十二味 (黃大仙中心南館)

营业中

休息中

十二味提早修路當然就係想喺附近食餐好嘅估唔到依間連鎖餐廳開到連黃大仙都有見佢午餐做緊優惠當然又係要試吓啦麻辣香鍋牛肉我當然係要食麻辣嘢啦午餐份量都幾多而且牛肉嘅份量絕對係夠一個人食麻辣味十足而且炒起上嚟夠鑊氣幺妹兒冰粉食完咁重口味嘅麻辣午餐當然係要叫多個甜品淡化呢個冰粉絕對推介因為佢哋嘅冰粉做得十分之好大大粒冰粉食起上嚟好似蒟蒻再加上桂花糖水絕對係誠意推介另外原來12味都推出左佢哋自家品牌嘅酸菜同埋麻辣干鍋料，依個新年絕對又係一個同大家分享嘅好時機淨係性價比都幾高如果午餐想食麻辣菜絕對係一個唔錯嘅選擇

好耐冇食過酸菜魚喇 見新開張就黎試下啦用openrice book位 8點鬆d入到去 餐廳都差唔多full曬 入到去感覺似返左大陸 侍應有唔淡唔鹹既廣東話 同播住好舊既快歌 用app落單 見到會員價會平好多 不過第一次就試下先當然試下酸菜魚先啦 黎到都係一大盤 仲要好多魚 湯底唔錯 不過個人感覺酸得制口水雞 擺盤好靚 整到成個飯咁 可能係咁 食落好多碎骨川粉糖水 正常發揮 野飲方面都大大杯 唔洗驚太辣好快飲曬雖然同係大陸食都係有差別 不過解下癮係可以既 埋單4xx 可以接受

地點連住鐵路站既商場，非常便利Lunch time經過見唔洗等位試下la唔太知食物辣既程度雞翼麻講辣香鍋揀左小辣有雲耳，蓮藕片，薯仔片 ，青色紅色辣椒小辣食落唔辣，雞翼用左單骨雞翼送飯確係幾惹味跟餐飲品盒裝奶唔洗加錢川香回鍋肉-中辣相對香鍋較油膩，肉片唔多，豆豉醬炒配菜有蓮藕片和蔥，個人較喜歡香鍋加配了百香果梳打，大大杯，不太甜蔥油拌麵麵質較淋，充分被蔥油包裹著紅糖糍粑呢個好食，煙煙韌韌的糯米糕炸香蘸黑糖漿加紅糖，黃豆粉香脆甜品小食

又到午餐食飯時間，very good今次就試喺黃大仙中心北館新開冇幾耐嘅十二味，因為我地都鐘意食辣，呢間其實想試好耐個鋪面都好有四川菜嘅特色新鋪入面裝修都好靚首先嚟左2個先，就係酸菜魚同麻辣牛肉香鍋，各都跟一碗飯，咁我地就可以share食la，我地都係叫少辣，真係一試難忘，好好食，就連d配菜都好正，酸菜魚d魚都唔少，湯底好濃少少咁餸飯真係一流，而個麻辣牛肉入面配菜有土豆片同蓮藕都好入味，而見到入面有幾種辣椒去炒真係好惹味喺呢區真係少有d咁特色同經濟嘅川菜午餐，睇嚟每星期都要嚟一次

我想講佢lunch真係好抵食！60幾蚊就有個酸菜魚有飯有野飲不過佢個酸菜魚就整得酸左少少 味道整體係好食另外佢配飯！我最憎食飯 但又無得轉薯粉之類 如果可以加錢專薯粉就好喇不過都係性價比高

自從封關之後都好耐冇返內地食美食啦！最近先知有間餐廳叫十二味，仲有我最鍾意食嘅酸菜魚添，梗係試試佢啦，你知啦一個酸菜魚都好大碟㗎嘛，即刻拉埋個朋友去！一去到就已經有口罩套預備比客人相當貼心成個點餐過程都係要用二維碼，好快就已經上咗飲品同埋前菜啦！終於有酸菜魚食！我哋叫午餐，仲配一個白飯，如果叫埋其他小菜呢度就已經夠兩個人食！仲有萵筍👍🏻勁足料！仲有呢個麻辣雞都幾夠味👍🏻👍🏻👍🏻因為個雞有啲辣所以叫咗碗冰粉凍凍地～係解辣用🥵我仲第一次食紅糖糍粑🍬外脆入面軟綿綿點埋啲紅糖漿同埋紅糖粉呢個真係要encore！呢度環境都做足衛生措施，各位食客都可以安心食用，用減少紙張浪費，落單都少錯啲啦，酸菜魚同糍粑真係好建議大家嚟試吓！！

新年去黃大仙廟拜神，發現呢度十二味開咗一間新分店，都有一段時間冇食過，午市套餐有$48元起，仍然係咁抵食，所以到要排隊等10至15分鐘。呢度剛剛裝修，座位之間好闊落，疫情之下分間甲板設計精美，好有氣氛。呢度嘅酸菜魚不嬲都好有水準，午市套餐都係$68，份量亦算多，魚嘅質素保持，整體滑溜，肉質有少少彈性，亦唔會太咸。川式口水雞，睇落去好似好辣，因為我哋揀咗小辣，實際都係可以接受，雞肉味道濃郁，結實但亦滑身，唔會太鞋口。牛肉麻辣香鍋，今次係第一次食呢個菜式，牛肉質素唔錯，夠淋夠滑，薯仔薄片口感唔似薯仔。熱情果梳打跟餐加$8元，估唔到係巨型嘅杯裝，一個人差啲飲唔晒。另外有少少驚喜嘅係白飯，米氣味清香，粒粒分明，好似我咁鍾意食飯嘅人一碗未必夠數。

無辣不歡的我，成日想試下朋友介紹的十二味，味道好且辣菜式選擇多，最近發現屋企附近新開十二味的分店，位於黃大仙中心南館，於是放假時帶姨甥仔去試一試。餐廳提供左午市套餐，非常抵食，於是兩個人叫左3個餐，一嘗辣之快味。餐廳用掃QR code 點菜，非常方便快捷，無需等待侍應落單。1. 酸菜魚$68， 午市套餐包括一小碟涼伴木耳，香味十足，木耳非常爽脆， 另外大大碟的酸菜魚 好快端上來，可以選辣或唔辣，再配上一碗白飯，酸菜魚的魚肉非常滑溜又無骨，份量也很多，不太好食魚的姨甥仔也食到津津有味，停不了口， 酸菜魚湯也好好飲，鹹酸度適中， 撈白飯好快一大碗已食完。2. 水煮牛肉$58，我們選了小辣，很快一大碗紅噹噹，鋪滿紅辣椒油的水煮牛肉已到，配料有大量芽菜青瓜非常爽脆，還有芹菜蔥斷增添香味，牛肉煮得非常嫩滑可口，姨甥仔雖不能食太辣，也讚不絕口，兩人很快清光所有牛肉，辣得好爽，再配上每人一大大杯的凍柚子茶和熱情果蘇打，零捨不同。3. 雞翼麻辣香鍋$54，單骨雞翼方便進食，加上配料薯仔片、木耳、蓮藕片、芽菜、辣椒一起干炒，雞翼更加入味，非常惹味。愛好食辣的朋友們，十分推薦你去十二味一嘗辣味之快，而且再

《十二味》🐠酸菜魚湯底保持水準，微辣微酸，酸味恰到好處，花椒帶出嘅麻香味提升成個湯底嘅層次，不過今次食就少咗萵筍同薯粉呢啲配菜，有啲失落🥲.🍜酸菜肥牛麵嘩呢個麵大大碗，肥牛份量俾得好足，好抵食！味道方面夠香、夠辣，略嫌紅油落得太多，少返啲啲會更好！.🥢武隆尖椒雞呢味餸好少地方食得到，尖椒、雞件加埋蓮藕一齊炒，送飯一流，唔覺唔覺食晒成碗飯添！不過呢味餸味道偏辣，怕辣嘅朋友要點小辣喇！.#eatisfun#hkfoodie#十二味🔺🔺🔺🔺🔺🔺🔺🔺🔺🔺十二味 黃大仙店黃大仙正德街103號黃大仙中心南館1樓101號舖🔻🔻🔻🔻🔻🔻🔻🔻🔻🔻

第二次黎食，覺得呢間又平又抵食，仲有qr code方便落單，係個位置有少少入，係商場都算易搵既。🔺雞翼麻辣香鍋 ($54 - Lunch Set) 先講每個lunch set都包前菜（青瓜）、白飯一碗、維他奶一包，呢個價錢先唔講野食質素都幾抵。食物方面，芽菜、炸單骨雞翼、蓮藕等等不同材料炒埋一碟，加上乾辣椒。蓮藕同雞翼非常脆口，雞翼內裏唔會乾，高質。可惜叫左中辣都唔係好辣（譚仔小辣都無）。🔺水煮牛肉 ($58 - Lunch Set) 牛肉完全唔韌唔柴，保留到少少爽口既感覺，辣油好香，傳統重慶味道。配菜有大量芽菜，掛起辣汁一齊食，又幾好食。🔺紅糖糍粑外脆內軟，配上黑糖漿，每次到呢間都會叫，甜甜地當飯後甜品唔錯。🔺酸辣土豆絲 酸酸辣辣，土豆爽口，但都幾油膩，每條土豆都有d油咁，同埋份量太大碟，兩個人都食唔哂🤔

12味原來黃大仙都開咗十二味酸菜魚🐟位於黃大仙中心南館一樓呢間咁好食嘅酸菜魚 當然要同大家分享午市套餐重十分之抵食🥳牛肉麻辣香鍋$56🐮呢度嘅午餐Portion大到成份小菜咁麻辣香鍋入面除咗有牛肉仲有大量黑木耳 蓮藕 薯仔仲可以自由揀辣度炒得好惹味 蓮藕好爽脆酸菜魚$68🐟酸菜魚係呢度嘅招牌亦都可以自由揀辣度我揀咗小辣 酸辣程度適中好多魚柳片 而且全部無骨啖啖都係肉 好嫩滑鍋底仲有大量酸菜 萵筍 芽菜紅糖糍粑$48另外加咗一個紅糖糍粑類似炸年糕配埋糖粉 黑糖漿十分之好食🤩午餐飲品可以免費配維他奶我哋各自加咗$8揀咗熱情果梳打同桂花冰釀比較特別值得一提係呢度午餐竟然仲免加一 真係好抵食😦

午餐嚟到黃大仙食十二味，之前食過佢嘅麻婆豆腐，今次就決定食佢嘅青檸杏仁蝦球。餐廳都幾乾淨。杏仁青檸蝦球，$138，兩個人一齊分享，剛剛好，佢呢一碟餸大概有10個蝦球。蝦球炸得非常金香，再配埋西檸汁，而且仲開埋邊，食落就更加安心，而且更加入味。一路食嘅時候，感覺上仲有少少鹹蛋味，我覺得佢應該有加埋鹹蛋碎去炸，都幾有風味。當然亦都要配埋白飯一齊食，如果唔係就會太膩。最後我亦都叫咗呢到好出名嘅桂花冰釀，甜甜嘅糯米酒，再配上桂花嘅清香味，完全消除左食炸嘢嘅油膩感。

想食酸菜魚🐟，無得北上，喺香港都俾我搵到間平靚正嘅餐廳🤩！午市套餐酸菜魚$68 ja !有辣有唔辣！仲配埋白飯同飲品👏！魚肉大片無🦴，唔識lun 🦴嘅朋友大可放心！酸酸辣辣好開胃！份量都唔少架！抵食🤩！哈哈。。我地太肚餓😅！仲嗌多咗個麻辣香鍋開心share😬!麻辣香鍋（全素）入面有蓮藕、薯仔片、雲耳、芽菜、、全部都係我鍾意嘅素食😍！蓮藕食落索索聲🤪！飲品+$8揀咗熱情果梳打！大大杯解辣必點😆！

黃大仙中心南館新開咗間川菜餐廳我都幾鐘意食川菜今日行街見到有新餐廳為咗滿足我好奇心 緊係要試吓仲有午市套餐包加一$5x起，最鐘意酸菜魚嘅香料味，呢度嘅酸菜魚味道十足，魚片大塊，材料十足少少辣👍🏻雞翼麻辣香鍋 - 材料十足 配料有蓮藕、木耳、芽菜，越食越辣，加$8 要咗熱情果梳打，勁大杯，食辣野必備，而且都幾好飲。紅糖糍粑 配黑糖漿 - 煙韌有口感，Double Sweet，鍾意食甜野， 必試。整體唔錯，價錢合理，選擇種類多，功夫熊貓好得意，鍾意食四川菜可以一試😋

黃大仙中心南館很熱鬧，食嘢都好多，今日擇間食辣啲十二味，檯上都有口罩套好貼心，佢係自己掃二維碼點餐嘢，服務員都會提醒點套餐合算，套餐有飯有飲嘢。套餐都好便，點了三個餐：牛肉麻辣香鍋、酸菜牛肉麵、酸菜魚。牛肉麻辣香鍋裡面有土豆、黑木耳、豆芽、蓮藕、牛肉，牛肉好大一片，土豆好軟身，蓮藕黑木耳好爽脆，要中辣真啲好入味好開胃，整盤都食晒。酸菜牛肉麵裡面有肥肉、酸菜、白菜、寬麵，寬麵唔會爛，好有嚼勁，肥牛都係好大一片肥瘦適中，要小辣覺得唔係好入味。酸菜魚都係中辣，魚嫩嫩好鮮嫩，副菜酸酸辣辣好開胃。兩個人三個餐加埋都唔使200，好抵食。