京都一の傳 (已結業)

繼續僞日遊美食篇，今日嚟到被譽為「日本京都第一西京燒」日式餐廳。店舖以京都式簡約裝修為主，中央放咗一棵假樹🌳，秉承京都精緻園藝風，坐得非常舒服。海膽出汁白金豚肉涮涮鍋 $388湯底色澤金黃，味道偏淡，似甘筍湯味道，但加咗各種菇類與蔬菜後，味道就提鮮咗好多，呢個時候就最啱落豚肉🐷。牛肉火山燒 $228　呢個係壽喜燒鍋料理，用鐵製淺鍋燒薄片牛肉。牛肉山面層係滿滿嘅薄牛肉🐂，裏面包住大量蔬菜及大蔥。自己炒完即刻食，牛肉軟腍味濃。