十大碗粥麵專家

是日行過本想食新開田記，見十大吾使排隊（以往中午時段好多人排隊），心諗咁好彩☺️坐低本想叫姐姐落單，點知個姐姐用好不禮貌嘅語氣講「自己掃QR code落單」，無奈掃咗之後QR code原來已過時，所以未能落單，只好再次叫姐姐幫手落單，點知姐姐再好不客氣咁掉第二張單俾我數code,如是者我已經按照QR code上嘅指示去落單，但個App內容有D複雜，好不容易用咗成10分鐘先落到單(本來只是10秒鐘嘅事)我點咗雲吞麵同埋炸鯪魚球，結果雲吞麵食完鯪魚球都未到，我追姐姐，點知佢仲話我係唔係唔識用手機落單，所以冇落到，但我張單明明顯示有落嘅，我同佢理論，佢就敷衍咁行去廚房睇一睇，然後話冇咁快，如是者我再等了10分鐘還是未到，結果我說要取消起身走（因為都一肚火，吾想食），另外一位姐姐才大聲講話攞錯咗比人，其實科技進步與時並進係好事，但好似有啲混亂，加上今時今日咁嘅服務態度，難怪香港人北上消費PS.當我走嘅時候見到另一台客亦都有同樣嘅事情發生都係掃唔到code落單…查看更多

有朋自遠方來，尋找兒時回憶的食物，雲吞麵店是其中一個必去點😋.#炸醬雲吞撈麵（午市套餐）$55炸醬微辣，豬肉混有瘦肉及肥肉，味道不會太濃，醬汁份量剛好撈勻麵條. 3隻雲吞另外放在大地魚湯內，湯內灑上新鮮韭黃，雲吞的蝦很爽口，大地魚湯清甜. 套餐包一杯飲品.#招牌炸両 $35淨睇價錢，覺得有點貴. 但係食完後，覺得物有所值. 油炸鬼不是淋身，仍然脆身，腸粉薄身，滑滑. #炸蜆蚧鯪魚球4粒 $46鯪魚球表面炸得很乾身，鋪滿了米粉碎，食起嚟特別脆口，鯪魚球大大圓圓，食完好滿足. 蜆蚧醬汁奉旨好鹹，蜆肉都少.…查看更多

位於太子汝州街的十大碗粥麵專家，以其經典的港式粉麵和茶餐廳風格而聞名。這裡的裝潢簡潔舒適，適合與朋友聚餐或獨自享受美食。首先，我試了招牌的蝦籽雲吞麵，麵條彈牙，湯底清淡卻鮮香，雲吞內的蝦肉鮮嫩多汁，讓人一口接一口。這道菜的精華在於湯底，簡單卻令人感到滿足。接著是炸蜆芥鯪魚球，外脆內軟，裡面的蜆肉和鯪魚肉混合得恰到好處，味道鮮美，搭配醬汁更是絕配。這道小食非常適合作為開胃菜，讓人食指大動。另外，酸蘿蔔的搭配也很有趣，酸酸的味道剛好中和了其他菜餚的油膩感，讓整體的餐點更加平衡。而豬手撈面則是一道不可錯過的佳品，豬手軟滑入味，搭配香濃的醬汁，與撈面一起食用，口感豐富，令人回味。總的來說，十大碗粥麵專家提供的每一道菜都充滿了港式風味，無論是口感還是味道都讓人滿意。如果你在太子一帶，這裡絕對是一個值得一試的美食熱點！…查看更多

我要凍檸茶少甜少冰，我沒有用飲筒，飲了一口，發覺是走甜不是少甜，更兼完全沒有檸檬，純是一杯無糖冰茶，叫亞姐收回更換，與此同時，遠處有另一枱也訴說檸檬茶錯味，也要亞姐收回，亞姐大大聲罵入面水吧佬全弄錯了，水吧佬罵回亞姐是她落單落錯，結果粗口橫飛互罵後證實是亞姐落錯，這時食慾及心情，已被這些粗口互罵弄得很差，接著最離譜的是，亞姐重新拿給我的凍檸茶，竟然是插著飲筒，兼紙飲筒上有牙印，明顯是遠處那枱飲過要她收回的，我叫亞姐來看，說她怎麼可以這樣噁心！她也立即承認並拿走杯茶，最後我只敢要罐可樂…查看更多

舖頭很細，大約只有十幾張枱，餐廳門口對面是垃圾收集站。17/4/25 （四）晚假期前夕，入座時候只有一半枱有人，不是第一次食，之前都係食蝦子雲吞麵, 未試過叫雙拼，我今次叫左蝦子雲吞麵加豬膶（加多$10）共$50碗，第一次雙拼加豬膶試下。上枱一望，有啲比之前縮水感覺，原來感覺冇錯，雲吞麵正常只有四粒，但冇理地被減少一粒雲吞（只有三粒），而加$10豬潤就有3塊。飲一啖湯，嘩..淡咗好多，味道差咗好多…奇怪，睇真啲原來碗麵冇咗蝦子，於是問職員，職員用不友善語氣，大聲話：「你雙拼吖嘛，雙拼係冇㗎！」職員係一路講嘢一路走咗去嘅！嘩！乜嘢道理！？ 加$10 買3塊豬潤就變成冇左蝦子又冇左一粒雲吞？！！仲未夠，先生食雲吞撈爽麵，佢啲食物嚟先，佢又食得快，但其實都未食完，食剩一兩啖麵，1/4碟油菜，而我湯麵比他遲嚟，食剩1/3左右，突然有個職員刻意伸手入在我們之間，去張枱最入面嘅調味品位收走我哋枱個樽醃蘿蔔，正常收走都係refill嘅，而嗰樽醃蘿蔔印象都仲有超過一半，但我哋都冇特別留意，但之前只係夾咗一次，收走之後又真係想食多幾粒蘿蔔，於是睇吓佢refill完未，吓！原來佢淨係特登收走我哋呢枱嘅蘿蔔，而其他枱完全冇收走，你咁樣我就一定要問清楚，點知一問佢竟然大聲話我地：「出面有人等緊位，你哋兩個人坐一張卡位，一係褪兩個位出嚟！我即刻回應：「有2張卡位都只有一個人坐（佢地也冇被人話），門口張枱又冇人（門口枱望住垃圾收集站，之前有幾個人一坐低望到對面都即刻離開），然後指一指我碗麵（其實剩1/4都冇，一碗麵有幾「大」碗，大家心照），仲有幾多啖？我都就嚟食完啦！」 職員又係一路講嘢，一路走咗去。超級勁嬲！幫襯佢哋真係自己不對！職員行開後，一望張單，更加極度極度嬲，原來落左單只有19分鐘！仲未減去佢上菜時間，真係要講粗口，即刻食埋個啖就走，埋單時先剛剛夠20分鐘（時間剛好晚上7pm），又係趕我走嗰個職員負責收錢，似乎係舖頭負責人，我同佢話：「你睇吓我張單幾點落單先嚟趕我走啦，20分鐘咋！真係逼人北上消費，夠膽你哋就響門口貼住「用餐時間只限20分鐘內」」，職員仍然理直氣壯態度回應：「我都唔係咁嘅意思」但語氣絕對沒有歉意/檢討感覺！感覺好似你咪唔好幫襯囉咁!食完我同先生都完全唔飽，什至好似冇食過嘢咁，除咗心情問題, 明顯食物份量細咗，啲面少咗好多！伏，我中了，又係迫人唔好再幫襯！…查看更多

說到Comfort Food中式粉麵必定是首選！小時候車婆婆最喜歡帶我去吃粉麵，還記得第一次吃生魚片就是在粉麵店品嚐，炆得入味的牛腩及牛筋還有生滾粥，通通也是我童年美好回憶的味道。這夜車爸爸帶了我去太子的十大碗粥麵專家！於太子地鐵站行幾分鐘便到達好方便，店舖內裏不大座位也比較親密，不過吃粉麵需時不多快手食完便走人，我倆也沒多要求只要乾淨企理便可。甫坐下竟然看見有醃酸蘿蔔而且任吃真的太幸福了吧！蘿蔔口感爽脆酸甜恰好真的非常可口。先來個小食炸蜆蚧鯪魚球$24/2粒！熱辣辣炸起送來香噴噴的好誘人，鯪魚球炸得香口質感也很Q彈，內裏的魚肉沒有帶上一絲腥氣好新鮮，配上鹹香的蜆芥醬一起品嚐更為惹味。招牌炸両$35腸粉皮非常透薄好滑溜！內裏的油條香脆不油膩絕非隔夜貨，配搭豉油甜醬及麻醬來吃滋味無窮。車爸爸喜歡吃豬手所以點來這碗南乳豬手米粉$43！兩大件豬手炆得皮爽肉腍恰到好處很有咬口，幽幽的南乳為豬手帶來獨特的香氣，米粉口感好爽滑加上大地魚湯底成件事都好相夾。不過我倆更喜歡這碗薑蔥豬膶河粉$40！滑嘟嘟的河粉質感非常幼細，厚切豬潤熟度剛剛好入口粉腍味道甘香，雖然非常邪惡但實在美味超讚的。這類型的中式粉麵店隨街也能見到！但真正用心炮製有質素的出品實在是少數，希望這間十大碗粥麵專家也能保持著這用心的味道。…查看更多

食物比之前差左好多，今次叫了豬手麵，雲吞河、魚球粥、蝦米腸、水餃、三人食，問待應攞碗仔share，我們用紙巾墊住豬手嘅骨，跟住女侍應行埋嚟說唔好咁樣擺！我哋好難執㗎！好污糟㗎！跟住叫我哋將骨頭放入碗仔裏，我覺得件事很污糟，好嘔心囉！點會將骨頭放食物嘅碗呢？ 食店應該供骨碟囉！…查看更多

之前食過旺角近麥花臣嗰間，服務幾好雲吞面都好食第一次試太子嗰間，所有嘢都畀旺角分店差十一點幾去到，叫我坐單邊，但我見有兩張卡位，每張枱有一個人坐緊，點解淨係叫我坐單邊？之後我問可唔可以坐卡位，佢就安排我坐有一個人坐緊嘅卡位對面，佢啲嘢都未到，即係大家差唔多時間入座啦叫咗個雲吞魚蛋雙拼+8蚊，估唔到得六粒😑，三粒雲吞三粒魚蛋，雲吞麵畀旺角分店少咗份量，湯底就正常仲有呢，啲蝦籽去咗邊😡？？？以為沉咗底啦，食嚟食去乜都冇，咁做生意㗎咩😡，生客就唔比？味道正常，之前食過呢間嘢都知雲吞麵份量唔多，但宜家仲少三大啖食完😐，應該兩碗先夠飽，冇蝦籽唔老實😑，短期內應該唔會再回頭，太子旺角大把抵食過佢嘅雲吞麵舖頭…查看更多

這家粵式面家，雖然比起香港的麥系面店來說，只是小孩子般的存在，因為營業不過幾年，但名氣相當響亮，而且而且曾經殺入旺角這旺區，但是經濟問題最後留守在太子的本店，我最欣賞的是湯頭大地魚的咸鮮味，就是最簡單直接的那一種，還有雲吞的做法也是小時候吃的，未必是最傳統的細小形狀，但就是豬肉和蝦肉比例均秤，皮薄而件頭不少的那一種。撈面的面身夠爽，最緊要是上碟之前撥水撥得足，所以碟底沒有大灘水份，因為這會令我覺得很討厭，就像吃湯麵一樣，這裡店家做得很好，不複雜但就是要花時間。牛腩條就是港式用上柱侯醬炆的，最重要是炆煮的時候放入冰糖，吃起來更腍也更入味，基本功常常說在這個香港，並不是每一家也能做得好，所以品嘗到做得好的，其實要多多珍惜。This Cantonese noodle shop, though relatively new compared to Hong Kong’s established chains, has gained significant popularity. Despite economic challenges, it maintains its original Prince Edward location. The restaurant excels in its soup base, featuring a simple yet flavorful salted fish taste. Their wonton, reminiscent of childhood memories, balances pork and shrimp perfectly with thin wrappers. The noodles are well-drained, avoiding excess water. The beef brisket, braised with chu hou sauce and rock sugar, is tender and flavorful. Such mastery of basics is rare and should be appreciated in Hong Kong’s culinary scene.…查看更多

之前嚟過呢間食過印象幾好，之前都係我個friend排隊 今次星期六竟然要排成40分鐘囉入園去之後覺得好似上次好味啲，同埋有少少太過誇張讚好好想食豬潤記得呢度嘅好味，所以今次就放棄豬什粥社交平台人在家牛肉 然後皮蛋白不過落就有啲失望豬潤竟然得兩片仔。。。相平完全係錯誤嘅選擇，你家園$00仲要減少本身嘅成份，牛肉又唔係多…..好後悔淨水餃雲吞呢個幾好味，佢個湯底都唔錯，不過好似鹹咗少少 🤏雲吞比較好味 調味好啲今次可以試吓佢個右面但係麻麻哋，鹼水味唔係好重，但係食落苦苦地 怪怪地男朋友都唔鍾意見個個都加碟菜我哋都$22加單芥蘭幾亂幾好味 但係唔知點解人哋嗰啲大好多我哋兩個都覺得:(鯪魚球好味，但係Tong嗰啲就非常細粒。。。最細係有得任食蘿蔔吧 但係都唔值得排咁耐…查看更多

十大碗呢個個名聽咗好耐，次次經過門口都有一條龍仔，今日見有啲時間就等，大概都等咗15至20分鐘就可以入去!喺門口已經揀定想食嘅食物入去就掃code點！一掃完code好快已經蒸牛腩雲吞已經喺枱面我諗3，5分鐘左右！再嚟過炸醬撈麵麵我係揀爽嘅，好好味啖湯一啲都唔覺得係味精湯飲完沒有再想飲嘅感覺。最精彩梗係個鯪魚球啦又大，外脆裏面軟好彈牙得來又好好咬口，最欣賞佢係可以揀兩粒四粒同六粒！有機會一定會再去食…查看更多

呢間10大碗真係好出名，慕名而來！趁今日經過太子，特登過嚟試吓！由於早過12點到達，人數並不多，我一個人好容易就入到去！由於係中午時間，有午市套餐，睇落去真係幾抵食！50幾蚊，包個撈麵，加埋雲吞！仲有嘢飲㖭！性價比好高！本來應該食碗雲吞麵，但見個餐咁抵食，忍唔住食咗呢個撈麵套餐，揀咗牛腩撈拼三粒雲吞！最後當然要食埋呢度好好食嘅炸兩啦！首先講吓牛腩撈麵，個柱侯牛腩汁係幾好食，不過啲牛腩嘅部位有啲麻麻哋，都比較柴！如果啲牛腩部位可以好啲就更加好啦！另外啲撈麵走鹼水做得唔錯，而且啲撈麵食得出就蛋味！呢個係出色嘅！跟住講返啲雲吞，食得出啲蝦好爽口，都係唔錯！另外個大地魚湯，有好香嘅鹹鮮味，我真係成碗飲晒！餐叫咗可樂，而且仲係樽裝添，真係幾正！跟住講返個炸兩，真係值得一提，個炸兩裏面嘅油炸鬼係即炸嘅，絕對唔係用啲擺咗好耐嘅油炸鬼！配埋個腸粉皮，個粉漿唔會好厚身，加埋一齊，又脆又腍！真係好正！下次大家嚟記得試吓！漏咗，唔記得講樣嘢，佢啲辣椒油都好正，唔係好辣嗰種，但有好多炸蒜喺入邊，而且肯定係新鮮做，真係好鬼正！…查看更多

太子特別多餃子店和麵店 簡直是一級戰區見十大碗好像有很多好評就來了這裡環境比較有新式麵店的感覺 乾淨明亮每枱都有一大壺酸蘿蔔讓客人任食酸蘿蔔非常脆口  味道酸酸甜甜很開胃我忍不住一直吃🔹️ 蝦籽雲吞麵 $38麵質非常爽  有彈性卻沒有鹼水味雲吞皮薄餡靚 蝦肉爽口 蝦籽粉為整碗麵增添了香氣整體都好好吃🔹️ 炸蜆芥鯪魚球2粒 $24炸蜆芥鯪魚球是這裡熱門食物之一鯪魚球很大顆因為即叫即炸 所以很新鮮很香脆配上超級濃郁+帶有咸香的蜆芥醬 絕配下次想試試它們的腸粉😍…查看更多

好耐冇食過雲吞麵啦 因為我吾係特別鍾意食 但宜間麵店 連我都返轉頭食左幾次 因為性價比高 而食物係有水準 雲吞水餃都真材實料 一般食飯黃金時段 都坐爆 甚至要等位。——————————————————————P.S 酸蘿蔔 任夾 每枱都有一大壺酸蘿蔔 比客人任夾 。佢哋嘅酸蘿蔔非常出色 酸酸甜甜 酸味調味適中 好出色。用黎襯撈麵非常夾 🍝傳統炸醬撈麵 $46麵一樣非常爽彈 再加上滿滿嘅炸醬汁 同一條條入味嘅肉絲 又吾會好油膩 撈埋麵一齊食 一流 🍤蝦籽雲吞麵 $ 38 ，蝦籽水餃麵 $40份量吾細 麵質非常彈牙 雲吞同水餃皮薄餡靚 有一大粒蝦 蝦又夠爽口 幾足料 湯底夠清香 吾會太咸 加上蝦籽粉 好香 🐟炸蜆芥鯪魚球 小$24 中$42 大$62炸鯪魚係好多人叫 鯪魚球大大粒 即時炸 炸到勁香脆 熱辣辣 沾上濃郁咸香嘅蜆芥醬 超推三式腸粉 $40三式腸粉 分別係鮮蝦 牛肉 叉燒 。雖然腸粉皮略厚 但腸粉非常足料 餡料飽滿 鮮蝦超彈牙 牛肉幾滑 …查看更多

今天午餐想食雲吞麵，諗起之前友人介紹十大碗，就專登搭車去食，由於未到下午茶時間，就散叫一碗蝦籽雲吞雲，加$10拼鯪魚球，上枱時已發現沒有蝦籽，以為是我誤會了蝦籽是釀入在雲吞內，或可能在湯底，因為很少我看不見，但吃了一半也找不到，問店員，第一個說廚房漏放，幫我補回，但之後廚房說雙拼是沒有蝦籽的，我說賬單是清楚寫明蝦籽雲吞麵，餐廳的餐牌及四週亦沒有寫雙拼會沒有蝦籽，廚房仍說雙拼沒有蝦籽，但我的雙拼是另外加錢的；最終我并無堅持，因為有無蝦籽對我無所謂，但賬單已寫明我購買的是蝦籽雲吞麵，但又不給我蝦籽，就是貨不對辦。其實你有規矩、有原則無問題，但要給顧客知道嘛！沒有通知，問你才說我哋係咁，同欺騙有甚麼分別！…查看更多