影片
更多
2021-06-04
1893 浏览
以前中學生嘅時候好鍾意去旺角新之城買嘢，又平又靚，諗返起好耐冇去shopping，放工約埋同事去睇吓衫，跟住一齊食個晚飯。就對面近近地我哋見到二鍋頭，$218任食雞煲、鴨煲、豬手煲，價錢又唔貴，性價比很高。黑椒豬手煲我哋兩個返工都做到殘晒，一於補充下骨膠原。黑椒汁好惹味，豬手夠晒肥美，有骨有肉，炆得軟腍入味，口感幼滑有彈性。非常好味，我都有諗過想叫一碗白飯，黑椒豬手汁用來撈飯就更好味呀！二鍋頭惹味雞煲店員會喺你面前即炒多幾下，熱辣辣最好食，尤其是鍾意滿滿的芫荽，鍾意食嘅就會覺得好香。鳳爪我就鍾意放到最後食，炆得很入味，我哋唔係好食得辣所以揀小辣就啱晒啦！香辣得來夠刺激，食到雞件的軟滑多汁，鮮味香濃。仲有好多款式嘅食物同埋蔬菜🥬魚皮、炸響鈴都可以到食物自助區，珍惜食物，鍾意食幾多就拎幾多，食得唔好嘥。懷舊沙嗲鍋食飽飽雞煲之後就可以自選火鍋湯底打邊爐，重口味嘅同事揀咗沙嗲，因為佢係沙嗲牛肉麵關注組嘅成員，我哋決定自製沙嗲牛肉公仔麵 🍜哈哈！美國肥牛、鮮滑牛肉、美國黑豚肉，牛肉配沙嗲鍋底真係天作之合，沙嗲汁濃郁，味道豐富。牛肉入口嫩滑，再配埋出前一丁公仔麵真的好滋味。白鱔片、帆立貝、墨魚仔，
就對面近近地我哋見到二鍋頭，$218任食雞煲、鴨煲、豬手煲，價錢又唔貴，性價比很高。
黑椒豬手煲
我哋兩個返工都做到殘晒，一於補充下骨膠原。黑椒汁好惹味，豬手夠晒肥美，有骨有肉，炆得軟腍入味，口感幼滑有彈性。
非常好味，我都有諗過想叫一碗白飯，黑椒豬手汁用來撈飯就更好味呀！
二鍋頭惹味雞煲
店員會喺你面前即炒多幾下，熱辣辣最好食，尤其是鍾意滿滿的芫荽，鍾意食嘅就會覺得好香。鳳爪我就鍾意放到最後食，炆得很入味，我哋唔係好食得辣所以揀小辣就啱晒啦！香辣得來夠刺激，食到雞件的軟滑多汁，鮮味香濃。
仲有好多款式嘅食物同埋蔬菜🥬魚皮、炸響鈴都可以到食物自助區，珍惜食物，鍾意食幾多就拎幾多，食得唔好嘥。
懷舊沙嗲鍋
食飽飽雞煲之後就可以自選火鍋湯底打邊爐，重口味嘅同事揀咗沙嗲，因為佢係沙嗲牛肉麵關注組嘅成員，我哋決定自製沙嗲牛肉公仔麵 🍜哈哈！
美國肥牛、鮮滑牛肉、美國黑豚肉，牛肉配沙嗲鍋底真係天作之合，沙嗲汁濃郁，味道豐富。牛肉入口嫩滑，再配埋出前一丁公仔麵真的好滋味。
白鱔片、帆立貝、墨魚仔，鮮蝦雲吞、墨魚滑，海鮮類都幾豐富，肉質爽脆彈牙，最緊要質素新鮮冇腥味。
雪櫃飲品，俾我搵到新奇刺激有氣無糖的青瓜水同埋西柚汁，冰涼暢快，食完熱辣辣嘅嘢飲返兩支真係爽。
仲有雪糕同雪條，食埋甜品就真係完美啦！
张贴
