勝記海鮮酒家

走進西貢大街的勝記海鮮酒家，香氣早在門口飄散。店內明亮寬敞，牆上掛滿漁民風情裝飾，氛圍地道又不失細緻，令人一坐下便有種輕鬆期待的感覺。蕃茄薯仔木瓜煲魚湯打頭陣，湯色金黃透亮，湯底細緻濃郁，入口果香與魚香交融，清甜不膩。湯中木瓜與薯仔煮得軟糯入味，配上鮮嫩魚肉，更添層次，是溫暖又值得細味的一道湯品。涼拌鮮鮑魚爽滑彈牙，帶有微酸的開胃滋味。酒糟粉絲蒸貴妃蚌則香氣撲鼻，蚌肉厚實鮮甜，令人忍不住一再夾取。薑蔥龍蝦伴脆麵更是全場焦點，即叫即炒上桌時香氣四溢，龍蝦肉鮮彈，脆麵吸盡醬汁精華，吃得又香又滿足。酥炸桶蠔生菜盞外脆內滑，配上清新的生菜與酸香他他醬，富層次而不油膩。清炒荷塘上素為整體添上清新一筆，蔬菜翠綠爽口，平衡了整桌的味蕾節奏。最後以蛋白生磨杏仁茶作結，香滑幼潤，杏香縈繞，為整頓海鮮盛宴劃上圓滿句號。勝記的菜式豐富而穩定，每一道都見功夫與誠意。從煲湯到炒龍蝦，都能感受到師傅對火候與味道的拿捏。這裡的海鮮不僅新鮮，更烹調得精彩，令人印象深刻、回味無窮。…查看更多

我未走勻全世界，但都踏足過不少城市，講到食海鮮，都係香港做得最好，海鮮除了新鮮之外，烹調技巧其實非常重要，經典經驗是在智利吃海膽，價錢便宜，一杯海膽份量十足，但就是吃了一半已經吃不下！西貢衆多海鮮飯店中，只有兩家取過或依然是米芝蓮，成功在於味道，而「勝記海鮮酒家」在賣相及環境方面，相比另一間更勝一籌，我兩間都鍾意。大紅燈籠高高掛，三層獨立建築物，旁邊有泊車位，地下寵物友善，一看就知道「勝記海鮮酒家」夠份量，請客適宜，據說最多可容500人，招呼過不少大集團宴會及政府部門。我們一行五人，上了一樓貴賓廳，雅致舒適，有個露台。「勝記」不停鑽研新菜式，卻又不失傳統風味，最重要是保持海鮮的鮮味，這次我們吃了這些：大蝦沙律 $340新鮮大蝦，肉彈鮮美，配合新鮮多元的水果，是一款令人吃得開心的前菜。花雕醉瀨尿蝦 $750這日我最喜歡的菜式，花雕醉汁調得出色，醃製時間掌握得好，恰到好處，瀨尿蝦肉質保持結實，洋溢著酒香，亦有少少甜甜的味道，鮮味隨之提昇，已半起殼，吃得輕鬆，啖啖肉，這款佳餚極品，真心推薦！西貢地道海鮮湯 $268足料久熬，不敗之作，每口鮮甜，餘額悠久。蒜蓉粉絲蒸蟶子 $538蘇格巨型蟶子，以最基本及傳統的蒜蓉粉絲蒸，我認為是最美味。三蔥炒肉蟹 $618用了三款蔥：乾蔥、洋蔥及青蔥炒，因此香氣四溢，兩隻肉蟹五個人分，吃得滋味滿足。花甲茶碗蒸 $340花甲份量多，出色蒸蛋，香滑鮮味。清炒荷塘上素 $188炒得相當好，夠鑊氣，蓮藕、豆及菇爽口味豐富。鮮元貝蔥油拌麵 $240今日的另一佳作，蔥油非常香，卻又一點也不油膩，粗身的麵條吸盡豉油及蔥油香，加了一粒鮮元貝更是昇華版，面頭的蔥絲亦是一絕。自家製糕點－桂花糕．益力多糕 $68首創10多年的益力糕，歷久常新，百吃不厭，半透明的桂花糕亦很清香。#勝記海鮮酒家 #西貢 #粵菜 #廣東 #海鮮 #西貢海鮮…查看更多

一向都好鍾意食海鮮，尤其成日都想去西貢食，但一諗起要山長水遠去，就會打消呢個念頭。朋友話西貢呢間海鮮酒家一定要去試吓，終於扚起心肝就去啦！勝記原來係自置物業，外觀極具氣派，整間餐廳可以招待500人，裏面還有好多VIP房供宴客之用，私隱度十足！西貢地道海鮮湯鮮甜嘅魚湯，裡面仲有白菜仔同豆腐添！花雕脆瀨尿蝦花雕酒味不會蓋過了瀨尿蝦的鮮味，反而提升了味道！花甲茶碗蒸花甲嘅鮮味已經融入晒蒸蛋裏面，香滑嘅蛋變得更甜更鮮味。三蔥炒肉蟹用京蔥、紫洋蔥同青蔥一起炒蟹，蟹肉鮮甜嫩滑，三蔥也非常入味，平常都會食淨那些配料，但今次係一掃而空！🥰🥰雜果大蝦沙律生果切粒，方便食用，大蝦爽口彈牙。清炒荷塘上素這碟素菜有荷蘭豆、木耳、藕片，口感爽脆清甜！鮮元貝蔥油拌麵元貝好大隻，上面鋪了炸紅蔥頭絲，拌麵充滿了蔥油香味，最好就是食時也不會覺得油膩！蒜蓉粉絲蒸蟶子最基本嘅做法蒸蟶子，無論粉絲同蟶子都一樣咁好味！自家製甜品 - 益力多糕 + 柚子蜜糕兩種甜品都不致太甜，柚子蜜糕還會食到柚子肉啊！雖然係山長水遠，但絕對是值得的！…查看更多

大家去食海鮮都會去同我一樣諗下要去邊度食先至係最好，不過係我心目中一定會首選西貢，原因好簡單夠晒集中有最平民價錢去到星級米芝蓮俾大家用饍今次我哋就嚟到呢間西貢勝記海鮮酒家，曾經都係米芝蓮食府之一，係熱鬧嘅西貢大街一直行到最入就會見到呢個優美景觀之餘，仲可以品嚐一餐豐富美食，當然點了幾款人氣菜式先來有呢款蕃茄薯仔木瓜煲魚湯係必飲之選，飲到啖啖濃厚嘅鮮甜魚味之餘，襯埋其他配料更加提升味道，緊接有紫菜香煎墨魚餅，煎得金黃香脆，加上厚切用料十足墨魚肉質飽滿鮮嫩爽彈，配埋脆紫菜底食得更惹味海鮮美食亦逐一送上，輪到酥炸桶蠔生菜盞（配美式他他醬），脆脆炸醬包住大大隻桶蠔，食到豐厚鮮嫩肉質，沾埋開胃醬汁一邊食口感十足又滿囗肉汁終於到是日主角出場係薑蔥龍蝦伴脆麵賣相精緻，嗰陣鑊氣色香味俱全，而且龍蝦肉超足料，一定趁熱食因為麵底係即炸夠晒脆薄撈埋薑蔥汁，估唔到入口味道出色之餘同時又食到啖啖爽嫩龍蝦肉滋味十足海鮮仲可以配搭多款菜式，再來鮑魚瑤柱海鮮荷葉飯，揭開荷葉已見大大粒鮑魚係飯粒上，飯粒已沾滿芡汁精華濃郁味道，每啖飯都會品嚐鮑魚飽滿肉質，再加上瑤柱同蝦肉增加層次感，必定要食返兩三碗先至滿足𥅽慾飯後甜品係蛋白生磨杏仁茶，簡直又完美食法，眨吓又享受一餐豐富海鮮美食。…查看更多

趁黃金周完咗，西貢少咗遊客，約埋朋友去勝記食返餐海鮮大餐，真係一流！😋🦐🦑🥢 涼伴蟶子王麻油香撲鼻，冰涼爽口，作為頭盤非常開胃，食完即刻期待下一道！🧆 金黃炸墨魚餅外脆內嫩，香味十足，未入口已經聞到香氣，咬落去甜美又彈牙，超有驚喜！🍲 西湖花甲牛肉羹啖啖都係料！豆腐、牛肉、花甲肉完美融合，鮮甜得嚟又夠暖胃，秋天飲一碗真係幸福。🍶 花雕酒醉瀨尿蝦蝦肉鮮甜，酒香恰到好處，唔會搶味，反而提升咗整體層次，浸得好有心機！🥬 炸桶蠔生菜盞配他他醬炸得香脆又唔油膩，配埋爽口生菜同酸甜他他醬，真係一啖接一啖！🦞 泰式糟池龍蝦伴脆米粉主角竟然係炸得香脆嘅新竹米粉！配上椰香濃郁嘅泰式紅咖哩汁，太好食啦～我哋竟然食晒米粉先記得食龍蝦🤣🍚 米湯浸勝瓜用米湯代替高湯，令勝瓜吸晒米香，清甜得嚟又有層次，簡單但好有心思！🍃 鮑魚瑤柱荷葉飯遠睇似糯米雞，近睇係驚喜！荷葉香滲入每粒飯，鮑魚、冬菇、蝦料足到爆，食完仲想encore！🍮  自家製甜品：益力糕多 & 柚子蜜糕柚子蜜糕入面有柚子肉，口感豐富又清新，比起平時食嘅桂花糕更有新鮮感！👨‍🍳 每一道菜都食得出廚師嘅心機，唔止係海鮮咁簡單，係一場味覺盛宴！📸 …查看更多

同班friend去咗西貢呢間海鮮酒家，有室內有室外。🦐 小食拼盤炸蝦餅彈牙多，炸豆腐外脆內嫩，點埋甜酸醬好開胃！ 🐚 油鹽水浸貴妃蚌蚌肉肥美冇沙，夠鮮甜，湯底清甜帶鹽香。🔥 椒鹽鮮鮑魚椒鹽香口唔會太咸，鮑魚咬落熟度剛好，正！ 🌿 金不換炒蟶子蟶子大隻味道又鮮甜，金不換香氣撲鼻～ 🦞 泰式糟池龍蝦 配脆米粉龍蝦肉爽彈，泰式醬汁開胃，脆米粉索曬精華，食到lam lam脷～ 🥬 上湯浸時蔬簡單但見功夫，菜心嫩綠冇渣，上湯清甜～ 🍮 自家制甜品益力多糕及柚子糕，幾好味😋…查看更多

果日去咗西貢勝記呢間主打海鮮嘅餐廳，四人套餐真係幾有排場。一坐低，枱面就擺咗個小食拼盤，啲款式一睇就知有心思，咬落脆卜卜，啱晒開餐做「頭盤」。跟住上場嘅椒鹽鮮鮑魚，外層帶點香脆，咬開鮮味彈牙，唔會太重手，食到啖啖海水味，連小朋友都忍唔住夾多件。之後就到酒蒸粉絲發帶子，粉絲索晒帶子同酒香嘅精華，帶子本身又厚又滑，連埋蒜蓉一齊入口，好自然就夾多幾筷子。中途上咗一碟金磚豆腐，豆腐切到四方一粒粒，外面炸粉炸到金黃色，咬落去先係香脆，再嚟入面好嫩滑，蘸少少醬汁就好惹味，成枱人幾乎一轉眼就清晒碟再嚟有酒蒸粉絲發帶子，啲粉絲索晒帶子鮮味同醬汁，蒸得剛剛好，有蒜蓉香氣但唔會搶味，帶子厚身滑溜。之後清蒸沙巴龍躉上枱，魚肉細緻唔腥，簡單配蔥薑同豉油就已經好送飯，食到尾都仲保持到滑。食到差唔多中段，有金不換炒聖子，炒到好香材料味，啖啖都有啲九層塔嘅香同埋聖子爽口口感，完全冇腥味。主角出埸，揀咗芝士配脆米粉嘅龍蝦，芝士味濃郁，微微拉絲，龍蝦肉混埋份量啱啱好嘅脆卜卜米粉，配埋熱辣辣啲芝士汁，好容易一啖接一啖。 最後，蒜蓉炒時蔬嚟個中和，好清新又唔會漏油膩，有啲菜味令整餐都冇咁單調。埋尾自家製甜品出場，款式家常得嚟有驚喜，滑口帶啲淡淡甜香，餐後食返個，滿足感都幾足。成餐氣氛都幾舒服，大家你一言我一語，不經不覺食咗成桌，但每味都有種「吃在當下」嘅輕鬆自在，好似講緊海邊晚市咁寫意。…查看更多

【🌟西貢必食！米芝蓮一星🌟勝記海鮮酒家｜海景貴賓房×鮮活海鮮盛宴】.講到西貢海鮮，即刻諗起【勝記海鮮酒家】🏆連續5年米芝蓮一星榮譽，呢座英倫風紅屋唔單止係西貢地標，仲坐擁避風塘無敵海景，無論係家庭聚會、壽宴定商務飯局都夠晒體面💖酒家自設魚缸養住生猛海鮮，即撈即煮，師傅手勢傳統創新兼備，連明星政商都係常客👍🏻🍆 【酥炸茄子】外脆內嫩茄子切條炸至金黃，外皮薄脆如天婦羅，咬落「咔嚓」一聲，內裡茄子肉依然軟嫩多汁✨最驚喜係完全無油膱味，廚師火候控制一流，熱辣辣上枱，趁脆食絕對停唔到口！🐚 【涼拌鮮鮑魚】爽彈鮮甜鮑魚片厚切啖啖肉，淋上自家調製麻辣蒜蓉汁🌶️微微辛辣帶出鮑魚鮮甜，鮑魚處理得乾淨無腥味，作為前菜真係醒胃到不得了～🍲 【西貢地道海鮮湯】漁家風味·暖心暖胃熬成奶白色湯底，濃郁到連飲幾碗👄湯料有香甜白菜仔同豆腐，飲落鮮甜帶淡淡胡椒香，秋冬飲一碗即刻暖笠笠！🌶️ 【XO醬爆貴妃蚌】鑊氣十足·鮮味爆發貴妃蚌肉厚無沙，師傅快炒保留飽滿肉質，XO醬、蒜香等完美融合🔥每一啖都鹹鮮帶微辣，蚌肉爽脆得嚟帶啲韌勁，送酒送飯都無敵！🦞 【三蔥炒龍蝦】豪華之選·色香俱全視覺滿分💯龍蝦肉啖啖彈牙，爆炒後鎖住肉汁，蔥香滲透每絲纖維，醬油芡汁甜鹹適中。最抵讚係蝦鉗已細心敲裂，一挑就食到完整蝦肉，懶人恩物！🍶 【辣酒煮花螺】惹味狂熱·吮吸樂趣花螺吸盡辣酒湯精華，螺肉一啜就離殼🌪️入口先嚐到酒香，後勁麻辣慢慢湧上，愈食愈上癮！辣控必試！🥬 【清炒荷塘上素】健康之選·爽脆清甜荷蘭豆、木耳、藕片等時蔬猛火快炒，菜色青翠欲滴🥦咬落爽脆「索索聲」，簡單用蒜片同鹽調味已經好夠，食完大魚大肉後清一清味蕾，長輩同小朋友都會鍾意！🍜 【鮮蝦球蔥油拌麵】簡而不凡·蔥香四溢手工粗麵掛滿金黃蔥油，蝦球大隻又彈牙🦐蔥油用紅蔥頭慢炸至焦香，拌勻後每條麵都油潤發亮，成個組合香而不膩，一個人輕鬆KO成碗！🍵 【薑茶湯圓】完美句號·暖心甜點自家磨薑熬製嘅薑茶辣度溫和，湯圓皮薄餡多，奶黃餡爆漿流心🔥凍天飲一啖薑茶再咬開湯圓，冰火交融嘅感覺超治癒！🌊 點解揀勝記？✅ 米芝蓮星級保證｜廚師團隊曾到內地、澳門表演✅ 海景貴賓房私隱度高｜設露台飽覽避風塘✅ 即撈海鮮零味精｜明星政商飯堂.勝記海鮮酒家✨📍西貢西貢大街33-39號地舖.#西貢海鮮 #米芝蓮一星 #紅屋打卡 #家庭聚會 #商務宴請 #即撈海鮮…查看更多

跟朋友喺西貢踩單車，經過勝記海鮮酒家，吸引之處在於其早前的米芝蓮星級認證，選用新鮮生猛海鮮，有創意粵菜，外貌似紅屋打卡地標，位於西貢海旁特式，是海鮮迷及聚會的熱門選擇。蕃茄薯仔木瓜煲魚湯不能錯過必試招牌魚湯，不加味精，保留食材原味。涼拌鮮鮑魚自家製涼拌醬汁，帶獨特香氣，鮮鮑魚鮮嫩多汁，配吸晒精華。細緻醬香，入口香氣四溢。鹹鮮味道層次分明，每一口都極致奢華。 薑蔥龍蝦伴脆麵重點之選必試龍蝦，每日新鮮運到，即叫即煮，香氣撲鼻，令整枱食客瞬間掃光一盤。外殼香脆、龍蝦肉嫩滑，彈牙多汁，鮮味香氣令人回味無窮。 薑蔥炒味道濃郁，滲入新鮮龍蝦肉，鮮甜彈牙，無多餘調味，突出鮮味。配脆麵酥脆可口，鹹香惹味，集香濃和新鮮於一身，屬打卡熱選。鮑魚瑤柱海鮮荷葉飯荷葉蒸煮後帶出天然清香，成為畫龍點睛之筆，飯香層次更高。味道鮮香，粒粒糯米飽吸海鮮精華，荷葉清香滲入米飯，伴隨慷慨份量的鮑魚、瑤柱和蝦乾。濃郁海味鮮甜，鹹香不膩。蛋白生磨杏仁茶質感滑潤細膩，杏仁香味濃郁撲鼻，醇厚的杏仁香氣，蛋白令整體更加滑順濃稠，入口溫和，甜度低雅，適合潤肺滋補。靠近海灣，設有戶外雅座及海景房，環境優雅舒適。又設有不同大小包廂，適合家庭或朋友聚餐。…查看更多

又到放假食好西嘅日子！呢排天氣冇咁熱入西貢就最適合不過，呢日約咗朋友仔去西貢食海鮮。今次揀咗勝記食呢一餐晏晝，上次食過晚餐大家都好鍾意所以就返兜呢間。呢日我哋坐喺一樓嘅廂房開餐，空間感十足仲可以望住個海景嚟食晏真係好爽皮。一坐低嚟返個冷盤開下胃先！呢個涼拌鮑魚鮮味爽口幾得人鍾意。入嚟西貢食海鮮一定要飲西貢地道海鮮湯！間間都有唔同嘅配搭我就好鍾意勝記嘅出品，除咗有魚之外仲有好多海鮮喺入面飲落去鮮味特別出彩。跟住呢個酥炸茄子真係顛覆咗我食嘢嘅概念！真係估唔到佢呢一層鬆脆嘅炸皮好味到變咗做主角，其實入面嘅茄子都好香滑不過就比炸漿蓋過咗風頭。貴妃蚌我食過唔少但係用XO醬爆嘅係第一次食，味道變得惹味咗但係依然鮮甜，食厭咗蒜蓉蒸咁樣嘅煮法都幾唔錯。跟住呢煲熱氣騰騰嘅係三蔥炒龍蝦！老婆大人鍾意食蔥呢個有齊青蔥、京蔥同埋洋蔥，佢話啲蔥仲好食過龍蝦真誇張，我就覺得龍蝦嘅鮮味好食得多喇，最重要係夠晒鑊氣整體嚟講係好吸引嘅。我雖然食辣係BB班但係辣酒煮花螺呢味嘢又真係抗拒唔到！呢度嘅辣味真係食到我飆冷汗但同時又好鬼好味，加埋啲螺肉好鮮甜流多啲汗都係抵嘅。想清爽嘅可以試呢個清炒荷塘上素！入面嘅蓮藕同馬蹄夠晒爽脆，加埋啲新鮮百合同埋荷蘭豆炒出嚟好香口味道超正。呢個鮮蝦球蔥油拌麵夠晒香口！蔥油嘅香味撈滿喺啲爽滑麵條上面，加埋隻爽口有彈牙嘅大蝦食得我好happy。甜品有薑茶湯丸濃郁嘅薑茶唔會好甜，配勁香甜嘅奶黃湯丸就啱啱好，又超爆勁滿足嘅一餐食飽飽走人。…查看更多

早前，我和朋友駕車前往西貢食海鮮。我們選了位置極其便利的勝記，因為店家旁邊就有停車場，真是省去了不少麻煩。有幾道特別的菜式，讓我忍不住想要好好記錄一下：涼拌蟶子皇：這是我第一次以這種方式品嚐蟶子，清新的口感讓人耳目一新，鮮甜的味道更是開胃無比。脆炸墨魚餅：外層裹著米粉炸至金黃酥脆，咬下去的瞬間，墨魚肉的香氣與彈牙的口感交織，簡直讓人上癮。花雕酒醉瀨尿蝦：這道涼菜真是出色，瀨尿蝦在花雕酒的浸泡下，吸收了酒香，與蝦的鮮甜味道完美融合，味道令人驚艷。泰式糟池龍蝦伴脆米粉：這道菜的搭配大膽而驚喜，台灣新竹的米粉炸至脆口，配上泰式紅咖哩龍蝦，瞬間讓整個味蕾舞動，碟子很快就被清空。米湯浸勝瓜：米湯中有瑤柱、炸蒜和陳皮，讓勝瓜的口感更加滑嫩，陳皮的加入更是消滯解膩，讓人回味無窮。鮑魚瑤柱荷葉飯：這道飯完美結合了鮑魚、雞肉、蝦、冬菇和瑤柱，香氣四溢，令人垂涎。最後，還有兩款甜品：柚子蜜糕和益力多糕，為這次的海鮮之旅畫上了甜美的句號。每一口都讓人心滿意足！…查看更多

這個星期再次約朋友走到西貢吃海鮮午餐！吃罷還在這個寧靜的後花園隨意逛逛，那份寧靜的氛圍已經成為我們老遠走入西貢的理由。這次我們選了西貢勝記海鮮酒家來午餐！超喜歡這兒是獨立一棟的餐廳，地方非常寬敞坐得好舒適。涼拌鮮鮑魚$408！新鮮鮑魚切成薄片以獨門的涼拌汁炮製而成，微辣之中帶上醋香作為開胃前菜好味之餘感覺矜貴。酥炸茄子$98！本以為這道菜式沒什麼特別，但那炸皮的口感和味道也令人驚嘆，超級鬆化而且一點也不油膩，內裏的軟滑茄子頓成了配角。西貢地道海鮮湯$268！這盅海鮮湯除了鮮魚之外還有不少海鮮在內，味道層次特別豐富鮮甜好喝。XO醬爆貴妃蚌$328！我跟車爸爸也非常喜歡吃貴妃蚌但多以清蒸烹調，原來用XO醬爆炒後變得更加惹味。三蔥炒龍蝦$668！這道菜懂吃的當然是三蔥分別有青蔥、京蔥及洋蔥，三蔥索滿了龍蝦的鮮香味道實在誘人，當然本地龍蝦也給予超大的「味」力，才能成就出這道鮮香可口的菜式。辣酒煮花螺$408！赤紅的湯汁令人垂涎欲滴，花螺口感煙靭鮮甜而且辣度十足超級惹味，我建議上檯後浸一會才品嚐更加入味精彩。清炒荷塘上素$188！邪惡過後一客素菜來個大反差，簡單菜式就是吃到大廚的功力，內裏的荷蘭豆、蓮藕、百合及馬蹄等材料各自做到應有的脆度，加上恰到好處的調味清甜可口非常出色。鮮蝦球蔥油拌麵$340！單尾來一客香氣十足的拌麵實在圓滿，爽滑的麵條混上了濃郁的蔥油香氣超然，還有那隻爽彈鮮味的大蝦球實在叫人滿足。薑茶湯丸$188！以暖笠笠的糖水作為這頓午餐的結尾，暖身的薑茶不過甜當然是好物，配襯爆餡奶黃湯丸令人如行上蜜運般甜美。…查看更多

入到西貢梗係食海鮮！三五知己 一定要去勝記 談天說地 邊飲邊食最歡喜 一於就叫佢嘅蟶子皇 上碟嘅時候好精美全部已經拆殼啲蟶子肉擺放喺生菜盤上食得出新鮮又彈牙脆炸墨魚餅 手打墨魚超好咬口 一碟六嚿 想食多一嚿都冇 墨魚香真係令人回味 望住個mon令人垂涎欲滴 再加埋酸甜醬 冇得彈！西湖花甲牛肉羹 每人一碗 裏面有芫荽、豆腐同牛肉每一啖都係精華所在花雕酒醉瀨尿蝦 平時食瀨尿蝦最驚就係要搣但係呢度已經幫你搣埋 仲有花雕酒浸住入晒味 真係完全唔講得笑 泰式糟池龍蝦 伴 脆米粉台灣新竹米粉 一啲都唔簡單 最新嘅米粉再加埋泰式芝士龍蝦汁醬微辣的感覺非常香口 酥炸桶蠔生菜盞（配美式他他醬）新鮮靚料唔需要多講 簡單嘅加塊生菜仲有少少他他醬 就已經非常完美 生蠔口感豐富 極度新鮮驚喜在後頭 鮑魚瑤柱荷葉飯賣相好似一個用荷葉包住嘅蛋糕 一切開 荷葉香伴隨粒粒鮑魚瑤柱 每一啖飯都有鮑魚 非常奢華 不計成本食到大家非常滿足！…查看更多

最近去開西貢，行到肚餓，就比我哋搵到勝記海鮮酒家，聽講佢哋嘅海鮮四人套餐好受歡迎，於是就去試下。餐廳環境靜靜地，坐落喺西貢，氣氛都幾好，真係幾適合同朋友聚餐。首先，炸墨魚餅真係一絕，外脆內彈，啖啖都有墨魚味，好好食。再加埋脆皮滑豆腐，豆腐外面炸到金黃，口感滑溜，真係可以一口接一口。接住嚟就有椒鹽鮮鮑魚，四隻鮑魚都好新鮮，椒鹽味道恰到好處，唔會太鹹，食完之後，仲想再嗌多隻。自家製酒糟粉絲蒸帆立貝都係一個亮點，粉絲吸咗啲酒糟味，帆立貝又鮮嫩，真係非常好味。清蒸海斑亦都唔可以錯過，魚肉鮮美，清蒸得剛剛好，唔會遮住魚本身嘅鮮味。芝士龍蝦配脆米粉係我最鍾意嘅一道，兩隻龍蝦肉肥厚，加上芝士醬，真係食到心滿意足。至於金不換炒蟶子皇，四隻蟶子皇炒得恰到好處，配上蒜蓉炒白菜仔，簡單又好味，完美嘅搭配。而甜品益力多糕則係一個清新的結尾，令人心滿意足。勝記海鮮酒家嘅海鮮四人套餐真係值得推介，好抵食！無論係味道定係環境都令人印象深刻，下次有機會一定會再嚟！…查看更多

上星期六，好友相約一同前往西貢大快朵頤海鮮。他早已安排妥當，連菜式都預先訂好，我們只需準時赴約，真係太貼心，辛苦晒佢！從小巴總站步行過去其實不算遠，沿途也有不少食肆。不過今次主打海鮮，怕大家唔夠喉，好友特意加添了雞翼和荷葉飯，整體菜式非常豐富，真係食到飽晒，今次真係有口福！首先登場的是外酥內嫩、口感Q彈的「脆炸墨魚餅」。外皮炸至金黃香脆，一咬下去即感受到墨魚的鮮香在口中散開，層次分明、滋味十足，絕對是必試之選！接着登場的是「鮮蝦芥末芒果沙律」，沙律表面鋪上一隻鮮甜爽彈的大蝦，底層則是滿滿切粒的鮮果。芒果的酸甜果香與芥末微辛的刺激感交織出獨特風味，層次分明，清新又開胃，令人一試難忘！「蕃茄薯仔木瓜煲魚」酸甜鮮美，湯底香濃撲鼻，木瓜煮得軟糯入味，薯仔則恰到好處地軟腍，未至溶化，仍保留口感，整體非常好喝。唯一美中不足是每人只分到一碗，真係飲得唔夠喉，意猶未盡！帶有淡淡日式風情的「花甲茶碗蒸」，蒸蛋質地滑嫩、入口即化，搭配鮮甜飽滿的花甲，口感層次分明，令人驚喜。細膩的蛋香與海鮮的鮮味交織融合，一口下去盡是鮮美，確實值得一試！今日最驚喜莫過於這道「龍吐珠粟米炸斑塊」。選用原條斑魚起肉，裹粉後炸至金黃香脆，連魚骨都炸得酥脆可口，除了主骨外，真係做到「骨都唔放過」！食用時再淋上香濃粟米羹，鮮甜滑順，香氣撲鼻，真係好食到停唔到口！「三蔥炒肉蟹」選用兩隻超大隻肉蟹，蟹肉鮮甜嫩滑，吸滿濃郁醬汁後更添滋味。配合三蔥——大蔥、洋蔥與蔥的多重香氣，完美融合，香氣撲鼻，令蟹肉更顯鮮香誘人，叫人一試難忘！大大份的椒鹽蒜香雞翼，外皮煎炸至金黃酥脆，入口外酥內嫩，蒜香與胡椒鹽香氣交織，濃郁撲鼻。雞肉鮮嫩多汁，香口惹味，令人食指大動，一口接一口停唔到！這道「鮑魚瑤柱荷葉飯」以單尾上桌，份量剛好，口感層次豐富。鮑魚軟嫩Q彈，鹹香濃郁；瑤柱鮮甜提味，口感獨特；米飯吸收荷葉清香，香氣撲鼻，粒粒分明、飽滿彈牙。三種食材各展風采，交織出一份細膩又迷人的美味。最近送上的生果盤別具心思，橙被巧手切成「兔子」造型，不但味道清甜可口，更為整盤生果添上趣味與特色，令人眼前一亮！現在去勝記社交平台玩遊戲，仲有機會贏得海鮮餐；而萬聖節晚更有特別節目，有時間不妨去參與一下！#脆炸墨魚餅#鮮蝦芥末芒果沙律#蕃茄薯仔木瓜煲魚#花甲茶碗蒸#龍吐珠粟米炸斑塊#三蔥炒肉蟹#椒鹽蒜香雞翼山#鮑魚瑤柱荷葉飯#生果盆#勝記海鮮酒家 (西貢)地址: 香港西貢西貢大街33-39號地舖電話: +852 27919887…查看更多