京都一の傳 (已結業)

我本身係中環返工，Lunch特登走過來海港城食，因為實在想食好耐，如果你多個兩位最好book定位先,一位Walk in容易有位，聽介紹天婦羅都好好食😋今日終於食到，本人都好鍾意食日本嘢同煎炸野，成個托盤好豐富的感覺，滿滿都是天婦羅🍤天婦羅🍤口感好鬆脆咬落去入面好Juice同出面天婦羅比真係有分別😍有好好味嘅日本飯、沙律🥗、麵豉湯同其他配菜，仲有甜品🍮份量多，好抵食👍🏻$198雖然唔算平但係我覺得值得一試👍🏻👍🏻👍🏻

we went there, because there is no line for the lunch time. inside it was a kind of noise, the people talk quite loudly ,so if you prefer eat peaceful, there is not the best choice. the fish was fresh ,with steam Chinese cabbage also souope and dessert, the menu includes all, it is good for a quick lunch.

今餐老公請，母親節正日點零鐘竟然唔洗等位 ！午餐只限叫 lunch set ， 我每次都叫呢個刺身茶漬飯，三百蚊左右，老公同仔叫了角切刺身飯同炸豬扒飯。 今次坐店外位，對住換 coupon 的人龍，因外面太陽的熱力，感覺冷氣唔太夠。 食物都高質，沙律新鮮，精緻伴菜都有 4 款，刺身飯份量足，刺身質素唔錯，飯微暖，加入湯作茶漬飯，大滿足！最後士多啤梨同綠茶卷蛋作結尾。 服務中規中矩，叫了 2 杯可樂，但到飯食了一半，摧了 2 次才到，扣了分。 喜歡呢間店食品簡單高質，會再來 。

上年年中，有 91 年歷史嘅西京燒専門店京都一の傳在港開設海外首店，聽講啲嘢食好食到能感動食客😯 .唔知真定假🤨 試試佢先🥳.高級居酒屋格局，配精緻園藝風，簡單擺設，坐落感覺好舒服.▪️和牛牛筋味噌煮 $198.和牛筋軟腍剛好又好入味👍🏻蘿蔔吸滿味噌🤩蛋卷帶焦香仲有清甜津白😋.▪️熊本A4和牛丼贅沢御膳 $298.和牛微紅，鮮嫩香滑蛋流過肉身，融入飯粒中令肉質更滑飯伴隨住蛋汁和肉汁我食到舔舔脷😋.呢個餐仲有西京燒銀鱈魚🤩魚肉外層焦香肉質保持嫩滑入口有少少油香幾好幾好😌

自從帶過三歲女兒黎呢度食過一次之後，佢日日都提住：「媽咪你幾時再帶我去食魚魚飯飯丫？」的而且確，連我都好欣賞呢個京都直送「藏味噌漬銀鱈魚定食」，$268午餐定食包咗新鮮沙律、銀鱈魚、數款漬物、娃娃菜、麵豉湯、日本米飯。 加$18可以揀飲品，例如一壺玄米茶。銀鱈魚油香味濃、魚肉非常滑而且味道帶甜，珍珠米就咁食都夠好味！我第一次同佢二人share一個餐，佢食咗我大半個餐，最後我唔夠飽，第二次誓要叫兩個餐先夠！

想黎試呢間餐廳好耐，突登搵日黎食lunch。個個都趕住用coupon，所以呢間餐廳都好多人。特上雜錦天婦羅丼定食 $198個飯超大個😍😍😍超多天婦羅鋪係面，有魚、蝦、茄子、南瓜、秋葵等等，真係超飽！定食除左個飯仲有沙律、麵豉湯同其他配菜同甜品，份量多到食唔哂！呢個抵食🤩吉列熊本A4和牛定食 $368呢個我就覺得好貴啦⋯⋯雖然真係幾好味，有少少入口即溶咁，但油脂味唔夠香，如果有個小鐵板俾我地燒下舊牛應該會好食好多。

經OpenRice book枱，有SMS自動覆番留枱10分鐘，用餐時間入座計90分鐘我book11:30,11:40到同我講12:45放枱我問唔係90分鐘？個staff話用coupon改左75分鐘咁我話，咁都唔係12；45交枱佢話因為我遲到，所以照扣時間65分鐘好趕，佢話係呀，好多人後面等緊太氣頂唔食走左海港城用coupon食過好多間，態度咁衰係得呢間

真係之高質，所有野都好細緻，最欣賞佢嘅和牛，非常極度回味、入口唔捨得吞落肚、超超超好味嘅...和牛🥩 而家仲好掛住佢😂😂😂🏠 京都一の傳📍 海洋中心4樓402💰 人均 $380

「燒海膽年糕」相當有創意，用日本燒年糕配搭海膽，年糕煙韌，帶陣陣米香，燒時抹上的醬油，令整體有陣焦香，海膽甘甜，同紫菜一如以往的相襯。「海膽高湯啫喱」相當足料，面層有海膽、三文魚籽，中間是高湯啫喱，蝦湯味突出，和最底層的南瓜泥很相配，非常鮮甜，口感也豐富。「A4吉列和牛」和牛油脂均勻，面頭的麵包糠夠薄，只炸至3成熟，外鬆脆，不會整口粉，咬下去很柔軟，肉質粉嫩，肉汁散滿口腔，點上少見的山椒醬汁，甜中帶辣，很推介。

第一次來，見咁大名氣諗住試下平時出面唔會食嘅吉列和牛都好穩陣，點知嚟到竟然油浸咁樣嘅吉列牛扒...外面麵包糠炸到好硬都係其次，最重要塊和牛本身食唔出和牛味... 結果餐飯係靠碟"山椒汁"吊味先食得其實見到隔離位叫嘅吉列豬扒一樣係"反哂光"油浸咁嘅樣時應該注意到有啲伏，點知都係中招一次夠了，無下次

本想試這晚餐廳好耐，見有8折諗住試試， 當晚約了朋友到達，點了魚生飯和和吉列和牛 . 記憶中魚生飯200幾蚊， 和牛360幾蚊。魚生飯份量偏少， 點知黎埋個和牛仲誇張，得小小的6件， 無湯無飯，向店員查詢後，佢話晚上無餐，建議我加38蚊加碗飯。真心件吉列牛肉好普通（Donki和牛質量仲好），最後朋友頂唔住加份百多元的鰻魚手卷， 黎到又系細細件，我感覺這間餐廳租金應該很貴，性價比極低， 亦希望餐廳可注意份量及質素。

叫咗6 dishes，淨係得招牌菜銀鱈魚好食，其他食物味道非常一般。炸物overcooked，搞到乾爭爭。店員之間傾計超大聲，噪到以為自己去咗茶餐廳。明明每位職員都有walkie talkie，係要企係廚房門口大叫係門口附近嘅同事... 另外，男waiter態度極度不友善！服務質素有待改善。 晚餐 $400 per person相比同地段，同價位嘅餐廳，呢間野完全唔合格。唔敢相信海港城有質素噤差嘅餐廳😥絕對無下次。

京都一之傳，原位於日本京都有一百年歷史的京都料理餐廳，至今已經是第三代傳人。約兩年前在香港海港城海洋中心開店。本人於它開業初期光顧過一次，印象深刻，看到眼前餐廳的裝修，盡是日本風味，樸實而典雅，精巧細緻，店內座位不多(估計60位) ，而店外另有一些相對比較開掦的座位(估計20位)。京都料理，一向被視為最正統之日本料理，不單止因為歷史久遠，食材選擇講究，菜餚賣相精緻，所以在日本料理中，京料理地位崇高。因為期待很久，所以我們兩位女士，點了三份午餐，目的是真心去感受京都料理的味道。三份午餐分別：和牛丼刺身藏味增漬御膳＄298雜錦刺身丼＄298銀鰤鯧定食＄178一般人多認為京都料理味道偏淡，但其實京都料理，味美而含蓄，細意品嚐下，你會發現菜餚由選料，烹調，至配碟擺盤上菜，內𥚃都蘊藏廚師的心思。賣相精緻，配上不同形狀的小碟，增加視覺美感，是色香味俱全的體驗。我份午餐是雜錦刺身丼。新鮮刺身，味道不不容置疑，刺身的溫度掌握得好，不會入口凍冰冰。吃完飯面上的刺身，把白芝麻磨爛，加上茶漬， 撈在剩下的壽司飯，成為一個茶漬飯。本來不想吃太多澱粉質的我，最後把所有飯吃光！朋友吃和牛丼，看她食得滋味，絕無投算

日本過江龍食肆，係muji隔離，位子上唔太顯眼，又係貪有得用優惠卷每$100減$50平食，我仲用OpenRice 訂位賺埋miles添🤣午餐定食選擇唔算多，大概係貴精不貴多掛~ 餐牌圖謀並茂好清晰知個套餐有乜食#吉列白金豚定食 $198定食有齊例牌既味噌湯、前菜同蒸蛋，蒸蛋上有d蟹肉蟹籽，食落更鮮味😽 吉列豚肉係厚切，炸漿唔厚，油脂味好甘香但唔膩，有日本名店水準，配上日本米飯🍚好有飛左日本feel#特上雜錦天婦羅丼定食 $188天婦羅🍤鋪滿左飯面，有魚、蝦、蛋、南瓜、茄子、魷魚⋯好貼心一隻碟比你夾起d餸，唔係既話都幾難夾到飯食🤣太足料，用料新鮮，蔬菜類食落清甜，海鮮唔會成陣雪味甘最後埋單仲送左個幾靚既口罩套添，呢間算係無卷都值得一食既餐廳

繼續僞日遊美食篇，今日嚟到被譽為「日本京都第一西京燒」日式餐廳。店舖以京都式簡約裝修為主，中央放咗一棵假樹🌳，秉承京都精緻園藝風，坐得非常舒服。海膽出汁白金豚肉涮涮鍋 $388湯底色澤金黃，味道偏淡，似甘筍湯味道，但加咗各種菇類與蔬菜後，味道就提鮮咗好多，呢個時候就最啱落豚肉🐷。牛肉火山燒 $228　呢個係壽喜燒鍋料理，用鐵製淺鍋燒薄片牛肉。牛肉山面層係滿滿嘅薄牛肉🐂，裏面包住大量蔬菜及大蔥。自己炒完即刻食，牛肉軟腍味濃。