叫吾停佢好好地叫野食架. 要一早唸好晒一黎就好快講晒咁叫野食. 所以, 我次次去只係識叫同一個酸辣腩肉炸醬米線加豆漿. $45 + $11 (十幾年真係返一返, 個價)叫完到上都係幾分鐘, 同以前無咩分別. 吾好講多, 整啖湯入口試味........嘩, 當年既酸辣味道返晒黎......你知道嗎? 個陣工作有幾辛苦, 有幾酸, 有幾辣, 只有自己知, 入口個下咪就只有自己知咩味道囉. 可能就係個份心底既辛酸感, 加上口中我認為好特別既酸辣味道. 內心既感覺真係講吾到你知.以一編食評黎講, 吾應該咁感情化, 不過係小弟

今日終於得閒，去返荃灣食老字號ge米線。去到要排一陣隊先到，因為呢間不嬲都好多人食。入到去之後，就叫左豬頭肉腩肉酸辣米線（小辣），記住如果要蔥ge話要叫加蔥呀。碗米線黎到啦，首先講下個湯底先，酸度同辣度都係岩岩好，唔會話邊個味道突出d，但係個湯底係比較油ge。之後到米線啦，食落一d都唔林，仲好爽口，煮米線ge時間掌握得岩岩好，唔會太硬又唔會太林。豬頭肉好似係豬ge面豬登，食落有d肥，但係呢個肉係非常之爽口，好好食。仲有腩肉，呢個食落好林，好軟，一d筋都冇，非常之好食。如果大家得閒ge，都可以黎排下隊食呀。

區外朋友成日問我荃灣係咪有間米線好出名，我自己唔好米線，但我估佢哋指呢間。若干年前食過，無咩記憶點，亦唔係心水餐廳。今日朋友特意入荃灣同我見見面，仲指定要食米線。原來佢大學時代成日食，當時廿幾蚊，時不時會懷念吓。週六八點多，有成廿人排隊，條龍好得好慢，有位姐姐會過嚟遂一為排隊嘅人落單，見前面啲熟客都好純熟地點菜，我呢啲生客即刻緊張起來，似去咗澳牛嘅感覺，當時我企嘅距離根本遠到睇唔到貼喺門口嘅餐牌，姐姐見我一陣慌亂，叫我點炸醬+腩肉，最招牌，我一向好尊重侍應推薦，於是就咁決定。朋友原本已點翼尖，聽到姐姐咁講後話想轉炸醬腩肉，姐姐風趣地話:「你朋友咪有炸醬，叫佢share俾你咪得，食多樣餸」好哋坐室外位，一坐低唔夠兩分鐘就上菜，而且咁多客都無亂單。腩肉份量好多，大大片，似日式叉燒，瘦肉中間有肥筋連著。整碗份量好大，好飽肚。朋友點嘅中辛，佢請我食咗兩隻翼尖，好冧個鹵水汁好入味，連啲骨都有味，推介。

隔一排又要食翻碗酸辣米線刺激一下,每次都會外賣回家舒舒服服慢慢歎~如果係店內食,環境好擠迫,人貼人,坐得好唔舒服。今晚叫咗四餸-少辣:豆卜,蘿蔔,豬肚,雞翼尖合共$54蚊,雖然有點貴,但所有餸份量都很多,唔會偷工減料,好大碗,食唔晒,豆卜索晒湯汁嘅味道,非常正,豆卜又大個,蘿蔔又腍又甜,永遠都唔會食到有渣,豬肚同雞翼尖炆很好入味又腍,唔會爛溶溶,碎濕濕,呢間嘅味道係自己非常鍾意,同時係荃灣區食過係最滿意,要酸味有酸味,要辣味有辣味,要鹹味有鹹味,好複雜,好濃郁,好香,酸菜好好味道,湯底好好飲,唔會涸喉,搶喉,好順口,唔會好似其他米粉舖得個死辣,死酸嗰種。

以前讀poly成日食紅磡個間！畢左業之後冇再食過！今次經過荃灣又入去再試返舊味道！點左炸醬雲吞小辣米線！炸醬係我食過最好味嘅！夠多同個味好濃郁！口感亦好實在而唔係一pat pat!雲吞個皮就厚左d算中中間間啦！小辣湯底已經好夠辣！麻辣味重！鍾意重味嘅一定會鍾意食！不過野食就好好！但出面幫排緊隊d人落單個位阿姐超冇禮拜！對客人呼呼喝喝！客人講漏左少少野直頭*吱一聲*勁冇禮貌！再係咁冇下次！

專程由上水去荃灣試試依間俾人讚到天上有地下無既米線味道如何，點知極失望而回。一路食一路嘆氣，芽菜仲多過米線，全碗粉入面食既米線唔知有無十啖。d腩肉好「鞋」口，似食豬肉乾。個人覺得湯底唔惹味，無特別。

這家的米線超好食!已經幫襯左好多次!食唔厭lol今次叫左炸醬大腸蘿蔔腩肉米線(多蔥小辣), 好鐘意佢呢度既蘿蔔好甜好夠淋, 同埋炸醬係肉碎咁唔係一pat稀搭搭既醬!幾大份又抵, 細食既可能2個人share一碗已經夠! 我食完一碗飽到就訓低lol

傳聞好好味但勁辣既米線，去到果然幾多人排隊👬👫👬👭👬👫 今日一試，感覺名過其實😓可能因為我叫小辣(酸辣底)啦，食落完全唔辣腩肉好像太瘦，有d 硬唔明點解咁出名，tw 好味又平既米線有好多選擇😛 但我唔信邪，又去第2次。抱住好奇心態再挑戰大辣😎 上菜既姐姐👩一邊問我點解要叫大辣呀一邊向我投以同情目光👀,再加上呢個底色睇來真係幾震撼💥💥，令我一度反省我會唔會叫太辣啦😰... 結論係完全唔辣😂😂😂,但我食左一啖真係有想把米線過水既衝動，因為真係太太油膩😣😣 所以唔推薦叫大辣結論二米線腩肉-食多一次真係覺得普通，唔知點解咁出名😕，可能換左大廚，所以味道辣度都一齊大降？ （🙈🙈利申:食得小辣only）hk foodie: hunger.food (ig)

雖然我唔係米線控，但每次經過都會聞到好大陣香味，好想食！每逢開飯時間，呢間野總有至少十個人係門口等位，不過依然好值得等！每次黎都叫呢個米線，由於唔食得辣既我，我都唔揀得腩肉，豬腸個d，辣湯底！朋友話我唔食辣就同食齋冇分別，但我皇天不負有心人，終於比我搵到好入味既雞翼尖同雞肉😍😍😍😍

尋晚第一次黎食米線,叫左個腩肉豆卜豬耳酸辣米線，等左唔使五分鐘就有得食lu。米線黎講，咬落唔會太軟，尚算彈牙，口感唔錯。湯底色澤比較深，但唔多油,飲落味道都唔會太咸，湯入面仲加左九菜，荳芽，花生等等配料，幾正啲菜方面，份量足，腩肉唔會煮得太爛，豆卜入哂味，整體感覺都好好但相對環境比較逼，地面唔太乾淨

酸辣腩肉炸醬米線荃灣區出名既米線店，去到既時候已經有好多人等緊位，司令即刻等埋一份。就快排到既時候就會有姐姐出尼問大家食咩，點左先，入到去坐低好快就可以食。司令梗係挑戰大辣啦，湯底好濃，可能因為大辣既關係，落好多料去煮，個湯似係醬多過湯，食到尾變到好似撈米線咁，料方面呢兩款都好濃味，腩肉炸醬都帶少少辣，酸辣就略嫌唔多夠酸，不過成碗野都好岩司令咁重口味既人既，好食！

真係有啲流流地，成日有人排隊成，朋友講都唔差，就去試吓。點知一式便知子龍與鳳，一句到尾差得很。坐嘅位置又擠迫又吾舒服，嘢食又唔好食服務態度又差。雞翼豬潤米線，首先講吓個米線啦都未煮熟就俾人食，食落去有一半米線係硬嘅。個湯底又唔係話好特別好好味，雞翼呢完全吾入味，豬潤吾新鮮，仲要有怪味。真係好失望。

 幾年前已光顧過一次, 印象都不是相像中好. 一進入店舖, 燈火通明, 完全談不上有格調, 反而有一份親切感(只限環境, 伙記就.....so so la~) 餐牌與一般的數大格( 麵料、配料、蔬菜及湯底各一格)有別, 一連串的配搭, 恕我無聊, 用了5分鐘去研究有沒有完全一樣的組合....... 老闆你羸了, 我找不到>.<其實我反而覺得太凌亂, 不知實質有那些選擇, 可能老闆想你知道他/她的心水推介。我點了炸醬及豬大腸, 份量比起大型連鎖米線店的分量多至少3成, 送到面前時有陣陣的酸香味(因為有芽菜及相信是自家製的酸菜作配菜). 因為每次少量製作, 湯面會有微量的氣泡, 突顯小店的認真。習慣先喝一口湯, 肉碎未能完全帶出湯底的鮮味, 但湯底的清淡卻能襯托出配料的重要地位。豬大腸並不是全鹵水,顏色偏淡, 口感沒有Q彈的內壁肌肉, 神奇地有一口口入口半溶的感覺, 與預期所想落差頗大。炸醬份量多得驚人, 碗中堆了一個小山丘, 味道亦非偏甜微酸, 只得鹹香, 肉質太老, 其實表示用瘦肉比例比肥肉多, 但煮得比較乾身, 不能達到肉汁與湯底交融, 略遜一籌。蝦餅點了腩肉, 絕對