割烹 櫓杏 (iSQUARE國際廣場)

营业中

休息中

收工後同同事去咗尖沙咀食日本菜。我哋叫咗餐廳嘅 Dinner Set，食得好飽同好滿足，因為套餐 入面有好多唔同嘅嘢食同甜品。首先係牛腸鍋，透過醬油鮮甜味搭配嘅湯底，令到啲材料更加好味，食材包括有芽菜、牛蒡、椰 菜、韭菜、豆腐、牛腸、蒜同唐辛子。將所有材料放晒落個湯度，令個湯嘅味道就更上一層樓。牛 腸嘅口感好咬口，又肥又軟，仲有啲彈牙，味道真係令人難以忘懷。鰻魚同青瓜配土佐酢都好好食，鰻魚嘅肉質好飽滿又好嫩滑，口感好有韌性，青瓜爽口嘅口感配 埋清甜嘅味道，再加埋土佐酢嘅酸味，唔單止可以解膩，仲可以增加食慾。跟住就係黑松露茶碗蒸，口感真係好嫩，味道都好香，配埋黑松露獨特嘅氣味，令成碗茶碗蒸嘅 味道更加豐富。仲有就係新鮮刺身盛合，刺身包括咗甘海老同另外兩款廚師發辦嘅刺身，每款刺身口感都係咁潤 滑鮮嫩，仲散發住陣陣清香，簡直係滿分嘅刺身組合。其他嘢食仲有鮮魚壽司、炭燒雞雞頸肉同 埋甜品柚子雪芭，食完之後我同同事都對呢啲嘢食讚不絕口，仲約埋下次再一齊嚟食。

呢度嘅食物真係好好味呀！我本身已經好鍾意日本餐，但呢度真係太太太正啦！前幾日，同屋企人一齊出去搵晚餐食，啱啱搵到呢間日本餐廳。一入門口就見到好多靚靚嘅佈置，成體嚟講又唔會太空，亦都好整齊，入面嘅佈置令人感覺好舒服。我哋點咗一道睇落好特別嘅火山鍋，入面有啲菇類，外面圍住一堆豬五花。食材好新鮮，煮出嚟嘅味道亦都超正。我哋仲試咗嗰個刺身盛合。我好鍾意佢哋嘅擺盤，好靚，感覺好高級。呢道刺身食材亦都好新鮮。入面總共有三樣料理，甘海老加埋另外兩種食材會由廚師決定。另外，佢嘅雞頸肉亦都好好味，口感軟嫩，鮮嫩多汁。呢個味道真係令人垂涎三尺。最後一道就係我最鍾意嘅雞蛋料理，茶碗蒸。入口好Q彈，唔會太硬或者太軟，啱啱好係我認為最合適嘅口感，味道亦都好美味。成體嚟講，呢間店我哋都好鍾意，下次有機會一定會再嚟光顧。

你有冇試過同friend食飯玩一個遊戲，就係互相幫對方叫嘢食😂睇吓大家有幾了解大家.今日揀咗呢間日料餐，食飽咗仲可以去second round食甜品🥰我揀嘅當然係【南関揚げのいなり壽司】由我最愛嘅腐皮+日本米合成嘅，梗係要分享我嘅最愛啦❤️成個口感係偏甜嘅，加上日本米嘅香味。腐皮同米飯完全服貼，夾起嚟時都唔會散開咗。另一道叫咗【熊本黒毛和牛『和王』の旨辛カルビ焼き】朋友最鍾意食和牛，咁我梗係要為佢叫一道最愛啦！炒辣味嘅和牛配埋蔥花，辣度對我嚟講唔會太辣，但係唔食得辣嘅朋友就覺得辣少少，燒炒後嘅牛肉仲係咁juicy同嫩滑。朋友話佢主打特別菜式，為咗我叫咗【櫓杏特製炙りメ鯖の棒壽司】，呢道都係櫓杏特製，特別嘅係外層係鯖魚，魚肉用醋去腥之後配埋米飯，好開胃。仲叫咗一道【冷やしピーアンと肉味噌】，青椒配味增味嘅肉碎，青椒嘅清新爽脆口感加上肉味噌嘅鹹香，好特別💡多人嚟嘅話可以叫多啲唔同嘅嘢食嚟試。下次再約多啲朋友嚟試其他嘢食。

那天我和男朋友在 iSquare 閒逛，突然發現一間叫「櫓杏」的割烹，他一眼就看中，說有機會一定要來試試。誰知道今天他突然要求我穿上漂亮裙子，原來早已為我預訂了位置！一進去，服務員熱情地帶我們入座，還細心介紹菜單，根本讓我們食指大動！我們點了幾道招牌菜，首先是炒辣味熊本黑毛和牛，辣度剛好，牛肉入味得讓人陶醉，配上刺激的辣味，真是開胃無比！我們倆都愛吃辣，這道菜完全符合我們的口味，簡直是味蕾的狂歡！接著上場的是我最愛的櫓杏特製火炙鯖魚棒壽司，搭配著海苔。那魚的鮮甜和火燒的香味，與醋飯結合得無可挑剔，咬一口下去，哇~ 這簡直是人間美味，讓我忍不住想多來幾份！然後我們點了脆青椒配豚肉味噌，香噴噴的味噌肉碎炒得入味，配上爽脆的青椒，口感絕佳，簡直是鹹香爽口的完美組合！最後，我的男朋友還自己動手做了海膽可樂餅，搭配他們自家燻製的芝士。那芝士香氣四溢，讓人欲罷不能；海膽可樂餅外酥內嫩，海膽的鮮味在嘴裡蕩漾，完全沒想到這兩道菜竟然如此搭配，簡直是神仙組合，讓我們吃得不亦樂乎！

鹿兒島式豚肉蔥涮涮鍋帶來一陣誘人嘅香氣，鍋中嘅湯底呈現淡淡嘅金黃透明色，豬肉隱約可見些許油花。將肉片放入滾燙嘅湯中，只需短短幾秒就能見到肉片由粉紅轉為淺灰。豬肉本身帶有淡淡嘅甜味，吸收咗湯汁後，口感好鮮甜好味！品嚐咗炒辣味熊本黑毛和牛『和王』。呢道菜嘅賣相十分吸引人，牛肉切得薄而均勻，略帶紅潤。入口嘅時候，首先感受到嘅係微微嘅辣味，隨後牛肉嘅鮮味慢慢喺口中綻放。肉質細嫩，幾乎唔使費力就可以咀嚼，油脂分布均勻。辣味適中，為牛肉增添咗一層風味，但唔會蓋過牛肉本身嘅牛肉濃味明太子蛋黃醬燒油揚豆腐係一道令人驚喜嘅小食。豆腐外皮炸得金黃酥脆，內裡則保持柔軟。明太子嘅鹹香同蛋黃醬搭得特別好，第一次知道可以咁樣配合，能感受到外酥內軟脆青椒配豚肉味噌同樣出色。青椒保持咗脆嫩嘅口感，味噌嘅鹹香同軟糯嘅豬肉形成一道特別美味嘅料理，不得唔讚廚師嘅創意，令簡單嘅食材變得非常特別

呢間餐廳係我嘅姐妹介紹俾我嘅第一次嚟之後就忍唔住成日嚟幫襯太鍾意呢度嘅食物 特別啱我嘅胃口每次嚟呢間餐廳 我都會order佢哋嘅晚餐套餐套餐入面有各種日式料理包括火鍋 壽司 刺身同甜品等以下係我最鍾意嘅幾道菜火山鍋呢道菜配料豐富 有多種蔬菜 菇類同豬五花濃郁嘅高湯配上新鮮嘅食材 食咗之後好有滿足感。天草直送 新鮮刺身盛合呢個係一份精緻嘅刺身拼盤使用咗天草直送嘅新鮮海鮮特別係甘海老 鮮甜嫩滑 係我每次最期待嘅嘢食鰻魚同青瓜配土佐酢呢道料理嘅搭配簡直完美鰻魚嘅鮮香同土佐酢嘅酸甜交織再加上爽脆嘅青瓜 口感好豐富炭燒鶏頸肉呢道以雞頸肉為主嘅料理 經過碳燒處理之後 雞頸肉散發出獨特嘅香味肉質多汁而細膩搭配埋一杯清酒 簡直係完美餐廳嘅食物真係令我念念不忘一定要嚟試下

呢間日本餐廳以熊本城為主題，大部分食材都係由🇯🇵🏯熊本縣引入，未去過熊本，一於食吓用熊本食材製造嘅菜式先😀lunch set menu全部都好似好吸引😋，所以同朋友各試咗一款再一齊分享～熊本黑毛和牛和王壽喜燒御膳，上枱嘅時候真係幾有氣派，粉紅色嘅和牛油脂均勻，雪花紋絡好靚🥩🐮，壽喜燒一開火，好快就香氣撲鼻🤤，牛肉鮮嫩，茶碗蒸鮮甜而且蛋味香濃，壽喜燒配埋烏冬一齊食，每條烏冬都掛滿壽喜燒嘅湯汁👍醤油漬吞拿魚丼🍱🍣同樣有套餐配菜，吞拿魚刺身好新鮮，三文魚籽每粒都脆卜卜，加入醬油可以調味，同時唔會破壞食材本身嘅風味～今次兩款午市套餐都相當有驚喜，下次會再嚟試吓其他lunch set～

早前我同同事去咗一間日式餐廳～感覺唔錯😆😆今次～我又約咗朋友去又食過✌🏻睇吓係咪依然好食～嚟到依舊環境好好～啱曬聚會！！.我哋點咗網上推薦嘅晚餐套餐😃套餐入面嘅✨牛腸鍋～湯底係醬油清湯～味道鹹甜適中～唔會太濃🥰🥰鍋入面有牛蒡、椰菜、豆腐同牛腸～味道好豐富！！.另外令我印象深刻嘅係來自熊本天草地區嘅✨鮮魚壽司三件🍣其中一款係由廚師特別準備嘅～另外兩款係拖羅同吞拿魚蓉軍艦～壽司嘅海鮮都好新鮮～味道好正👍🏻.✨炭燒鶏鶏頸肉 亦都好好食～外皮燒到酥脆～有焦香味～入面帶少少煙熏味～有嚼勁而且多汁🤤.最後嘅✨柚子雪芭 酸酸甜甜好清爽～啱曬做餐後甜品😚😚.呢間餐廳保持咗一貫嘅水準～值得一試！！如果你鍾意日式料理～呢度會係一個唔錯嘅選擇🫶🏻🫶🏻

男友前日俾老闆派咗去出差，得返我一個，就諗住自己出嚟行嚇順便搵埋晚餐。啱啱喺尖沙咀行街嘅時候，撞到我個同事。我就問佢有冇咩好食嘅晚餐介紹，佢就叫我試嚇日式餐廳，因為佢啱啱喺嗰邊食完晚餐，覺得啲嘢食唔錯。我自己都未食過，就決定去嗰邊試順便下食埋晚餐。因為得我一個人，侍應就介紹咗呢幾樣嘢俾我:極味壽司十二件：我睇咗就一直流口水，因為每一款壽司睇落去都好好食。十二款唔同嘅壽司，每一款都有自己特別嘅味道，實在系正到冇朋友！海膽可楽餅：可樂餅外皮好脆呀！！！配上海膽幼滑嘅口感，正到冇朋友！炒辣味熊本黒毛和牛『和王』：高級嘅和牛炒起上嚟特別香，仲帶住微微嘅辣味，令人非常開胃，每一啖都係享受！酒盜鯛魚配自家製意大利芝士：意大利芝士系我至愛！鯛魚甜甜哋配上意大利芝士嘅鹹味，味道好有層次，正到冇朋友😍😍😍好耐都冇食過咁豐富嘅晚餐，真係好爽呀！下次一定要帶埋男友一齊嚟食！

點咗dinner set 食物好豐富有牛腸鍋，上嚟好大份，好大鍋，入面唔止有牛腸，仲有好多其他配料，鍋都放滿哂，然後牛腸非常好食，好滑嫩可口，處理得好乾淨，唔會臭亦唔會腥。.然後dinner set仲有其他我哋好鍾意嘅菜色。炭燒雞頸肉燒得好香，唔會太老，獨特嘅炭燒風味仲帶一點回甘。然後就係佢哋非常出名嘅黑松露茶碗蒸，蛋味好香，黑松露為茶碗蒸增加咗獨特嘅松露味，食起嚟亦都唔會違和。.仲有從天草直送，非常新鮮嘅刺身拼盤。入面有甘海老，肉質好糯，味道好鮮美，另外兩款魚肉刺身亦都好鮮，好好食。

星期五晚上放工，約咗一班舊同學出嚟食晚餐飲酒，就嚟咗尖沙咀呢度嘅iSQUARE國際廣場。聽講呢度嘅日本餐廳【割烹 櫓杏】有酒類優惠，250蚊可以飲好多種類嘅日本酒，限時兩個鐘，聽落幾爽。於是我哋嘅晚餐就喺呢度食咗。呢度晚餐係佢哋獨特嘅dinner set，入面嘅菜色多樣。呢個【火山鍋】，入面嘅豬五花放得滿滿一鍋，睇落好多，而且好新鮮，豬肉顏色透紅，食起嚟好滑嫩，其他配料亦都香氣十足。仲有特色刺身拼盤【天草直送 新鮮刺身盛合】，入面嘅蝦好鮮甜，魚肉好新鮮，好透亮，感覺唔使咬都會化開。壽司三件上嘅鹹魚刺身亦都唔輸拼盤入面嘅，壽司嘅飯粒非常香，微微仲有一啲醋香，魚肉好滑，鮮味十足！土佐醋亦都非常好食，上面放咗鰻魚肉同青瓜，呢三種料搭埋一齊，有一種獨特嘅風味。我哋一班舊同學品嚐咗好多酒，我自己最鍾意佢哋菜單上嘅【Japanese sake】同【Kumamoto Dekopon Citrus Highball】。Japanese sake口味比較烈，仲可以品嚐到日本燒酒獨特嘅甜，飲落肚子口裡仲有回甘，配肉食非常正！仲有令我印象深刻嘅【Kumamoto Dekopon Citrus Highbal

我嘅籃球教練就快退休啦，我就決定請佢去食一餐好嘅，多謝佢教我打籃球。啱啱好今日有練習，就諗住約佢去食晏。啱啱好附近有間日式菜，好評滿滿，就決定帶教練去嗰度試嚇。餐廳嘅裝修好好睇呀，仲有淺黃色嘅燈光，睇落好放鬆。位置都好大，我哋兩個人都坐得好舒服。呢度嘅侍應都好熱情，向我哋推介咗佢哋嘅午餐套餐。炭焼『天草大王』鶏肉御膳有飯，湯，雞肉仲有3樣配料，分量特別足，一個人都可以食到好飽👍先嚟講雞肉，燒得特別軟，仲帶住香味，配埋少少嘅檸檬汁，酸酸甜甜，特別送飯！沙律都好新鮮，食咗好清新😍仲有蒸蛋蒸得好香，同雞肉一齊食，多種嘅味道一次過喺口中爆開，太正啦！！特製吉列北海道豚肉咖哩御膳嘅碗好大個，豚肉都好多，教練話自己食到好飽！未食之前，我哋就聞到好香嘅咖喱味，特別吸引人。我食落第一啖，就食到濃郁嘅咖喱，送飯特別好食！仲有豚肉都炸得外皮酥脆，肉質嫩滑，簡直系一流！！教練同我都食到肚仔大大離開，因為實在系太好味啦！！

火山鍋 滿滿嘅豬五花肉鋪滿咗成鍋，肥瘦均勻而且每一片都切得厚薄適中!味道一點都唔腥，反而仲帶 住一絲絲甜味，同白菜嘅蔬菜甜味一齊融合，湯底更加鮮香濃郁 最鍾意就係鍋入面仲有各種 菌菇同洋蔥，充分發揮咗食材嘅鮮美~ 吸飽咗食材精華嘅湯底濃郁十足，放入烏冬麵一齊食，簡直就係人間天堂🥰新鮮刺身盛盒擺盤超靚就好像藝術品咁，我都唔捨得破壞佢! 海老味道鮮甜，食落軟軟糯糯嘅，超滿足!其 他兩款刺身就由廚師發辦嘅，都好新鮮，切得好均勻，比起想像中嘅質素仲要好😌👍🏻炭焼鶏鶏頸肉鶏頸肉肉質緊實而且好有彈性，咬落好有口感仲有帶筋嘅感覺 濃濃嘅炭烤味道，入口焦香四 溢!唯一缺點就係分量有啲少，食唔夠啊~🤤😭鰻魚同青瓜配佐酢 帶住甜味醬汁嘅鰻魚，個體都幾肥厚，咬落軟嫩唔腥，配搭青瓜十分清爽!

要食日式火鍋仲要有靚景，不妨來尖沙咀isquare嘅呢間日本餐廳。之前來食佢地嘅和牛和過，真係好難忘。剩係睇相就已經被佢係因左，火之國火山鍋🔥就決定今日食五花腩，叫左佢地嘅course menu-桐餐。一上菜見到滿滿嘅肉片，肉色粉嫩，每一塊肉油脂均勻，份量好足。五花腩下面就鋪滿唔同嘅蔬菜，超豐富！湯底熬煮後好鮮甜好好飲，充滿蛋白質嘅味道。廚師發辦嘅兩款刺身入面，最鍾意呢個鯛魚，魚肉好新鮮，入口即溶。仲有就係甘海老，蝦肉每一啖都好QQ彈彈。印象深刻嘅仲有鰻魚配青瓜，鰻魚嘅油脂同充滿水分嘅青瓜互相配搭，再加埋酸酸甜太難嘅醋汁，好解膩。時令雪糕係柚子雪芭，雪芭超級幼滑，而且充滿柚子嘅清香，清涼消暑！

呢間特別係自費嚟食嘅，我覺得都有少少貴，但係食完之後真係覺得高水準行完全係值得呢個價錢環境好好同朋友食完全唔會失禮就算係有啲乜嘢特別節日食呢間都會在意外服務質素10分高，亦都唔需要等好耐我哋食咗午餐早餐好多食完覺得好飽啊壽司佢哋嘅魚都係好新鮮㗎，食完飯同其他係有分別的仲有話佢哋嘅天婦羅真係即叫即正好脆卜卜又容易入口，牛肉又好好食我覺得食完之後完全唔會覺得好油膩我好鍾意呢間如果可以嘅話都再嚟食呀，我覺得係一間好唔錯嘅日本料理餐廳