咖吔

营业中

休息中

長途跋涉去到將軍澳，發現周邊商場的餐廳都是平時常常見到的，最後揀左呢間餐廳食下午茶，睇睇價錢其實下午茶黎講都貴，要60幾蚊碗麵餐。點了咖喱面同半熟蛋咖吔多士，開頭睇餐牌先覺得都幾多餸，點知黎到d餸好似縮左水咁，魷魚好細條，蝦得一隻切開一半...仲有啲鴨肉碎，碎濕濕咁...咖喱湯底都濃郁配埋摻摻食味道正常，總係食唔慣湯底有好多香料渣，邊食要邊吐番一絲絲香料，明白無成個湯又唔香，可能隔咁一啲會俾。值得一讚係杯南洋咖啡真係幾香！咖吔多士味道正常，半熟蛋配左黑醬油，但醬油本身帶腥味，再加半熟蛋，腥味更重...建議不加....

周六商場都擠滿食下午茶人群。路經呢間見下午茶價錢都算合理，一般都係$60-70左右包凍、熱飲。見環境都唔錯等咗冇耐便安排入但座。點知間食店竟收唔到訊号，職員話呢度無wifi 😕 試問今時今日點會商場食店有咁嘅死位！最後都安排坐出啲方便啲！款式係多嘅，我哋因第一次試，所以都order咗兩款下午茶餐再加單點多士，見賣相嚟到還可以，可惜個喇沙面淡而無味，無椰奶味，唔香唔滑！個咖哩仲咸到一個點🥺😩⋯⋯本想換另一款食物但擔心廚房會加料，最後吃了少少算了！個青檸香茅更是酸到一個點。總結係唔好食！呢啲價錢其實都有不少選擇呢！

呢排東港城開左好多新既餐廳，而咖吔係其中一間但之前開張時實在太多人，為食貓真係唔想等😂到宜家無咁多人，為食貓先的起心肝去試環境咖吔既裝修充滿新加坡既風味，比人一種好relax既感覺😊另外，d位都幾闊落，為食貓坐得都幾舒服👍🏾食物新加坡喇沙摻摻 （4/5）呢碗粉真係好足料，有蝦啦，魚蛋啦，魚片等等😻😻而且d食材擺得好用心，根本同張相一模一樣😂至於個湯底好香，又唔會太辣👍🏾個麵撈埋佢比既辣椒醬會顯得更好食斑蘭咖吔多士 （5/5）推介大家一定要叫咖吔😋佢個多士外脆內軟，唔會過硬過淋👍🏾而連埋入面既牛油同斑蘭醬一齊食，真係好好食，好滿足鹹蛋黃雞翼 （5/5）推介為食貓真係估唔到呢個鹹蛋黃雞翼都咁好食😝佢既鹹蛋黃好濃味，而且個雞翼炸得啱啱好，唔會太乾身（有時出面啲鹹蛋黃雞翼會炸得太乾），不過如果啲雞翼再大隻啲會更好烤馬來蔥餅配咖喱 （4/5）同樣呢個蔥餅都烤得相當唔錯，好鬆脆😍個皮唔會太薄又唔會太厚，搞到成口麵粉而且點埋啲咖喱好快就食哂🤭椰汁芋圓（4/5）通常芋圓係台式糖水舖先整得好食😮‍💨但呢碗芋圓都整得幾好，好煙韌而且有好多粒唔同味道既芋圓♥️加上個椰汁又唔會太甜，正😋估唔到連鎖餐廳都有啲咁高

東港城見到有間食星加玻菜星加玻風味好耐冇食，係旅行既味道餐廳裝修別𡟹好有南洋風味講到星加玻一定會唸起海南雞飯仲有肉骨茶貪心既我就食個海南雞飯白胡椒肉骨茶滿足哂兩個願望以為雙拼一定會小啲但海南雞雞件都算好大而且肉骨茶仲要一大條肉排睇落就好滿足食落去都好滿足白胡椒好香肉排煮得好林海南雞好嫩滑鐘意佢個油飯，都一啲唔膩但好香香料味另外叫左街頭雞鴨絲湯粉清清地，湯頭清甜而且湯粉好好食當然小不了沙嗲雞串燒雞串燒燒得非常嫩滑多汁沙嗲惹味香口，好好食

中午食飯時間成日經過呢間餐廳都好多人排隊今日終於收早啲可以過嚟食晚餐。烤馬來蔥餅配咖喱呢款薄餅食落外脆內軟點埋咖喱汁非常之惹味！咖喱汁識落唔會好辣所以就算唔食辣嘅人都可以試吓。香辣炒飯有兩串雞肉串燒喺面頭，雞肉食落多汁唔會覺得乾柴，炒飯入面仲有好多海鮮配料識落好有鑊氣不過鍾意食辣嘅人可能覺得個飯唔夠辣不過呢碟炒飯就好大碟起碼多三個人食。海南雞飯拼白胡椒肉骨茶海南雞飯啲雞肉食落滑捋捋一啲都唔鞋口，肥瘦適中，醬料方面就有辣醬，甜豉油同埋薑蓉任君選擇，另外個白胡椒肉骨茶絕對有驚喜！好重白胡椒味飲落好濃郁唔係死咸，入邊仲有啲豬肚同埋排骨可以食添！

📍#咖吔 Kaya (將軍澳)將軍澳重華路8號東港城1樓112A號舖♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺❣️#檳城街頭排骨山 💰$180檳城排骨山真係冇得輸👏🏻 亦係餐廳嘅熱門之一❤️超級大份‼️唔怪得叫排骨山~採用咗秘製醬汁 裏面有芫荽、蒜蓉等等醬料 超級惹味 排骨肉質幾腍 好入味不過食耐左味道有少許鹹~ 需要配飯食 ❣#斑蘭咖吔多士 💰$28咖吔多士烘得夠香脆💛 裏面有少少斑斕醬不過都唔夠裏面嘅牛油香😆 yummy ❣#香芒大蝦米紙卷 💰$68米紙卷裏面包咗甘筍、青瓜、紫椰菜、同埋大蝦口感爽脆 夾雜住米紙卷外皮煙煙韌韌嘅口感口感非常豐富 而碟嘅旁邊亦有芒果醬汁 味道偏甜🔺🔺🔺🔺🔺🔺🔺🔺🔺🔺🔺🔺🔺

-新加玻喇沙摻摻夏天熱辣辣最岩食d濃味辣辣地嘅野開下胃，試咗呢個摻摻好大碗，絕對夠飽，擺面仲有半隻温泉蛋，魚彈蝦豆卜之類，配埋有個醬唔辣嘅類似xo海鮮醬，連埋青檸汁加埋落湯度更加鮮味，成個湯好有南洋風味，只係有小小辣，計返譚仔應該得二十至三十小辣，加埋湯底可能有椰奶中和返，仲增加咗香味，我覺得喇沙湯底比咖喱更加鮮。唯一美中不足係可以再加多幾條菜索埋個湯一齊食會更正，不過對女士尼講食曬成碗會有d飽滯。-老街咖哩麵老街咖哩麵係油麵同粉絲混埋嘅，湯底咖哩椰味香濃，梛漿為本身咖哩湯增添咗香味，令麵底都十分入味！成碗麵都好足料，有蝦蜆等海鮮，食到碗底都仲有好多，值得一試！-馬來拉茶有少少似泰式奶茶嘅味道，好滑好香，但個人略嫌甜咗少少，不過都好好飲-香茅青檸荔枝梳打如圖所見有原碌香茅，再加埋d薄菏葉成個視覺望落好refreshing，飲落就有荔枝味不過只係好小甜，岩曬我唔鐘意飲甜野又想食飽消滯，仲有個底係梳打水飲完嗝返啖氣爽曬！最尾仲可以咬埋條香茅清新下個口氣。

差唔多2點... 呢間【咖吔】店外仲有唔少人等緊位! 照推理... 食物質素應該唔差... 於是我都等埋一份!好彩流量都快... 等咗一陣已經有位! 店內格局清新整潔... 有卡位... 座位之間尚算濶落!食物方面都唔錯👇💢地道老鼠粉 $88老鼠粉即係我地叫嘅「銀針粉」... 除咗銀針粉... 材料仲有免治豬肉、菜脯、炸魚仔、流心蛋、參巴醬! 味道香濃惹味... 銀針粉夠Q彈... 真係食過會翻尋味!💢檳城蝦麵 $86材料有蝦、五花腩、蛋、芽菜、時菜等等... 都幾豐富㗎! 麵就有油麵同米粉兩溝... 增加口感! 至於湯底有蝦嘅鮮甜... 比起喇沙/咖哩湯底冇咁濃味! 💢海鹽雪糕椰汁珍多冰 (跟餐+ $12)海鹽雪糕鹹鹹地、甜甜地... 食落好幼滑! 椰汁珍多冰配海鹽雪糕... 整體上甜度啱啱好!💢美祿哥斯拉 (跟餐+ $12)呢杯小朋友應該會好鍾意... 成杯凍冰冰嘅美祿上面再加咗美祿波波... 賣相幾吸引!💢沙嗲雞肉串燒 (4串) $56呢個雞肉串燒一定要特別點讚! 因為燒完之後... 啲肉一啲都唔會嚡... 帶有花生同沙嗲醬嘅濃香味... 超級正!💢斑蘭咖吔多士 $28烘得香脆

行開東港城，見到呢間餐廳既裝修幾colorful幾開心，就同媽咪被吸左入去食😂芒果大蝦米紙卷：入面包左好多青瓜絲、紅蘿蔔絲，咬落去好爽口有口感！同埋最有誠意既係佢係個米紙卷到淋左芒果汁😍芒味濃，芒果味都好清甜👍烤馬來蔥餅配咖哩：食落好酥脆香口，同食印度薄餅好類似，但我覺得馬來蔥餅再酥脆d！配埋香濃既咖哩，好好食！我一啖蔥餅一啖咖哩😂篸峇怡寶芽菜：見到呢到有成碟既怡寶芽菜，第一時間點左，因為我覺得怡寶芽菜粗大d、爽甜d！不過，芽菜始終都係無咩味，但係呢到加左篸峇醬，令到成碟芽菜帶香辣，幾惹味！參峇醬燒豬頸肉：豬頸肉肥瘦岩岩好，燒到帶輕微既焦香邊👍再加埋香辣既篸峇醬，好似食緊街頭小食

兩個人食唔到幾多款式，不過又想試多啲餸咁啱見到原來有雙拼可以嗌，咁就啱晒我哋喇主要有海南雞，另外可以揀白胡椒肉骨茶或者喇沙米線海南雞飯拼喇沙米線 $108一個餐份量都唔少，有飯有麵食完都好飽雞肉嫩滑，加上甜醬油食好好味對我嚟講有啲辣，面層啲紅油撇開會好啲海南雞飯拼白胡椒肉骨茶 $118鹹蛋黃雞翼 $68上次試過鹹蛋黃魚皮覺得不得了！今次就試吓雞翼，都一樣美味雞翼外皮炸得超脆，加上鹹蛋黃鹹香惹味👍🏻👍🏻👍🏻

一直都好鍾意去坑口嘅呢間餐廳食嘢，今次去食午市，啲座位都幾舒服，上菜速度亦都好快。今次叫咗海南雞飯拼肉骨茶$118海南雞嘅份量都唔少，雖然肉質唔係非常嫩滑，但係亦都唔會太過難咬。有少少青瓜半碟，醬汁方面都係經典嘅海南雞醬，油飯顏色幾好睇，唔會太油膩，但係有佢嘅香味。而肉骨茶都令我好驚喜，原本諗住呢啲唔係年輕人口味，點知適當嘅白胡椒香味飲落好舒服，入面亦都有豬肚同埋肉骨，咬口仍然保存，呢排嘅天氣好適合。

重新開始有晚市堂食，簡直就是我這位地獄廚神的最佳消息，唔使再慢慢煮飯，放工都可以周圍品嘗美食。今晚好想食海南雞，來到東港城便可以行一田超市，選擇了咖吔新加坡餐廳。海南雞飯套餐，可以選擇拼喇沙米線，或者喺拼新加坡風味肉骨茶。真是超方便的配搭，幾好享受滑溜溜的海南雞，又可以淺嚐其他特色美食。好一段日子沒有過來，海南雞飯的雞肉份量好似比以前多，雞俾肉位置嫩滑美味，雞皮爽口。三款醬汁當中我就最喜歡薑蓉，鹹香味道不錯，和雞肉絕對是絕配。迷你咖沙的份量也不少，椰汁味香濃，還有鮮蝦、豆腐卜、魚片、芽菜等配料，米線吸收了湯汁味道，香香濃濃的，麵質彈牙。迷你肉骨茶，略嫌湯份量比較少，湯料比較多，兩件啖啖肉的排骨，以及肉骨茶必備的蒜頭，充滿胡椒香味，香濃順口。黃咖哩配薄餅，薄餅很鬆脆，一層層地撕下來，點上香濃的咖喱汁，邪惡又美味。

今日去左將軍澳搵食，經過呢間餐廳，裝修幾靚，見到下午茶餐牌幾抵食，就入去試下，好有驚喜叫了一個主食及兩個小食巴東牛肉配椰醬飯，椰醬味很清新，我自己好鐘意，椰醬不會太濃，牛肉很嫩滑，一點都不油膩，配上花生和炸小魚，好好食💯串燒拼盤，有三隻蝦和三串雞肉串，蝦有炭燒味，彈味，食材新鮮，雞串肉很嫩滑，沒有雪味，汁很惹味燒馬來蔥餅配咖喱，蔥餅外皮很脆，亦很鬆化，點咖喱汁一流三款菜式都很好食抵食，下次再試過😋😋😋

好味指數：😋😋😋😋😋推薦指數：⭐⭐⭐⭐⭐係屋企附近開咗一段時間，見到menu選擇種類都幾多，今日終於有時間同屋企人一齊黎試下😙牛油果五色米紙卷$68第一次食米紙卷，本身以為係一塊好薄既紙卷包住啲餡，原來口感係類似糯米咁🤔食落煙韌有口感，而餡料好爽脆，口感幾特別。米紙卷下面有啲芒果汁，可以撈埋一齊食，口感好清新👍🏻串燒拼盤$88（雞肉、大蝦、魷魚鬚各兩串）串燒好香沙嗲味，有小小辣。另外配咗醬汁，不過本身都好入味，所以無特別點汁🤣但今日咁岩魷魚鬚缺貨，所以雞肉同大蝦各多一串海南雞飯$88海南雞肉嫩滑，另外配咗三款醬汁，次次食海南雞飯都好中意點勁多醬😋可以選油飯/白飯，不過比較建議油飯，油飯好香😝椰青$42椰青清甜，啲椰肉偏軟好易就刮到出黎☺️📍咖吔 Kaya (將軍澳)將軍澳重華路8號東港城1樓112A號舖

之前係北角見到呢間餐廳想去試下，但冇去到，今次過開黎坑口見到有分店就入去食個下午茶啦~ 好彩等左一陣就有位~我地叫左兩份茶餐一份咖央多士，食到好飽😌新加坡喇沙摻摻 ($62)配熱桔仔話梅水好大碗喇沙呀！佢可以比你揀配米線定摻摻，老公揀左摻摻，正宗啲~ 喇沙湯底都幾有椰香味，比較辣，油麵米粉兩溝食落都煙韌，雙重口感，配料都多，有開邊蝦、魚丸、魚片、豆卜、芽菜、半熟蛋。熱桔仔話梅水正常，可以解下渴～地道老鼠粉 ($62)配熱香茅鮮橙茶老鼠粉用砂煲上，可以keep住熱辣辣，炒得好惹味，撈埋肉碎、咸魚仔、菜莆、花生、溫泉蛋，真係好豐富。味道正常，唔會好咸，亦冇炒得好油好燶，剛剛好，銀針粉有咬口👍🏼 熱香茅鮮橙茶我只係飲到橙味，冇咩香茅味😯班蘭咖央多士 ($28)佢都有tea set但我地飲唔到，所以單點，可惜期望過高，班蘭咖央味唔重，可能落得太少醬？另外佢都唔係即叫即整，黎到都凍左，冇咩特別。成個餐廳都裝修得好熱帶風情既，坐得都舒服，每張枱都有濕紙巾同口罩袋，都乾淨。店員都有禮貌，服務態度幾好👍🏼.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ☆ ☆性價比