俺流塩らーめん (東港城)

营业中

休息中

亞女想接爸爸放工，但又未夠鐘，見到個唔太識讀既拉麵店所以去排隊試下，老公話長期排隊的，排左大約15分鐘左右。黑蒜熟成濃湯拉麵一上枱就好香濃黑蒜味道，湯底不錯，香而不油，拉麵份量都幾多，質地屬於爽的，不是淋身，正正常常。還有一整隻流心蛋、蔥、菠菜、筍乾同日式叉燒，叉燒唔肥，但係只得一塊🙈。流心蛋好流心。估不到我女都很喜愛黑蒜湯底,重口味🤣🤣🤣🤣。 唐揚炸雞有4大件，外皮脆但有點厚，肉質嫩，都算抵食。

一到夜晚就現龍，但人流得好快因店舖多坐位，所以偽長龍都係等大約15-20分鐘就入得！其實經過好多次，今次先決定試下。由於係重口味守護者，成本餐牌最值得試既就係黑蒜油熟成濃湯拉麵！價錢正正常常70幾蚊碗！拉麵一般，正正常常，糖心蛋正正常常微流心，成碗麵得一塊高1cm左右既豚肉，味道都係正正常常，微嚡囉！黑蒜味都係一般，所以怒加黑蒜蓉，但都係彌補唔到重口味者心靈上嘅空虛，所以唔好俾佢個名大到！而另外叫左2款小食，玉子大阪燒，呢個就真係比較有驚喜，佢$18得1粒！本身有點O左咀，當感歎緊$18得1粒章魚小丸子時，一切落去，驚喜就起一瞬間！原來係流心蛋～～～哦！味道就都係正正常常，個心都流既！最後出場就係餃子喇！煎得唔錯，一口一粒，可惜個餃皮不似預期，但佢煎脆左，所以算叫力保不失！整體而言，食物質素正正常常，感覺似放Lunch想拿拿聲醫飽個肚咁喇！未食過可以試下，唔係難食既，但唔會係想成日食囉！

此店位於坑口東港城商場吉之島内其中一間食肆，開業兩年多，假日經常排長龍，今天是閒日，人流不多，當然不用排隊。此店的湯底大致分有三款：以雞骨豬骨加香蔥慢煮熬製而成的鹽湯。 用壓力煲煮成的奶白的熟成湯。 還有梅子，柚子和辣湯等的特製湯。 餐牌內除有拉麵外，還有飯類，撈麵和小食的供應。今次點了兩款拉麵，分別為黑蒜熟成濃湯拉麵和豚肉盛合拉麵。由於黑蒜熟成濃湯不是想像中濃，所以我把三種醬料都加入湯內，效果相當不錯，尤以柚子胡椒醬的味道最好，既有柚子香味，亦有胡椒辛辣味，拉麵爽口彈牙，豚肉嫩滑入味，流心蛋汁香滑濃郁。豚肉盛合拉麵價錢略貴，但豚肉份量較多，兩人合共$178。

正日晚上一個人求其搵食搵到東港城，試一試由開張至今都仲係長期人龍即拉面店，可能時間比較夜，只有五六個係我前面等緊，算係少。等左十零分鐘就入得，拉面款都有幾多下，其他小食都好多，我就咁叫左個黑蒜油濃湯拉面試一試佢。顏色比一般坊間同名即淺少少，有叉燒同溫泉蛋。麵身幾彈幾爽口，湯都夠熱夠味，但我感覺黑蒜味唔太夠，可以再濃少少。叉燒夠淋厚切。以呢個價錢都尚算合理。

話乜鬼涉谷人氣拉麵過江龍，我呸！11:30經過已見有細人龍等開門，心諗有無咁誇張咁好食呀，於是決定一試，點知咁就墮入咗深淵。👓03）黑蒜熟成濃湯拉麵 $73😕湯底大致分有三款，而我哋今次試用壓力煲煮成的奶白濃湯 – 熟成湯。可惜非常失望，只見湯底有層黑蒜油的漂浮, 完成飲唔到有任何鹽湯的鹹味，反倒似味粉溝咁十分淡。😕麵條軟硬度還好，但入口帶點鹼水味。😕配料方面有白蔥和筍，叉燒有兩塊，味道算最正常，明顯有燒過的痕跡。總括：成碗野稱談不上好食，甚至係難食。同毒品一樣不可一，不可再。只能說俾條人龍呃咗🤦🏻‍♀️係我食過最難食的拉麵！難食得黎又吾係平，但真心唔明點解大家仲讚口不絕咁吹捧🤔其實香港仲有大把好食的拉麵。

不經不覺已有一段時間沒吃拉麵了，今日趁著中午時間較為鬆動，於是打算到這間在一田外面的拉麵店試試看。我點了柚子湯底拉麵，以及大板燒風味餃子。柚子拉麵的湯頭令人感到新鮮，帶有清清淡淡的柚子香味，同時亦帶有些少鹹味，加上筍和水菜，相當清新自然。蛋是流心的，並沒有什麼特別。麵質徧向微硬，而且有咬口，非常適合我的口味。叉燒夠腍滑，肉味亦非常濃郁，少少的脂肪提升了口感。另外，我也點了大板燒風味餃子，餃子一共有六隻。餡料味道普通，但也有肉汁的；皮亦不會過厚，配上醬汁變得挺美味，可以一試。

東港城這一間拉麵店是有點開放式的座位，坐得比較沒有私隱，周圍都是商場的人經過，所以和朋友聊天的時候還是比較不循在的。拉麵方面點了俺流男盛拉麵，看中的是份量10分多，配料最豐富，有必食的炸雞還有糖心蛋，應該是預計給男性食的所以大份量！湯頭十分十分濃郁，有一點過咸，建議選女盛，溏心蛋煮得剛剛好也很入味，拉麵彈牙彈稍為偏鹹，炸雞值得一讚即使被湯浸過，但還是有脆身！雞肉很滑，大大舊啖啖肉！朋友食的䄂子拉麵更值得一試，因為微酸的的柚子中和了拉麵油膩的湯底，吃起來更加清新，不過配料就沒有男性拉麵份量那麼豐富，不過比起普通拉面很值得一試！

最近見呢間拉麵開咗幾多分店🤔試試！招牌係塩湯拉麵 仲有其他味道🤪拉麵比較軟身 湯底有淡淡嘅鹽味不過不失 唔算太特別不過份量唔多 叉燒都得一塊😢同樣份量唔多 麵底一樣不過湯底有驚喜 柚子味幾重🤓清清地 無其他味咁濃咁膩🤪仲有隻蛋跟埋 不過隻蛋就一般加埋嘢飲🤓餐牌寫好多唔同味梳打 本身以為係一杯杯咁上原來係一罐罐嘅日本罐裝梳打比較少見過呢幾款試咗cider同橙味梳打橙味梳打無乜特別 似平時啲橙汁汽水Cider就有啲似波子汽水整體唔太特別 未必有下次了😂

嚟坑口買嘢行街行到肚餓，想揾下有咩嘢食個陣見啲間拉麵有人排隊就吸引咗我同我朋友嘅眼球行埋去望左下menu, 覺得啲嘢食都幾啱食，排隊嘅人又唔係多所以就決定比次機會佢試下其實我就不嬲對呢類連鎖店嘅拉麵冇乜好感，食過咁耐只係得一間我覺得好食，呢間係第二間我叫咗俺流熟成濃湯拉麵呢碗麵真係幾好食，麵條彈牙有些許蛋香，叉燒就都ok算係幾入味，個湯就靜係聞落都好鬼香，飲得出有豬骨湯同雞湯味，兩者比例啱啱好，飲落冇純豬骨湯咁濃，但味道又好有層次同rich,而且又唔膩，令人不自覺係咁飲佢啲湯，而且飲得多都唔多覺口渴好正至於呢碗黑蒜油拉麵係我朋友叫嘅，我就靜係飲過一啖湯，黑蒜油味好香，係香到我覺得有小小蓋過咗湯本身嘅味道，黑蒜油愛好者叫呢碗應該冇死個湯會濃過科食個碗俺流拉麵，不過整體嚟講我個人就鐘意自己個碗多啲

我和媽咪都很喜歡呢間日本野，將軍澳既目本野都幾多，但質素就好參差，我地食過呢間幾次，都覺得質素好穩定，而且好好味。當晚我地食左一碗例牌一定會叫既特盛拉面，拉面是用雞湯底，味道濃郁，食完唔會好口渴，另外我地仲叫左一碟厚燒玉子，煎餃子同三件燒三文魚壽司，同牛油果卷物。其實厚燒玉子既份量兩個人食都幾多，四個人食反而剛剛好，可惜無細d既size可以叫，所以我地都食得好飽。埋單三百幾蚊，其實有d小貴，不過將軍澳既好食日本野實在太小，所以偶爾一次都ok!我地會再嚟食！

俺流自開鋪以來，晚飯時段一定要排隊才可進去，幸好他們出餐效率高，每次不消30分鐘便可以入去(視乎當日情況)。俺流叉燒拉麵老婆點了最正統的配搭，半肥瘦叉燒一定歸我，不是完全入口即溶的那種，配菜偏少。不過，價錢相宜，好似大約$58左右，以這個質素，算抵食。俺流撈麵這個很特別,值得一試，生蛋黃撈麵，令每一麵條都被蛋汁包著，滑溜溜的口感，一流!麵的軟硬度非常適中，好正!唐揚炸雞必點，雞件大大塊，啖啖肉之餘，炸得非常乾身。靈魂之處在於他們的醬汁很好吃!明太子煎餃子連愛吃餃子的老婆也說一般…我想主要敗筆是明太子熟了點。

這晚被家拉了過來吃拉麵, 我們明明是排錦麗的好不好, 很想吃牛肉河粉!家人一望見這家拉麵店就立即轉軚! 唉!就這樣轉了店轉了隊 ~ 同樣需要排隊但幸好人龍比當初新開張時短了不少。先來一碗黑蒜熟成濃湯拉麵, 一上枱已經很香了, 內有一整隻流心雞蛋, 筍, 日式叉燒, 等等。湯底很香又夠濃味而不咸。讚!拉麵是煙韌有彈性而不淋的, 火喉控制得好。我的俺流叉燒飯到了。因為不想吃太濃味的拉麵, 而我又怕拉麵似公仔麵, 所以揀左飯。叉燒望落很乾但其實不乾的, 只係燒過, 裡面仍有肉汁的。飯是日本珍珠米, 很香軟。俺流餃子不算有驚喜但 ok!海鮮野菜餅炸得香口, 海鮮足料但略為炸得乾了一點。價錢不貴, 還會再來。推介!

晏晝去咗一田出面間拉麵店度食，平時見客大排長龍，今日專登揀平日嘅晏晝嚟食，終於唔使等咁多人。今次揀咗個有子拉麵一事，佢上菜速度屬於一般，落單之後都要等一陣先到，但拉麵嘅分量都唔算少，足夠一個女仔食，而且都飽肚，但係原隻流心蛋，效果唔錯，叉燒肥瘦適中，食落碗麵又有柚子香味，成碗嘅味道都好好，好清新。佢嘅環境都唔錯，雖然係開放式，會比唔少人經過見到，但係環境都算衛生。佢仲有自家製一啲柚子醬、蘇梅子醬，食落感覺都唔錯，可以一試。同行嘅朋友叫咗一碗纜繩拉麵，入邊唔單止有原隻留心蛋、兩塊叉燒、仲有兩塊炸雞，朋友都大讚好食。美中不足嘅係價錢都尚算貴，而且有時候落錯單，我朋友碗拉麵要來左第三次先啱，而且又冇道歉，我覺得呢方面可以有待改善。不過整體來講我覺得食物質素都唔錯，可以值得一試。

平時經過呢間拉麵店總係好多人， 今日係閒日唔洗番工，而且只有幾個人排隊， 咁梗係要試下啦～ 其實都唔算太少位既， 有D四人枱， 中間有張大枱 野食選擇唔算好多， 同平時D拉麵店差不多 枱面都有唔同醬輝俾客人調味，個人認為柚子胡椒好咸，梅子就無乜特別，黑蒜蓉最香但有少少辣 點左個俺流餃子， 似炸餃子， 但好細隻呀， 味道就正常無乜特別 點左個男盛拉麵，有少少辣，餸比較多，有蛋有叉燒又有炸雞，蛋係原隻溏心蛋，炸雞都有兩大件，不過浸喺湯入面就有少少淋啦 另一個點左鹽湯拉麵，呢個就真係無乜特別，叉燒都係得一塊，麵揀左普通硬度，食完真係覺得無乜特別 另加左一個玉子兩大一細食個lunch 200蚊，拉麵真係無乜特別喎，唔明點解平時咁多人排，好彩今次唔洗排jei...要排就真係唔會食lu

俺流塩らーめん在東港城一田對出開了分店，門口長年打蛇餅，好像很厲害的樣子。最近趁天氣變涼了，就決定去叫碗熱呼呼的湯麵暖暖身圖中👇🏻👇🏻👇🏻辛辣熟成濃湯拉麵（$63）用雞骨、豬骨和香蔥餚製的鹽湯湯底再加秘製辣汁，豬骨味好突出，沒有味精味。但作為辛辣湯底就不合格了🌶🙅🏻‍♀️因為辣度很低，更遑論有後勁，甚至要再加黑蒜辣椒和拉麵胡椒才夠喉⋯⋯拉麵可自選軟硬度，這次選了硬，麵質有咬口亦算爽滑，收貨啦！配料只有荀蔥和叉燒，流心蛋是+$10追加的。叉燒只有一片就真的蠻吝嗇🤡而且肉質亦很普通，一夾就散。整體是水平之作，不算出色。是店外的人龍令我它期望過大高，比它高質素的拉麵店太多，不值得特意encore ;(