名門私房菜

同朋友去湾仔食顺德菜「名门私房菜」，呢间主打顺德手工菜嘅餐厅真系好有水准，顺德家乡手菜好有特色，店员非常亲切友善。餐厅装修典雅有格调，灯光柔和。杏汁白肺汤，好适合转季嘅天气饮，汤色奶白，香气温润，入口香滑又顺喉，杏汁嘅甜香中和咗白肺嘅嫩滑，一啖落肚成个人都暖笠笠，滋润得嚟唔腻，仲有好大碟汤渣都食得吓。小炒皇，真系炒得镬气十足。虾干同鱿鱼丝炒得香脆惹味，韭菜花保持爽口，加上爆香嘅腰果，成碟香气扑鼻，味道层次好丰富，送饭一流。顺德煎酿鲮鱼，绝对考手工，师傅先拆骨再打成鱼胶酿返鱼身，外层煎到金黄微脆，鱼肉咬落去弹牙又爽口。虾子柚皮，顺德特色手工菜，卖相都几好，柚皮先浸走苦味，再慢火炆到入味，吸满老鸡汤精华，软糯绵滑。鲍粒咸鱼鸡粒煲饭，打开个煲即刻传出阵阵焦香。饭底金黄香脆，咸鱼香渗入每粒饭，鲍鱼粒弹牙鲜甜，鸡粒入味又多汁，拌埋饭焦一齐食，香口又惹味。虾多士真，外层炸得金黄酥脆。一咬开，热辣辣嘅虾肉一啖入口，就已经弹牙得嚟又Juicy，配合轻酥嘅炸皮，脆卜卜嘅多士，炸得黎又唔油腻，食完都唔滞。餐厅再送埋甜品，木瓜雪耳糖水，好润好啱秋风饮。…查看更多

今晚预约左湾仔呢一间私房菜同屋企人一齐食饭，主要系食顺德菜，之前已经同老婆两个人曾经试过，味道唔错，但可以尝试既菜式唔太多，所以今次就带埋屋企人黎，一共有8人，可以食多好多餐厅既环境唔错，有足够私隐，枱与枱之间有足够距离，而且俾我哋既枱仲系圆枱，中间有块大玻璃可以摆菜式方便大家夹黎食由我哋点菜式到食物黎到只系大约15分钟左右，第一道菜式就黎到，系豆腐鱼蓉羹，羹既汤质浓郁又滑顺，而且散发出淡淡既鱼鲜香味羹中掺入左嫩滑既豆腐同细致既鱼蓉，令到相得益彰，为口感增添左层次之后有冰烧鸡，呢道菜以手撕鸡为主，搭配青瓜丝、香脆芋头丝、姜粒同海蜇等多种食材，层次好丰富，口感极佳特别系加入左青芥酱，微辣既味道为成道菜增添左独特既刺激感，令人食指大动呢个系黄金虾，以金黄酥脆既外皮包住鲜嫩既虾肉，搭配燕麦作为点缀，卖相既高雅又充满层次感虾肉既鲜甜同外皮既香脆形成左绝妙既口感对比，令人一啖接一啖停唔到再黎系煎米饼，用左香脆既米饼搭配虾仁同葱丝，视觉上几吸引米饼煎到金黄酥脆，外层带有微微焦香，而内部则保持柔软，形成完美既口感对比呢个系顺德既名菜，酿鲮鱼，以鲮鱼为主角，鱼身完整，但内部填满左鱼蓉，搭配豆豉汁鱼肉十分鲜嫩，酱汁浓郁，入口层次分明，令人回味无穷，好快就清晒成碟跟住系虾子柚皮，柚皮经过处理去除左苦涩味，再焖煮至软嫩，吸收晒浓郁既虾子汁，既鲜又香柚皮口感细腻，入口即融，而虾子既咸香则为整道菜增添左层次感，令人回味无穷呢个系鲜菠萝油炸鬼咕噜肉，用左酥脆既炸猪肉配搭菠萝、青红椒同洋葱，淋上酸甜适中既汁，每一啖都充满层次感猪肉既外皮炸至金黄酥脆，但里面仍然保持嫩滑，酱汁都调配得岩岩好，酸甜平衡，令成道菜更加开胃重点既洋葱鸭终于出场，份量好多，真系有成只鸭，店员仲帮忙切开添，鸭肉炖煮至嫩滑，吸收左洋葱既甜味，入口即融加入左洋葱唔止增添左层次感，仲有自然既甜味，同鸭肉完美融合，果然系招牌菜然后有啫啫唐生菜，唐生菜好爽口，而且几惹味，个锅仲系热辣辣添，咬落去唐生菜仲有水份，未至于干晒最后仲有荷叶饭，份量好多，8个人都食唔晒，因为啲饭塞满晒喺荷叶里面，充满荷叶香，而且有好多配料，啲饭粒粒分明，食落去好丰富，食埋真系劲饱！！…查看更多

朋友钟意食顺德菜，所以专登揾咗湾仔呢间名门私房菜试吓。呢间餐厅主打顺德手工菜，厨师功架一流，食材带有浓厚嘅顺德家乡味道。虾子柚皮就更见功夫，柚皮事前反覆浸水去苦，再用老鸡、大地鱼干、瑶柱同虾米慢火炆到入味，最后淋上鲜香虾子。柚皮吸满汤汁后软糯绵润，虾子香气扑鼻，甘香而唔腥，系一道真材实料嘅传统功夫菜。冰镇鲍鱼用上厚身南非鲍，冰镇得啱啱好，入口爽滑中带微微咸香，咬落啖啖肉又Juicy。顺德煎酿鲮鱼，鲮鱼拆骨打成鱼胶酿返鱼身，外层炸到金香脆口，鱼肉弹牙又鲜甜，鱼香满口，真系冇得输。乌糟鸡，鸡皮滑溜、肉质嫩滑，黑糟香气温顺似酒香，配上自家种大头菜，送饭一流。鲍粒咸鱼鸡粒煲饭，饭粒焗得香脆金黄，饭底有咸鱼香，鲍鱼粒细腻弹牙、鸡粒咸香入味，饭焦香脆得黎又过瘾。脆皮咕噜肉，新鲜排骨炸得外皮金黄酥脆，内里肉质依然嫩滑Juicy，用埋三色椒同油炸鬼，口感够脆。…查看更多

我订位后，他们已经WhatsApp把菜单发给我，并说明那一些需要早一天还是要更早预订，菜单上有很多菜式也有套餐，由于菜式太多，让我们有选择困难。首先第一道上的菜是杏汁白肺汤，杏汁不算太浓，不会只有杏仁味，有很大粒白果。之后喺早一天预订的墨鱼滑酿鸡卷，鸡髀肉包著墨鱼滑，有一阵阵南乳味，没有油腻感，是一个香脆可口配搭不错的菜式。再嚟系另一个预订的雪菊石榴球，这个菜式卖相很美，蛋白皮包著沙角、虾等配料，再加上金华火腿提味，连绑着它的葱也很好吃😋。桂花炒鱼肚炒得干身，但不会太干难以入口，略嫌有一点碎，整体也算不错。红酒牛筋腩的红酒🍷味不算太浓，牛筋和牛腩也很腍很易入口，是一个很好的送饭菜。焗鱼肠需要等45分钟，我偏向喜欢较重陈皮味的焗鱼肠，这个没有陈皮味，但亦不会有草腥味或苦味，所以也是一个很好的菜式。最后是加单嘅金银野菌蒸胜瓜，估唔到系胜瓜上加上金银蛋，而不是好像其他地方这样把胜瓜野菌和金银蛋混在一起蒸，每一个瓜都有一个咸蛋黄，卖相不俗，野菌份量很多，但略嫌太咸。最后每位送一碗番薯糖水。这间餐厅服务殷勤，职员有耐性介绍菜式亦不时到来换水及收碟。但由于我们坐在房内，有时要等一阵先看到服务员到来下单。整体来说服务和菜式的味道也很好。…查看更多

昨天晚上一行四人去了湾仔这间私房菜。起初本来想去酒店吃自助餐，但已经厌倦了自助餐的食物，所以转去吃私房菜。这间私房菜都是从OpenRice里面找到的，第一次在香港吃正宗顺德菜，原来很多菜式都要提早一天预订，譬如冰烧鸡丝、冬瓜盅。我们先来了两客前菜：素鸭和皮蛋姜片，皮蛋是甜甜的糖心皮蛋，配上姜片很好味。素鸭也炸得不太油腻。由于没有预订经典菜式，唯有选择其他在OpenRice食评中提及过的𩠌菜。令我们惊喜的有譬如酿鲮鱼肉，上桌的是一条完整的鱼，里面酿满了鱼肉，那种鱼肉的质感，不像平时街市买的一早已准备好的平价鱼肉，口感有点弹牙。另外炸鲜奶，里面的奶很美味，不太甜。还有小炒王，由于已经没有韭菜花，转用西芹，味道也是很好。冰镇鲍鱼也是值得一试。最后还赠送甜品，是绿豆沙和杏仁霜。杏仁霜是即刻煮的，不错不错！这间顺德菜可以值得再来吃，但记得要提早预订喜欢的菜式。埋单时还和老板倾了现在香港经营饮食的艰难！真心这篇不是鳝稿🙂…查看更多