十二味 (黃大仙中心南館)

营业中

休息中

酸菜魚（小辣）$68魚塊好滑薄片，如果多幾塊較好咸酸菜好食😋整體來說，唔錯😙可樂要另+$5⋯⋯檸檬茶就唔使武隆尖椒雞$58雞係有少少雞骨，老人家食真係要小心拌碟之蓮藕爽脆，不過小辣都覺得辣🥵但惹味😖紅糖糍粑$48用糯米製成條狀再炸，紅糖唔太甜有咬口煙韌，好味😋簡單之menu門口呢個位已經放咗menu,其實午餐只有A-J大部分都辣，唔算貴外面睇以為好細間，入到先知道都幾大間仲要係平日午飯時間，坐滿人🤭估唔到會咁多人，真係意料之外🙄

第一次點了毛血旺，豬大腸，四季豆感覺還不錯，但是店鋪沒註明毛血旺裡面也有很多豬大腸，導致吃另外點的炸豬大腸吃到反胃，依舊都不想吃豬大腸了第二次店的滷味香鍋小辣，聞起來還挺不錯，但是入口如嚼蠟，材料都是幾塊豬腳，一堆冷藏雞爪，蓮藕，幾片土豆，還有一把豆芽，最主要是墊鍋的辣椒。。。看到這食材已經倒胃口了吧，要是列明了裡面材料有什麼我一定不會點198的辣滷香鍋，噁心死了最反胃的還是什麼回鍋肉，真的有被噁心到，豬肉根本就像涼拌過去辣椒裡頭，很腥，TMD從小到大沒吃過那麼難吃的東西，丟給狗吃，狗立馬含淚做了八菜一湯給我，狗做的都比你們好吃，好宣傳說讓大家愛上四川美食，球球你們不要侮辱四川了好嗎。真的吃出了憤怒以後都不會光顧了

今日中午在openrice叫左lunch 外賣自取，田雞麻辣鍋飯，打開發現肉很少，有d d 失望，所以要寫食評。打開飯盒，雖然肉很少，但都有很多唔想食既配料，蘿蔔 ,蓮藕片 ,芽菜 同木耳，喜歡食配料既朋友不能錯過 haha整體而言，其實味道都唔錯，叫惹味，可能係田雞貴 間餐廳先會俾得咁少，可能下次試下叫其他菜式會唔會多返d 肉先畢竟區內商場選擇唔多，川味食店就更加少，所以小店都係值得大家再支持，希望佢之後可以進步

女朋友之前食過一次話佢地個酸菜魚係高質嘅，咁就抱住興奮嘅心情去食翻餐，不過晚餐時段第一次食就要我等差不多成45分鐘先有得食，而且加單接近半個鐘先有得食個小食，所以如果上餐時間再快啲就好

睇咗好多好評，今天終於可以試下，午市套餐真係好抵食，一入舖頭已經聞到好象四川燈籠椒既香味，叫咗一個酸菜魚同乾鍋牛肉無論係味道，份量，態度都很滿意，希望可以繼續保持質數，會繼續光顧

【瘋癲試食】｜十二味🌶十二味我淨係食到一隻味😮‍💨😮‍💨「辣」🌶 黎到十二味 當然就要試食佢地既酸菜魚🌶🌶 唔食得辣但又要滿足對面位小姐 唯有頂硬上🤯 酸菜魚份量真係好驚人 大碗到咁都有既 點食得哂呀🤩🤩 仲叫埋個紅糖糍粑食完解下辣都一流☺️☺️對面位小姐好好人 叫左碟唔酸唔辣炒薯絲俾我🧐

今年母親節飯想試吓啲唔同嘅嘢，所以揀咗黃大仙中心南館呢一間十二味食川菜。因為疫情關係，我哋屋企人多，冇辦法出街一齊同枱食飯，所以就嗌外賣。因為都打算叫十幾個餸，所以星期一就打電話落嚟問下外賣嘅情況，職員話最好早一兩日叫定。於是星期五放工六點就打電話諗住叫外賣啦，點知就俾個鄉音女職員拒絕咗，話唔可以預早叫定，叫我聽日先再打電話嚟，嗰下有少少嬲，因為態度差，而且講過唔算數。🙃結果今日下晝我用OpenRice個System去買外賣，過程順利👍🏻 Order 6:30準時有得拎外賣。我地嗌左12個餸，見一共有14個盒&碗，職員分左4袋裝住、綁好晒，望落都好企理咁。因為疫情我唔想喺街度打開啲盒逐個逐個check，所以就咁拎咗返屋企。返到去打開晒先發現漏單，個水煮牛肉冇咗😣，而且個鴨血入邊本來加咗寬粉，結果都係冇嘅😣。真係失望。因為竟然可以成個餸冇咗，同埋特登加錢就係想食寬粉但係都冇。咁我點解要加錢？食物方面，味道大至上都ok。酸菜魚冇骨唔腥算合格，不過酸菜味可以重返少少就更好。另外武隆尖椒雞同霸王辣子雞都切到勁細，碎濕濕咁，而且有唔少碎骨，要好小心食，否則會好容易整親受傷。總結：食物質素一般、算

繼上次食到津津有味，今星期又再去幫襯過試其他餐！今日比上次早來，十二點來到就好似包場咁！呢次點左酸菜肥牛刀削麵$58+桂花冰釀$8同乾煸四季豆$42+熱情果梳打$8！今次跟餐的小食是掠拌青瓜，清爽好味！酸菜肥牛刀削麵好大碗，而且肥牛的份量亦不少！由於友人愛吃酸麻辣的關係所以今次點了正常辣味！我吃了幾口都辣到吃不下，相反友人愈食愈起勁！乾煸四季豆其實很難煮得不好吃，所以味道是可以的，送飯完全是一流！已經試了兩次lunch，期望下次能夠試試晚餐的打邊爐！

經過呢間鋪，發現佢午餐都幾抵食，一於試一試平均$48-$68就有交易，仲唔收+1，好抵食午市套餐會包一小碟前菜：涼拌木耳（不過不失）會包一包紙包飲品，可惜只係得維他奶或檸檬茶如果佢有無糖茶會吸引啲🤣💕酸菜魚 $68一盤都幾大份，魚片嘅份量都足夠唔會一夾就散酸菜湯底都幾易入口，整體都唔錯！最愛佢既酸菜🤤爽口好味😍💕牛肉麻辣香鍋 $56呢個大推！好香口！牛肉份量大概有八件其中有幾舊好大件，超抵食！除咗牛肉之外，仲有蓮藕，土豆同埋芽菜好快清哂成碟野😍好正總括黎講，呢間店嘅味道同份量都好夠而且店員姨姨服務態度都唔錯！雖然有留單，但同店員講聲佢都有盡力幫我哋追單，而且態度誠懇絕對值得一試！以上只係個人食評感受💕*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟🌟味道：🌟🌟🌟🌟🌟驚喜：🌟🌟🌟🌟🌟回購：🌟🌟🌟🌟服務：🌟🌟🌟🌟

第二次嚟幫襯，第一次食係有驚喜嘅！本身我係衝住個辣子雞嚟食，但今次真係好失望，唔知係咪旺咗嘅關係，同第一次嚟食差太遠，辣子雞，雞嘅份量少咗最少30%至40%, 仲要好多骨同埋好多骹位，基本上真係冇乜肉食到，令我覺得係用下欄嘢嚟煮，油太舊有少少味🤷🏻‍♀️失望！其他嘢係ok嘅！水煮牛肉keep到個水準， 牛肉嫩滑味道唔錯😋 今次試咗佢個杏仁西檸炸蝦球， 都幾好食！ 飲埋個熱情果梳打，普普通通！應該溝得太多水， 唔多覺佢冇梳打水， 整體還可以， 但希望個辣子雞真係會改進， 再試多次係咁真係唔會再嚟！

週一Blue Monday再加上天陰陰，lunch就想來點剌激到喚醒自己。餐廳出外放著大大個lunch set banner，睇到都流緊口水🤤同友人對望一下即刻入去坐低點餐！餐廳設計比較東方而且播著老情歌吃這些川辣菜是夾的。我們分別點了田雞麻辣香鍋（小辣）$56+桂花冰釀（跟餐價$8），川香回鍋肉（小辣）$58+熱情果梳打（跟餐價$8）。店員先提供餐前小食，今次係麻辣雲耳，口感不錯！之後送上餐飲，有驚喜的是桂花冰釀用酒瓶和小酒杯送上🍶而熱情果梳打既size同我塊面咁大😱！隨之送上兩個小菜與兩碗白飯，兩個小菜都色味香俱全，令到我平時吃不完一碗飯的都清掉了！不過田雞份量較少，但貼心的是每樣小菜都可選擇自己合適的辣度！下次決左與友人再來試一下晚餐！

首先我明明訂左8點鐘4位，我7點55分同個reception 報到。之後有個男伙記走出黎叫台，叫左7,8張二人台，我同reception 講，佢答我，啲台得二人，無大台。咁我地就繼續等。企係我前面果個女仔都係4人台，但佢係walk in 拎飛。到大約8點10分，果個男伙記又出黎叫台，我前面果個女仔就同佢講，話自己等左成個鐘，然後果個男伙記就叫左張4人台，之後即刻俾左果個女仔😒我同reception 講，我係訂左8點架喎，點解會俾左walk in 先？佢就話下一張到我😪之後又有另一個女伙記走出黎叫台，我話，我訂左台，點解會俾左另一個客先？咁唔洗訂台吧？之後個女伙記話，啊！唔好意思唔好意思！之後行走左😕👍🏻一等就等到8點半，個男伙記再出黎。我火都黎，同佢講我訂左8點，依家8點半，我企左係度超過半個鐘，你入左個拎飛既客都唔放個訂位客。一鬧完，就有位。😮👍🏻之後仲好笑，我地一坐低，果個男伙記（係，又係佢）就問我地可唔可以讓個卡位出黎，因為有group 8位既想坐得close d 傾計。兩張卡位係背對背，咁樣叫左方便啲🥴我唔理解。再者，我嬲到咁，我一坐低唔夠兩秒，你叫我起身？Short 左丫？😒

除了一肚子氣，還差點餓過飢😭😭用十二味的微信來點餐已經不是第一次，但從未好像今天一樣，外賣自取竟然要花我一小時！😠😡😤我用微信下單， 13：46已支付全費，打算14：15到取一定冇走雞，怎料來到店面時竟然還沒有我的餐，向員工追問 ，他們好像一頭霧水，但機器顯示有我下的單，便著我在門外稍等一會。👌🏻等了又等，等到14：43，個肚咕咕聲，忍不住再追問，員工進去看完，終於把我的外賣取出。 但單上顯示14:25才製作我的外賣。🙄🤯其實當時還有另一位女士和我一起等餐，她還是親自打嚟落單的 ，但嚟到竟然說沒有她的單，於是她再落單，又等了20分鐘 。😖其實這間舖頭的食物十分美味， 所以先會幫襯咁多次 ，但佢啲員工完全配合唔到公司嘅運作，以這種服務流程，真的非常難留住客戶……

** 百吃不厭十二味川菜** 已經唔係第一次食十二味，今次係屋企附近開左分店，又要去朝聖下。一坐低店員就遞上搓手液同埋口罩套，十分貼心。呢度環境空間感好足夠，坐得好舒適～仲播住流行曲，邊食邊有歌聽～哈哈我同朋友中午時段去食，兩個人叫左個土豪版酸菜魚。嘩，真係重量級！！盤酸菜魚大得驚人～～酸菜魚味道好香濃，酸菜同魚嘅比例適中，麻辣味突出，湯底夠熱夠辣。比較特別嘅係呢度嘅酸菜魚落咗菊花，令湯底有淡淡既花香味，非常有心思！見到佢有VIP計劃，$200就可以入會。除咗全年食十二味有九折之外，仲有幾張coupon送，又有生日優惠。心思思諗緊join 唔join tim😆

恢復晚市堂食後，第一次約姊妹們食晚飯！大家都係愛辣之人，梗係揀番間川菜刺激下呢個土豪版酸菜魚真係唔係講笑，一上枱嘅時候嚇親！！霸左我地半張檯！！我哋好興奮，大鄉里咁影左10分鐘先肯開動～～魚肉非常大塊，無骨又夠滑。酸菜十足，酸味適中，湯底夠辣，非常好食！如果麻味可以重番少少就100分～大盤花菜～炒得超香超夠鑊氣最鍾意佢吵到有少少微焦，果種香味同口感係零舍唔同ga仲有啲豬肉片嘅油香，成碟餸都好開胃！！杏仁青檸蝦球～蝦球炸得超香脆！！蝦肉彈牙，無雪藏味，炸粉夠薄，但好脆口～配上酸酸甜甜嘅檸檬汁，同埋薄薄嘅杏仁片，簡直係perfect match係三樣野裡面最好食ga!!!!!