二鍋頭 (福苑)

营业中

休息中

約左好耐冇見既朋友食飯，上網見到有任食雞煲鴨煲仲可以打邊爐，價錢又唔太貴，就book黎試下啦。一入到去環境好寬敞好大，坐得好舒服，我地今次就簡左雞煲。雞煲份量好多，香味好濃郁，食落都好好味，所以我地都忍唔住加多次雞食完雞煲就開始打邊爐啦，湯底我地簡左豬骨湯底，火鍋配料都有好多唔同種類選擇，飲品 丸類同蔬菜類都放係自助區自己出去夾，而肉類海鮮類就要寫紙落單。肉類海鮮類都有好多選擇，海鮮有蝦 青口 帆立貝 蜆 墨魚仔等等..其中推介白鱔片，食落好爽口彈牙，真係超好食其他海鮮都好新鮮。最後食埋個雪糕做甜品，好滿足既一餐。