十二味 (黃大仙中心南館)

营业中

休息中

最近好想食川菜，但係香港想食好味又正宗嘅川菜都唔係咁容易，咁啱朋友話俾我聽黃大仙新開左一間川菜館，一於去試吓！Lunch時間去到，已經見到有人要排隊，好彩唔係等咗好耐就已經可以入坐！入到去，餐廳嘅裝修真係好友川菜嘅餐廳既風格，可能係因為新開張嘅關係，感覺非常乾淨又舒服！午市時間有套餐，價錢都好親民，我哋叫咗兩個套餐再加個四季豆，好滿足！酸菜魚，份量都好足夠，魚肉滑溜得來又唔會有泥味，加埋啲酸菜，真係非常開胃送飯一流👍🏻另外一個係水煮牛肉，份量亦都好足夠，每塊牛肉都啖啖肉，唔會係切到好薄嘅果種，加埋啲配料，真係好好食，係好正宗嘅四川菜嗰一隻味道，麻辣得黎又非常香！另外四季豆我覺得係必食，炸過嘅四季豆加埋啲配料同肉碎，好明顯佢係即炒，夠鑊氣得來又唔會乾爭爭！真係好好食😋其中一個套餐既飲品我哋加$8叫咗桂花冰釀，係一個好有特色嘅四川飲品，味道有啲似「酒釀桂花丸子」嗰種味道，易入口，又解辣～

久違食川菜••••🔺川式口水雞叫咗小辣，辣度可以接受，喜歡吃辣的朋友，不妨叫中辣比較有感覺，口水雞夠晒惹味，用嚟送飯啱啱好👍🏻🔺蔥油拌麵麵質比較冧 ，是粗麵條，食落都有口感，如果多啲蔥油，一定會更加入味👍🏻🔺紅糖糍粑外層較脆，裏面好似年糕咁，煙煙韌韌，非常有口感😝😆可以點埋黑糖醬食，多一層甜味👍🏻 甜品黎講，係個不錯的選擇。🔺🔺🔺🔺🔺🔺🔺🔺🔺🔺🔺🔺🔺🔺🔺❣️ 整體評分: 6.5/10🔺🔺🔺🔺🔺🔺🔺🔺🔺🔺🔺🔺🔺🔺🔺

臨近收爐迎新春，外賣晚餐還要延長到年初六😫，午餐時光就要珍惜下有堂食的機會。疫情下平日的黄大仙南館都有唔少街坊，路過的都望望下呢間十二味係食乜東東😆店鋪門面有古色古香川菜裝修格調，入到去有大量熊貓格板提醒抗疫，兩人座位旁邊距離感覺略為近，但每排座位都有安裝抗疫格板，亦算安心進餐。📱先Scan QR code 睇餐牌手機落單午市套餐性價比略高。=̶ B餐酸菜魚 (小辣) $68 =̶推介:⭐️⭐️⭐️⭐️⭐️上檯顏色吸睛，比預期中濃郁酸甜，除了酸菜、泡辣椒、花椒、蒜粒之外，湯中還有雞肶菇，畫龍點晴的菊花碎點綴。份量相對足料較多，魚片滑溜無骨送飯一流😋 =̶ D餐川式口水雞 $48 =̶推介:⭐️⭐️⭐️上碟真心別緻，📸非常上鏡👍惹味麻香小辣，因為屬於冷盤，建議配熱飲，送飯同樣是一流。 =̶ E餐麻婆豆腐 $52 =̶推介:⭐️⭐️⭐️⭐️必點送飯開胃之選，醬汁調得出色麻辣中咸香誘人，豆腐綿綿柔軟，扒下扒下會好想食多碗飯😂👍=̶ 飲品 =̶ 🍼跟餐包維他奶一盒(貼心解辣)另外+$8 罐裝椰青水 及 熱柚子茶。午餐整體出色，WFH悶悶地來開胃醒神，還原重慶酸菜魚地道口味，值得一試。👅美味: 8/10 💡性價: 8/10✨環境: 7

好耐無食川菜，講起川菜館，來來去去兜兜轉轉，都係揀返12味，今次就嚟到黃大仙這間十二川菜館食午餐，感覺十分良好。這裡的位置十分寬敞，坐得舒適，服務人員都很有禮貌寬款待，餐廳老闆對員工教育都好有質素。我們點了午餐套餐，有前菜，飯同野飲包。這次點了麻辣田雞香鍋，川式口水雞和乾煸四季豆。這裡的香鍋真的很出名也很好吃，每次來都必點香鍋，因為配菜也多，有蓮藕薯仔，雲耳，芽菜等等，配飯吃特別香。口水雞也是很不錯的選擇，光光這個口水雞的汁撈飯，都已經可以食多幾碗飯，加上雞本身好滑，味道認真一流。四季豆是蔬菜的一部分，吃極唔膩係因為用了秘制醬汁炒，外面吃不到這個味道。總體來說，十二味是我飯堂之一，多次品嚐，有讚無彈👍

因為搬咗黎九龍區所以好多時都會去黃大仙呢間位開咗十二味 係食川菜嫁地方好寛闊中式裝修午市套餐價錢不貴由$48蚊起估唔到份量都幾大碟好抵食呀套餐仲包飲品酸菜魚，係我食川菜必叫既一道菜好多魚片嫁而且湯底仲唔會過酸滑滑地既魚片真係好好食另外仲叫咗一個小食黃金皮蛋無食開既皮蛋咁重味令好多人卻步但呢個皮蛋就無個陣味，中間都係帶點糖心配埋小小麻辣風味呢個係麻辣香鍋 $48蚊起可揀田雞，雞翼，牛肉或全素我地揀咗雞翼雞翼係單骨既，加上大量配菜變成咁大碟川菜既配菜多數都係蓮藕、芽菜同薯仔最初以為係鍋上，如果係鍋上keep住個溫度就好啦呢個都幾辣嫁

今朝接男友收工之後就係附近搵下lunch食咩好，竟然俾我發現黃大仙新開左十二味！！！😱 （之前食過荃灣店水準非常高又抵食！）我地即刻衝入去解下酸菜魚癮😁黎到當然唔可以唔叫酸菜魚啦！另外仲加左個唔辣既乾扁四季豆套餐，跟餐轉左椰青水，同埋單點左個酸辣木耳同冰粉😎酸菜魚份量好足，六十幾蚊唔駛加一非常抵食👏👏 我地揀左少辣，啲花椒香料味道好出好香，魚片勁滑唔腥又無骨，加埋啲酸菜送飯一流，正！😋😋四季豆整得夠乾身，唔油膩兼無渣，連埋啲肉碎就算唔辣都好香又係好好送飯🤤冰粉係啲好似蒟蒻質地既甜品，男友最中意🙈本身無味，面頭加啲葡萄乾同紅糖就岩岩好，又唔會太甜👍 用黎解辣或者當飯後甜品令到餐飯更圓滿都係一個非常唔錯既選擇😙搵搵下見到原來十二味開左好多新分店，如果開到去我屋企元朗果頭就好啦🤣🤣

店禁咗晚上堂食之後我通常都係中午出去食飯今次就同朋友發現咗間性價比非常高嘅食川菜店舖平均午餐50-70蚊就有一個餐已經包左一個小菜，飯同埋餐飲，仲有餐前小食小菜嘅款式非常多仲要係可以手機落單非常方便我哋兩個人就首先嗌左個酸菜魚麻辣牛肉兩個餐佢哋嘅小菜仲可以揀唔同嘅辣，大家可以揀返自己適合嘅程度我哋今日嘅餐前小食係青瓜酸菜魚個份量都好足而且仲要係起埋骨魚肉放心食用水煮牛肉外貌吸引紅油量十足不過會根據返你嘅辣度仲十保持到牛肉嘅滑牛肉夠大塊我地仲叫左個黑糖糍粑同埋皮蛋幾鍾意個黑糖糍粑黑糖到自己想食嗰時先諗落去糍粑煙煙韌韌再加埋啲黑糖粉同埋糖獎好食兩個人食咁多嘢仲有維他奶先二百幾蚊

最近都冇得外出食晚飯 好掛住一班人食飯既日子☹️ 人多除左食放題、火鍋之外、我就鍾意食酸菜魚同干鍋🤤🤤 屋企附近最近開左呢間午餐都有干鍋同酸菜魚食當然去試試！下餐黎講份量都唔細、有前菜、主菜、飯、飲品酸菜魚 魚肉都算多、肉質滑溜！冇腥味、酸菜唔會太咸干鍋 午餐得四款選擇，牛、雞翼、田雞同素、我揀左雞翼、全部配料都好入味！蓮藕好爽口！配白飯真係好好食😋 整體黎講 $50-$60價錢黎講真係唔錯、快餐店都要咁上下價錢啦，可惜既係冇得加配料😑 想食寬粉☹️

酸菜魚成日食完都想再食，今日放假又來過下口癮😋最愛放平日因為食野等位唔駛同人迫😁黃大仙新開左間十二味🥰一程車就可以來到好方便😜所以今日我地就來新店潮聖😎呢度的酸菜魚🐟可以自選辣度~無論食唔食得辣都冇問題🌶️🌶️魚的肉質滑嫩😋酸菜味道適中，入面仲有萵荀、芽菜、菇等的配料。。。。。。仲叫左個香鍋牛肉少許麻辣炒加埋土豆片🥔雲耳一齊炒🥰送飯一流除了牛肉，可選雞翼/素菜/田雞有多款選擇

十二味終於開到黎黃大仙，之前成日經過其他分店，今日終於有機會黎試下！依度既午餐真係超抵食，午市麻辣香鍋只係$68，仲送野飲tim！麻辣香鍋超足料，滿滿既蓮藕片，芽菜，雲耳，牛肉，再加超多四川特色既香料辣椒，味道令人上癮。川香回鍋肉回鍋肉不嬲都係我至愛，十二味既回鍋肉同平時食既有小小唔同，佢係用蓮藕代替椰菜，而且味道比較麻，好特別。小食仲點左個尖椒皮蛋，好香口，用黎送飯一流。甜品點少得紅糖糍粑，口感似日本既燒麻薯，不過食落一d都唔膩。埋單都係$200，以後黃大仙又多一間開飯好去處👍🏻

黃大仙新開的食店，好有國內特色的重慶酸辣魚餐廳。午市提供優惠的SET LUNCH，難怪好多人在門口等位及等外賣。餐廳的環境都好中國風，好似身在大陸的地道餐廳。午餐都有好多唔同選擇，價錢$50-68左右就有，而且包一包維他奶飲料。酸菜魚配香飯$68  好大碟而且又香的酸菜魚，味道唔錯，濃淡適中，魚肉都有好多，酸菜之外仲有荀、姑、蒜。魚肉冇骨好易食，肉地又滑真係好味。個湯連埋D菜，加埋個飯，真係令人好滿足。麻辣香鍋素菜$48    用店家的醬來炒的小炒菜式，小辣的味都幾麻而且都辣，唔食得辣的朋友真係要注意O~涼拌土豆絲$38     拌得好好食的涼菜，好香的油及蔥花，係一個好開胃的前菜。熱柚子茶$8     午餐包一包維他奶，如唔O岩可以加少少錢轉飲呢個熱飲。因為冬天先飲熱既，食辣野其實真係要凍飲先爽。     100%椰青水 $20

黃大仙中心新開十二味, 咁近我做嘢位置, 我呢個麻辣控即刻約埋同事去幫襯先！餐廳幾寬敞, 裝修四川、重慶風格, 午市套餐都係幾十蚊有酸菜魚、香鍋, 包飯送嘢飲唔收加一, 又幾抵喎！酸菜魚酸菜魚係我嘅至愛！有辣椒子、菊花、萵筍和新鮮魚片。魚肉鮮美嫩滑, 無骨啖啖肉, 酸菜魚湯酸中帶辣, 散發清香, 令人愈食愈想食！牛肉麻辣香鍋有乾、鮮辣椒、芽菜、蓮藕片、薯仔鮮牛肉。配菜多, 炒得極之野味, 麻麻辣辣十分醒胃, 牛肉新鮮嫩滑, 灑上芝麻食落更加香口！武隆尖椒雞用上青尖椒、酸菜炒香, 辣勁十足不嗆口, 雞肉粒嫩滑, 唔會硬轟轟, 香口惹味, 送飯一流！熱柚子茶隨餐附送維他奶。我就加錢點杯熱柚子茶, 天氣凍呷一口熱茶, 消滯又暖身！

自己一直以來都幾鍾意食四川菜， 12味喺香港有好多分店，自己都唔多機會食，所以走來試一試。由於我嚟嘅時候係午餐時段，所以價錢非常優惠，一個客飯套餐都係$50左右。我就叫咗一個麻婆豆腐，佢有唔同辣度可以揀，我自己就揀咗中辣，對於我呢個都算食得辣嘅人來講，我覺得中辣都幾辣。麻婆豆腐上面加咗啲黑椒，零瀉吊味。呢度嘅辣，有傳統四川嘅嗰隻麻，所以一定要配上凍飲，熱飲嘅話真係受唔住。我自己就會飲椰青水，因為比較解辣。其次我仲一定會飲桂花冰釀，甜得來非常清香。我同朋友仲叫咗兩個小食，一個係尖椒皮蛋，佢啲皮蛋晶瑩剔透，食落去嘅時候酸酸辣辣，幾開胃。另外我亦都叫咗個涼菜，酸辣土豆絲，凍凍地食，都幾開胃。

十二味在黃大仙開咗分店，又突然想食酸菜魚，所以就去試試😙十二味在黃大仙中心南館一樓，近北館門口位置！裝修很古香古色，座位也有一定距離，梳化位也不少！QR code 下單，午市套餐也多選擇，價格由$48-$68不等，特別之處套餐飲品是跟維他奶😂😂酸菜魚配白飯$68，酸菜夠多，魚片亦不少，而且厚肉夠滑，酸辣調味適中！配白飯剛剛好😙香川回鍋肉$58，份量很足，豬腩片不少，配菜有蓮藕片和九菜，夠惹味、配白飯一流🤤🤤

今日同朋友一齊，午飯時間經過呢處，原來大家都去過佢其他分店，印象幾好，見到呢間黃大仙分店新開張，就決定一齊入去又食過😁叫咗$138嘅「霸王七椒蝦」，同$68嘅午市套餐「酸菜魚」，包白飯、前菜、維他奶。-「川椒雞」比較普遍，「七椒蝦」比較特別，所以特登叫嚟試吓😁，「七椒蝦」上枱嘅時候好有氣勢，大大碟紅卜卜又帶少少綠色😍；除咗蝦仁，見到嘅材料有紅辣椒、青辣椒、花椒、香蔥、蒜頭、腰果、等等，非常香口；蝦肉結實又惹味😋-「酸辣魚」：魚肉結實，有鮮味；有大量鹹酸菜，湯底非常濃郁，食落好開胃，我哋仲用咗「酸菜魚」嘅湯撈飯食，好滋味😋呢間黃大仙分店我同朋友都食得開心滿意😋