咖吔

营业中

休息中

Kaya下雨天特別想食碗湯麵🍜喇沙都係一個好選擇.🌀新加坡喇沙 $62麵底可以選米線底或摻摻底（米線+油麵）濃厚嘅喇沙味道微辣🌶椰奶味香濃配料有豆卜 魚蛋 大蝦 同 溏心蛋重點係份量十足，夠哂大碗，性價比極高.🌀大蝦青木瓜沙律 $68酸酸甜甜，健康又開胃嘅小食，青木瓜口感清爽，伴以幾片薄荷葉，感覺更清新.🌀斑蘭咖吔多士 $ 36新加坡菜必食咖吔多士🍞多士是烘得香脆，中間夾住鮮牛油和咖哋咖吔醬唔太甜，加埋邪惡嘅鮮牛油，絕配🙌🏽🌀美祿哥斯拉 +$12美祿味濃郁，加上美祿波波，非常滿足

🍽海南雞飯拼白胡椒肉骨茶（$118）：小編幾鐘意呢類雙拼套餐。雖然每款食物份量較細，但勝在一次過可以享用到兩款食品。係選擇困難食客嘅恩物。🍛海南雞飯嘅雞件肉質偏熟，雞味濃。隨餐有三款醬汁，中間嘅紅色辣醬入口酸辣，右邊喺薑油，左邊喺濃醬油。滿滿一碗油飯，可免費轉白飯。🍲白胡椒肉骨茶有好濃厚嘅胡椒味，兩件豬肚，同埋一件帶軟骨嘅排骨。湯溫度微暖，如果可以熱啲就更好啦。🍹跟餐（+$22）配椰青：全自然無添加，椰青水清甜。☺️整體而言：餐廳座位舒適。待應熱情招待，落單上菜速度快。下午茶隨餐附送餐飲，食飽飽無難度！咖吔 Kaya (將軍澳)地址：將軍澳重華路8號東港城1樓112A號舖電話：25551989營業時間：11:00-22:00#香港食好西 #將軍澳 #馬拉菜 #咖吔 #香港 #野生代言人

行山前要嚟我的飯堂咖吔醫肚😋海南雞飯～薄薄的雞皮裡面爽住啫喱狀的骨膠原，再配上嫩滑的雞肉，還可以點附上的醬料，滋味倍增😋還有一碗冬瓜湯✌️新加坡喇沙摻摻～喇沙湯底惹味濃郁，勁大碗，有鮮蝦、唐心蛋、魚蛋、魚片、豆卜、牙菜、通菜等等，十分豐富👍牛油果五色米紙卷～感覺非常健康，煙煙韌韌的米紙包住紅蘿蔔條/青瓜絲/紫椰菜絲/粉葛幼條/牛油果，碟邊還有清新鮮甜的芒果汁馬來街頭椰子雪糕～用椰子殼裝住2大個椰子雪糕球，還有粟米條和椰子肉裝飾😄

咖吔 Kaya (將軍澳) @kayadining 係東港城入面嘅平價新加坡菜，見到佢哋喺北角同屯門都有分店，食物選擇算多，比較出名嘅海南雞、喇沙、甜品同飲品都有。。🌟香芒大蝦米紙卷 $68佢係用咗米紙包住青瓜絲、蘿蔔絲、紫椰菜、大蝦🍤同芒果🥭。裏面嘅蔬菜冇咩味，主要嘅味道係下面浸住嘅芒果汁，甜甜地。不過蘿蔔絲同紫椰菜嘅味都幾大，唔鍾意食蘿蔔嘅可能唔係幾啱。。🌟新加坡喇沙米線 🍜$82佢哋嘅喇沙好出名，呢款可以揀面底，有米線或者摻摻。我哋揀咗米線。裏面嘅配料都好豐富，有常見嘅魚旦、魚片同蝦。裏面仲有啲魚肉碎。喇沙湯底都幾辣下，但食落係好香，奶味唔算係特別重。溏心蛋同豆卜吸晒個湯底好好食。🌟海南雞飯（白飯）🐔$88坐低見到差唔多每台都會嗌嘅海南雞飯。飯可以選擇油飯或白飯，另外有三款醬汁配搭。薑蔥、辣醬同豉油。仲會包埋餐湯。海南雞嘅份量足夠，肉質幾嫩滑，某啲部位略為偏肥，但整體都幾好食。🌟美祿哥斯拉🍫 $36呢款算係成日都見到嘅飲品，喺美祿上面加上左脆脆嘅朱古力球，有得飲又有得食。美祿夠香濃

外賣叫咗一碗雞鴨絲湯粉一份芒果大蝦米紙卷一份咖吔多士一份芒果青木瓜沙律咖吔多士好少咖吔 外埋送到嚟嘅時候份多士淋晒 搞到個包又乾又硬 不過加埋牛油都唔難食嘅 芒果大蝦沙律平平無奇 份量少 唔值呢個價錢啲蝦上面仲痴住啲帶黑色嘅殼米紙卷味道還可以 同埋都多料嘅重頭戲係個雞鴨絲湯粉 災難級別難食首先個湯過咸 河粉本身有一大陣膠味舖喺面嘅鴨絲有腥臭味 雖然足料但一啲都唔好食成碗嘢最好食就係嗰半隻蛋唔知堂食會唔會好啲 但係憑其他食物表現唔值得俾多一次機會呢間嘢一定唔會有下次

餐廳裝修都幾有東南亞風情，而且設有好多卡位，坐得好舒服～下午兩點去，啱啱撞正下午茶，價錢比午餐平一截😮烤馬來蔥餅配咖喱 • HKD$52呢個係下午茶餐之一，跟餐附送飲品蔥餅烤得好靚，不過食落比較乾咖喱好香濃，點烤餅食就啱啱好街頭雞絲湯粉 • HKD$46都好大碗，下午茶來講兩個人share就啱啱好湯頭清得來唔會淡，有雞肉味，對於想食清淡啲嘅人來講係一個好選擇燒魷魚鬚 • HKD$65呢個好好食，推介～魷魚鬚搽咗沙茶醬先燒，食落好惹味！馬拉盞炒椰菜苗 • HKD$78呢個係單點嘅，因為好少見到有得食呢個菜，所以忍唔住叫咗椰菜苗好嫩，配埋香口嘅馬拉盞，完全冇得輸☺️熱桔仔話梅水 • 跟餐送個底有啲柚子蜜，所以飲落有晒話梅嘅微酸同柚子蜜嘅甜，好清爽嘅感覺

疫情關係夜晚冇得出去堂食真係小左好多選擇😭有時晏左收工煮唔切飯唯有叫外賣😩好彩屋企附近都有啲選擇今日就揀左Kaya,外賣質素都唔錯😆店員態度亦都良好，羅漏左袋都識得即刻打返俾我叫我去羅🤣🍱海南雞飯拼喇沙（$108）海南雞飯質素唔錯，雞肉嫩滑而且份量算多👍飯係油飯，粒粒分明，好香口🤩喇沙係迷你size，但都算幾大碗😛唯一唔好係冇將啲湯分開，啲米線到食既時候就有啲林🍜新加坡喇沙米線（$82）喇沙係我每次必叫既，真係好好食😍佢既湯底好濃好香椰汁味，真係可以成個湯飲埋😋而且料都好豐富😉不過味精都幾重，食完都會幾口渴🙃🍜橫城蝦麵（$86）蝦麵係用左油麵做底，個人就覺得喇沙好食啲😝呢個湯底唔算濃味，不過都好足料🤗有蝦、豬腩肉、溏心蛋等呢啲正常size既麵就有將湯分開裝，唔驚到食既時候啲麵會林晒🥳🍤香芒大蝦米紙卷（$68）米紙卷有六大舊，個皮煙煙韌韌😚加左芒果令到成個感覺好清新🤭再加埋點既醬係芒果醬，好食🙉🐷參峇醬燒豬頸肉（$85）豬頸肉亦都好食，好入味😊唔點醬都已經好夠味林得黎又有豬頸肉既爽口👍唔錯🤗/📌咖吔 Kaya將軍澳重華路8號東港城1樓112A號舖/😋食物質素：7.5/10💰性價比：7.5

陪媽子去完覆診，就喺附近食埋嘢先返屋企，見呢度開咗間新加坡菜餐廳，環境幾舒服就入去試吓先下午茶餐都幾抵食！種類亦好多！海南雞飯 $68海南雞肉質嫩滑又冇骨，雞飯充滿油香，入口又唔會太油膩，都唔錯！包埋碗冬瓜湯，清清地幾好飲！新加坡喇沙摻摻 $62摻摻即係油麵同米粉兩溝配料有流心蛋、蝦、魚蛋、豆卜同青菜等好豐富！湯底嘅椰香味好香濃，油麵同米線都索晒湯汁好惹味！串燒拼盤 $68拼盤有魷魚鬚、雞肉同蝦每款各兩串，媽子都大讚，魷魚鬚好爽彈✨椰青 +$22海鹽雪糕椰汁珍多冰 +$12椰青汁入口幾清甜，解熱生津海鹽雪糕都好好味😋

第五波疫情主要都係自己煮 或者外賣見好多人讚狗仔粉好食 就下午茶試下先～店員話等10分鐘，但自取果陣去左入貨，都遲左好多先番去拎，上到樓都仲暖既。個賣相超靚，仲好足料！肉碎、魚乾仔、蘿蔔碎之類，真係好惹味！下次會再encore，相信熱辣辣會仲正～

《抵食南洋風味😆》———————————————-#咖吔 🇸🇬-呢間Kaya係香港都有幾間分店，裝修典雅，坐得幾舒服，咁啱我哋去嘅時間係2點左右，可以又叫午市套餐，又嗌到下午茶，性價比甚高，非常抵食😋🐣 海南雞飯拼自胡椒肉骨茶無骨海南雞口感嫩滑，鮮味十足，尤其係層雞皮，爽口彈牙，略帶脂香，配上黑醬油跟薑蓉食味道更加惹味😚而佢嘅肉骨茶嘅藥材味偏淡，較易入口，胡椒味突出，仲有一字排同豬肚過足口癮～-🧡 新加坡喇沙摻摻喇沙湯底濃郁，滲出陣陣椰醬香甜同微辣，另外佢仲配有一個辣椒醬，可以自由按喜好添加，份量十足，非常足料😍-飲品方面我哋加左個特飲，椰汁珍多冰味道香甜，上面仲有大大球海鹽雪糕，夠晒透心涼❄️ 另一杯美祿哥斯拉有好多美祿脆脆波，又唔會死甜，都幾唔錯🦖-🍞 班蘭咖央多士選用咗麥包，多士烘得好脆，夾住班蘭醬同厚牛油🧈 ，見住佢慢慢溶化一滴滴嘅油超邪惡又好食～🤍 椰汁芋圓估唔到呢度都有芋圓呢款甜品食，用上椰奶，好有南洋風味～芋圓加埋紅豆、珍多冰，口感豐富😙-⭐價錢參考：(另收加一）午市海南雞飯拼自胡椒肉骨茶：$118海鹽雪糕椰汁珍多冰：+$12下午茶新加坡喇沙摻摻：$62美祿哥斯拉：+$12

因為以前喺附近返過工，所以其實已經知道呢間舖頭。開頭俾人嘅感覺就會覺得幾靚幾舒服咁，會一種舒適既感覺。由喺門口至到入去坐底成個流程都好快，感覺職員都好熟悉呢個工作環境！同埋員工都好有禮貌無論係入門口定係去到點餐都覺得唔錯。餐廳嘅位置都OK嘅，因為由地鐵站一出去到呢度都係大概5分鐘左右就已經去到。☀️班蘭咖央多士食新加坡菜就一定要食咖央多士！因為呢一樣真係必點嘅菜！一上菜就見到呢個咖央多士好精緻😆，都幾鍾意佢呢個擺盤😂，味道會覺得啱啱好，share黎食最岩啦～🌙牛油果五色米紙卷揭開Menu之後，就比呢個牛油果五色米紙卷吸引咗，因為突然間好想食牛油果嘅產品，所以就叫咗呢一樣嘢😂。成個賣相個人都覺得好靚，因為佢一舊就有五種嘅材料再加上成個視覺上都係色彩繽紛！另外佢隻碟再加埋呢一個嘅米子卷真係勁colorful，整體勁match！米紙卷下邊總會有啲芒果汁，覺得加埋呢個芒果汁真係好好味好開胃🤣～🌟新加坡喇沙米線食新加坡菜就一定要食喇沙！咁我哋都唔例外咁就叫咗呢個喇沙嘅同埋我哋係揀咗米線。個人覺得辣度其實都OK嘅係可以接受得到，但係因為人人口味唔，同所以屋企人食呢個嘅話佢會覺得有啲辣，但係成個味道上

星期六剛巧行開東港城，反正未食飯，不如來過下午茶於是試下這間新加坡菜，可能下午茶時段，所以特別多人等位，等了差不多20分鐘才入座等位時已經在門口想好吃什麼，一坐底就order,所以好快就有得食我點了海南雞飯，海南雞份量足夠， 加上三款美味醬料，令海南雞更滋味，飯夠軟香，椰油味撲鼻。唔錯跟餐飲品：香茅青檸荔枝梳打朋友點了新加坡喇沙米線，湯底香濃帶點辣，有淡淡椰香湯底，雖然細細碗，但有豆芽、豆卜及半熟蛋等配料，比較適合女仔食

地道老鼠粉 $88老鼠粉🥘其實係粗條短身既銀針粉質地彈牙、有口感😋配料有半熟蛋🍳、肉碎、江魚仔🐠、蘿蔔乾、花生🥜同參巴醬🧉半熟蛋🍳做到流心效果、好治癒😍起到濕潤老鼠粉既作用肉碎 瘦多肥少有肉既口感👍🏻有調味、好惹味👅江魚仔、蘿蔔乾、花生🥜口感爽脆增加口感層次👏🏻參巴醬🧉帶少少辣味，豐富味覺享受撈勻所有配料一齊食超惹味😻會忍唔住一啖接一啖咁食🤤好味💯檳城蝦麵 $86麵條係摻摻有油麵同米粉油麵有咬口👌🏻米粉條條分明、口感爽彈麵條分量頗多食極都仲有可惜唔夠入味😿配料有蝦、雞蛋🥚、豆卜、豆芽同青菜🥬蝦 🦐開半、肉質尚算彈牙🥳其他配料正常發揮湯底好普通🤫整體黎講，哩碗蝦麵既味道有啲似車仔麵🍜無特色😟斑蘭咖吔多士 $28多士🥪選用小麥方包🍞烘到好脆但唔會刮口👌🏻咖央醬🍯薄薄一層甜度正常可以再多啲😆牛油🧈呈半溶狀態入口綿滑起左濕潤既效果💦哩個組合十分邪惡唔難食但又未至於好有驚喜🙊桔仔話梅水🍹味道酸酸地🍋飲完喉嚨好潤、好舒服幾好✅整體而言，除左老鼠粉令我有驚喜之外其他食物質素都只屬一般🤔但勝在份量大方🤰🏻一定會飽馬來菜黎講，蘇媽依然係我心中既世一🥇

今日凍冰冰🥶都係搵個商場入去食午餐🥢，到位於將軍澳重華路8號東港城1樓112A號舖的咖吔 Kaya。 已經食過幾次， 味道都不錯的。 今次吃下午茶餐，新加坡喇沙摻摻$62、 巴東牛肉配椰漿飯$56、熱白咖啡、 熱手工奶茶。新加坡喇沙摻摻🍜的配料有蝦、魚蛋、 豆腐卜和半熟蛋，摻摻是油麵和米粉混合在一起，再加上熱辣辣的湯底，味道不錯。巴東牛肉配椰漿飯🍛的醬汁微辣好惹味， 巴東牛肉軟腍， 但我吃不到椰漿飯的椰漿味。 奶茶味道好過咖啡。 咖吔 Kaya是一間星馬餐廳， 有興趣可以一試😉。    

疫情關係好耐無去星加坡 好掛住果度好多嘅野食 今次係呢度我食到一個可以有星加坡味度嘅喇沙面裡面係摻摻 面底 d料都足 蛋熟度岩岩好 豆腐撲 魚蛋 魚片 蝦🦐 都算大隻 面底都多 對我黎講份量十足 湯底都好濃而帶微辣 都幾開胃桔仔話梅冰味道係最令我回味 不過我覺得冰可以落多少少會更好🤪