俺流塩らーめん (東港城)

营业中

休息中

每次去超市都會經過這店，今次終於來試一試， 因為近期喜歡吃拉麵😁。一個人就被安排坐在中間的長桌坐位，若人多會同對面的客人面對面，但距離會比一般的二人桌遠一些。 同左右兩邊的座位就很接近。我坐下的時候大約11:40am，客人不多，遞上點 菜紙後沒多久，麵就端上來了😊。我叫了這個俺流熟成濃湯拉麵， 再試這店的玉子 (加$12)。湯味濃郁，叉燒半肥瘦，麵條軟硬適中，份量一般，吃了一碗都不覺得很飽。 玉子煮得幾滑。之前朋友試過，覺得湯底有點鹹。 我沒有喝湯底的習慣，所以不得而知😁。單單這個拉麵就不會吸引到我去第二次，但餐牌裏還有其他味的拉麵，可以去再試。

一向都係呢間拉麵店嘅常客，見佢出咗期間限定拉麵：三重芝士咖喱拉麵，梗係要試食啦！事不宜遲，即刻上菜！老實講見到碗拉麵嘅時候一開始係有少少失望嘅，中間有一堆芝士粉，感覺同個湯唔係好夾，隔離有一塊平時焗麵包嗰啲芝士，突然有啲失望。好啦唔緊要，將啲芝士撈勻先。撈完之後又覺得好似幾正咁喎，夾起一轉面都可以見到有用咗嘅芝士係上面，都做到拉絲嘅，食落去真係唔錯！味道好夾，個咖喱湯底整得好好，芝士味都濃郁，真係麵不可以貌相！湯底我自己覺得係滿分嘅，不過配菜就爭咁啲，肉只係得壹塊，而且冇呢間鋪頭整得最好食嘅溫泉蛋，略嫌可惜！所以我自己特登加咗隻蛋，不得不讚呢一間拉麵譜整嘅溫泉蛋真係超好食！每次來必食。另外附上我朋友食嘅拉麵總括而言，三重芝士咖喱拉麵值得一試！

拉麵價錢香港黎講十分平民，比坊間要過百蚊既黎講，來得更抵食更值得食.......黑蒜熟成濃湯拉麵黑蒜湯底，蒜頭味道濃情化不開，十足蒜頭味...流心蛋的確流心，但未去到糖心(總係有分別的，只要仍是液體就係流心，但去到半流不流才是糖心)，而叉燒夠厚夠淋，一流!俺流柚子拉麵湯底普通，只有麵面數片柚子，湯底無柚子味，反而我自己落柚子胡椒醬，柚子味仲突出，總括而言，普普通通。俺流餃子，普通餃子，無甚特別……

期間限定拉麵 A：三重芝士咖哩熟成拉麵 - 拉麵的軟硬度，添加的配料（蔥和筍）可以選擇。很大一盤麵，麵上有一層熱溶芝士，芝士香味很夠但不會過重，跟微辣的咖哩配起來味道不錯。麵條份量很足，菜（蔥、筍）也不少，但只有一塊小小的豬肉塊。大版燒餃子：皮厚，有彈牙的口感，足餡夠味（肉汁很香，還加了一點沙拉醬），值得一試。日式胡麻雞肉沙律：雞肉軟軟的，醬汁味道濃郁，又多（我本人希望少下醬，但味道還是不錯），菜挺新鮮。服務周到。

在附近工作, 同事帶我過來吃這家的拉麵香港的拉麵店很多, 每家都有各自的特色風味而我也很喜歡吃拉麵, 特別是濃湯的, 伴着好吃點了一客明太子煎餃子, 想不到平凡的外表, 卻是如此美味, 很喜歡它的醬汁, 而且它造形嬌小可以一口吃下一個, 很好吃主角是俺熟成濃湯拉麵($59), 熱辣辣的送上, 濃湯應該是用雞湯和牛乳做成的, 儘管是濃湯, 入口卻沒有油膩感, 配有一塊叉燒和白蒽, 配料有點不足, 需要加錢追加, 反而拉麵的份量卻很大碗我想我下次過來想不到吃什麼的話也會再吃這家的濃湯拉麵, 它是個不錯的選擇

Friday night 難得見唔多人排，就幫襯下排左15分鐘 左右，有沙發位坐 yeah，因為喺一田買左嘢，如果坐bar枱d嘢都唔知點放。排隊時，侍應已俾menu，一坐低即刻落單。我點的 鮮味蛤蜊濃湯拉麵最先送到。 湯底是濃濃的豬骨湯底，蛤蜊 跟 豬骨湯配搭好match。 蛤蜊無沙。 吃到一半有點膩，加了點柚子胡椒，可減少點油膩感。朋友點了期間限定之咖哩芝士叉燒拉麵。 咖哩湯底都很濃再加上滿滿的芝士， 非常好味，拉麵是粗身拉麵，ok彈牙跟咖喱湯底很配。不過，朋友吃到一半也覺得很膩，吃不下。可能下次 點這個拉麵 再加一個清淡一點拉麵 share 食可能好一點。

我選擇了較為濃味的: 黑蒜油熟成濃湯拉麵 $68黑蒜湯底不是想像中的黑, 亦未及想像的濃, 只是表面的黑蒜油的漂浮, 以鹽湯作基礎的也感受不到那“鹹意”, 平常甚少加入額外的醬料來調味, 今回竟大膽地加入黑蒜蓉和梅子醬。但最大問題是溫度, 湯只是微暖, 連熱也稱不上。拉麵的湯底很讚！！尤其如果是在寒冷的天氣，暖和入胃喝下去真的很舒服。點點的柚子皮增添清香味道，減膩之餘更令湯底突顯層次。這個「熟成濃湯」湯底是以壓力煲加入大量的雞骨、豬骨跟香蔥餚製，有肉香有蔥的甜，淡白顏色，一般的鹽湯都就清爽路線，但這個「熟成濃湯」是有種很舒服的醇和味道。開頭以為是章魚丸，一入口超有驚喜，原來類似流心蛋，味道不錯，醬汁就跟章魚醬汁一樣。

下午茶見到無人排隊，所以先試下，因為係日式拉麵，所以無下午茶套餐，今次叫左餐牌比較人氣的麵（唔記得叫咩），湯底普通，起碼有三件唐揚炸雞，三件叉燒，性價比高，味道真係普通。另一個係叉燒丼飯，叉燒瘦，唔香，最重要係唔熱嘅！店員0服務，木口木面！覺得可以唔需要排隊但個人比較鍾意柚子胡椒醬，幾特別，其他無咩推薦：

同屋企人週末食晏，見反正周圍餐廳都好多人，這間開了很耐，但又未食過，所以試試。這舖是在門口等位，所以排到你一定會係你入先，比較公平，但就一定要企定定等。試晒三個濃湯類，都好好味。麵好彈牙，黑蒜個款亦都唔會好鹹，隻蛋好流心，好彈好軟淋淋，我好鐘意。辣味都算ok，店員話餐牌下面個款可能更辣，因為用清湯。另外，有水壺放係枱，好方便。枱上仲有三款調味料，三個都好好味。黑蒜有味，梅就有少少酸味，辣椒味不算太辣，怕成碗都辣，但又想食辣既可以自己加啲。

之前去過葵芳的分店，覺得很好味，價錢不貴，今日同朋友來到將軍澳，突然想起這裡也有分店，所以又想去食。 這裡人流不算太多，所以很快便可以入坐，但店內仍然坐無虛席。朋友叫了俺流男盛拉麵，選了辣鹽湯，雖然湯底比平時咸了少許，有少少辣，但也不錯，而且其他配料一点也不馬虎，份量十足，有炸雞，日本叉燒，溫泉蛋，而溫泉蛋剛剛好流心，好味。自己就叫了黑蒜熟成濃湯拉麵，這個湯底很濃郁，加入黑蒜非常可口，雖然不是男盛，但也很豐富，有日本叉燒及溫泉蛋。

間中經過都見到幾多人排隊，心諗有無咁好食呀！？一定要搵次食啦🤔🤔難得今日要黎坑口一田買野，仲唔係試食好時機啦，七點半左右，前面有十令人排隊，入座率算快，等既過程職員會比埋餐牌同落單紙，真係慳左好多時間😆等左十分鐘左右就有位啦☺️媽咪叫左個人氣既鮮味蛤蜊濃湯拉麵😌蛤蜊有十幾個，個個都有肉幾鮮味，感覺清清地唔油，唔錯👍🏻我就叫左個濃味啲既俺流特製撈麵😌黎到已經流晒口水🤪立即撈起！叉燒稔，蒜片好加分😍😍撈埋隻生蛋一齊食，成碗撈麵惹味得黎唔咸，又幾好食喎😚

每一次去到東港城行到呢間拉麵鋪都會發現一條長長既人龍，今日襯時間尚早6點左右未到多人既晚飯時間，同女朋友兩個去試下，即刻可以入得，呢度既人氣推介其中之一係黑蒜油拉麵，一定要點佢啦，味道非常濃，但濃到咸左d，而糖心蛋但冇咩味，檯面上有梅子醫、蒜蓉可以自己調下味，另外叫左叉燒蛋撈麵，撈完覺得渣味道偏淡，但反而有好*漏*既感覺，有些小失望，重有最後叫左一個全晚最有驚喜既大阪燒餃子一啖食落口，裡面配有小小沙律醫既肉汁響口入面爆出黎，非常好食，值得推薦整體黎講有d意外係小食比今次叫既拉麵好食，下次會試下其他款式既拉麵。

次次經過呢間拉面都排哂長龍，今日未夠6點見到冇人排就決定試下佢。叫左2碗面，一碗黑蒜熟成濃湯拉面同俺流特製撈面，小食就叫左大阪燒餃子。🍜黑蒜熟成濃湯拉面($75)：係佢地既人氣之一，湯底濃厚帶有蒜味，有不少蒜片，愛食蒜既人應該鐘意。配料有粒溏心蛋、一片叉燒、少量菠菜同荀條，面既軟硬度適中，不錯。🍜俺流特製拉面($75)：第一次見撈拉面就試下，碗面有一粒生蛋黃、少量菠菜、荀條同一片叉燒。叉燒幾厚不過味道較淡，面比湯拉面粗同硬，拌蛋黃既時候拉面已經痴埋一堆，而且味道偏咸同有小小漏，感覺一般。🥟大阪燒餃子($39/6隻)：一上既時候餃子比好多木魚蓋住，感覺平平無奇。點知咬一啖肉汁漏哂出黎，外表煎到好脆，同大阪燒既醬汁好夾！好味👍🏻

又到左星期六放工同朋友周圍搵食嘅日子，聽朋友講東港城呢間拉麵鋪成日大排長龍，就一於黎試試朋友早到排隊影嘅menu，我地兩個人總共叫左三樣野食呢個係黑蒜油熟成濃湯拉麵，個湯底好厚身，好香濃，但未食麵就咁飲左幾啖湯都有d漏嘅感覺，有一片大嘅叉燒同一隻蛋，叉燒同隻蛋都好味，蛋係流心嘅，碗麵亦都有唔少蒜片，但係d蒜片浸到淋哂，至於d麵，都幾彈牙，份量都好多朋友叫嘅叉燒飯，d叉燒外面脆卜卜，好好食我地仲叫多左個炸雞，有四舊，個size比一般拉麵店嘅炸雞大，都幾好味，但建議多d人食先叫黎share總結黎講呢間拉麵店都算區內一個唔錯嘅選擇，拉麵個價錢比起尖沙咀，銅鑼灣嘅平，有時間排隊嘅可以黎試下

從經過其他分店列入checklist，到坑口分店已開張一段時間，終於有機會不用等位地初嚐俺流。在約三、四款吸引我的餐點中選了乾麵，賣相挺不錯，餐牌指撈麵配以黑蒜及自家湯底。乾麵更能吃出麵條的原味，我故意選了硬麵條，這家俺流的麵質是挺好吃。不配糖心蛋而用生蛋黃讓撈麵醬汁味道更平衡不至過鹹，炸蒜片為撈麵加分不少。然而設在超市前方的空間吵鬧又不太舒適，四人座分拆開成二人座，無法每桌都有完整全套餐具、調味料，桌與桌之間狹窄，連店員也是繞過店舖半牆移動，動線實在欠佳。有機會想試試招牌鹽味拉麵，但建議在更大的分店品嚐。