名門私房菜

同朋友去湾仔食顺德菜「名门私房菜」，呢间主打顺德手工菜嘅餐厅真系好有水准，顺德家乡手菜好有特色，店员非常亲切友善。餐厅装修典雅有格调，灯光柔和。杏汁白肺汤，好适合转季嘅天气饮，汤色奶白，香气温润，入口香滑又顺喉，杏汁嘅甜香中和咗白肺嘅嫩滑，一啖落肚成个人都暖笠笠，滋润得嚟唔腻，仲有好大碟汤渣都食得吓。小炒皇，真系炒得镬气十足。虾干同鱿鱼丝炒得香脆惹味，韭菜花保持爽口，加上爆香嘅腰果，成碟香气扑鼻，味道层次好丰富，送饭一流。顺德煎酿鲮鱼，绝对考手工，师傅先拆骨再打成鱼胶酿返鱼身，外层煎到金黄微脆，鱼肉咬落去弹牙又爽口。虾子柚皮，顺德特色手工菜，卖相都几好，柚皮先浸走苦味，再慢火炆到入味，吸满老鸡汤精华，软糯绵滑。鲍粒咸鱼鸡粒煲饭，打开个煲即刻传出阵阵焦香。饭底金黄香脆，咸鱼香渗入每粒饭，鲍鱼粒弹牙鲜甜，鸡粒入味又多汁，拌埋饭焦一齐食，香口又惹味。虾多士真，外层炸得金黄酥脆。一咬开，热辣辣嘅虾肉一啖入口，就已经弹牙得嚟又Juicy，配合轻酥嘅炸皮，脆卜卜嘅多士，炸得黎又唔油腻，食完都唔滞。餐厅再送埋甜品，木瓜雪耳糖水，好润好啱秋风饮。…查看更多

最近同屋企人去咗湾仔「名门私房菜」食顺德菜，朋友果然冇介绍错，食物唔止好味，全部都系手工菜，即叫即做，材料新鲜，火候同调味都控制得宜；环境舒服，服务员有礼，几个人都食得开心。点咗几个招牌菜： 冰镇鲍鱼：鲍鱼够大粒，冰得够冻，爽口弹牙，带少少酒香，简单开胃。 炖汤试咗两款： - 杏汁白肺花胶汤：汤底奶白，杏汁磨得幼滑，完全唔苦，花胶厚身，饮落喉咙好润。 - 螺头翅骨花胶汤：味道浓郁但唔腻，螺头鲜味重，胶质多。 主菜： - 蟹肉瑶柱焗酿蟹盖：蟹盖酿满手拆蟹肉同瑶柱丝，洋葱带甜，几啖就食晒。 - 百花酿蟹钳：虾胶弹牙，包住原只蟹钳，炸得干身唔油。 - 啫啫龙趸球：龙趸切得厚，入味，酱汁香口，鱼皮仲有少少脆。 煲仔饭系重头戏：爆葱油肶拆肉润肠煲仔饭，一开盖葱油香即刻出晒嚟，饭焦脆卜卜，润肠同拆肉份量多，粒粒饭都入味，几个人都话抵食。 豆苗用鲍汁快焯，够清爽；最后甜品食咗大良炸鲜奶，外层薄脆，入面鲜奶香滑，唔会太甜，收尾刚好。整体菜式手工认真，特别想食正宗顺德菜嘅话真系值得一试。下次想试埋佢哋嘅野菌炒饭同濑尿虾。…查看更多

上星期生日，专登订咗湾仔呢间「名门私房菜」庆祝，果然无令我失望！顺德菜出名手工繁复，今次真系大开眼界，每道菜都感受到师傅嘅匠心同坚持～✨前菜：冰镇鲍鱼鲍鱼size够霸气，冰镇做法保留原汁原味，咬落爽弹得嚟唔会韧，淡淡酒香渗入鲍鱼里面，系一道超靓嘅开场白！🍲炖汤二重奏：▪️杏汁白肺炖花胶汤 - 顺德名物！杏汁磨得幼滑无渣，同猪肺完美融合，花胶厚身又黏嘴，饮完成个喉咙好润～▪️螺头翅骨炖花胶汤 - 浓郁得嚟唔油腻，螺头鲜味同翅骨胶质完全融入汤中，饮完成身暖笠笠！🦀海鲜主菜：▪️蟹肉瑶柱洋葱焗酿蟹盖 - 真心考功夫！蟹盖酿满手拆蟹肉同瑶柱丝，洋葱清甜平衡油腻，每啖都系奢华享受▪️百花酿蟹钳 - 传统顺德手工菜！虾胶打得超弹牙，包裹原只蟹钳，炸得金黄酥脆但一滴油都无，功夫了得！▪️啫啫酱爆龙趸球 - 龙趸球厚切但完全入味，啫啫酱香气逼人，鱼皮脆肉爽，火候控制一流🍚灵魂煲仔饭：爆葱油肶拆肉膶香煲仔饭 - 一开盖香到晕！用上鸭髀拆肉同润肠，葱油香渗透每粒饭，饭焦金黄脆口，直头想Encore多碗！🥬清雅之选：鲍汁豆苖 - 用鲍汁焯豆苗够矜贵，豆苗嫩绿无渣，完美平衡成餐饭嘅浓郁感🍯可以系甜品：大良炸鲜奶 - 顺德经典！外皮薄脆，入面鲜奶滑溜得嚟唔甜腻名门绝对系隐世高手，将顺德菜嘅精细手工发挥得淋漓尽致。虽然价钱唔平，但每道菜都感受到师傅嘅心思同功力，特别适合庆祝特别日子。已经同屋企人讲定下次要再嚟试其他招牌菜！…查看更多

呢间楼上粤菜馆好食，Set Lunch嘅质素好高，物有所值。先来一人一碗例汤，足料又无味精，真系想饮多一碗。3个set，3个𩠌，蒜蓉粉丝大虾煲、顺德土酿鲮鱼、仲有一个印象中好似叫做榄菜排骨嘅𩠌，三款都好好食，最正系个土酿鲮鱼，功夫菜，呢鲮鱼肉真系冇骨𠮶下先至劲，粉丝大虾煲嘅虾都好新鲜，不过佢嘅粉丝仲好食过啲虾，因为索晒虾啲味所以好正，个个都争住食粉丝。个排骨好入味，又煮得够淋。个set lunch系有一碟菜跟埋嘅。仲有好好味嘅绿豆沙送埋。…查看更多

湾仔「名门私房菜」，餐厅环境真系静中带雅，木系装修带少少怀旧味，坐得舒服，啱晒一家人嘅聚餐时光。冰镇鲍鱼，成只南非鲍切得厚身，晶莹剔透，冰镇过啱啱好。入口即感受到阵阵鲜香，肉质爽滑中带微微弹牙。杏汁白肺汤，汤头香浓又顺喉，杏香柔和不呛鼻，饮落润而不油，白肺炆得软滑。乌糟鸡，顺徳特色家常菜式，微带酒香，用咗米酒同姜葱打底，味道层次分明。鸡肉嫩滑，渗出阵阵酒香。配埋大头菜𠮶阵酸甜咸香，送饭无敌。小炒皇，炒得镬气十足，虾干、鱿鱼丝、韭菜花炒到香气四溢。虾子柚皮，顺德特色手工菜式，柚皮炆到吸满汤汁，食落软糯但唔烂。虾子嘅鲜香加上鸡汤底嘅浓郁，味道好滑顺，入口有一种慢火煮出嚟嘅深层香甜。大良炸鲜奶，外脆内滑，炸皮松脆冇油腻，入面奶心嫩滑似豆腐，好味。…查看更多