串カツ専門店

营业中

休息中

數數手指呢4年都經常帶朋友上嚟食，佢嘅水準一直都維持住，味道技巧份量都一路保持到。今日突登嚟試佢幾款新出嘅料理。佢哋嘅刺身擺盤好精細，份量同厚度一如既往都係咁靚仔。見今日凍凍哋叫咗個炸豆腐，外層一層薄炸皮嘅豆腐浸喺熱辣辣嘅高湯上，炸豆腐保留少少脆口，有啲炸皮吸收咗嘅高湯入口層次豐富高湯嘅甜幫豆腐生色不少。跟住到呢個無敵嘅明太子玉子燒，一份靚嘅玉子燒除咗雞蛋仲有高湯，加入到雞蛋令玉子燒食落濕潤Juicy甜甜的，煮嘅時候反嘅技巧要令到玉子定型，喺香港整到靚嘅玉子燒真係唔多，呢間我係每一次都一定會點！到咗佢個新名物吉列炸蝦，大大隻蝦外層包住肉肉，但唔會炸到好乾身啖啖都好滿足😌煙肉薯仔沙律山葵忌廉最中餅呢個有驚喜，好清新嘅感覺，每樣夾埋一齊食煙肉薯仔沙律俾到好綿滑嘅口感，山葵忌廉帶俾酸甜嘅味道。味道10分環境10分水準10分，睇得到對料理對食材都係有要求，重點係幾年嚟水準都一樣維持到！

由日本人主理嘅居酒屋風格餐廳，入到去好似去左日本咁😳 裝修好有氣氛，環境乾淨企理(廁所超乾淨💯) 店員服務周道、有禮貌，嘢食特別，同香港其他日式餐廳唔同，好精緻🩵 適合朋友聚會、同事聚餐、節日慶祝🍾叫左個必點嘅明太子芝士玉子燒，一切開，入面有好多芝士拉絲，超足料好味😋 炸串都必點！即叫即炸，炸到脆卜卜，炸皮薄薄地唔會太厚！令我印象深刻係山芋明太子鐵板燒，香港少有，用山芋做 base ，入面有鐵板燒常備嘅紅薑，面頭有蛋白，撈勻嚟食好惹味，口感同文字燒有啲似，送酒一流😘 十分推薦🙈 整體CP值都高，價錢合理，食物質素高💯以下是圖中菜式及參考價錢💵・　前菜 ($40@2)・　煙肉薯仔沙律伴山葵忌廉最中餅 ($76@2)・　新名物！吉列大蝦 ($156@2)・　合鴨 香味野菜配中華醬 ($128)・　（小）鍋三文魚/三文魚子飯 ($158)・　山芋明太子鐵板燒 ($68)・　明太子芝士玉子燒 ($98)・　炸串　▸　生蠔豬肉卷 ($32)　▸　日本雞蛋豬肉卷 ($42)　▸　牛腸 ($24)　▸　特選和牛 ($48)　▸　雞柳伴紫蘇 ($26)　▸　卡門貝爾芝士 ($22)　▸　日本年糕 ($

串カツ専門店位於銅鑼灣軒永光商業大廈，一出地鐵站就到，十分方便👍 主打日式串炸料理，隱世得嚟帶有濃厚的日式風格，好似番咗鄉下🇯🇵 Menu菜式選擇好多，由經典串炸到創意日式料理，每一道菜都展現咗廚師對食材和味道嘅用心。 Bacon Potato Salad with Wasabi Cream in Wafers ($76)煙肉嘅鹹香，配上我最愛嘅薯仔沙律，口頭綿密，層次豐富。薄脆嘅威化餅增添咗口感對比，依個前菜清爽又開胃😋Jumbo Prawn Meat Cutlet ($156)巨型蝦肉串炸外皮金黃酥脆，內裡蝦肉鮮嫩彈牙，仲好鮮甜。搭配特製醬汁，海鮮愛好者一定不能錯過。 Sliced Duck Roast with Herbaceous Vegetables & Chinese Taste Sauce ($128)鴨胸切片燒得恰到好處，外皮微脆，肉質軟嫩多汁。搭配中式風味醬汁，味道濃郁但一啲都唔油膩，融合中日風味嘅創意料理👍Salmon and Salmon Roe Pot Rice ($158)滿滿嘅三文魚同三文魚籽鋪滿喺熱騰騰嘅釜飯上，魚肉鮮美，魚籽爆漿的口感真係不得了。席前煮

Book枱兩個人都淨係可以坐到吧枱嗌咗個壽喜燒$580 但等咗成45分鐘先有得食等咗咁耐結果都係唔好食既啤酒睇落就似有特色好多味簡 但揀咗個芒果味飲落去勁甜搞唔掂唯一好嘅地方就係店員服務態度好師傅真係日本人 完。總結價錢加食物質素完全唔值得食 好後悔

呢間餐廳嘅炸物真係一流👍🏻CP值好高，侍應服務態度良好合鴨香味野菜配中華醬 熱騰騰嘅鴨胸肉肉質細膩，口感香滑吉列大蝦外層炸得金黃酥脆，內裡蝦肉彈牙鮮嫩，咬落香氣四溢日本雞蛋豬肉卷 酥香嘅吉列包住豬肉卷及溏心蛋，口感層次豐富卡門貝爾芝士 芝士奶香濃郁且質地細膩，咬落外層酥鬆，裡面嘅芝士入口即化煙肉薯仔沙律伴山葵忌廉最中餅 賣相好精緻，中間夾住濃郁嘅煙肉、綿密嘅薯仔沙律，同山葵忌廉完美結合，搭配酥脆嘅最中餅，每一口都充滿層次感大阪薄餅章魚 章魚丸都算大粒，外層香口，內裡柔軟，底層仲有蝦餅，好抵食壽司拼盤有5️⃣件壽司，分別有牡丹蝦、三文魚腩、吞拿魚、帶子及鰻魚，件件都新鮮肥美鍋三文魚/三文魚子飯個飯再用瓦煲煮熱，然後加上三文魚➕ 三文魚子，每一口都能感受到魚子嘅鮮甜及爆漿口感巨峰乳酸梳打飲落清爽酸甜，巨峰葡萄嘅果香與乳酸梳打嘅氣泡感完美結合，既解膩又清新蘋果汁 底層仲🈶粒粒蘆薈，蘋果汁入口香甜而不膩

這間餐廳專做日式炸串，有一定的日本人捧場客，所以邊食邊聽到客人與店員講日文。好似真係去到日本咁，店員還介紹餐廳最近出了新的menu，一於試試：🔸煙肉薯仔沙律伴山葵忌廉最中餅：薄脆的最中餅外殼，裡面是山葵忌廉醬，與煙肉的和薯仔沙律好夾。🔸吉列大蝦:外層的麵包糠炸得金黃酥脆，咬下去“咔嚓”一聲，蝦肉爽甜再搭配上特製的醬汁，好味。🔸日本雞蛋豬肉捲:是店裡的招牌之一，幾乎每一枱都有點。每一口都能感受到雞蛋的滑嫩和豬肉的醇厚。🔸日式炸雞柳：雞柳外皮酥脆，內裡雞肉多汁，搭配上特製的醬汁，正。🔸日式炸豆腐:外酥裡嫩，吸收了醬汁的精華，口感豐富。🔸鐵板海鮮明太子:鐵板的高溫將食材的精華鎖住，充滿海洋的味道。🔸小鍋三文魚三文魚子飯:店員在你面前製作，三文魚與魚子的爆汁，搭配上溫熱的米飯，冬天食最啱。🔸橙皮泡沫啤酒:打卡一流，啤酒的清爽與橙皮的清新香氣，估唔到啤酒可以咁樣搭配。

銅鑼灣日式🇯🇵居酒屋 海鮮沙律 🥗$108海鮮沙律裡面有三文魚、蝦、吞拿魚刺身，口感層次分明，搭配的醬汁好清爽，有驚喜明太子玉子燒 $98每一啖都有濃濃嘅蛋香🍳，再包住濃濃嘅明太子醬好食😋鹽燒牛舌👅 $98肉質鮮嫩，咸香味十足💕但就稍為簿少少🤏博多🎌牛腸鍋 $320鍋入面有大量芽菜、韭菜、 牛腸、明太子湯底濃郁🍲，蔬菜吸收晒湯汁，令整體味道豐富美味焗蛋芝士章魚燒🐙 $48章魚燒配搭焗蛋外型好精緻🤩呢個組合好得意，一個唔錯嘅配搭🫶🏻炸串日式雞蛋豬肉卷 $38五花腩 🐖$22八爪魚🐙$22沙椎魚🐟 $22總結，呢間居酒屋嘅環境🎑比人感覺好似置身於日本🎌，氛圍獨特而舒適🙈。餐單上📜仲有好多特色小食，同朋友👯‍♀️小聚都可以搵到合適嘅選擇🫶🏻#居酒屋 #日式 #日本料理 #日式居酒屋 #銅鑼灣好去處 #銅鑼灣美食 #銅鑼灣必去 #香港美食 #香港好去處 #銅鑼灣 #香港餐廳 #hongkong #hongkongfood #hongkongrestaurant #香港 #玉子燒 ==============================串カツ専門店 (銅鑼灣)銅鑼灣軒尼詩道499號永光商業

一間日本人主理嘅居酒屋🏮視覺聽覺味蕾都有種身處日本嘅感覺幾乎全部夥計都係日本人走之前太開心所以問店員先知JunG係餐廳名 39係日文嘅 thank you 🫶🏻✨煙肉薯仔沙律伴山葵忌廉最中餅✨炙燒明太子配胡麻山葵✨香味野菜鴨胸✨吉列大蝦✨炸牛腸✨炸日本雞蛋豬肉卷✨明太子芝士玉子燒✨醬油拉麵✨小鍋三文魚/三文魚子飯除咗氣氛好好又唔嘈之外我最享受嘅係呢度嘅炸物有種喺關西食串炸加醬油嘅感覺仲有炸蛋同炸牛腸同一款創新料理用100%豬肉包住大蝦去炸完全唔柴唔硬唔乾配特製醬油仲幾好食添平時驚熱氣唔鍾意食炸嘢嘅我都忍唔住讚嘆好好食～～✨一定要試吓佢唔同口味嘅麒麟啤酒🍻啤酒泡做成冰之餘啤酒有淡淡嘅特製味道我試咗青瓜同菠蘿都比本身啤酒更易入口加埋炸串絕對係驚喜之作！😆❤️玉子燒嘅明太子係漏出嚟～芝士可以拉絲燒明太子沾嗰個胡麻山葵都好啱我心水🥹一邊食一邊有人係我隔離煲飯靚仔店員仲推介我撈個自家製味噌醬實在係太幸福太滿足啦！！

在銅鑼灣的JunG39 JAPAN，串カツ的美味讓人驚艷，餐廳的環境舒適，適合與朋友聚餐或夜宵。當天我品嘗了幾款招牌菜，特別推薦的有煙肉薯仔沙律伴山葵忌廉最中餅，煙肉的香氣與薯仔的鬆軟結合，搭配山葵忌廉，口感獨特。 🫶🏼吉列大蝦外脆內嫩，蝦肉鮮甜，搭配特製醬汁 🫶🏼合鴨香味野菜配中華清爽的選擇，合鴨的香氣與新鮮蔬菜的脆口感相得益彰，讓人感受到健康與美味的平衡。 🫶🏼小鍋三文魚/三文魚子飯份量剛好合適，魚肉新鮮，米飯吸收了魚子的鮮味，讓每一口都充滿海的味道 🫶🏼炸物令人驚喜，青椒仔、冬菇、生蠔豬肉卷等，每一樣都有其獨特風味，尤其是卡門貝爾芝士，外脆內軟  🫶🏼甜品炸香蕉伴雲呢拿雪糕和自家制抹茶Terrine都值得一試，炸香蕉的香甜與冰淇淋的滑順形成完美搭配——————————————————

📍 銅鑼灣軒尼詩道499號永光商業大廈17樓

—————————-—————————-
Overall 💗💗💗💗



If you're looking for an authentic Japanese izakaya experience at CWB, JunG39 JAPAN is the place to be. This cozy yet lively spot brings the true essence of Japanese dining, offering an impressive selection of skewers, premium alcohol, and creative delicacies that will transport you straight to the streets of Tokyo. We started the meal with the Bacon Potato Salad with Wasabi Cream in Wafers—a delightful fusion of creamy, smoky, and spicy flavors wrapped in a crisp wafer shell. The wasabi cream a

約咗朋友放工時間去happy hour ，係銅鑼灣永光商業大廈搵好嘢食，之前有朋友介紹間抵食又抵飲嘅日式料理，晚市開門即刻上黎打卡先，因為七點半之後好多人㗎！小店大概只有四十座位左右，居酒屋木系裝設計，有吧枱、多人長枱。🥢前菜 @$20 ～有三款選擇，金平牛蒡、意粉沙律、紫菜，日日不同。🥢煙肉薯仔沙律、伴山葵忌廉最中餅 $38🥢新名物！吉列大蝦 $78 ～用免治牛肉、免治雞肉包住大蝦，再沾上麵包糠炸成。🥢鍋三文魚/三文魚子釜飯 $158～即席烹調過程，由生米煮成熟飯，再落三文魚、三文魚子、三葉菜，混合一齊食，可隨意加上Wasabi！🥢合鴨、香味野菜配中華醬 $128🥢拖羅蔥花卷 $118～卷物有足夠份量，壽司飯、拖羅都好多，好豐富！🥢牛舌串燒 $38🥢炸雞軟骨 $48🥢五花肉 $24🥢日本雞蛋豬肉卷 $42 ～炸雞蛋外脆內軟，流心蛋黃，自由點上天婦羅醬，味道一流。🥢多春魚 $28🍺麒麟生啤 $58📍 串カツ専門店 (銅鑼灣) JunG39 JAPAN銅鑼灣軒尼詩道499號永光商業大廈17樓

這家日式居酒屋由日本人主理，帶來難得一見的原汁原味體驗。店內炸串文化別具一格，每一串炸物皮薄不油，令人耳目一新。我們點了： 🍣三文魚玉子燒釜飯Egg Omellete and salmon roe on rice pot $178🍤新名物！吉列大蝦 New Signature dish! Jumbo prawn meat cutlet $158/ 2份🧇煙肉薯仔沙律伴山葵忌廉窩夫餅 Bacon Potato salad with Wasabi Cream in wafers $76/ 2份🐟刺身3點拼拼盤（每種3片）Assorted Sashimi 3kinds 3pcs per type $198👅牛舌串燒 Salt-skewered beef tongue $38🍘大阪薄餅章魚 Osaka Octopus cracker $48炸串： 🍢牛腸 Beef offal $24🍢日本雞蛋豬肉卷 Japanese egg with Pork belly $42🍢帆立Scallop $28🍢特選和牛 Signature Japanese wagyu beef $48其中，章魚小丸子最為特別：

最近試咗一間好好食嘅串燒店我覺得最大嘅分別係佢除咗串燒佢仲有好少地方有嘅炸串佢最近轉咗新Menu如果你想食刺身同壽司佢都有另外佢個釜飯真係一絕串燒我一定會叫牛脷我覺得好大塊厚身所以我忍唔住叫咗兩串加少少檸檬汁再加嗰啲胡椒鹽係令成件事冇咁漏咁夜晚唔想食咁多飯就叫咗個日本雞蛋豚肉卷再加埋佢嘅豉油成件事好特別口感好豐富係高蛋白之選個吉列大蝦超大隻熱辣辣再點啲鹽好好食同埋我最鍾意食嘅就係豆腐佢個炸豆腐真係一絕豆腐又滑再加埋啲豉油同埋上面嘅蔥花調味成件事係將豆腐昇華左另外一個境界食咗勁多炸嘢之後食咗個煙肉薯仔沙律伴山葵忌廉最中餅啲脆卜卜嘅餅包住啲薯蓉入邊再有啲煙肉成件事都幾特別同埋可以解一解膩最後個三文魚玉子燒釜飯連我呢啲唔係特別鍾意食玉子嘅人都覺得佢個玉子係好香蛋味好滑好好食我覺得一定要叫同埋佢個飯係即時喺你面前煲所以粒粒分明熱辣辣加埋啲三文魚子同玉子同蔥花真係好夾就算食飽咗我都可以再添飯可想言之係真係必叫之選最後食埋個自家製抹茶朱古力再加埋其他小食都唔使$1000兩個人我真係覺得好值得去食食物大部份都好高質同埋日本師傅成件事好似短暫飛咗個日本咁我覺得飛唔到一定要去食吓感受吓居酒屋嘅氣氛都開心

位於#銅鑼灣 的#關西風 炸串餐廳😋品嚐地道的關西美食，黎一場味蕾的盛宴😍餐廳裝潢充滿日式風格，木質桌椅配柔和的燈光真係好正好relax☺️☺️職員好nice🤗每個菜式都介紹詳盡🥰🥰絕對感受得到既熱情款待，值得一試！🍤#山葵忌廉薯仔沙律最中餅好有驚喜既前菜👍🏻👍🏻 最中餅既香脆配埋wasabi cream薯仔沙律，好清新又開胃💗🍤#巨型吉列蝦勁大隻‼️仲有肉包住個蝦一齊炸，啖啖肉非常滿足😁🍤#炸串 😍😛叫左幾款唔同既！最正係#炸煙肉芝士 😋😋 Camembert Cheese 溶係口既感覺太爽🫠🫠和牛入口鬆化，都係必食推介👍🏻🍤#章魚燒配蝦餅瑤媽次次去大阪都會喪食既菜式🤣🤣 黎到點會唔食番轉😏😏🍤#鐵板煎餃子外脆內juicy既餃子😍😍 煎得勁香，真係一絕😆🍤#親子三文魚炊飯一路睇住佢煮，加左海量既三文魚子😍😍 加少少wasabi連埋飯焦食😝😝回味無窮🥹🥹

🎎自從上次同富妹去完韓國旅行之後🇰🇷，大家各有各忙，好耐冇見面啦。今日放工後梗係揀返間有派頭的餐廳食盡去。📌想食日本嘢又想暢所欲言，居酒屋最好不過🎏。聽講銅鑼灣呢間《串カツ専門店》食串燒嘅居酒屋氣氛唔錯，所以今次帶富妹嚟試吓。📌位於銅鑼灣永光中心17樓，一開門就到。四方形格局餐廳唔算太大，入邊擺放了幾張四至六人枱，另外仲有七至八張人頭吧枱位，可以望住廚師製作美食👨🏻‍🍳。📌日本人嘅禮儀真係非常好客🕴🏻，一坐低，店員就會端上一杯熱茶🍵讓客人喝杯茶歇一歇，消除一下一天工作的疲勞。前菜，每位$20店員會帶上三款前菜讓客人選擇，分別是雜菜海草莖、魚餅同埋牛蒡沙律，每一位客人可以揀一款，富妹揀咗雜菜海草莖，熊妹揀左魚餅。雜菜海草莖幾特別，入邊係豆腐皮絲、海草莖、紫菜同毛豆撈埋一齊嘅涼拌小菜，而魚餅就正常貨色，泰式辣醬，好啱做餐前小食。煙肉薯仔沙律伴山葵忌廉最中餅，$38日本嘅最中餅其實係兩塊威化餅皮，入邊夾著餡料，好多時夾著甜嘅餡料為甜點，如果夾了忌廉沙律就變成鹹點小食。好驚喜地呢個煙肉薯仔沙律忌廉餡料味道好特別，薯仔蓉面面入邊有少少煙肉粒🥓，食食吓會食出少少攻鼻的Wasabi味，但係成件事又好