十大碗粥麵專家

营业中

休息中

間中就鍾意去幫襯下茶餐廳，因為作為香港人，對港式風味始終係有一種情意結！❣️🎀 粥粉麵飯，喜歡濃味定淡味，都一定有啱你合味嘅菜式！😛·今晚收工同朋友嚟食個晚飯，菜式配搭好多，最後我哋叫咗2款麵同3款小食。·🔸 招牌雲呑麵🥟🍜（$31）嚟得茶餐廳，好多時我都會食雲呑麵！🙈 4粒足料嘅雲呑，餡料新鮮🦐，雲呑皮就夠薄而唔易穿，麵條夠彈牙，出色，果然係招牌菜！👍🏻·🔸 秘制牛筋撈幼麵🐂🍜（$44）個人特別鍾情牛筋嘅口感，腍得嚟又夠煙韌！牛筋味香濃，送麵一流！😆·🔸 淨豬手🐷✋🏻（$73）5大舊豬手，份量好多，誠意十足！豬手充滿南乳味，非常惹味！😍·🔸 炸蜆芥鯪魚球🐟 小 (4粒)（$28）外面炸得好香脆，裏面嘅魚肉好腍，好正！·🔸 炸両（$28）炸両保持到好脆，薄薄嘅外皮暖暖地，口感同味道都好出色！·🔸 支裝可樂（$8）·🔸 酸蘿蔔（免費）試咗一粒，酸酸地好開胃！·今晚好滿意，係地道嘅茶餐廳口味，味道好，價錢合理！😎

原來太子附近開左一個新既粥麵店叫十大碗，佢既裝修有別於傳統既粥鋪，裝修比較新穎，更有卡位可以坐，都幾舒服。食物就主打生滾粥、湯麵、撈麵同腸粉，雖然都有飯可以叫，但選擇唔多。每次食粥，我基本上都會食炸兩，而呢度既炸兩，可以算係我食過最出色既！呢度既炸兩既油炸鬼仲帶有微溫，而且非常鬆脆，超正！！以前試過食一啲炸兩係用又硬又乾既油炸鬼但呢度真係好食另外叫左兩碗粥，粥底夠綿之餘，豬潤同豬肚口感鮮嫩，味道濃郁。牛腩撈麵腩汁勁濃，好襯個麵以後相信一定會經常黎食！

香港地味道嘅美食越嚟越少，尤其傳統嘅「細蓉」雲吞麵！早排行開太子，見到一間新束束嘅粥麵店，都幾多人食。今日再經開附近，決定去試一試。入到去見到餐牌，有湯麵、撈麵、粥、腸粉同好多款式嘅小食。八卦周圍望下，好多人叫鯪魚球同豬手，兩樣都係我至愛，梗係要試下啦。同同行朋友夾一夾，佢叫雲吞麵加炸兩，我就要個牛筋撈麵同埋一支細可樂！正！豬手首先嚟到，好好食！夠林又夠味，南乳味啱啱好，唔會太鹹，出色！之後係熱辣辣嘅鯪魚球，新鮮炸起好熱好好食，外皮少少脆，肉質新鮮，一定要叫！雲吞麵麵質幾爽，粒雲吞都足料，最緊要有好味辣椒油，令碗麵錦上添花。牛筋撈麵嘅牛筋夠林，好食；炸兩油炸鬼夠脆，有水準；加埋細支可樂，成餐飯好滿足！

今天陪老友去深水埗買皮，佢要親自做皮包，行完街要医肚，想起之前雜誌介紹一間云呑麵店，馬上查地址，原來就在附近。到達時要等位，人氣旺盛。很快有座位，坐定後老友看見枱上有免費任取的醃製酸蘿蔔，現在以很少見了。 雲吞内的蝦和肉很新鮮，是自已包，麵的份量正常，因為有些出名云呑麵店麵的份量少到女生也不能吃飽。麵是銀絲麵，不是蛋麵之類，很正宗，湯底吃到出是大地魚淆成的，很鮮味，喝了也不会口渇。看見有豬膶腸馬上order，因為很少地方有，腸粉皮晶透嫩滑煙韌 ，豬潤彈牙，加上甜豉油，真是好味😋。不知是否下午茶時間，只要惠顧任何麵類，加八元有—杯熱飲，凍飲需十元。

和朋友在屋企樓下搵食，食了幾餐放題之後，諗住食碗粥清一清腸胃，朋友帶我來這間十大碗粥粉面專家。餐廳店面不大，應該差不多全是街坊，朋友極力推薦這間餐廳，我就來試一下。點了一個柱候牛腩撈麵，嘩，不得了，牛腩炆得好淋好入味，個柱候醬汁撈麵非常香，略有少少偏鹹，但是完全將個棉質提升，蛋面爽口彈牙，果然正。再試下這個滑雞粥，足底好綿好滑，雞件大約有四五件，岩岩熟，好嫩滑，很少食到甘嫩滑的雞，火候控制得好好。點了一個叉燒腸粉，叉燒腸好薄，腸粉拉得好好，叉燒餡沒有掉出來，不錯👍每張枱旁邊還有一甖自家製的酸蘿蔔，店員會附上一個小碟子，可以把酸蘿蔔自己夾出來食，有幾開胃貨，我不知不覺食咗好多😂唔知有冇得散買返屋企呢。朋友果然冇介紹錯，這間粉面稱得上專家，一定有他的原因。

今日放工渣車經過這間太子麵店，咁啱附近有得迫車，就用光速入去食過快飯。每張枱都有罐醃蘿蔔，蘿蔔爽脆帶點酸甜，味道剛好，不會過酸，十分開胃。先叫了碗淨水餃，水餃有五隻，全部大大粒，裏面包著爽口蝦肉、木耳及筍等，大地魚湯底鮮甜。之後再加了牛筋撈粗，份量不算很多，牛筋炆至入口溶化，膠質豐富，又帶點腩香，粗麵爽口彈牙，食完個嘴都帶點黏。最後食埋個即叫即做的牛肉腸粉，腸粉皮薄餡多，可以透視到裏面的餡料，而且腸粉很滑。

同老公兩個人又懶得在家煮飯，去了屋企附近搵食，這間十大碗粥麵其實開了差不多一年，間唔中都會去幫襯一下，最仲意就係佢個撈麵湯底，大地魚味香濃，另外還以蝦殻熬製，味道很鮮甜。炸醬撈幼麵幼麵麵質爽口彈牙，而且不會有濃烈的蜆水味，炸醬汁帶點微辣及酸，撈麵一流，十分開胃。及第粥生滾粥底綿滑，有豬潤、豬肚、豬心及粉腸等內臟，味道鮮甜，潤味突出。油條炸得香脆，新鮮熱辣，而且又不會太油膩。整體味道高質，全部都真材實料，值得支持。

位置不近市區，但 如果品質好總會有人嚟幫襯， 這家粥麵舖就是一個好例子。及第粥， 先講粥底， 很棉滑。 材料真的十足！ 深宵食及第粥來會有豬心！炸醬麵也相當唔錯 ，少少酸少少辣。 喜歡他的麵夠爽。 最重要係沒有鹼水味。 跟一碗地寶魚清湯，正！不得不推介的就係他的 炸蜆蚧鯪魚球， 其他店舖落粉太多令到鯪魚球不彈牙反而太實。 但這裏的鯪魚球鬆軟鮮甜外皮香脆 真係一絕！

很久沒來太子，朋友住附近，口淡淡，天氣麻麻，來一碗粥麵，清一清。湯麵，撈麵多款選擇當然有粥有腸粉還有淨菜及其他小食，令人目不暇給。好吧，我們均餓了最想不到，有醃蘿蔔，明明心情麻麻，頓時稍為提升，好適合做開胃小菜。我個人特別欣賞牆上幾幅圖，令整間店活躍起來，加上天花特別的風扇，整個格調提升不少。朋友點的是豬潤粥（$34），豬潤剛剛好，咬口夠。我點了很久無食的雲吞麵（$31），三粒大雲吞，皮簿餡靚，蝦很鮮味。麵彈牙，而且湯頭好飲。還叫了炸両（$28），脆口，唔會厚粉。再加麻醬及甜醬，直頭一流。在天氣麻麻，吃一口粥，暖一暖胃，充電後出發。

一行三人來 「十大碗粥麵專家」（太子汝州街45號樂勝大廈地下 ）吃個飽，小店舖，環境尚算舒適湯麵、撈麵、生滾粥和腸粉都是港人愛吃的鳳城水饺麵($34) 用的是爽口彈牙麵，麵夠香，很有水準，水餃是薄薄透透皮，未試已經見到到大大隻蝦，爽口彈牙，湯底用上大地魚、估計熬足幾小時，味道鮮甜，多喝了！豬膶腸粉($27），包著份量多多豬膶，是足料豬膶腸，配上鼓油汁一起吃，好好味炸蜆芥鯪魚球（大）$48 有六粒大大粒，落鑊炸前還蘸上炸米粉，薄皮有咬口，外脆內軟飲杯熱檸蜜，開心滿足的一餐

雲吞麵最重要湯底，坊間有好多都含有鹼水，味道又偏多味精。今日終於被我發現一間品質不錯的店，早前看過雜誌也有介紹過。水餃魚蛋河湯底採用了大地魚，蝦籽，羅漢果...等多種材料餚製約五小時。色澤清徹透底，好甜美。河粉滑溜。水餃皮薄，餡料頗多，大大隻蝦又爽又彈。魚蛋充滿魚香，有彈性。炸鯪魚球即叫即炸熱呼呼，外層炸得煙靱有嚼口，內裡軟熟，嚼落有種陳皮的香。只要惠顧任何麵類，熱飲只需八元，涷飲需十元，其實計落都化算，抵飲。

响太子白楊街附近見完客，已經2點幾，仲落緊大雨，見保護兒會對面有間粥麵店，急急腳行過去醫肚兼避雨。望入去店內乾淨企理，睇外面餐牌價錢又唔貴，落雨寒寒哋食碗粥都好喎。坐低就叫埋附近嘅同事過來，枱面有我喜愛嘅甜酸蘿蔔呀店家話係自家醃製，真係好，多咗麵店有呢啲傳統小食。同事叫咗招牌雲吞撈麵 (少麵)麵端來嘅時候已經聞到個湯好香，陣陣韮黃+大地魚嘅香氣而家好多麵舗都無落大地魚嚕。同事話個麵質地爽兼滿有蛋香嘅然係招牌，梗係要黐粒雲吞嚟食啦，皮薄又唔會過腍，蝦仁大粒爽口，有少量豬肉，最重要係有雲吞嘅靈魂大地魚碎架。咁先至係正宗雲吞丫嘛。我嘅狀元及第粥，生滾綿綿香滑粥底，粉腸、豬潤、豬肚、豬肉質地腍滑，新鮮好味食碗熱粥即刻成身暖返曬。炸蜆介鯪魚球 鯪魚球表面黐滿米粉，炸完出嚟脆卜卜增加口感。鯪魚球外脆內軟魚味十足，點埋惹味嘅蜆介醬就係絕配聽說鯪魚肉都係店家買魚返嚟整。叫咗支豆漿兩份飲，有豆味，唔太甜，都OK喎

$143就可以食到高與的粥麵店食品，感到十分滿意！食店前放了大地魚，這裡的湯底是用它來烹調。今天所點的全是招牌食物。淨雲吞$35傳統炸醬撈幼麵$38麵完全沒有鹼水味，炸醬味道十分棒😍狀元及弟粥$38真材實料！粥底十分綿，而材料新鮮豐富😍很少及弟粥內有豬心喔🧐炸蜆芥鯪魚球（小）$32能品嚐到它沒有加粉做的鯪魚球😋質感有點彈及散，十分好吃！無張枱上也放了一樽醃漬的酸甜蘿蔔😍好味道！整體而言，服務與食物質素一致好評！

太子老字號麵家🤔自家蘿白南乳豬手粗麵（$36)豬手都好大隻！骨膠原滿滿😆👌🏻粗麵都好彈牙！條條分明👍🏻👍🏻👍🏻個湯底充滿左南乳味🤤 北茹滑雞粥（$35)好綿既粥！熱辣辣🥳 雞件都厚肉地🤤滑滑既腸粉😳真係白透晶瑩到睇到入面！真功夫先係大師父炸兩（$28)油炸鬼新鮮好脆！👍🏻叉燒腸粉（$27）叉燒量多到密密麻麻🤤加埋個滑腸粉😋😋😋炸蜆芥鯪魚球（$32）-4粒 (本次最愛）手打鯪魚球！炸得鬆脆，上面重有d 脆脆，原來係炸米粉！口感層次好豐富！加強左外面脆炸既口感！更加突出到入面鬆軟既魚肉🤝👍🏻👍🏻👍🏻熱奶茶（+$8）凍檸水（+$10)

臨近過農曆年，例必到花墟看看當造年花花情，未逛前在太子地鐵站附近醫完肚才出發，我今天想吃粥，另一半想吃麵，網上找找看，這間在搭開車附近的，平時也沒有發覺呢！四人枱的座位與枱之間不會過於狹窄。懷舊酸蘿蔔免費開胃蘿蔔，用餐前後或用餐途中享用，酸得來不會嗆喉嚨。蠔豉金銀蛋菜頭粥 $34蔥粒多，菜莖多，金銀蛋多，肉絲，蠔豉已經變了碎粒，粥底綿，食材本身的味道，清清鹹香沒有加味精。南乳豬手撈幼麵 $44麵條沒有鹼水味，煙韌爽身，豬手不肥膩，富有骨膠原的皮有微微咬口，又夠腍身，南乳味已入在其中。炸雲吞$38上菜才知是原隻/半隻蝦肉炸雲吞，蝦肉Q彈，雲吞皮炸得鬆脆，不過有少少油在皮面。牛肉腸粉 $24即拉牛肉腸粉，粉皮薄，晶瑩通透，牛肉嫩滑，其實期待粉皮嫩滑口感多於肉，沒有令我失望。