二鍋頭 (福苑)

营业中

休息中

呢間二鍋頭除咗食傳統嘅港式雞煲之外，仲可以選擇鴨煲同埋豬手煲！雞煲大大煲，兩個人食份量非常充足，醬汁香濃，雞件入味，再加埋洋蔥同埋芫荽，簡直食到停唔到口～食完雞煲之後實在太飽，食唔落鴨煲或者豬手煲，決定直接打邊爐了。呢度好特別嘅一個地方就係佢唔係食完啲雞之後幫你加湯，佢成個湯底幫你換咗佢！湯底選擇都有8款，我就揀咗香茜皮蛋湯。Order左嘅火鍋配料有:美國黑豚肉、海蝦、花枝片、魚皮餃同埋墨魚滑，其中覺得墨魚滑同埋黑豚肉片最好味～另外仲有自助區，有其他蔬菜同埋丸。飲品同埋甜品選擇都唔少，兩個鐘任食來講真係非常滿足！

夜晚約左個friend打邊爐，人少少去食任食火鍋就fit 晒，因為去食逐樣餸計錢果啲既話，會好難叫餸。一開始其實有雞煲有豬手煲之類可以揀，但我個friend話怕食完雞煲無胃口打邊爐，就直接打邊爐了，我地叫左兩個湯㢔一，有個中藥，另一個蕃茄，有好多餸可以揀，大部份係出去自助位果邊拎既，我個friend 最鍾意食牛栢葉，叫左五六次，最後餐廳俾左一碟大大碟既佢😂其次豬肉片都好好食，以呢個價錢喺旺角黎講真係無得輸！推薦！

不似網上好平， 食材質素 ，普普通通， 是次叫了火焰鴨煲， 鴨肉實淨， 要做好多口部運動， 酒味重， 遮蓋鴨肉味道， 可以不試!其後試火鍋材料， 所謂脆肉鯇魚， 魚腩魚片 全是騙人， 根本不是脆肉鯇魚， 只是普通鯇魚， 叫了三轉都是一樣， 即時不係出錯啦! 鮮蝦肉質 有點不新鮮 開始梅， 不實正， 白魚蛋也好粉，淋身 ， 響鈴也好快畀人取走， 補充不快 ， 蔬菜類 ，娃娃菜也是一樣 ，其他食材也只是普普通通!不會再來嘗試， 唯一稱讚，服務人員周到! 冷氣也可以!

唔知點解夏天好想打邊爐，在旺中行完街見對面馬路有間，openrice啲評語又唔錯，就膽粗粗walk in上去，好彩我們夠早，有位😬其實佢個重點係雞煲同鴨煲但係我們都無揀到😂職員都再三問我們係咪唔食，話食半份都得叫咗個鴛鴦鍋肉幾新鮮，欣賞我朋友狂食牛柏葉😂佢話好正，份量都好足！都full full地，但好彩有位自助吧在另一邊，fill得快嘅我係好欣賞佢有啲其他火鍋舖無嘅食材，例如蓮藕片真心少見。年糕都唔係間間有蔬菜有好多款，非常適合我呢啲蔬菜控，同埋夠嫩，食落爽口飲品都ok多選擇，佢隔離仲有個雪糕櫃，不過我就無食到啦

雞煲又鹹又老，好似陳年雞咁硬到死，麻辣湯底都遮唔到食材陣雪味，除咗平就係優點其他都係缺點一言難盡，覺得廚房很不用心…很失望🙍‍♂️…以後食嘢唔敢再相信d好評了

天氣熱 令人沒什麼胃口反而更想吃惹味的東西 刺激味蕾這次就選擇了二鍋頭旺角店就在公司附近 放工來吃不用訂位很方便6點入座 全場第一枱客 一小時後就滿座了所以7點後入座記得先訂位原本打算點198任食豬手煲雞煲那個放題套餐但職員推介新菜單有酸菜魚任食 258 可以食2個半小時酸菜魚更開胃 所以就點了啤酒無糖茶汽水清熱飲品一應俱全自助區清潔企理 款式不少一開始先吃個黑椒豬手煲中辣的 非常惹味 豬皮充滿豐富膠質 有咬口再來這餐的主打 酸菜魚由於剛剛的豬手煲太辣了所以選了小辣裡面有各種麻辣的香料 酸菜 雲耳 酸菜 寬粉魚片非常滑溜 完全沒有刺 啖啖肉吃完還可以再加點外面吃一盤酸菜魚一般都要百多元一份啦我們吃了三盤 有賺了😋火鍋可以選用酸菜魚湯或加錢轉其他因為太喜歡這個味道 就沒有加錢轉了豬頸肉 雞片 牛柏葉 還有鱔片口感爽脆的肉類都跟酸菜魚湯底好配合最後再吃雪糕大滿足😋

早幾日先去完尖沙咀分店食完今晚同朋友去旺角買完野諗唔到食咩好望過對面 見到熟口熟面嘅招牌問朋友 你食唔食雞煲呀？😂😂於是我地又去左二鍋頭但俾我發現有新野 係尖沙咀冇嘅呢度竟然有酸菜魚食一於揀呢個啦揀酸菜魚都一樣唔影響食雞煲第一round食左雞煲先感覺上比尖沙咀更惹味更辣怕辣嘅朋友要留意番呢間嘅雞煲係我地番兜嘅原因之一 真係好好味之後再食黑椒豬手煲補充下啲骨膠原先豬手皮好有彈性呀店員擔心我地食完兩個煲食唔落酸菜魚點會呀 咁樣睇小我地😂酸菜魚有寬粉 豆卜 酸菜 新鮮魚片魚片超滑溜 湯底酸酸辣辣湯我都飲左兩碗食完再加左一轉酸菜魚餐打邊爐都係用番呢個湯底但真係飽喇 前後食左四個煲所以我地今次就冇點火鍋料不過都超抵超回本大家可以嚟挑戰下 酸菜魚係正嘅 朋友話早知唔食豬手煲食多兩轉酸菜魚仲正咁...下次囉😂

一個月內總有幾晚約埋朋友去聚餐𣈱談一下之餘，又順便品嚐各式美食，今次都唔例外去咗旺角呢間放題火鍋店開飯其中最吸引一定係佢嘅招牌菜式，有二頭鍋惹味雞煲、火焰鴛鴦鴨煲以及黑椒豬手煲三款各具特色煲，可以任飲任食2.5小時夠晒滿足先來有大家至愛食嘅惹味雞煲，香味撲鼻份量十足，入口雞肉嫩滑啖啖肉，麻辣味道突出會越食越刺激正食完呢款之後再來又有豬手煲，黑椒味甚濃郁，豬手肉質軟綿滑溜，食落滿口骨膠原口感十足，吸收埋醬汁一邊食更滋味享受完一輪美食緊接到火鍋時間，有多款火鍋配料連自助區一系丸類同蔬菜，等埋湯底滾起開始逐一品嚐，鐘意食肉嘅我第一時間先食件美國肥牛，大大啖放入口食到滿口肉汁，再來有各式丸類同海鮮一邊食住品嚐而且湯底係沙嗲味，食落更加惹味，最後食埋甜品就完美結束是日晚餐。

今晚同朋友去了這裡食過夠，之前有雞煲同鴨煲選擇，近排還有豬手煲選擇，當然要一試，因為二鍋嘅特色就係一個鍋係可以食完個煲先，一個鍋係火鍋再選湯底再食過夠！而雞煲、鴨煲或豬手煲都係可以再添食，再出一個新煲，當然要看看自己能力，出來食最緊要唔好做浪費食物者！先上過招牌惹味雞煲，上枱店員會炒一下將雞件同個醬汁炒勻，雞肉入口嫩滑，加埋個汁少少辣十分刺激！放心有自助冰凍任飲飲品櫃，整個凍茶即刻解決😁口中嘅辣味！接住當然要黑椒豬手煲，等一陣個煲就上枱，同樣店員都會幫忙炒一下，豬手十分入味，充滿骨膠原，軟淋入味，件件足料，真係一個唔錯嘅選擇！豬手控必推介之選！完了鍋(煲)後就轉了一個濃味沙爹湯底火鍋，火鍋配料可在餐紙上選擇，種類選擇多，亦有自助位置自取丸丸腸腸，當然還有最愛嘅午餐肉！軟滑肥牛同軟淋嘅滑牛亦係必選！出火鍋配料快，轉個頭又食得飽飽，最後加埋個一丁麵，自製沙爹滑牛麵，十分滿足！當然還有自助雪糕櫃，居然有榴槤雪條，食埋完全滿足！

以前中學生嘅時候好鍾意去旺角新之城買嘢，又平又靚，諗返起好耐冇去shopping，放工約埋同事去睇吓衫，跟住一齊食個晚飯。就對面近近地我哋見到二鍋頭，$218任食雞煲、鴨煲、豬手煲，價錢又唔貴，性價比很高。黑椒豬手煲我哋兩個返工都做到殘晒，一於補充下骨膠原。黑椒汁好惹味，豬手夠晒肥美，有骨有肉，炆得軟腍入味，口感幼滑有彈性。非常好味，我都有諗過想叫一碗白飯，黑椒豬手汁用來撈飯就更好味呀！二鍋頭惹味雞煲店員會喺你面前即炒多幾下，熱辣辣最好食，尤其是鍾意滿滿的芫荽，鍾意食嘅就會覺得好香。鳳爪我就鍾意放到最後食，炆得很入味，我哋唔係好食得辣所以揀小辣就啱晒啦！香辣得來夠刺激，食到雞件的軟滑多汁，鮮味香濃。仲有好多款式嘅食物同埋蔬菜🥬魚皮、炸響鈴都可以到食物自助區，珍惜食物，鍾意食幾多就拎幾多，食得唔好嘥。懷舊沙嗲鍋食飽飽雞煲之後就可以自選火鍋湯底打邊爐，重口味嘅同事揀咗沙嗲，因為佢係沙嗲牛肉麵關注組嘅成員，我哋決定自製沙嗲牛肉公仔麵 🍜哈哈！美國肥牛、鮮滑牛肉、美國黑豚肉，牛肉配沙嗲鍋底真係天作之合，沙嗲汁濃郁，味道豐富。牛肉入口嫩滑，再配埋出前一丁公仔麵真的好滋味。白鱔片、帆立貝、墨魚仔，

約左好耐冇見既朋友食飯，上網見到有任食雞煲鴨煲仲可以打邊爐，價錢又唔太貴，就book黎試下啦。一入到去環境好寬敞好大，坐得好舒服，我地今次就簡左雞煲。雞煲份量好多，香味好濃郁，食落都好好味，所以我地都忍唔住加多次雞食完雞煲就開始打邊爐啦，湯底我地簡左豬骨湯底，火鍋配料都有好多唔同種類選擇，飲品 丸類同蔬菜類都放係自助區自己出去夾，而肉類海鮮類就要寫紙落單。肉類海鮮類都有好多選擇，海鮮有蝦 青口 帆立貝 蜆 墨魚仔等等..其中推介白鱔片，食落好爽口彈牙，真係超好食其他海鮮都好新鮮。最後食埋個雪糕做甜品，好滿足既一餐。

成班兄弟好耐無見過面 最岩就係打邊爐 圍埋一齊飲酒吹水 我就揀左上次試過既二鍋頭 不過今次係旺角既分店一入到去環境都幾舒服 檯與檯之間都好闊落 由其係依家呢個抗疫時候 座位距離都好重要呢度同尖沙咀一樣都係有任食雞煲同埋鴨煲講真我覺得呢間比較好食 味道比較重d 尤其係個火焰鴨煲 侍應哥哥"咋"一聲倒d酒落去 又好睇又好食 雞肉同鴨肉都好煮得好入味 好滑食完兩個煲 其實已經有d飽 佢仲會換個新既湯底俾我地打邊爐 有幾十樣火鍋料再加出面既自助吧(飲品同甜品) 記住記住要嗌白鱔片 勁好味又厚切 佢仲會無限量供應 淨係食呢個都回哂本最後 食埋個甜品 真係極度滿足 仲有仲有推薦大家要試下佢呢支有氣水 我個人未見過出面有得飲 佢係0卡路里 飲得開心又健康

屋企人話想食放題，又想食雞煲，點搞呢聽朋友講呢間新開，環境闊落，而且多選擇，任食得黎唔馬虎！唔知收工慶祝生日去邊好朋友話平平地又好味就得我地就去呢間，預先約唔洗等環境闊落坐得舒服，卡位坐！任食雞煲比想像中好好多，出面如果係呢個價錢絕對無可能任食，得一個煲咋，呢個好大份量，又可以無限加！同埋佢地唔係雞腳而係鳯爪，夠入味多肉食完就可打邊爐，多款湯底選擇考慮下都係養生要個豬骨湯底啦邊爐有最愛既白鱔，超級新鮮又好味，同湯底又夾，不斷食呢個魚，好推薦美國肥牛都係新鮮牛味，帆立貝、魷魚、海蝦等都可以任食，真係選擇夠多素菜可以食到差唔多出去取，夠多菜選擇仲有丸類飲品同雪糕，係出面自取，選擇都唔少仲有榴蓮雪糕啊！

一大班朋友成日唔知食咩都係既⋯⋯好難考慮食咩都係任食最好，唔洗煩食咩乜都有齊！最正啦呢個火焰鴛鴦鴨煲，真係有酒味同埋有火焰夠味又香濃，唔係偷偷尾尾好難食個鐘，真係有肉唔係好多骨！任食任加，食完就可以再食多煲同埋野飲都係隨便飲，有款野飲好特別，係有氣既檸檬🍋水，推薦豬骨湯作為邊爐湯底真係有一大舊豬骨係裏面，湯底唔敷衍，加入牛肉、其他食材都好夾美國肥牛都係任食，脂肪分佈正好，不過我鐘意肥少少，油脂味會重D活海蜆好大隻，好多肉又無沙，夠鮮甜！當然唔可以少左蔬菜，蔬菜可以出去自己任取，好多款式同配菜，感覺都健康！

之前食過尖沙咀嗰間二鍋頭有意外嘅驚喜，梗係要encore啦！今次試吓旺角福苑呢一間，估唔到嘢食同埋服務都保持到高水準，完全冇令我失望，推介各位朋友過嚟食🤩💕首先呢間餐廳環境都好乾淨企理，而且防疫措施都做到足，同埋服務員嘅態度都係超級友善，仲好細心咁樣同我哋介紹啲菜式，上菜同埋收夜嘅速度都超快，重點係嘢食都好好食，咁嘅價錢可以食到雞煲同埋火鍋，簡直係超抵👅首先上嚟嘅係雞煲，呢度嘅雞煲好香，落咗辣椒同埋大阪醬之類嘅醬料，所以食得出好入味，店員仲好細心咁樣幫我地炒熱佢先😆👍🏻另外打邊爐方面，材料都好新鮮好正！最推介嘅係依度嘅海鮮，包括係墨魚仔、蜆，全部都好新鮮，而且份量都好多！另外牛肉都係必食嘅推介😋