十二味 (黃大仙中心南館)

营业中

休息中

十二味黃大仙新店餐廳到處都可以見到十二味功夫熊貓提示各位疫情下勤洗手餐廳用qr code 手機落單好方便叫左兩個午餐川式口水雞份量都多，見到咁多紅油辣椒正宗四川口味我地叫小辣已經覺得好夠辣啦！雞肉滑，冰凍口感好Q雞翼麻辣香鍋午市就用碟上，雖然賣相無咁靚但味道超正，入面有好多料薯仔、雲耳、金菇、藕片、雞翼所有配料都系好索汁超濃味，超好送飯雞翼炸過再同其他配料翻抄說麻辣口味，其實更似香辣鍾意食辣嘅千祈唔好錯過！

食開川菜，我一定係十二味的鐵粉，真係食極吾厭呀。今次又來到黃大仙的十二味同朋友聚聚，因為午餐時段特別抵食，估吾到朋友大開口戒，一口氣叫了五個菜，話如果食吾晒先再打包。我地order 左出名的酸菜魚，開胃的肉末酸豆，惹味的麻辣口水雞，仲有惹味的麻辣田雞香鍋，還有回鍋肉，真係豐富到不得了。這幾道菜完全分不了高低，全部都是我喜歡吃的，各有特色，而且做得超級正宗。午餐關係包野飲也包飯，仲有前菜，我們雖然兩個人，但因為菜式真係夠曬豐富同埋開胃，估唔到都食左4碗飯，真係食到飽飽。大家喜歡川菜的真係要來試下，午餐特別抵食。

* 終於等到黃大仙嘅十二味 *我同媽咪不嬲都鍾意食川菜，不過黃大仙區就真係冇乜川菜可以選擇。終於比我哋等到十二味喺黃大仙開分店今日就同媽咪妹妹去試吓～可能平日下午關係，店內好鬆動，坐得好舒服。仲一邊食一邊有歌聽我地叫左個土豪版酸菜魚 (小辣)。其實好想食大辣不過妹妹唔食得好辣唯有叫小辣另外佢本身係冇跟薯粉的，如果想要薯粉，可以以$28加配。酸菜魚一上枱我哋都“嘩"一聲，因為真係好誇張，好大盤用咗10分鐘打卡之後，終於開動個人認為呢度嘅酸菜魚夠酸夠香，飲第一啖湯真係好正，熱辣辣，微辣。酸菜香味十足，份量充足，每一啖都可以食到好多酸菜！！媽咪發現個酸菜魚仲有好多菊花瓣 (希望我無講錯), 出邊嘅酸菜魚係冇嘅，而我又真係食到微微嘅淡花香味，我覺得幾特別。魚肉好滑，完全冇骨，可以大啖大啖食，好暢快不過麻辣味就一般，可以重麻味少少。而最美中不足係有啲太鹹。只係一個酸菜魚已經食到我哋三個抱住個肚走，仲有好多川辣小食都未有機會試～下次又可以來再食過

期特已耐的川菜，今日是專門請假約左朋友一齊去食，看到D餐單好吸引於是叫左三個套餐全部選擇中辣，對於我食得辣的人來講都唔算好辣，叫左水煮牛肉，酸菜魚，口水雞，口水雞就感覺一般，不過好抵食，48蚊有包維他奶跟一碗飯；另外叫左酸菜魚，感覺D湯酸酸辣辣飲落去超正，58蚊配埋一碗飯，我唔要維他奶加八蚊轉左柚子茶，只系酸菜魚讓我食左一碗半的飯，感覺簡直好味😋，另外我喜歡的水煮魚因太飽又太好味😋，食唔使我就選擇打包返屋企，同屋企人一齊食，都贊好味，所以我會再去食十二味

十二味突然之間想食下辣野，醒起附近有間食川菜嘅餐廳，就揀佢啦😁一入去就見到幅 🐼 畫，幾得意。點餐時用qr code都好方便再黎就比左兩碟小食我地食住先我地點左4樣野，上菜嘅速度都好快👍🏻🌶️酸菜魚酸辣適中，而且一啲都唔孤寒，好多塊魚片，又唔會好薄，起初驚佢會好多油，但又冇喎，直接用啲湯撈飯都得，正呀！🌶️水煮牛肉一黎到見到成碟紅色🙈心諗死喇可能超辣，不過食落口又覺得接受到，牛肉不老不柴，唔會切到太厚，口感嫩滑🌶️口水雞麻辣鮮香，黎食川菜真係要食佢，點都走唔甩🍡紅糖糍粑外脆內軟，煙煙韌韌，配搭埋紅糖醬，雖然簡簡單單，但都唔可以睇少佢😍午餐仲跟埋碗飯同一包維他奶，可能驚太辣比包奶你中和一下😂整體黎講，性價比高，想食辣嘅都係一個好選擇。

今日带仔仔去位於黃大仙中心南館1楼十二味食川菜,已想食好耐，今日終於行動了，去到我哋叫左酸菜魚，選左中辣，午餐🥣好抓食雖然魚片得幾片但系夠一個人份量，68蚊包含一包維他豆奶和一碗白米飯🍚，D湯酸酸辣辣好好味，配上白飯一流，另外叫左口水雞🐔，肉質都好嫩好滑48蚊就會有包豆奶和配上白米饭🍚，最後叫左我最鐘意的水煮🐂肉，選左🀄️辣，因怕太辣小孩唔敢食，我就越辣越喜歡，58蚊一份，感覺牛肉片有D少，但系都算抵食，我哋唔要維他豆奶，可以加八蚊轉為凍柚子茶，柚子茶好大杯，都系挺抵食。鐘意食川菜的可以去十二味試試，實在令人食完返尋味！

味道不錯，而且比很多川菜的油都少，感覺嘴饞食多左都冇咁有罪惡感服務員對數都不錯，個別問非所答餐廳環境不錯，不會太擁擠菜的份量普遍都算多d，比很多餐廳都公道呢！不錯，還會再光顧

新開左一排，今日醒起呢間店，就試一試佢的午餐。用手機落單，睇左一陣先決定到食乜牛肉麻辣香鍋有5小塊牛肉，另有芽菜，木耳，蓮藕上菜的味道好香，食入口都ok ，係肉的份量少左DD，唔係咁夠喉酸菜魚有少少菇片+酸菜味道正常，唔會食完好想再食返唔到大陸又好想食就叫做可以試下咁囉午餐 會跟 一碗飯 + 維他奶 ，轉汽水+$5 另外 紙巾要$2 一包譚仔呢類地道街坊麵食唔提供紙巾要比錢我接受但連鎖大集團式提供連餐紙都要收錢我就唔係太滿意囉

午餐吃川菜就要去十二味，平靚正。今日送啲餐前小食係酸辣土豆絲，辣唔會辣，但酸酸哋，好開胃。麻辣香鍋配田雞，小辣。田雞爆炒，好香，就係分量不多，但配料有大量啲薯仔片，木耳，芽菜，蓮藕。樣樣都好入味，好新鮮。酸菜魚係主菜，每次食辣嘢我都會叫份酸菜魚，十二味啲魚湯底係用豬骨，鱸魚骨熬成，然後加點花椒，酸菜。魚又好嫩滑，好入味，整份酸酸麻麻，好好味，而且魚上點綴些菊花瓣，好看又好吃，好慫飯。魚啲分量都不少，夠我們2個食。

今日呢無啦啦好想食川菜，酸菜魚！其實要喺香港搵到一間好食嘅唔容易啦，最近呢見到黃大仙有一間12味，就諗住入嚟試一試啦！啱啱去到嘅時候已經過咗lunch嘅時間，店員都好好咁介紹店舖入面嘅菜式俾我哋！哈哈但我哋目標非常之明確，就係食酸菜魚！🐟🐟🐟🐟酸菜魚片呢肉質柔嫩且滑，而且酸菜嘅份量都好多，我地另加$28配一個寬粉！寬粉呢簡直就係酸菜魚嘅重要配料！寬粉同埋萵筍嘅份量十足，成功索曬所有嘅味道酸菜魚嘅味道呢非常足夠，我哋揀咗小辣，辣嘅程度都適中，香香麻麻，好味😚

曾經聽朋友推介十二味好幾次🙌🏻話有太二嘅味道🙀聽到咁樣形容已經忍唔住好想去試🤩-男朋友平時唔食酸菜亦都唔食魚🤨但比我捉去食過太多次太二酸菜魚，自己又唔食，靜係可以望住我食其他菜式🧐有一次可能忍唔住，竟然肯拎起筷子試食咗一啖太二酸菜魚，跟住之後佢就唔抗拒啦😏但係唔食哩兩樣原材料既佢都仲係對酸菜魚哩個菜式好有要求🤪聽完朋友咁介紹十二味一於就帶埋男朋友去試-人見人愛酸菜魚（配粉條）$226有驚喜！大分量，d魚都唔會好孤寒比得幾塊！魚滑而且厚身😋仲有寬粉，菇😇男朋友仲添左兩碗白飯🤭可想而知佢有幾滿意😆-而我平時食酸菜魚就好驚會好油，會令到個肚唔舒服🥲但係呢一間無令我肚仔痛🥳我一路打緊哩篇食評，一路望住d酸菜魚相已經好想回味多次啦🤩掛住太二酸菜魚既大家記得要去試一試呀！😝

諗住買個$68口水雞小菜返屋企做餸，點知收到既只係一個$48口水雞餐既份量（個餐仲要跟野飲同飯而小菜係沒，得盒份量一樣的雞）而waiter係沒任何提醒，原來生意係咁樣做，不會再光顧。

今天難得放假又想食下辣野，就諗起十二味，原來黄大仙開左間，所以就去試下。我和朋友未夠十二點就到，人唔多，好快就安排入座。店内提供口罩套，十分體貼。而且點菜要用QR code, 好似好方便，但唔知落錯單會點呢？午市套餐都係以辣為主，我地點左水煮牛肉小辣，酸菜魚小辣和麵。再另加八蚊要杯凍柚子菜，本身個午餐已包白飯和維他奶一盒。首先來左杯柚子蜜，超大杯，應該預算我地食唔到辣，所以勁大杯d 菜上得好快，酸菜魚同水煮牛都好快上菜，起初見到碟水煮牛，真係嚇一跳，成碟都係紅色，都幾恐怖，本身擔心食唔食得到，好彩真係小辣，我都食到少少。另外酸菜魚就微辣，我個人覺得啱啱好，酸菜都夠酸，好入味，如果係一人份量啱啱好，朋友都話好好味，見他食到满頭大汗，又不停係度食食食，覺得好好笑每個午餐都唔算貴，而且份量足，下次可以再食

我寶寶有時都好想食下川菜🌶夠哂辣又開胃！十二味主打新派川菜🌶分店愈開愈多 一於去試下先！Lunch有套餐特別抵食 等咗一陣就有位啦👏🏻餐廳裝修古雅 多數都係卡位設計 用手機掃描二維碼落單 都幾方便！我哋嗌左麻辣香鍋配田雞 小辣🌶午市套餐用碟上 每個套餐附上白飯 份量好多！麻辣香鍋配料多 包括燈籠椒、乾辣椒、草果、香葉、桂皮等等 川辣味好正宗🤩🤩🌶另外配菜有薯仔片、芽菜、木耳 但田雞份量就比較少 不過都夠食🙉主打🤩酸菜魚 好味啊一上枱好大陣陣鮮香味🐟 湯底以豬骨、鱸魚骨熬成 加埋指天椒、花椒、菊花瓣等 好香啊！魚片爽口冇骨 味道酸酸甜甜 餸飯一流！另外嗌咗水煮牛肉 辣度係中辣🌶🌶🌶牛肉嫩滑 好入味 加入川味配料 正宗麻辣！👍🏻👍🏻👍🏻

岩岩開業好多人 隔左一排見人少左 唔洗點排隊 就去左食個lunch 首先我地叫左個酸菜魚套餐加牛肉香鍋套餐 套餐有跟細碟伴菜同飯同仲有飲品 超級抵食 兩個人份量其實岩岩好 不過我地因為為食 所以都叫左個紅糖糍粑 首先酸菜魚都好入味 魚既份量都唔少嫁 比我想像中多 都算幾足料牛肉香鍋都好好食 都好多配料 而且好香口 配白飯真係好正 兩個share 食 一次過滿足有酸有辣既感覺紅糖糍粑 其實都好值得推介 好煙韌 外脆內軟 配紅糖漿真心好正 大推整體來講 我都會再幫襯 因為真係太近屋企啦