點咗幾個招牌菜：
冰鎮鮑魚：鮑魚夠大粒，冰得夠凍，爽口彈牙，帶少少酒香，簡單開胃。
燉湯試咗兩款：
- 杏汁白肺花膠湯：湯底奶白，杏汁磨得幼滑，完全唔苦，花膠厚身，飲落喉嚨好潤。
- 螺頭翅骨花膠湯：味道濃郁但唔膩，螺頭鮮味重，膠質多。
主菜：
- 蟹肉瑤柱焗釀蟹蓋：蟹蓋釀滿手拆蟹肉同瑤柱絲，洋蔥帶甜，幾啖就食晒。
- 百花釀蟹鉗：蝦膠彈牙，包住原隻蟹鉗，炸得乾身唔油。
- 啫啫龍躉球：龍躉切得厚，入味，醬汁香口，魚皮仲有少少脆。
煲仔飯係重頭戲：爆蔥油肶拆肉潤腸煲仔飯，一開蓋蔥油香即刻出晒嚟，飯焦脆卜卜，潤腸同拆肉份量多，粒粒飯都入味，幾個人都話抵食。
豆苗用鮑汁快焯，夠清爽；最後甜品食咗大良炸鮮奶，外層薄脆，入面鮮奶香滑，唔會太甜，收尾剛好。
2
整體菜式手工認真，特別想食正宗順德菜嘅話真係值得一試。下次想試埋佢哋嘅野菌炒飯同瀨尿蝦。
