二鍋頭 (福苑)

营业中

休息中

夏天想打邉爐真係要出街食，唔想準備又覺得冷氣永遠唔夠大。朋友揾到一間性價比好高既打邊爐仲要係正旺角，非常方便。二鍋頭係樓上舖一開始都揾左一陣，其實都係旺中對面，行完街就見到。舖頭感覺好乾淨，似係新開張。一入門口已經見到有好多唔同既飲品，連啤酒都有，仲有鴻福堂。職員介紹原來打邊爐鬥2個煲，一個個係雞/鴨/豬手煲，食完先再上火鍋煲。咁真係好好，平時係雞煲食完倒湯，變得好油。唔食黑椒，叫左個雞煲，估唔到咁大份。雖然好食，但怕太飽，無食曬。選擇都唔少，同樣可以自己整個鐘意既調味料。叫左個豬骨湯底，有少少胡椒味，甩牛都唔錯，鮮牛肉都好食。我最鐘意係鳳城水餃，追加左，豬頸肉都好食。本身見有出前一丁麻油面，太飽食唔到。甜品係第二個胃，一次過食左3支榴槤雪條，真係好飽。

又去左買衫 🤣🤣行到腳軟又諗唔到食咩好，即刻諗起上次食過依間二煱頭，因為可以食完雞煲又打邊爐🤤 雞煲好惹味🤤 食哂佢啲京蔥、洋蔥 我同朋友好快就食哂啲雞，太好食喇🤤今次試左冬蔭公湯底😻😻湯底同味道都好濃郁，泰滋味☺️一如以往叫左好多海鮮卜卜蜆、青口、吊魷魚、海蝦、花枝片等等淡淡嘅海水味加上啖啖都咁鮮甜多汁擺哂落湯底即刻變左平時既冬蔭公海鮮湯😂由於行咗好多路，所以叫勁多野食🤣🤣 任食嘅好處就係唔洗擔心食太多😎今次仲有好多新款嘅雪條有榴槤味、芋頭味、紫米味而且呢幾款嘅雪條都好似泰國製造 好正宗🤤呢幾款我都從未食過，超好食，而且唔會太膩，我自己一口氣食咗幾條

又黎到二鍋頭食雞煲火鍋啦，之前都黎過食架啦，都好清楚佢有咩好野食，所以今次encore佢。雞煲黎講都係咁好食，雞肉入味得黎唔會死咸，當然唔少得係佢d洋蔥啊京蔥啊芫茜呀吸曬味先至最出色。今先就叫左冬陰公湯底，無錯我的確係想試曬咁多款湯底嘅。而今次冬陰公湯無令人失望，黎到未滾起已經聞到佢酸酸辣辣嘅味道，而入面都有好多材料，檸檬、青檸、南姜等等，唔係溝粉出黎，好滿意，味道唔會太辣太咸。叫左好多唔同野食，好似係蝦、墨魚等等嘅海鮮，直頭將個湯底昇華左，變左海鮮冬陰公添，不過我發現冬陰公湯配烏冬好正，烏冬掛滿曬湯好好味。最後，今次個雪糕櫃入面有幾款新雪條，有榴連、紫米、香芋，超級好食，特別鍾意紫米，入面好夠紫米椰汁味，仲真係有好多一粒粒紫米。食埋甜品又係超飽咁走，一個字！正！

有雞煲 ,再加上黑椒豬手煲 ,2款都係我至愛，真係賞心樂事，可以任食㖭，豬手煲嗰啲豬手，真係骨膠原蛋白好重，咬落去入口即溶，非常之正，雞煲嘅份量亦都非常之多，雞肉非常的嫩滑，再加上麻麻地辣辣地，刺激個味蕾，非常之開胃 食夠豬手同雞煲之後，就開始打邊爐，湯底亦都非常之多嘅選擇，食完麻辣雞煲，要食番啲清潤嘅湯底滋潤一下，芫茜皮蛋湯夠曬清甜 , 打邊爐配料，丸類 ,選擇非常之多，海鮮嘅就有 蜆 再加上蝦, 魷魚片質感幾好, Q 彈,  肥牛都幾新鮮, 入口即溶, 配搭清甜嘅湯底, 口感不錯食完之後仲有雪糕任揀 清一清熱大滿足

旺角火鍋店二鍋頭，地方大，整層福苑二樓範圍是二鍋頭，是專門雞煲及火鍋火鍋食材選擇很多，愛選甚麼就選甚麼這裡食法是先選煲，有雞煲鴨煲豬手煲，跟朋友兩人，看這裡雞煲不錯，就選了雞煲基本火鍋配料都很齊全，該有都有，很多選擇雞煲很大煲，份量很足夠，這煲應該夠4個人吃份量，辣度我跟朋友選了小小辣，是我們接受範圍，辣度感覺剛剛好，雞件雞爪很入味還有甜品雪糕，飯后甜品，任食，隨便拿，不浪費就好豬骨湯底火鍋，真很大件豬骨，還有濃濃白豬骨湯，湯底有蘿蔔跟胡椒粒，不會感覺很油肉類選擇多，牛肉羊肉豬肉雞肉全都有，愛吃肉的人可盡情吃，質素都不錯👍🏻

朋友介紹旺角一間雞煲火鍋，有空就跟朋友去試試。在福苑二樓全層，地方非常之寬躺，坐位沙發位置空間都大，坐得舒服這裡食法是任食，先選煲，有雞煲（二鍋頭惹味雞煲）/鴨煲（火焰鴛鴦鴨煲）/豬手煲（黑椒豬手煲），三選一，我跟朋友都選了雞煲，小小辣。雞煲份量很大，夠4個人吃的份量，辣度小小剛剛好，不會太辣，也夠入味，雞件份量頗多，很夠吃。吃完雞煲，可以選火鍋，有很多火鍋湯底選，有清湯豆腐鍋，有泰皇冬蔭公鍋，懷舊沙嗲鍋，川椒麻辣鍋，我跟朋友則選了正宗豬骨鍋，大大件豬骨，濃濃奶白豬骨湯，底有蘿蔔胡椒增加新鮮味，是很好湯底選擇👍🏻肉類海鮮選擇非常多，羊肉豬肉牛肉雞件脆肉鯮白鱔等等肉類海鮮應有盡有，選擇種類非常豐富，點好就有人送上來。蔬菜丸類在自取區自己去拿，選擇種類也是非常豐富非常多，可能比超市或火鍋食材店或丸類店的選擇都多，菜的種類也比一般店多，喜歡就自己拿，很自由，食材也很充足，可以自由拿。飲品櫃飲料也很多選擇，有韓式烏龍茶，有龍井茶，馬蹄爽，清涼爽，可樂，啤酒都有，都是任飲，隨便喝。邊吃雞煲邊喝啤酒，很爽👍🏻

放工去旺角食飯，今次去咗食自助火鍋，入到去坐低，服務員介紹完用餐建議之後，就揀咗先來任食雞煲，之後再火鍋；飲食時間有兩個鐘，對正常節奏快速嘅香港人來講，都絕對足夠落完order過後，服務員好快就拎咗一煲香噴噴嘅雞煲上枱，香噴噴加上分量十足，為咗保留戰鬥力，食完都唔敢添食了調味架總共有八款選擇，多種組合，隨你發揮，自己鐘意生蒜熟蒜加鼓油，大家可以發揮創意，混出自己獨特嘅味道轉換戰場任食火鍋，除咗部份需要入紙比服務員之外，餐廳仲有自助櫃，多款選擇，蔬菜丸類，種類十分充足，任君選擇想食肥牛嘅朋友，一樣係任食，賣相仲好好添；海鮮一樣有供應，鮮味十足最後唔少得甜品櫃，有雪糕同雪條任君選擇，食返杯雪糕作為一餐嘅結尾，大滿足

好耐冇食雞煲火鍋放題，今晚心血來潮就去左旺角中心着面呢間食。.先黎雞煲任食，侍應係面前炒雞時已經聞到好香，食落醬汁好惹味，雞件肉仲係幾嫩，洋蔥都好入味。雞煲係可以任食架！.食完雞煲就轉湯底打邊爐，我地揀左蕃茄薯仔濃湯。火鍋配料有生猛海蝦、美國肥牛、活海蜆、脆鯇魚腩、黃沙豬膶等等。自助區仲有各樣丸類、蔬菜類及炸魚皮。.飲品方面就有無糖茶、可樂、韓國飲品、楊協成 同埋 鴻福堂系列，總有一款岩你飲。.最後當然要食埋甜品，係泰國King's 雪條 同埋 雀巢雪糕杯，鍾意食榴連既朋友有福了！因為有King's 榴連味雪條。

今日去了旺角，去試吓朋友介紹嘅二鍋頭，地點非常方便，位於旺角西洋菜南街138號福苑2樓，由旺角地鐵站D2出口，行2分鐘就到，非常方便上到去餐廳門口，已經有好有禮貌嘅服務員提醒我哋量體溫，再問我哋幾多位，好快就可以入餐廳坐低，有店員詳細嘅解釋，再睇過餐牌，今次決定點二鍋頭惹味雞煲，無限任添，食完再打邊爐，正到爆開始之前，先裝好配料，店員先準備好配料架，八款配料點樣調配都OK食物種類選擇充足，總會搵到啱你心水嘅食物，想再食好啲，仲有額外收費火鍋配料，總有你喜好美國肥牛，望落去同平時自助火鍋食開嘅肥牛有啲唔同，一睇落就知高級啲美國黑豚肉，又係必食之選，淨係上碟個賣相已經殺曬仲有自助食物櫃，款式多到呢海鮮配料，都係必食之選火鍋一定要食菜，餐廳有多款蔬菜俾你選擇，鍾意食蔬菜嘅你，一定有一款啱你

今日行街突然好想食火鍋，朋友帶我去左呢間位置便利既自助雞煲火鍋。見到佢個Menu都有好多煲既選擇。最後試左雞煲同豬手煲，二樣都好好味，醬汁好濃，雞肉唔鞋口，豬手煮得好淋，大讚。食飽完個煲，就上火鍋。店員會幫手換個新既鍋，我地選左沙爹湯底，一如既往，湯底夠濃，而且仲落左蝦米，保持鮮味。火鍋配料係半自助式，蔬菜可以自己自助夾取，海鮮同肉類就填紙仔。推介點呢度既蝦，好新鮮，肉質咬落彈牙。另外呢度既服務都幾好，店員會留意著有無店需要收，會主動幫手換碟，very good!

是日行旺角行左好耐，想搵間打邊爐或者雞煲食，可以坐耐啲。比我地無意中搵到間抵食又好味既二鍋頭。店舖對正旺角新之城，好方便。呢度除左有雞煲/火鍋之外，仲有其他鍋既選擇，例如鴨鍋同豬手鍋。成日食雞煲，終於可以証下其他，最後點左豬手鍋，估唔到好有驚喜，豬手炆得夠林，加埋佢個醬汁好yummy. 我同朋友都食唔停口。呢度食完個鍋會另外再上火鍋，唔似其他店食黎食去都係同一隻味。除左肉同海鮮，蔬菜類都係自助，自己中意夾幾多就幾多，另外推介佢既羊肉片，味道夠晒酥，讚

上次喺尖沙咀食過一次喺旺角見到佢分店任食兩個半鐘每人$198 (加一另計)都算幾抵🙆‍♀️就襯落雨濕濕 無咁熱 又打個邊爐先♨️被安排坐咗卡位 幾闊落 幾舒服🙌🏼食火鍋前會俾你任揀無限添食嘅雞煲/ 鴨煲/ 豬手煲我哋揀咗惹味雞煲 (小辣)店員仲會專人埋嚟幫手撈炒幾吓食得！真係幾好味😛之後店員送上個湯底打邊爐模式轉換🍲湯滾前去自助區拎定啲菜呀丸呀啤酒呀汽水呀😍😍當然唔少得填紙仔叫火鍋料肥牛海鮮蔬菜等等都不過不失個人大推『白鱔片』 又鮮又甜encore咗幾會合食飽飽都仲要記得食埋特色雪條最鍾意『榴槤』『黑糯米』味道🤤🤤

訂左「二鍋頭」同朋友飯聚, 好彩有訂位, 上到去近乎爆滿, 好旺場~好耐冇食過任飲任食放題, 呢到個放題組合都幾抵下~先黎一個無限refill 雞煲/ 鴨煲/ 豬手煲, 自問大食仔女既可以試哂3款~我地食量有限既就淨係嗌左個雞煲 (由小小辣至大辣任你揀)雞煲有質素, 雞肉唔會乾身偏咸 (好多雞煲都偏咸), 份量亦唔欺埸, 有圖有真相~食飽雞煲, 就飲罐野漱下個口準備打邊邊~  飲品有好多選擇包括啤酒, 鍾意啤啤佢既就岩哂~打邊爐有8個自選鍋揀, 蕃茄控既我地無慮即決揀左蕃茄薯仔濃湯鍋至於邊爐配料都有唔小選擇, 總有幾款岩你口味, 其中推介係海鮮同韓式泡菜餃~至於蔬菜、菇類呢d健康之選, 就好方便咁放係大凍櫃任你拎~ 唔夠飽仲可以食個稻亭烏冬/ 出前一丁我地就飽到爭d雪條都食唔落, 呢到有好正既榴槤雪條, 點都要食返2枝呀!

收完舖去旺角買埋嘢…又餓又邊爐癮起😜喺新之城對面見到又有呢間任食雞煲火鍋店(前排試過尖沙咀分店唔錯哦!!)一於衝上去再回味吓！. 嚟到都幾多枱食緊但時運高唔使等枱✌️食過知道流程啦！同上次一樣揀番食雞煲！真係幾惹味！雞肉啖啖肉得嚟仲夠juicy(可以任添架!不過Be想留肚打邊爐😝)點咗香茜皮蛋鍋湯底下吓火！例牌果啲海蝦肥牛海蜆鯇魚腩就必點架啦！但今次最得Be歡心嘅係⭐肉嫩鮮甜白鱔片＆⭐新鮮彈口花枝片！追加咗好幾次🤤🤤另外都係有個自助區域拎蔬菜呀丸類呀咁！當中個人推薦⭐芝心丸⭐炸魚片頭⭐油麥菜⭐鮮蓮藕⭐炸魚皮！咁熱屎辣辣當然唔少得喪飲汽水啤酒啦！最後再食埋甜品就滿足哂啦！⭐榴槤雪條 ＆⭐紫米雪條係必食之選！！咁食法都係每人$198(加一)都真係性價比嘅👌

一次過滿足晒幾個願望好耐冇食過雞煲，就搵咗呢間二鍋頭，平日$198兩個鐘任食雞煲同埋火鍋。原來除咗雞煲之外，呢度仲可以選擇豬手煲同埋鴨煲，仲可以refill添。我就食咗小辣雞煲+火鍋，本身有啲想食豬手煲，但係後來真係眼闊肚窄食唔落。雞煲非常惹味，一煲份量好多，雞無雪味，醬汁香濃。食完雞煲之後打邊爐，揀咗芫荽皮蛋湯底，海鮮同埋肉類係要order嘅，其他蔬菜或者丸類係可以自己出去拎嘅，分析都唔少。飲品方面都有好多種，鍾意飲無糖嘅仲有龍井茶同埋烏龍茶添！食飽飯後甜品有雪糕同埋雪條，好鍾意食佢嗰隻雪條啊！係香芋椰子味同埋紫米味，超特別～