勝記海鮮酒家

营业中

休息中

放假入西貢行下 夜晚就梗係要食番餐海鮮啦今次行入少少 見到間幾好feel嘅勝記室外位置可以望住海吹下海風睇住狗仔散步不過夜晚有啲涼 我就揀坐室內呢間有大大個魚缸有好多款海鮮 全部都新鮮生猛除左直接喺餐廳叫海鮮之外仲可以自己帶海鮮嚟加工 費用都合理小食拼盤（避風塘脆金磚+西貢墨魚餅）follow勝記嘅社交平台就送喇 免費都咁大份 好大方脆金磚外脆內嫩 墨魚餅有墨魚粒粒食落好彈牙涼拌蟶子皇平時蟶子多數都係豉椒炒或者蒜蓉蒸呢間嘅涼拌真係好正 蒜味突出 蟶子好爽口椒鹽鮮鮑魚薄薄脆漿包住隻隻都咁厚肉爽彈嘅新鮮鮑魚椒鹽煮法幾惹味 但又唔會蓋過鮑魚嘅鮮味秘製瀨尿蝦揀左兩隻手臂咁粗嘅帶膏斑馬瀨尿蝦 好鮮甜呀秘製煮法係咸蛋再加少少辣椒 好香口上湯龍蝦配脆米粉龍蝦咁新鮮生猛 用上湯煮法就啱晒肉質緊緻啖啖肉 脆米粉索晒龍蝦汁好好味2月底前做會員堂食減100，follow 埋社交平台仲有小食拼盤送添呀，超正！去西貢想食靚海鮮我會推薦勝記俾大家！

難得老朋友再約，大家聚集食冬至飯，今次選址西貢，當然係食海鮮啦！我哋揀咗勝記，連續四年名獲米芝蓮一星~ 可以食到獨特烹調方法嘅海鮮👍🏻勝記除咗可以坐室外，仲有VIP貴賓房，私隱度高。脆炸墨魚餅炸到金黃色嘅墨魚餅，入口香脆，墨魚粒同馬蹄令到墨魚餅入口彈牙，而且好有口感。花雕酒醉瀨尿蝦超巨型嘅瀨尿蝦，已經預先拆殼可以直接食，入口啖啖肉好新鮮，而且有花雕酒嘅香味，更能帶出瀨尿蝦嘅鮮味。蕃茄薯仔⽊⽠煲⿂湯飲返個靚湯，木瓜魚湯新鮮熬製，入口味道香濃，淡淡魚香，而且沒有腥味。酒糟粉絲蒸鮮元貝酒槽醬汁令到顏色好鮮艷，好有創意，酒槽醬汁味道香甜，元貝入口新鮮，粉絲索晒啲醬汁好惹味。濃香芝士龍蝦 伴 脆米粉芝士龍蝦肉質爽彈，味道鮮甜，有濃濃嘅芝士味，脆米粉炸得酥脆，好似一塊塊多士咁，沾上芝士汁令人好滿足。秘製桶蠔生菜盞桶蠔用鹹蛋黃炸完好有鹹香，包起生菜包來吃，感覺冇咁油膩，紫蘇葉嘅配搭，估唔到咁match。蜜糖芥末山楂骨山楂骨外脆內軟，蜜糖芥末酸酸甜甜嘅味道令人好開胃。海花甲蝦湯浸豆胚海花甲及鮮蝦熬製出來嘅湯汁好清甜，令到鮮嫩嘅豆杯都吸收咗湯汁嘅精華。豉油皇炒麵平平無奇嘅炒麵先至係最好食，炒麵炒得乾身有

上個週末特登同朋友去左西貢食海鮮，揀左出名既勝記，餐廳用左燈籠點綴外牆，充滿着中式氛圍💯，室內仲有露台嘅貴賓房，私隱度高。小食拼盤：避風塘脆金磚/西貢墨魚餅（只要消費同追蹤勝記海鮮I社交平台就會送，優惠期至2025年2月28日）豆腐外層加左炸漿，金黃酥脆，包住入囗嫩滑既豆腐，用左避風塘做法，香口惹味；墨魚餅口感彈牙，鮮味在口中綻放。涼拌蟶子皇（需要提前預訂）先將蟶子灼熟，再用特別烹調嘅醬汁做涼拌，蟶子皇口感爽口，醬汁微酸，令人好開胃。椒鹽鮮鮑魚 （必點之選）賣相精緻，鮑魚沾左薄薄嘅椒鹽味香脆炸漿，外層微脆，飽魚口感彈牙，入口鮮美。秘製瀨尿蝦瀨尿蝦超大隻，沾上蛋黃醬炸，有絲滑既濃郁感，再加上辣椒，非常惹味，瀨尿蝦肉質爽口鮮甜。上湯龍蝦配脆米粉龍蝦肉質豐滿、鮮甜，加上上湯汁提升鮮味，脆米粉吸收上湯精華，每一口都充滿驚喜。送上飯後甜品，桂花糕有著濃郁既桂花香味，益力多口味凍糕，味道創新又不太甜，非常特別。🌟限時優惠（直至2025年2月28日）🌟1）登記成為「勝記海鮮酒家」會員，即送 「堂食$100電子現金券」(消費$1000或以上可用)2）只要消費同追蹤勝記海鮮社交平台就會送小食拼盤：避風塘

我地好鍾意黎西貢食嘢, 黎嗰半天小旅行, 暫時 遠離繁囂 放低煩惱, 充充電 🔌⚡️~ 想 chill 住食 lunch 🥰 位置同風格都有度假感嘅勝記戶外位就 fit 曬嘞~ 我地簡咗啲皇牌熱門菜式 小食拼盤(避風塘脆金磚拼西貢墨魚餅) 脆金磚 外皮香脆 內裏嫩滑, 配搭避風塘做法, 香口惹味; 手打西貢墨魚餅 咬落Q彈, 食得出材料新鮮~ 涼拌蟶子皇平時多數食清蒸或爆炒, 呢個灼熟咗嘅蟶子配搭特別烹調嘅醬汁黎做涼拌, 口感調味都啱啱好, 確係開胃菜之選~ 椒鹽鮮鮑魚 煙韌彈牙嘅鮑魚配上薄薄嘅椒鹽味香脆炸漿, 啱味鮮爽, 我少有地食完又食~上湯龍蝦配脆米粉厚肉彈牙嘅龍蝦, 清清甜甜, 感覺滿足~秘製瀨尿蝦惹味咸蛋王帶出鮮甜味, 多膏而且肉質彈牙易離殼 堅夠新鮮~望住海, 食住好味海鮮, 傾下 影下 hea 下, 幸福 就係咁簡單~

今年團年飯老細揀咗去西貢食海鮮，幫襯老字號 勝記海鮮酒家，有口碑，海鮮菜式又有創意，一於支持。酒糟粉絲蒸鮮元貝酒紅色的蒸鮮元貝，色彩鮮艷，賣相吸引，元貝厚肉鮮甜，酒糟粉絲有創意夠特色，人氣推薦！椒鹽鮮鮑魚椒鹽鮮鮑魚喺西貢非常受歡迎，以鮮鮑魚做主角，加入椒鹽調味，師傅秘製鮑魚外脆內嫩，味道鮮美。鮮味十足的鮑魚跟椒鹽的香脆可口成絕配，老細都讚不絕口。龍吐珠XO 醬炒海斑球有氣勢的龍吐珠，高檔鮮活海斑，融入XO 醬熱炒，食客感受到食材的鮮味。海斑經過煎炸，外皮微焦，連骨都可以食埋。斑球內部卻保持著多汁的口感，肉質細膩，咬下去時彈性十足，突顯出海斑本身的鮮美，肉味濃郁。泰式糟池龍蝦 伴 脆米粉龍蝦生熟度剛剛好，滿滿的龍蝦膏非常吸引，泰式糟池製成的醬汁，是一道極具風味的美食。龍蝦肉外焦內嫩，保留了龍蝦鮮味，口感彈牙，咬下時鮮美的肉汁在嘴中釋放。醬汁濃郁，鮮濃香味，伴脆米粉。龍蝦的海鮮鮮甜完美融合醬汁，海洋的鹹香和奶油般的口感，冇得彈。自家製糕點第一次食益力多味道的糕點，特別有驚喜。室內裝修融合了現代與傳統的元素，乾淨明亮，舒適的氛圍，有賓至如歸的感覺

假日與朋友相約到西貢海鮮酒家聚餐，享受美食既同時又可以閑逛西貢市中心，真係一舉兩得！餐廳提供包廂位置，座位寬敞，私隱度高，難怪不少名人都選擇在這裡舉辦飯局。推薦菜式：香煎手打墨魚餅外脆內嫩，裡面還有爽口的墨魚粒，鮮味十足，令人一試成主顧。蕃茄薯仔木瓜煲魚湯煎香魚仔熬製的湯底，清甜滋潤，彷彿帶來家的味道，濃郁得讓人回味無窮😍。酒糟粉絲蒸鮮元貝比較特別的做法，紅酒糟色澤誘人，醬汁帶有甜味，開胃無比。椒鹽鮮鮑魚好精緻嘅擺盤呈現，適合打卡。酥脆外皮搭配鮮甜肉質，一道極受歡迎嘅海鮮菜式。龍吐珠XO醬炒海斑球擺盤好強勁，斑球厚肉，XO醬濃郁，絕對不容錯過。泰式糟池龍蝦伴脆米粉澳洲龍蝦肉搭配泰式椰汁風味醬汁，脆米粉沾醬後吃起來特別惹味😋。蜜糖芥末山楂骨外脆內軟，酸酸甜甜，讓人胃口大開。薑汁炒芥蘭清爽可口，平衡整體食物既重口味。泰風味肉碎炒飯鑊氣十足的中菜，肉碎鮮香，一口接一口，讓人忍不住想再添一碗!!自家製糕點當日嘅甜點係桂花糕同益力多糕 個人鍾意益力多糕 幾特別又唔會好甜

身為將軍澳居民係會經常入西貢搵食，除咗飲啡就係入嚟食海鮮為主，而勝記係其中一間我哋之前最常去嘅海鮮餐廳。小食拼盤- 避風塘脆金磚拼西貢墨魚餅
脆金磚外皮炸漿香脆，豆腐嫩滑，香口惹味。
手打墨魚餅外層煎得香脆，咬落彈牙，絕對要趁熱食，食得出食材新鮮。而家登記做餐廳會員，追蹤餐廳社交平台 就會免費送！涼拌蟶子皇～建議早一日預訂～第一次凍食蟶子，有別於一般清蒸或爆炒嘅煮法，蟶子配搭特別烹調嘅醬汁做涼拌，麻油味香濃，味道酸酸味味作為開胃菜一流。椒鹽鮮鮑魚餐廳招牌菜之一，炸漿夠薄，鮑魚厚身好軟滑，椒鹽味好出好惹味～秘製瀨尿蝦一上枱已經好吸睛，瀨尿蝦王好巨型，外層嘅鹹蛋黃未食已經聞到好香，連蝦殼都煮到好酥脆，蝦肉都鮮甜，推薦👍🏻上湯龍蝦配脆米粉上湯汁都算濃郁，脆米粉沾滿醬汁又脆又香，再加上龍蝦肉彈牙爽口，口感豐富。

在上年尾的一個星期日，好幾個舊友聚舊，有好朋友提議走到位於西貢大街一間好出名的海鮮酒家 <勝記海鮮酒家> 食海鮮午餐！以喜慶的紅色門面，配金漆招牌，店內掛上大大個紅燈籠！附近有公眾停車場，十分方便！這裡佔地3層，可容納多達 600人！ 我們的餐桌設在獨立 VIP 貴賓房，私隱度高，有大露台海景，環境開揚光猛，還有海風送爽！負責我們這枱的男侍應都好專業！問他飲食方面的事情，他也解答仔細！涼拌蟶⼦皇選用蘇格蘭大蟶子，涼拌蟶⼦比較熱食，口感截然不同！蟶⼦鮮嫩爽口，同時也保留鮮甜味，表面加上芝麻，並以花生醬及酸甜醬汁調味，十分開胃！脆⽪滑⾖腐配避⾵塘酥炸茄⼦外層炸漿薄如紙， 保留⾖腐的嫩滑，蘸上喼汁，別有一番風味！避⾵塘酥炸茄⼦外層酥脆惹味，茄⼦濕潤軟腍！兩者各有特色！蕃茄薯仔⽊⽠煲⿂湯家常湯水，平時，經常喝到蕃茄薯仔煲⿂湯，特別加入⽊⽠，添上一份甜美感！⾦不換炒貴妃蚌泰式風味的貴妃蚌，大隻鮮甜，輕微香辣，帶出鮮味！酒糟蒸開邊⿓蝦 (每位半隻)以紅酒糟烹調西澳龍蝦，這是店方創意之作， 龍蝦鮮爽彈牙，豔麗的醬汁富酒香帶酸，加上蝦米，為口感添了嚼勁！秘製斑⾺瀨尿蝦皇 (每位半隻)選

我和友人也愛食海鮮，早前相約佢地入去西貢勝記海鮮酒家食飯。款式選擇不少，最後揀左平日較少食的整法。 涼拌蟶子皇，口感清爽。蕃茄薯仔木瓜煲魚湯，魚湯鮮甜，天氣凍最啱飲湯。酒糟蒸開邊龍蝦，平日龍蝦食得多，但以酒糟蒸的食法則是第一次，估不到好味道，有驚喜。秘製斑馬瀨尿蝦皇，瀨尿蝦好大隻，肉質爽口彈牙，殼也可以食。食左多款海鮮，要點一個蔬菜中和一下。海花甲蝦湯浸豆胚，湯鮮甜，豆苗胚好嫩口，吸收晒湯的精華。甜品不可少，桂花糕拼益力多糕，甜度適中。各款海鮮不但夠新鮮，而且肉質爽口彈牙，又夠多肉，整法又與別不同。這一餐海鮮餐不但豐富，仲帶來驚喜。

提起食海鮮必定想起人氣地標西貢呢處地方，逢假日必定係人山人海，首選品嚐美食好去處。去西貢行街、釣魚、出海，到最後食飯重點肯定係海鮮。我哋今次就去咗呢度其中一間食肆係勝記海鮮酒家，係碼頭沿着多間海鮮酒家行到最入邊，西貢大街，就會看到呢個大招牌，仲會俾佢門口特色裝飾吸引住。原來佢之前都攞過幾年米芝蓮一星，大家急不及待享受一餐美食。未食海鮮之前先來有蜜糖芥末山楂骨，入口甜甜辣辣酸酸又幾好味，肉質香嫩，食到滿口肉汁。再來係我最鍾意食嘅龍蝦，泰式糟池龍蝦拼脆米粉，賣相好吸引。未食已聞到泰式香味醬汁，係時候食件沾滿晒汁嘅龍蝦肉，肉質鮮嫩飽滿，食得滋味。再食件脆米粉記得要點埋呢個醬汁，而且分開了一碗湯汁俾大家隨意享用，估唔到同平時食開上湯同蒸煮法，今次呢款口味更加出色惹味。之後呢款椒鹽鮮鮑魚，係人氣美食首選，色香味俱全就一定，而且飽魚口感十足，唔怪得人人都必食。輪到有酒糟粉絲蒸鮮元貝，口味好獨特，唔止食到鮮味之餘，仲有陣陣香味留係口腔內。品嚐一輪海鮮盛宴再食碟蝦乾炒菜心，消化一下。再繼續餘下美食時間，食埋呢款泰風味肉碎炒飯（微辣），份量足夠好有鑊氣，會越食越刺激風味十足。最後又精美甜品糕點作結尾，一

下午訂了枱到此品嚐海鮮，叫了個四人套餐，本來期望唔高，但又出奇地好味；計有龍蝦伊麵、飽魚、聖子、扇貝及石斑等等。今日風和日麗、遊人不多，食肆環境尚算清靜，正好慢慢傾計食飯。

冬大過年，做冬咁大件事，當然要食好啲。一向都知西貢有海鮮孖寶 : 勝記同六福。既然前排食過六福，今次當然揀勝記。今次做冬人夠多，可以去到VIP房，自成一角，夠晒私隱。訂位時順便幫手安排菜式，招牌菜冇走雞。花雕酒醉瀨尿蝦隻隻瀨尿蝦都咁大隻，花雕酒唔重手，能夠嚐到瀨尿蝦既鮮味同花雕酒香既結合。酒糟粉絲蒸鮮元貝酒紅色的元貝相信唔會成日見到，唔使擔心好重酒味，大部份都已經揮發，絕對可以放心食，帶給你與別不同的元貝味道。脆炸墨魚餅墨魚餅既香脆又爽彈，而且能夠將油膩感覺盡減。濃香芝士龍蝦伴脆米粉睇外形已經知米粉並非普通米粉，特別選用新竹米粉，在濃香芝士醬下，仍能保持香脆口感。如果要重芝味，會有成碗芝士醬比你慢慢細味。秘製桶蠔生菜酥脆桶蠔外層包住鹹蛋黃，連紫蘇葉再包住菜食，好有層次。盞蜜糖芥末山楂骨山楂撞芥末效果遠超想像，加埋蜜糖既點綴，呢舊骨令人食唔停口。豉油皇炒麵看似簡單又平民嘅豉油王炒麵，其實炒得好唔易，太乾太濕都唔係我杯茶。而呢度食法就係少許燶味襯辣椒醬。油鹽水勝瓜浸貴妃蚌要嚐貴妃蚌的鮮味，最適合簡單的烹煮，當湯水飲都唔過分。海花甲蝦湯浸豆胚豆胚嫩口，花甲蝦湯充滿鮮味。蕃茄薯仔⽊⽠煲⿂湯⿂湯

陽光普照, 非常好天氣, 就是去戶外玩的好時光.  山長水遠去到西貢, 好想出海, 不過今次是去食海鮮及品嚐手沖咖啡~  星期日的西貢都好多人啊~     勝記海鮮頗有名氣, 今次有幸跟朋友衫尾品嚐到各款用心打造的海鮮菜式, 值得推介一下~  打頭陣有香煎手打墨魚餅, 外層煎得香脆, 咬下就很彈牙, 夾著紫蘇葉 一起吃, 獨特的香味令墨魚餅變得有風味. 花雕酒醉瀨尿蝦, 擺盤賣相很吸睛! 花雕酒味濃而不會苦澀, 是剛剛好的, 蝦肉彈而軟滑, 重點是蝦身去殼, 好細心.  想吃的話, 必需預訂, 而每隻約$150 朋友說番茄薯仔木瓜煲魚湯好濃甜, 師傅解說是用了烏絲斑魚煲完再壓及再煲, 功序不多繁多, 但有這步驟才煮得出香甜的湯, 的確好飲~ 賣相寓意步步高升的椒鹽鮮鮑魚, 選用大連鮑魚, 厚身肥美, 外層椒鹽緊緊包著鮑魚, 肉質軟滑. 嘩! 酒紅的一糰! 這份是酒糟粉絲蒸鮮元貝, 以紅酒槽入饌海鮮, 酒槽發酵的甜味帶出海鮮鮮味, 蝦米、粉絲吸了醬汁, 好滋味!  經常認為蒸海鮮, 時間掌控得宜才不會浪費, 這份元貝入口軟滑不韌, 表示沒過火, 剛剛好. 泰式糟池龍蝦伴脆米粉是必食菜式,

在香港想食海鮮，西貢會是一個不錯的地方。勝記海鮮酒家位於西貢的一角，對比其他酒家的環境更為幽雅。而且外觀頗為顯眼，紅色的建築和燈籠增添了華麗感。二樓的VIP房間更設有露台位置，從樓上能遠眺西貢避風塘的景緻。這裡很適合一大班人聚餐，用餐環境亦非常舒適。海鮮很多地方都可以吃得到，但這次吃的是勝記海鮮酒家獨創的喔。花雕酒醉瀨尿蝦 上桌已聞到陣陣的花雕香。吃落也很濃酒香，但不會嗆喉。而且重點是已拆好殼，吃得超方便。酒糟粉絲蒸鮮元貝 配粉絲蒸的元貝就吃得多，但加了酒糟是第一次。紅酒糟有淡淡的酒香帶酣甜的味道又不會太搶味。吃時還能吃到元貝的鮮甜，而且肉厚。秘製桶蠔生菜盞 這個炸蠔十分驚喜。外層炸得很香脆還能吃到鹹蛋黃的鹹香，桶蠔也很肥美多汁。怕辣可以拿掉放在上面的指天椒，然後拿生菜包起來吃。紫蘇葉出奇地沒有搶到食物本身的味道，反而讓味道層次更分明。油鹽水勝瓜浸貴妃蚌貴妃蚌很大隻且肥美，用油鹽水簡單煮更加帶出其鮮味，還吃到柚子絲。勝瓜亦軟化至合適的口感，邊吃邊喝湯剛剛好。濃香芝士龍蝦伴脆米粉 這個真的超邪惡。使用很幼細的新竹米粉，炸完的口感非常酥脆，配上濃香的芝士醬十分惹味。龍蝦的肉質飽滿亦很彈牙，