咖吔

营业中

休息中

每次嚟北角行一田，經過呢間餐廳都係企滿等位嘅食客難得今日唔算多人，可以坐低食下新加坡菜✨海南雞絲喇沙摻摻平日鍾意食米粉同油麵所以每次都會揀摻摻豆卜索盡香濃嘅喇沙湯底嘅精華再配上雞絲啖啖肉，好嫩滑大大碗好有份量跟餐有唔同嘅飲品選擇✨香茅橙茶新鮮香橙片，令茶味更香甜插上新鮮香茅，味道好夾✨馬來街頭椰子雪糕原個新鮮椰皇，加上裡面嘅椰肉．爽口清甜揀咗榴槤口味嘅雪糕，灑上香脆花生碎仲有粟米作相伴呢個甜品令今餐更完美

今次黎到北角匯行下，晚飯就揀左依間餐廳，環境有部份座位可以睇到海景，感覺幾舒服，食物方面揀左幾款，斑蘭咖吔多士，多士烘得香脆，入面搽咗斑蘭椰醬同牛油，好有椰香甜味，小吃之選，無骨海南雞飯，雞肉嫩滑，配以辣醬，甜豉油同薑蓉味道好正新加坡喇沙，大大碗喇沙份量好足，賣相唔錯，有吾少配料：糖心蛋、魚蛋、魚片、蝦、通菜同豆卜，湯底椰香幾惹味，米線爽口彈牙，值得試試，整體每款食物都有水準，送餐時間快，會再次回訪

2月初喺北角睇完戲之後醫肚，諗住北角滙商場𥚃邊啲餐廳多數都好高級好鬼貴，點知行行吓見地下有間kaya 食新加坡南洋菜，睇吓個下午茶餐牌，有十幾款餐，有飯有粉有麵揀，又包飲品，最平$4x起至$8x, 又有我鍾意嘅馬來拉茶，環境裝修都靚，咁就呢間啦！我哋2人叫咗：🐵巴東牛肉斑蘭椰漿飯👍🏻👍🏻👍🏻👍🏻👍🏻🐵老鼠粉👍🏻👍🏻👍🏻👍🏻👍🏻🐵馬來拉茶👍🏻👍🏻👍🏻👍🏻🐵香茅青檸梳打👍🏻👍🏻👍🏻👍🏻餸份量好足，雖然係下午茶但唔會得少少唔夠食，基本上差啲食唔晒添！老鼠粉材料十足，温泉蛋脆魚仔花生都好好味賣相亦很好呢間店裝修好好坐窗邊一路食一路chill好爽㗎!今次冇窗邊位坐希望下次有機會啦

一向對新加坡美食都情有獨鍾，話晒啱返亞洲人口味。今次黎到kaya試下佢哋嘅招牌去骨海南雞飯，滿足一下有肉有飯嘅食慾😋 午餐時間都要等大約15分鐘先入座，2個人可以被安排坐4人卡位都幾舒服。一個海南雞飯配一杯特飲$92再加一，午餐價錢都算貴，即管睇下質素係點？雞肉採用無骨雞肉，雞皮爽嫩，雞肉又夠味，兩者之間仲會有少少雞啫喱，證明夠晒嫩滑，份量都足夠食晒一碗飯！雞油飯就唔會太油膩，正常發揮，而且飯粒都香氣十足。連我都可以連皮帶肉食晒一碗飯，整體黎講都幾好味！

鍾意食東南亞菜 可以試下呢間咖吔菜式都算幾多 而環境裝修得舒服 座位好寬敞🙌🏻🌟街頭雞鴨絲湯粉🐔🦆湯底好清甜 鴨肉同雞肉絲香嫩爽滑 配以吸收哂湯精華既豆卜,半熟蛋同菜等實在好不錯👍🏻🌟海南雞飯🐔海南雞雞皮爽脆而雞肉緊實滑嫩油飯帶香茅同黄姜 味香而不油蘸埋黑醬油,薑蔥醬,辣椒醬 滋味更加豐富😋🌟咖吔多士🍞清甜不膩既咖央醬加上牛油🧈同烘得脆脆既多士 真係好難抗拒💯🌟馬來拉茶入口醇香絲滑 茶味濃郁 奶香十足🌟美祿恐龍食新加坡菜 必點飲品😆

🥘新加坡唎沙摻摻摻麵口感豐富👍🏼 喇沙湯底好濃郁，非常之夠味，椰奶味比較濃；但味道一啲都唔辣～ 非常好。另外，豆腐卜吸晒喇沙嘅湯底，裏面軟綿綿，非常之正。配料除咗有剝咗學嘅蝦之外，仲有細魚蛋，魚片頭；通菜嘅莖部（呢個幾有趣）喇沙湯麵會跟埋有蝦醬同埋青檸檬🍋 都唔好睇小，青檸嘅汁加落去麵條上面，都幾refreshing 建議可以係食到一半之後，先再加，帶嚟新嘅口味😋🦐檳城蝦麵原來蝦麵都係參參嘅麵底，可以食到更加豐富口感。相比起喇沙湯底，蝦面湯底嘅蝦味就非常之突出，奶味無咁強、相對上比較清。配料就有喇沙無嘅腩肉。炒芥蘭（蝦頭膏）蝦頭整出嚟嘅蝦膏就應該貴重啲、味讚我都覺得唔錯。芥蘭都唔會太粗，幾好食。

北角匯二期有間正宗新馬餐廳，好多人都鍾意來呢度食午餐，因為呢度野食質素不錯之外，今次我都午餐過來湊湊熱鬧，係好多人滿座咁濟，預返2 點到來食就有位。點了雞絲喇沙摻摻，配野飲美祿哥斯拉，另外單點了一份鹹蛋黃魚皮，慢慢品嚐我的美好午餐。喇沙方面，雞絲夠多而且喇沙湯底香濃，唧少少青檸汁十分開胃。美祿哥斯拉其實就係美祿，岩曬小朋友口味。最鍾意鹹蛋黃魚皮，又香又脆，食過返尋味必試啊。呢度環境舒適，更適合下午茶跟朋友聊聊天，也能觀賞下窗外的風景，一舉兩得。

仲記得好耐之前黎過呢一間北角匯咖吔食新加坡菜，之後每次經過都見到好多人。今晚收工之後又黎食返餐。主餐牌有新加坡出名菜式，肉類，海鮮，輕食，小食，沙律，蔬菜，飯麵，甜品，啤酒，飲品等等。海南雞飯拼喇沙米線 $116 另加一我鍾意呢度有組合可以一個餐試兩種新加坡特色主食。喇沙米線係幼白色，好滑，個湯底好香椰汁同咖哩味，味道調得好，好惹味。配料有半片去殼蝦，魚蛋條幾條幼條，洋蔥絲，爽口芽菜，吸湯豆腐卜同半隻糖心蛋，份量都幾啱。海南雞有十幾件，有雞脾，雞胸同雞翼，今次雞胸肉比較多，不過都唔太韌。點甜豉油最好食，另外仲有辣醬同薑蓉。配3片爽口青瓜。油飯好香，暖暖地上枱，都大大碗。參峇醬燒豬頸肉 $85 另加一參峇醬燒豬頸肉一客8片，切割好有心思，燒得脆脆地而肉質爽口，好味道。伴有青瓜粒，洋蔥絲同半粒車厘茄可解膩。個參峇醬少少辣，好惹味。馬拉盞炒通菜 $72 另加一馬拉盞炒通菜熱辣辣上枱，味道較得好，超惹味，加上好多蒜蓉，通菜都好嫩。又健康又美味既一道素菜。上菜快捷，座位都舒適，價錢都可以呀。

㗎吔Review : 🌕🌕🌖🌑🌑海南雞飯I recently tried the Hainan chicken rice in North Point. The dish filled with the poached chicken which are succulent and full of flavor, and the rice is cooked to perfection with a delicate aroma. The accompanying condiments, such as cucumber slices, chili sauce, and ginger-infused soy sauce, add an extra layer of flavor and help to balance out the richness of the dish....

餐廳位於人來人往嘅北角匯商場有連鎖分店 環境乾淨坐得幾舒服⁡🌈牛油果五色米紙卷擺盤好有美感 連隻碟都靚過人紙米卷好多蔬菜健康之選有紅蘿蔔/椰菜/青瓜/牛油果/白蘿蔔全部都好新鮮又爽脆最驚喜係下面有配搭甜甜的芒果醬汁增加層次之餘仲更加fresh⁡🌈班蘭咖央多士多士採用比較健康的谷麥麵包不過都有焊底令麵包咬落去脆卜卜入面有齊牛油+班蘭咖吔醬塗上香軟幼滑的咖央醬每一口都食到濃濃的蛋香和椰香⁡🌈參峇醬燒豬頸肉呢個有驚喜 唔鞋夠柔軟多汁每塊豬頸肉都切得剛剛好厚度而且肥美肉厚仲有少少油香配埋參峇醬更加惹味 又香又鮮又辣唔加就咁食就食到豬頸肉嘅肉香味份量夠晒2-3人份量 會再encore!⁡🌈新加坡喇沙米線一上碟已經被佢嘅色澤吸引同埋聞到甜又辣嘅香味蝦/魚片/豆腐卜/雞蛋/芽菜/通菜/洋蔥等喇沙湯底很美味有濃郁椰香 米線爽口掛湯 材料亦夠新鮮⁡🌈海南雞飯油飯配上油雞 仲有3格不同醬汁及冬瓜湯油雞無骨 雞皮色澤淡黃光亮肉嫩味鮮 廚師切到剛好一啖一雞肉自選薑末/辣椒/黑醬油點雞肉有辣有唔辣任君選擇除咗個湯濃味少少 其他唔錯⁡

捉著減價的尾巴， 來到北角匯的一田超市掃貨， 經過瘋狂shopping之後， 要到餐廳補充體力。 最方便又最近的，莫過於在超市附近的“咖吔”。 平時我和朋友都會經常過嚟下午茶， 已經差不多是我們半個飯堂。星加坡風味肉骨茶之前很少單獨order肉骨茶, 常常都是海南雞飯 拼肉骨茶套餐。 今天就來試試獨享， 超滿足的份量， 排骨也有好幾件， 大大個蒜頭， 而且還有一些 豬肚， 辣辣的胡椒湯很過癮很保暖， 肉骨茶附送油炸鬼， 另外也加配了油飯。招牌海南雞飯海南雞粉定是每次必點的， 肉質嫩嫩的而且色澤也很 柔潤， 醬汁當中最喜歡就是薑蓉， 另外其是辣椒醬， 鹹香辣度十足， 油發煙煙靭靭的， 因太好吃很多時都會叫多一碗。馬拉盞炒椰菜苗 不是很多地方都可以點 這款椰菜苗， 很有嚼勁和爽口， 加上馬拉盞的香辣， 真的很開胃惹味。

我已經係多次光顧的客人，今日買咗兩碗叻沙，平日堂食佢都會跟馬拉盞（可能唔係叫馬拉盞或者阿參醬，或者兩個都唔係）今日外賣，我特登問佢可唔可以俾多啲，因為我好喜歡吃辣，覺得佢個醬配叻沙係絕配。你得咁少醬，未食都已經覺得佢唔好食！其實餐廳如果覺得嗰醬係咁值錢，可以叫客人俾錢買而唔係係同個客講已經俾咗好多，再多唔可以再俾！ 除咗係唔友善，都係唔友善！其實我堂食嘅時候每一次都會叫佢哋俾蝶大嘅我，咁係咪即係話唔鼓勵人哋外賣呢？咁好啦！我明白啦唔會再有下次！劣

🌟班蘭咖央多士🌟脆口嘅多士夾著由由斑蘭葉、雞蛋、椰糖及椰奶製成嘅咖央槳，加上牛油，口感似吉士同雪糕之間，味道好夾，甜度適中😋🌟海南雞飯拼喇沙米線🌟雞皮爽口，雞肉份量好足，雞件煮嘅時間拿捏得剛剛好，唔會太熟，保持住鮮味嫩滑可口。喇沙米線都幾大碗，椰奶味好香，湯底夾雜着海鮮嘅味道，非常香濃惹味，加上豆腐卜、魚片、雞蛋、蝦肉，啱晒一啲鐘意重口味嘅我。🌟串燒拼盤🌟雞肉、大蝦、魷魚鬚各有2 串個人幾鐘意呢個配搭，每樣都可以試吓，串燒上佈滿左參岩醬，傳統東南亞醬汁，香濃鹹香味，輕輕帶一點點辣味，十分惹味。特係雞肉串，雞肉嫩口入味。🌟冰凍拉茶/冰香茅青檸蜜🌟拉茶香滑，青檸檬蜜個檸檬有成半個🤩加埋滿滿薄荷葉，一飲已經感覺好清新

大約11點半黎到食嘢每次去到都會有要等位好彩今次一去到就有😆食到12點既時候出面已經好多人排隊！好彩早到左一步😆😆如果唔係都應該有排等🥲- 地道老鼠粉個老鼠粉都算多肉碎係入面食到最後都仲有好多幾欣賞佢啲魚仔 好脆口同好香😝不過個粉我就覺得偏濕左啲如果乾身番少少會更好味😝-新加坡喇沙摻摻個湯都重椰奶味 美中不足既係 我覺得個湯可以再熱番少少個麵底都唔錯不過同老鼠粉比較 我個人黎講就鍾意老鼠粉多啲😝

呢間食過好多次外賣，嘢食都唔錯，近排又食過屯門店好好食，所以趁經過特登嚟堂食。因為工作關係，8點幾差唔多9點先入座，雖然夜，但係都滿座，要等一陣位，座位算幾逼吓，叫咗必食既新加坡喇沙同馬拉盞炒椰菜苗。之前食過幾次新加坡喇沙，啲湯好濃好香，唔知點解今次味道好淡，得少少椰奶同辣油味，平時既香葉同香茅味都無。入面啲餸係正常既，魚蛋，雞蛋幾好食，蝦都彈牙，但係喇沙既湯係重點嚟，呢個價錢咁淡味既湯，認真麻麻地。椰菜苗係正常既，份量都算多，食咗一半先記得影。食食吓，突然有好大陣消毒藥水味，原來係差唔多關門，員工開始用消毒藥水抹枱，抹梳化，雖然食食吓有陣消毒味好奇怪，不過疫情期間勤消毒都係好事，所以算啦。但係大概9點15分左右，有收垃圾既工人推住垃圾車嚟收垃圾，過咗一陣推咗人咁高既垃圾走，個個食客都係無戴口罩食緊嘢，咁樣真係好唔衛生。