唯一雲貴川風味

营业中

休息中

真心超好食！佢地個湯底好濃郁，又唔太鹹，而且又多酸菜，鐘意食酸既人一定會鐘意食另外佢地既腩肉超正，應該係佢地自己整，味道有少少辣，好有味，同埋好多，計埋米線既話成碗就會好多野，所以食到好飽。雖然有d貴，但係值得再去食！

個陣見到網站話呢間係香港十大最好味米線之一，已經好想黎食！個陣係晚上去，要排隊，但係好快就有位置！之後我叫左個腩肉，真係好好食，份量夠大，好足料，腩肉又多又淋，湯底又勁濃郁，真係一試上癮！總之值得一試！

話說呢排好鍾意食酸辣米線有幾位朋友都推介荃灣呢間唯一雲貴川風味特登搭半個鐘頭車入嚟試吓一來到見到門口，嘩咁多人排隊嘅！即刻嚇親！真係好受歡迎咁喎點知排左唔夠10分鐘就入得啦店員係咪門外已經會幫你落定米線嘅order店員話因為腩肉本身辣 再加酸辣會好辣所以我就冇叫酸辣喇～呢碗米線好大碗！！非常足料！一個大男人都一定夠飽！（女仔係食唔晒）不過佢個湯底真係冇酸辣味，完全係清湯只係腩肉有輕微嘅辣!腩肉肉質有厚有薄，味道頗濃，，但有少少韌，同埋有啲「鞋」份量好多，大約有十舊左右而炸醬就比較乾身 炒埋一舊咁 吾易散開略嫌炒得過了火 非常重口味呢碟皮蛋 調味料未能融入皮蛋令調味料和皮蛋係分開嘅～而且皮蛋嘅溏心唔夠融&香濃～而且黑色外層太薄，皮蛋口感失色後記當我返緊屋企嘅途中我已經覺得好口渴返到屋企我仲飲左1公升水係多味精定係因為味道太濃呢??

已經去過唯一雲貴川風味好多次，次次都必食腩肉。呢度Ｄ腩肉真係好入味，又淋，我最中意係有少少軟骨，食落口又唔太膩又好食。米線上枱我個人覺得太油，差唔多成碗麵表面都比油覆蓋左。反而對個太有Ｄ卻步，因為我最中意就係飲湯，但見到咁油…

這間雲貴川，在十多年前由朋友帶來，第一回接觸米線便已愛上愛它的風味，愛它的平民化，愛它的不造作，就是一碗僕實的米線今天與男友特地來到荃灣回味一下，或者是時間不早的關係，不用排隊便可入座。我們分別點了腩肉、豬脷、腐竹（左），腩肉、雞肉、腐竹（右），我貪心的要了不用另收費用的少辣多酸然而實在太夜，可免費加配的葱就沒有了雖說味道不及當年，但這裡仍是我心目中的No. 1米線腩肉不肥膩，口感十足，辣中帶有肉香，是必點的一味；雞肉是雞腿肉切粒，沒有脂肪，但亦不失嫩滑由於以往來的時候都大排長龍，寫單姐姐會先替排隊的人下單，差不多入座便安排廚房煮定，省卻等候時間；我倆愛吃淋，對這方法很受落；今天不用等位，吃到的是彈牙米線，雖也有另一番風味，但我還是愛吃浸淋了的米線

去荃灣食米線，好多人都識雲貴川，每逢午/晚例必大排長龍。已有好一段時間沒有來幫趁，早兩晚再來，人龍照舊但味道大不如前！以前湯是鮮及香的，那個豬腩肉是必食，因用香料炆煮非常入味，豬脷豬腸也是我最愛！但今晚個碗米線湯已不鮮，得個咸，仲要咸得要命，味覺有點辣同麻，但已不香了，我還食剩了，應該唔會再排隊等食了！

住在荃灣十多年，吃這家米線店也十多年了，這麼多年來，味道一如以往。今天我如常去吃一碗米線，可店員的態度實在讓我氣憤，不僅沒禮貌，更有些趕我走的意味。吃過的人都知道，這家店無論是老闆還是店員，態度都很差，忙起來更是黑臉相向。而且衛生堪憂，地板，碗筷都很油膩，但老闆卻對此不為所動。雖然味道不錯，但每次吃完都極為口渴，相信米線里有很多味精。那既然我說成這樣，為什麼我還經常去吃呢？我想我吃那麼久，吃的大概是一份情懷，一種熟悉不過的味道。但今天的遭遇，我覺得，這種情懷，不值得我去吃一碗不斷加價，味精極多，還要讓自己受氣的米線。很生氣也很失望，不會再吃了。

今晚早收工六點去到荃灣，經過見到平時排晒隊嘅唯一冇人排隊，諗都唔諗即刻入去食返碗好耐冇食嘅米線照舊食三個餸，先飲個湯底，發覺比以前多咗好多油，亦都冇以前咁酸辣，腩肉仍然係最好食，唔算太多肥，好入味，但係豬腸就實在太肥，入邊嘅肥膏多得好得人驚，另外蘿蔔亦冇乜味，整體覺得比以前感覺差左希望呢間荃灣人氣米線店唔會愈出名，質素就愈下降

今日晏畫4點幾肚餓，就去左食呢間係荃灣好出味嘅米線。一坐底就即刻叫左碗腩肉豬肚米線多蔥小辣。熱辣辣嘅米線到啦，腩肉好入味，仲帶小小辣，好味！而豬肚亦都好'林'，食得出煮左好耐，好食。再配上軟硬適中嘅米線，真係食幾多次都唔會厭。唯獨唔太好嘅係環境，因為冷氣都唔太足夠，真係愈食愈熱。

5月23號係台北番番香港，頓時很懷念香港的米線，番屋企放得行李就立即坐車去荃灣食份大大碗既米線。距離我對上一次食雲貴川米線已經係4年前既事，今次番番雲貴川食，買個字：好失望。米線價錢貴左好多都係人之常情既，所以都無特別話好貴。今次我叫左：酸辣豬大腸米線，諗住平平地食一個餸算啦，點知原來雲貴川既酸辣係計一個餸…… 咁都叫左，由佢。碗米線好快上台，大大碗比起當年份量都一樣。很可惜，計一餸既「酸辣」係無酸辣既感覺，一味得個辣字，酸菜又少。其次就係米線本身既軟硬度，佢依家係煮得非常之淋，食落口好似食緊bb d湖仔咁。唯一可以拉番少少分既就係 d腸大腸都ok，都幾淋幾入味，依家d米線鋪好少會有豬大腸做比客食。 至於因為我係一個人入去食，所以都唔洗等位。平時lunch hour都見佢地係幾多人排隊既，可惜昔日味道不再，我應該唔會再番去食lu，或者有一日，朋友話我知佢改善左既話，我都會番去再試多一次既…… 希望有呢一日啦！

第一次試呢個米線~因為同事話幾好食，咁就去試一下啦。咁我就叫左個麻辣雞炸醬腩肉米線走芽走青，我本身唔鍾意食芽菜，但我見同事個碗都好多芽菜，睇相可以見到有一半都係炸醬，平時食米線只有食唔哂米線，但呢到只有食唔哂既餸。腩肉都見到好大塊，麻辣雞都幾入味。因為本身未食過，唔知辣既程度去到邊，所以都係叫左個小小辣，而我同事就叫左個酸辣，我都試左佢個湯，開頭一飲落去只係FEEL到辣，但慢慢陣酸味就走出黎，感覺好特別。如果下次再食，可以再叫辣D。真心感覺酸辣正D。

講起唯一, 真係老朋友。由禾笛街到四陂坊...... 禾笛街已變成荃新天地, 舊投注站亦早已消散。但唯一就依然係荃灣發光。其實無它, 只要食物質素真係得, 就算位置再差, 都可以做得好。米線彈牙米香四溢。腩肉入味。大腸美味而無一丁點雪味。最緊要係湯底, 碗碗足火候, 唔係出面車仔麵拼湊可以比擬。但作為老朋友, 幫襯左咁多年, 近來你湯底變淡, 一食就食得出。唔知係咪漸漸放棄碗碗落鑊爆煮既做法? 我明白碗碗咁做係辛苦, 但好多如我一樣的食客, 就係衝住呢種口味而來。如果唔係, 點解要受呢種環境, 呢種服務?希望維持到你應有的水準啦老朋友!

行開荃灣，專燈一試好多人食，人氣旺盛既麵食。叫左一個腩肉米線，少少辣既腩肉，帶有彈牙既口感食落又有嚼口。米線爽口煮得岩岩好，唔會淋曬。湯底味道濃烈，好夠味，不過食完要飲返兩杯水。 

與同門外出荃灣工作，同事專程帶小弟一嚐醒神午餐。可能由於正處午飯一時許，唯一雲貴川風味餐店顯得人氣旺盛。約等待5分鐘別能安排兩個搭檯位置。 室內環境保持自我風味只是加了空調及風扇供客人降溫。言而小弟怕辣怕熱，所以選了清湯底口味。選了作菜伴，但原來我是忽略了炸醬及腩肉是辣的呢! 不到10分鐘，帶著香味的二味米線送到，表面半蓋蔥花全多得下單阿姐替我額外加上，火紅的腩肉，鬆軟而富有質感，味道咸中帶辣非常醒胃。炸醬是濃濃的味道，夾附在麵線中一起食下，令每一口都有著香濃味道，十分到味。 吃過完畢後，清湯底完全化作炸醬湯底，突顯了完全足料的本質，值得推介一試!!!

今日終於的起心肝打返個食評喇^^因為我喺荃灣返工既關係, 哩間米線其實我食左無數咁多次點無數法...一星期最少食2,3次..哈同埋雲貴川係無時無刻都充滿住人的, 永遠有條長龍喺門口所以我多數係外賣返去食而外賣返到去都仲KEEP到果種香滑既米線, 我相信真係冇幾多間我每次鐵腳一定會嗌既: 酸辣+腐竹+一個肉, 少米多芽佢既酸辣真係會食上引輕輕既麻+少少辣+少少酸+少少香料味+有微微八角香但冇八角苦層次非常豐富而腐竹係我其中一種最愛既食物某大連鎖米線, 腐竹俾極都係2條哩到係俾幾片大片的啱晒我哩個腐竹怪,成片擺落口, 係腐竹都可以有質感的肉我就鍾意好淋既雞翼或者超大粒又多涵既雲吞同埋我一定要少米多芽因為佢係會裝到個碗滿為止我一個小女子又點食得晒呢食唔晒又好浪費所以少米, 再加返D爽口既芽菜係我既最佳選舉估唔到米線都可以分享到咁大篇....><證明真係好好食, 或者我真係好長氣..哈哈明天食晏又再食下先^^