十大碗粥麵專家

营业中

休息中

呢間店位於太子 位置上唔算好旺 但係都要排隊等位 就知係好食既等左15分鐘就有位 menu上太多選擇 我都諗左陣食咩好淨係粥都已經勁多選擇, 我就揀左呢個廚房推介既及第粥等左10分鐘就上到枱 哇超足料有豬心、豬肝和豬粉腸粥底係好綿個隻勁綿滑, 加埋胡椒粉個口味一流入口有一陣好香既粥水香味及第既材料係豬雜好入味同埋粥夠綿鮮蝦腸粉入面係勁大隻蝦架腸粉皮薄到就咁都睇到入面唔會食到成口都係粉既感覺每條腸粉有2隻鮮蝦!!勁足料, 餸粥一流

肥雞尋日同媽子喺太子行街 行到攰一攰見到有一間專食廣東面叫做十大碗粥麵專家 咁肥雞梗係就入去試下好唔好味先啦 肥雞嗌咗個柱侯牛腩拼雲吞河粉 牛腩都幾足料 雲吞入面嘅鮮蝦好新鮮 呢個柱侯牛腩汁湯底好正 肥雞餐多飲曬成碗湯底 就嗌咗個爽口魚片頭又面 魚片頭即係炸魚蛋又係好正爽口彈牙 小食嗌咗個炸兩油炸鬼新鮮包住軟骨嘅腸粉 加埋甜醬真係一流 唔夠喉嗌多個咋解蜆鯪魚球 又係職責 每一啖都充滿咗鯪魚肉嘅餘香 呢間嘢肥雞真係覺得性價cp值超高 真心推介

今晚身在太子，立即想起早前從報導訪問中看到的「十大碗粥麵專家」，一於去試試。吸引處就是老闆有其父親50年的手藝，並依足爺爺流傳下來的秘方做麵。除此之外曾到「麥奀記」學師，亦先後在「劉森記」及「池記」學藝，共十幾年，根基穩健。地方不大但乾淨整潔，牆上的畫有特色。桌上放有似曾相識的酸蘿蔔，相當醒胃。《柱侯牛腩幼麵 $36》牛腩湯底香濃，牛腩份量多，腍軟入味，牛筋入口即化。麵亦十分爽口彈牙，每條掛上牛腩湯，十分香濃。原來麵就是老闆爺爺的秘方，皮一般店只碾兩三次，他們就特意叫麵廠壓夠八次，夠薄才會滑。麵方面，一斤麵就比一般店多加十隻鴨蛋，不惜工本，麵入口更爽，不易腍，蛋香亦零舍濃郁。《鮮鯇魚片粥 $35》粥底軟綿，魚片嫩滑。《火鴨絲豬潤腸粉 $30》腸粉薄而晶透，比較特別用上火鴨絲作材料，配上香滑豬潤特別夾。《郊外油菜 - 芥蘭 $18》新鮮翠綠，鮮甜無渣，配蠔油更鮮。下次要試試其招牌雲吞麵，劉家雲吞麵精髓在於湯底，用蝦籽、豬骨、大地魚，再加羅漢果、蝦米及果皮等十多種配料，每日新鮮即熬四小時而成，絕無誠意十足。

There are so many good noodles joints in Prince Edward.I was captivated by this one because it was clean and affordable.They have jars of pickled radish which must be tried.They had a nice crunch but not tangy enough for my liking as they were a bit sweet.As this place has congee, noodles and ricerolls I decided to try a bit of everything so ordered the plain ricerolls and plain noodles because most meat in Hong Kong is just................The plain rice rolls were really good and all it needed

精粹是精華之所在，是最美好的。傅承就是一個精煉的過程，把精粹傅至接班人，接班人繼承這個精粹發揚光大。近日，有報導介紹了太子有一間傅承了傳統雲吞麵製法的專門店，好奇心和仰慕心驅使之下，今晚來到探個究竟。結果是絕沒令人失望。店子不算大，裝修現代化之餘，亦覺有懷舊感。店員殷勤招待，和藹可親，提示要試下特製的醃蘿蔔。果然，醃蘿蔔味道非常好，相信是經白醋、糖醃過，食落有爽脆感，亦保留到蘿蔔獨有的清甜味。雙拼鳳城水餃招牌雲吞麵繼承傅统造法，湯底是用大地魚熬成，絕無味精，鮮味非常。而麵是用了全鴨蛋來造，蛋味更香，麵質爽，有韌勁。水餃、雲吞餡料足，調味恰到好處。最欣賞的是水餃和雲吞都是包到有 “飛尾” 的，這就是傅统了！蝦米炸両食炸両講求的是外軟內脆，還要夠熱。坊間好多的炸両都只是造到半桶水，不是腸粉皮太厚，就是油炸鬼已變凍了，腍了，韌了。而這裡所出的，就完全滿足到我的要求，灑上芫茜蔥花、甜豉油，再加甜醬、芝麻醬，確是人間極品，美味無窮。炸蜆芥鯪魚球大大粒的鯪球，炸出來是熱辣辣的。我怕會有魚腥味，所以落了少少胡椒粉，然後點蜆芥醬汁來食。一口咬落，魚肉原來不腥的，蜆芥醬汁味道濃。魚肉質地彈牙，味道調得好

兩公婆落太子食野，今次呢間店較新，裝修亦係我欣賞，簡單得黎有品味，尤其是牆上掛著大大幅食物的畫作，好正帶出他們的主題！粥，粉，麵同飯秘製牛根撈幼麵 $44麵質彈牙有嚼頭，牛根燜得夠火候，五香入晒味又漿口感覺食得到嘅骨膠源咁份量足價錢經濟！生滾鯇魚腩粥 $38生滾可以食得出係鮮魚腩，無泥味又甜又軟滑，大大件，粥底夠綿密口感實在 ! 北菇滑雞粥 $35同樣粥底配我所選嘅雞件，又食多種口味，雞夠滑剛剛熟透，雞味夠加上厚身北菇，夠滋味！食粥就好想配炸兩，一份炸兩有齊我想食嘅腸粉同炸油條，油條還有點脆就好正！薄薄腸粉包著炸油條！清楚分明，醮豉油甜醬麻醬，真係贏晒無得輸囉另一推介就係他們免費提供比客人嘅自家醃製酸辣蘿蔔，清爽微酸反而食後口腔回甜味，而食野前食較開胃，食飽後食就消滯，掂呀！店員推介的酥炸鯪魚球， 竟然食落外脆內裡就煙韌，比較翻其他店食的鯪魚球不同，特別外表上醮滿米粉碎，食落口感較脆口！

最近去了兩次太子這間「十大碗粥麵專家」，吃過雲吞麵、炸醬撈麵同炸兩等物，真係覺得挺有水準，味道也比較傳統。粥麵店來說此店都算光猛，雖然裝修同一般茶記大同小異，但感覺也頗乾淨企理。首次下午茶時段幫襯已眼前一亮，因為看到枱上有免費任取的醃製酸蘿蔔，這是舊派麵店才有的東西，至今已買少見少。酸蘿蔔醃得酸度剛好，夠清爽白淨，愈吃愈停不了口，讚！要了一碗雲吞麵。大小配得上細蓉的名字，細細碗當下午茶小吃剛好。麵條蓋在雲吞上面，基本外觀上只看到麵，這是數十年前的老做法，再時城中大概只有「麥字派」的老牌麵店才會這樣做吧。湯頭大地魚味足，但卻不「確喉」，喝起來挺舒服。銀絲細麵雖未及「劉森記」的彈牙，但靭度也相當好，與大部份麵店相比已屬前列水平了。麵底的雲吞不太大，但蝦肉彈牙，內餡也不會只有蝦，豬肉的比例屬我喜歡的範圍，雲吞的金魚尾也做得不俗，整體來說碗細蓉挺合我心意。看鄰桌的炸鯪魚球好吸引，也叫了一客細份（有四粒）的嘗嘗。鯪魚球做得好飽滿，咬起來好實在，不會是空氣感的，魚肉鮮香，加入的米粉碎也提升了口感，而伴隨的蜆芥醬也不是死鹹，唔錯。第二次也是差不多時段去到。叫了一個炸醬撈麵。屬傳統廣東麵店的那種帶甜有

早前在網上看過十大碗粥麵專家的介紹，窩夫與蝦子餅決定擇日一試。窩夫很喜歡牆上的畫。湯麵、撈麵、生滾粥和即拉腸粉都是港人愛吃的。雲吞麵($30)用的是全鴨蛋麵，爽口彈牙，很有水準。雲吞本來是放在湯底裡的，稍嫌不夠散尾。湯底用上大地魚、蝦籽和豬骨等熬足五小時，味道鮮甜，對雲吞麵一向有要求的蝦子餅表示滿意。試完湯麵，再試撈麵，南乳豬手撈麵($38)不怕麵浸湯久了而影響口感，豬手炆得夠腍，而且南乳味非常香濃。店員落錯單，豬膶粥變了豬膶腸粉($25)，腸粉包著的豬膶超厚身，應該是窩夫與蝦子餅吃過最足料的豬膶腸。招牌火鴨絲豬腸粉($27)同樣足料，多了火鴨絲的香味，味道更加豐富。窩夫與蝦子餅一定會再光顧的，下次要試粥和炸兩，要記得不要星期日摸門釘呢。

今日約咗朋友去太子食飯👭，因為好耐都未食過魚片頭河，所以突然之間好想食🤤，所以就同朋友去咗十大碗食晚飯😋。一去到十大碗，就感覺到舖頭既燈光非常光猛😀，而且店員都非常有禮貌😌，仲問我們要不要吃小食酸蘿蔔呢!😳 (呢間店既酸蘿蔔真係非常好食😍，我哋坐低咗唔夠十分鐘，已經食咗半盒喇~😂🤭)我自己叫了一碗爽口片頭河，而我既朋友就叫了及第粥。啲魚片頭真係非常彈牙爽口，勁好味吖~😆我朋友話佢碗及第粥都非常足料。😚我哋仲叫咗一份郊外油菜，同埋一碟炸兩。兩碟配菜既味道都好適合我哋口味。一向對食有執著嘅我😎，都覺得十大碗嘅食物做得好出色!👍下次嚟太子，我一定會再黎十大碗食魚片頭河!🙌

第一次到這店，我們叫了：.雲吞麵 - 傳統雲吞麵湯是我們欣賞的，湯味道可以濃多些就會超更加吸引，沒有鹼水味。 麵幼滑爽口，雲吞是傳統的細細粒。 .薑蔥豬潤麵 - 薑蔥不夠多。豬潤好好吃，厚而新鮮爽滑，份量多。.招牌火鴨絲豬潤腸粉 - 腸粉皮軟滑，配火鴨絲好特別，可以試試。.蠔豉金銀蛋菜頭粥 - 味道是好的，材料豐富，但不像是由生米煮成的粥。.店內環境舒適，店員十分友善，主動提供服務。 店舖位置附近有很多不同類型的餐廳，這店是一個好好的選擇。

太子都真係有好多臥虎藏龍的食店，平時來來去去都係果幾間食店，今天特登再search下邊間覆可以再試，呢間個名都幾特別，十大碗，去到我以為佢地有10碗推介的粥麵，但係睇晒成個餐牌，無既🤣🤣最後點左及弟粥，油炸鬼，同埋炸蜆芥鯪魚球😋先講下個及弟粥，都幾好食，粥底夠綿，粉腸非常之爽，唔淋，豬潤大大舊又係好爽口，成個粥好正。油炸鬼就好熱辣辣，完全唔會覺得有油 “益”味👍🏻至於鯪魚球又係好好味，即叫即炸，來到急不及待咬了一啖，差啲辣咀，好香囉。。。😋又多一間可以再試既食店啦，你地都快啲去試啦😋

經過下午未食飯，見到間有得食港式粉麵，裝修靚靚仔仔，所以入去試一試未到下午茶，唯有食住午餐飯先，有個午餐推介餐牌，午餐$4有個新的牛腩飯同豬手飯，我就想試下D牛腩係點，可以加多5蚊凍飲。牛腩飯，個汁好濃，除左牛腩，仲有牛筋，牛腩炆到軟林，牛筋好綿好滑，仲有幾條菜，份量都OK，夠哂飽仲有其他小食，例如炸魚皮、炸雲吞等等，不過淨係食個飯都夠哂飽，已經食唔落加左杯凍檸茶，夠凍而且檸檬唔澀，茶味同甜度剛剛好每檯客人都會有酸蘿蔔可以自己任夾，酸蘿蔔爽爽地口，甜甜地少少酸，都好食總括黎講質素算是不錯

今晚黎到係太子嘅十大碗。依到裝修非常別緻，坐位亦都好舒服。一坐底，店員即刻比左一盅醃蘿蔔我地試試，係佢地自己醃製嘅。可以隨便夾黎食，唔需要額外收費嘅。蘿蔔非常爽口開胃，作為前菜一流。主菜方面，叫左一份雲吞麵、一份蝦子撈麵、一份魚片粥同一份炸兩。上菜速度快，落單唔洗一陣就黎齊。先講雲吞麵，麵底非常彈牙爽口，亦都冇好重嘅鹼水味。湯底同其他店嘅雲吞麵有唔同，好香濃之餘唔會太咸，唔會食到好口渴，反而仲會令人想飲多幾啖湯。主角雲吞嘅蝦肉亦都非常彈牙，非常推薦。蝦子撈麵嘅麵亦都好爽口，蝦子嘅份量十足，廚房比嘅蠔油份量恰到好處，整體感覺一流。一般食撈麵嘅時候大家都唔太注重跟麵嘅一小碗湯。依到嘅撈麵湯同一般嘅有唔同，同雲吞麵湯一樣，都係非常可口。魚片粥嘅魚片份量多，魚香味有好好咁滲入粥，粥底亦都好香滑，整體黎講唔錯。炸兩方面，一份份量十足，皮薄，炸鬼脆。性價比高。總結，我覺得依到嘅麵做得非常好，湯麵同撈麵都值得一試！

今日行行下諗住求其食啲野，見到十大碗，新式既雲呑麵餐廳，啲裝潢睇落去完成吾覺得似雲呑麵，光線充足，食野都精神d😛同埋環境仲有好靚既畫添，而且個feel會好吸引年青客人🤪行到入去簡個靚位坐低，侍應即刻倒水俾我飲，服務態度都幾好架👍🏻👍🏻選擇困難，佢地推薦我食咩好。價錢都幾大眾化，大大碗仲要入面好多大大舊既牛腩，佢既牛腩唔會太un，半肥瘦我最愛阿❤️佢既河粉幾爽口q彈，而且佢既湯仲好落足料有重牛味，好明顯真係落足牛骨煮添，，枱面上仲有好多醬汁任君選擇添，凍奶茶茶味香濃細滑，飲落冇碎冰就算溶左都唔會淡味。飲埋個湯都唔覺得口渴，證明個湯都冇落味精，實力十足！同埋十大碗無論麵、飯、腸粉其實都選擇好多，就算幾揀飲擇食都好，總有一款岩你食😱真係睇唔出佢用料十足份量又多對得住個價錢有多😛

今晚，去太子醫肚。呢間粥麵店裝修似CAFE，不似一般粥店求其簡陋，好吸引我呢D年輕人既眼球，所以我決定試試。望望MENU，三十蚊左右價錢合理30蚊左右一個湯粉，而手拉腸粉二十零就有，算真係好抵食！我仲見到有比較特別既火鴨絲豬潤腸粉，出面好少見@@ 就決定必點呢個～～～叫左：雲吞米，火鴨絲豬潤腸，凍奶茶等既期間見到有樽酸蘿蔔餐前小食，裡面仲放有紅綠椒。微酸小甜好開胃@@ 超級好食呢。即刻問店員有無得買...可惜店員話無xDDD 唯有過黎食野先可以了首先杯奶茶～奶茶好重奶味，係我鍾意果啲舊式茶記奶茶～～ 然後個雲吞米～個湯底好鮮～米粉好彈牙，而且好大碗...多到我只係食左一半就放棄...雲吞就有5粒～ 食得出係即日包～啲蝦好脆一啲都唔梅，正！最後火鴨絲豬潤腸真係不得不讚！！！皮薄餡多到爆曬出黎！！啲豬潤洗得好乾淨，咬落仲好爽口添！！！如果唔係太飽我都想再叫多碟😭 ... 唯有下次再食la