串カツ専門店

今日聽人介紹同朋友去咗Jung39 Japan食晚飯，兩個人嗌咗幾款嘢嚟share，整體嚟講都幾有驚喜！😆🧀🧇焦糖鵝肝伴多士真心正，凍鵝肝外層微脆，入口好似食芝士咁，配好似酒煮過嘅提子乾、甜甜哋嘅焦糖同脆多士，邪惡但好滿足～🐟蜜漬炙燒油甘魚配柚子醋好清新，魚肉油潤得來又唔膩，個汁酸酸甜甜好開胃！仲有另一款係燒汁嘅～🍢串燒試咗雞柳、特選牛，仲有蘆筍豬肉卷～牛肉同雞肉都燒得啱啱好，肉質唔會韌；蘆筍卷個配搭好夾，豬肉香口，蘆筍爽脆，抵食！🍤仲有個吉列大蝦，份量好足夠！🍲最印象深刻係個初秋・和牛・栗子・野菌釜飯（小），一打開蓋已經香到暈～原來係黑松露醬！！和牛嫩滑，栗子同野菌增加咗口感同層次，飯吸晒啲精華，仲要煮到有飯焦，脆卜卜，我同朋友都搶住食！我嗌多咗個辣味筍，用嚟撈飯十分惹味！🥰👍🏻飲品就嗌咗杯蜜桃梅酒同薑味汽水，甜甜哋易入口，女仔應該會鍾意～其實店舖最出名係香港少有嘅牛腸，有牛腸鍋同燒牛腸，奈何同行朋友唔食內臟，唯有下次再約同好品嚐！😭另外不得不讚店員服務非常殷勤，而且有個特色係廚房主理嘅都係高大猛男，細細個廚房有幾個身型魁梧嘅人忙裏忙外，感覺好得意！👀❤️整體嚟講都會想再encore嘅店，推薦大家試下佢嘅釜飯同鵝肝～下次真係想試下個牛腸鍋！#串カツ専門店 #銅鑼灣 #串揚 #炸串 #銅鑼灣美食 #深夜食堂 #牛腸鍋…查看更多

好似幾位師傅都係日本人，會聽到佢地不時用日文溝通，感覺好地道！🥗 香印提子伴生火腿伴豆腐泥香印提子梗係香甜，配上西班牙生火腿，鹹香與果香交織，底層竟然係豆腐泥，做到滑順細緻，又唔會搶咗其他食材味道，係好有心思嘅前菜，推薦🦆 焦糖鵝肝伴多士鵝肝煎至外脆內嫩，油脂豐盈。焦糖層帶微妙甜香，多士香脆，正！🦪 鐵盒蒸日本蠔手掌咁大隻蠔！蒸煮保留到原汁鮮味，入口鮮甜🍤 吉列大蝦聽落普通，其實蝦肉厚實彈牙，炸漿酥脆不油膩，啖啖蝦肉，好食！🥩 A4和牛又真係冇筋，肉質細嫩，入口即溶🐟 子持昆布即係昆布上附有一粒粒魚卵，口感脆彈，夠特別！其他串燒都唔錯，露筍爽脆清甜，蕃茄仔中和油膩感🍺 冰凍麒麟啤酒（芒果）面頭有啤油沙冰！果香濃郁，入口清爽，好飲！推薦試下佢啲果味，其他地方很少見到㗎🍲 博多明太子和牛腸鍋（味噌湯底）味噌湯底鹹香濃郁，和牛腸彈牙無異味，喺香港食到幾滿足…查看更多

前幾天去咗一間食日式炸串嘅居酒屋食飯，餐廳位於銅鑼灣並由日本人親自主理，餐廳裝潢很有日式風格，用餐當晚全場爆滿，當中都有日本食客幫襯，環境氣氛都好熱鬧店員好親切有禮貌，用心介紹餐廳最近出嘅新Menu，睇落樣樣都想試，今次點咗以下幾款試下✨山芋明太子鐵板燒山芋泥口感綿滑加上章魚粒、海苔、蔥花、蛋黃再搭配鹹香濃郁嘅明太子，每一口都充滿鹹香鮮味✨新名物！鐵板大蝦大蝦外層炸到金黃香脆，內裡包住免治豬肉和爽彈嘅蝦肉充滿口感，沾點蝦粉更香口惹味✨天婦羅炸蝦卷壽司外層是壽司飯和海苔，內裡係香脆嘅天婦羅炸蝦，內脆外軟嘅口感充滿層次✨鐵盒蒸日本蠔（半打）呢度用鐵盒蒸嘅日本生蠔夠新鮮，冇食到異味，充滿鹹鮮味道，每隻飽滿又多汁，可以加少少檸檬汁更添風味✨鴨胸肉伴鵝肝釜飯（小）先以煲仔飯呈上，面層有厚厚嘅鵝肝、鴨胸肉和蔥花，讓食客先拍照打卡然後店員會幫忙將鴨胸肉、鵝肝、蔥花和釜飯分好，鵝肝油脂嘅香氣和鴨肉肉汁更滲透到每米飯中，每粒飯都吸收晒鴨油和鵝肝嘅精華，鴨胸肉軟嫩又香口，好好味✨牛腸炸串外皮炸到金黃酥脆，咬開後內裡係充滿脂香嘅軟糯牛腸，搭配微酸嘅炸串醬汁更惹味餐牌仲有好多食物都想試下，見到隔離枱食牛腸鍋都好吸引，下次會再回訪…查看更多

JunG39 JAPAN約咗朋友食日本菜，今次帶佢去一間好耐冇到訪嘅餐廳，主打日式串燒以及牛腸鍋為主前菜 $40前菜分別揀咗牛蒡絲同埋海帶，味帶徵甜幾開胃喎自家製芝士煎餅 $48自家製芝士煎餅有四塊，口感香脆，帶有芝士嘅鹹香子持昆布 $46炸蝦 $48日本雞蛋豬肉卷 $42新名物 ! 吉列大蝦 $78以上呢幾款都係炸物嘅食品， 每一樣都唔錯，炸衣炸到啱啱好，外脆內軟。第一款子持昆布， 其實係多春魚加海苔，有豐富口感。炸蝦及吉列大蝦肉質結實，不失海鮮嘅鮮甜。雞蛋豬肉卷比例剛好，流心雞蛋加上豬肉卷油脂感不會太重蟹伴枝豆釜飯 $248主食叫咗一份蟹伴枝豆釜飯， 雖然係細份，但係其實份量都已經好夠分嚟食，用咗好似煲仔飯嘅形式來煮，都要煮成半個鐘家，大量蟹肉加上枝豆、魚籽，啖啖都鮮味十足紅油抄手 $88呢款紅油抄手係餐廳最近新推出嘅產品之一，抄手約有四五粒，底下鋪上青瓜絲， 表面加上川式嘅醬汁，隱約食到花生醬?胡麻醬既味道，食落幾惹味拖羅花卷 $128拖羅花卷基本上係每次必點嘅食物之一，6 件小卷配上滿滿嘅拖羅餡加上蔥花，口感細膩又香甜，真係必食既item啊明太子芝士玉子燒 $98朋友係玉子燒愛好者，今次同樣叫咗份明太子芝士玉子燒， 玉子燒表面淋上醬汁同埋灑上蔥花，玉子燒內餡有滿滿嘅明太子醬汁，趁熱食仲會流心添牡丹蝦刺身 $45一直都冇食過呢間舖嘅刺身，今次特意叫牡丹蝦嚟試下，牡丹蝦刺身肉質軟淋鮮甜，質素都好唔錯啊！…查看更多

晚上來到銅鑼灣的串カツ専門店吃晚餐。餐廳最近換了新菜單，讓我充滿好奇與期待。檯面長這樣的。沖縄産醋水雲口感清新，醋水雲與酸甜的醬汁完美結合，讓人胃口大開。拖羅大根漬卷大根與拖羅的鮮美相得益彰，搭配的醬汁更是提升了整體的風味。炙燒明太子 海苔芝麻明太子的香氣在炙燒後更加濃郁，跟海苔與芝麻很搭。（小）鍋三文魚/三文魚子飯(200g)三文魚魚肉、三文魚子的鹹香配上熱騰騰的飯及飯焦，更是增添了不少風味。新名物！吉列大蝦外酥內嫩，蝦肉鮮甜，搭配檸檬汁，讓人忍不住想多點幾隻。蘆筍豬肉卷日本雞蛋豬肉卷巨峰乳酸梳打蛤蜊清湯湯底鮮美，蛤蜊的鮮味完美融入湯中，讓人感到暖心。海膽壽司滿滿的海膽，配上紫菜及芥末真的超滿足！！自家製抹茶Terrine伴雲呢拿雪糕抹茶與雪糕的香滑形成了絕妙的平衡。…查看更多

串カツ専門店 - 日式串揚專門店今日介紹一間位於銅鑼灣嘅日本菜餐廳，設計非常有地道日式居酒屋嘅風格，提供多款日式料理，例如串燒、一品料理等等，當中嘅炸串係招牌菜，另外就有牛腸鍋。 超濃厚！自家製炸卡邦尼奶球 $88 超級新穎有創意嘅菜式，大大個炸奶球，內裏係將整個卡邦尼醬汁同埋配料融入當中。

小鍋三文魚/三文魚子飯(200g) $158 鍾意食釜飯嘅一定要試吓，簡簡單單三文魚子同埋三文魚嘅配搭，已經夠晒鮮味，焗多一陣個瓦煲仲可以食到飯焦添。

刺身3點拼拼盤 $298 時令嘅刺身三款，厚切口感肥美，最正嘅當然係大拖羅！

煙肉薯仔沙律伴玉葱醬油最中餅 $38 綿綿混入薯仔粒嘅沙律配上醬油洋蔥再用最中餅夾住。

明太子芝士玉子燒 $98 邪惡嘅拉絲芝士加上鹹香嘅明太子配上嫩滑嘅玉子。

特選牛 $76 
洋葱 $36 
呢度一定要嗌嘅炸串，炸粉薄薄香脆，內裏嘅牛肉同埋洋蔥都非常柔嫩同埋爽脆。
冰凍麒麟啤酒 蘋果$49 大阪薄餅章魚 $58…查看更多

銅鑼灣樓上日式居酒屋🏮廚師都係講日文 好有feel鋪頭唔大 閒日好快都坐滿哂見到餐廳有新menu都試左幾款新名物先有前菜 每位一碟⭕️ 鮟鱇魚肝 $78 我比💯 真無好鍾意食鮟鱇魚肝入口即化 濃到似食緊頂級法國鵝肝咁配個土佐酸啫喱 解膩又提升鮮味 超級開胃⭕️ 刺身拼盤 $298有三款 每款三片塊塊都好厚切 最愛油甘魚 各款鮮味十足 食完當去左轉日本🤣⭕️ 🆕 吉列大蝦$78依款新品都推介大家試試隻蝦大得誇張 肉厚 炸衣夠薄 咬落去「啪」一聲中層仲有肉碎 更加豐富⭕️ 鴨胸肉伴鵝肝釜飯 $248另一款令人驚艷既菜式 私心推介🩵鴨胸煮到內裡粉紅超juicy幾片鵝肝爆曬油脂勁香口撈埋一齊食好幸福💁🏼‍♀️店員會好細心幫你攪拌再上碟加分位💞…查看更多

滿懷期待book 位帶男朋友黎試下係咪真係咁好食 平時我就算食到唔好食嘅餐廳我都唔會出post 評論，今次真係忍唔住出post 分享 一坐低店員就拎住三款前菜叫我地每人揀一款，點知去到埋單先發現原來前菜每人收左$20， 我唔介意比$20 食個前菜，但如果佢叫我地揀嘅時候同我地講聲會感覺好啲燒牛舌燒得好唔均匀，有啲燒到好韌，咬橡膠咁，有啲就唔多夠熟安康魚肝- 不過不失煙肉薯蓉- 自己整仲好食。。。。 又凍又無味道牛腸鍋依個牛腸鍋經典，就咁睇相好靚咁，其實啲牛腸只有面個層，下面全部係椰菜同芽菜，無其他料， 絕對唔值$398，啲牛腸煮到好靭，又係咬唔爛，店員有叫我地湯滾之後一分鐘要即刻夾起，我地已經按照佢指示去做 都係咁，啲牛腸好快夾起又要即刻食 如果唔係就凍曬要食得好急 會唔會考慮牛腸另上 等食客自己落啊最後，我地坐係bar 枱位置，正對住厨房睇住佢地燒串燒，食牛腸鍋個陣見supoose 係有店員serve, 但我個位置就完全無service, 自己serve 自己，食得好狼狽，食完餐飯之後仲要全身都係油煙味…查看更多

🍁🍂今日天氣好涼，最適合食日式鍋物，暖立立。🔥💓銅鑼灣串カツ専門店  JunG39 JAPAN，日本師傅主理，每晚都好多客人飲酒食野，氣氛熱鬧，建議預先訂座。😁😍餐廳係香港首次引入和牛腸！！🌟博多明太子和牛腸鍋(醬油湯底) 和牛腸非常肥味，油脂豐富，底下的芽菜，韭菜，椰菜，吸收曬牛的精華，加入少許辣椒好惹味。👍🦆焦糖鵝肝伴多士鵝肝甘香，甜甜地好美味。🥚明太子芝士玉子燒 🧀見到廚師即製，熱辣辣，明太子惹味，裡面的芝士仲拉絲🥰炸串：雞柳伴紫蘇 沙椎魚 蘆筍豬肉卷 呢度的炸串係招牌菜，炸得香脆不油膩🥰😍🐟🍙最後食埋拖羅葱花卷，拖羅新鮮嫰滑，大滿足👍💯…查看更多

銅鑼灣JUN G39試咗幾款正嘢！ 明太子玉子燒～熱辣辣又滑溜，啲明太子鹹香十足，一啖咬落去超滿足！ 牛舌串燒～燒得啱啱好，爽口又惹味，食完一串忍唔住要encore！ 海鮮伴香草沙律風式～清新得嚟又鮮甜，個沙律汁調得好好，開胃！ 仲有新名物！吉列大蝦～外脆內嫩，蝦肉彈牙，點埋醬汁真係無得頂！ 最後仲有日本生蠔～蠔身飽滿，海水味濃，入口即化，完美收尾！ 推介大家嚟試吓～ #日式料理 #美食分享 #吃貨日常 #香港美食 #炸串 #銅鑼灣美食…查看更多

༺ 串カツ専門店༻第一次發現原來香港都有得食福岡名物牛腸鍋😆 牛腸鍋比起福岡嘅冇咁肥膩，蔬菜量同樣好多！牛腸有咬口，配埋明太子更惹味🥰連炸串都好好味！炸粉好薄，唔會好油膩～ 輕輕點豉油已經好好味😙雞蛋豬肉卷必食，芝麻豆腐質地好特別，好似炸鮮奶！拖羅卷都好足料；吉列大蝦比豬肉包住好Juicy😚和牛他他配蛋黃鮮味十足，不過份量比較少～ 餐廳最近轉咗新Menu😙平日夜晚接近滿座，有興趣嘅唔好錯過！🪄︎︎◝✩ 𝙒𝙝𝙖𝙩 𝙄 𝙤𝙧𝙙𝙚𝙧𝙚𝙙 ⤵➳ 博多明太子和牛腸鍋(味噌湯底) ($398)➳ 拖羅大根漬卷 ($128)➳ 新名物！吉列大蝦($78)➳ 日本雞蛋豬肉卷($42)➳ 芝麻豆腐($22)➳ 帆立貝($28)➳ 和牛他他配蛋黃($98)➳ 前菜($40)➳ 自家製焙茶燒酒焙茶割($68)📍◝✩ 𝙇𝙤𝙘𝙖𝙩𝙞𝙤𝙣 ⤵銅鑼灣軒尼詩道499號永光商業大廈17樓…查看更多

🍢一間來自日本之串揚專門店，裝潢彷如置身日本深宵食堂，難怪平日晚市都座無虛席。前菜 - 鰻魚乾&魚子鰻魚的鮮甜與煙熏味完美結合，口感柔韌而不失彈性。晶瑩剔透的魚子入口即化，帶來濃烈的海味和微妙的鹹香。博多牛腸鍋二人份的牛腸鍋選用了醬油湯底，湯底濃郁，牛腸軟糯而不油膩，配搭的蔬菜吸滿湯汁後更添美味。日本雞蛋豬肉卷以豬肉包住半熟流心蛋，外皮炸至香脆，流心蛋嫩滑又香濃，蛋汁與豬肉完美結合。吞拿魚他他吞拿魚甘香鮮甜，與生雞蛋拌勻，搭配法國麵包作為開胃小點，更能突顯吞拿魚綿密柔滑的口感。平目薄切（比目魚刺身）色澤潔白透亮，質地細膩，第一口就感受到其新鮮度；刺身的每一片都切得恰到好處。三文魚芝士鮮嫩的三文魚與濃郁的奶酪相互交融，創造出豐富的口感層次，每一口都是奶香與魚香的完美交織。北海道熏肉肉質鮮嫩，煙熏的香氣在嘴中迴盪，而且調味恰到好處；既不搶味又能提升肉質的鮮美。特選牛每片牛肉都經過精心的烹製，外焦內嫩，肉汁四溢。…查看更多

芝麻豆腐$22雞蛋豬肉卷$42番薯天婦羅配蘭姆葡萄奶油$88壽司拼盤$138博多明太子牛腸鍋$398追加拉麵$38吉列大蝦$78煙肉薯仔沙律拌明太子芝士最中$38煙肉薯仔沙律拌山葵忌廉最中$38好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️翻看早前去大阪旅行🧳的相片，有點想念大阪的炸串，知道銅鑼灣這間日式居酒屋有炸串，就來用餐。食物選擇不少，選了8款食物。另外，每位食客可從餐廳提供的3款前菜中選其中一款。從多款炸串中，選了其中2款。2款外層炸得酥脆。芝麻豆腐口感水嫩柔軟。雞蛋豬肉卷的雞蛋🥚呈流心狀，放入口中，蛋黃漿流得滿口也是。番薯天婦羅配蘭姆葡萄奶油🧈的番薯🍠口感綿密軟糯。蘭姆葡萄奶油味道層次豐富，結合了牛油、酒香和提子🍇乾的香甜味。壽司拼盤有5件壽司🍣，全部都好新鮮。當中最喜歡赤蝦壽司，味道鮮甜，蝦🦐頭填滿蝦膏。炸成金黃色的吉列大蝦外層酥脆。大蝦新鮮爽口，蝦味濃厚，沒有腥味。加幾滴檸檬🍋汁，大大提升鮮味。2款最中創意度滿分，把傳統紅豆🫘餡料換成煙肉薯仔沙律拌明太子芝士及煙肉薯仔沙律拌山葵忌廉。煙肉🥓薯仔沙律口感滑順。明太子芝士咸咸辣辣的。山葵忌廉微辣味衝擊鼻腔，帶來點刺激感。味噌湯底博多明太子牛腸鍋勾起了去九州旅行的回憶。湯底濃郁而不膩。牛腸軟嫩又有點彈牙。鍋內鮮甜的芽菜、椰菜以及追加的爽彈拉麵🍜吸盡牛腸鍋的精華。食物如此高質，正好解釋了為什麼餐廳座無虛席，亦解釋了為什麼有食客是日本人。…查看更多

來自福岡嘅博多牛腸鍋 🍲喺香港唔係好多地方有得食知道老公鐘意 特登帶佢去JunG39💕🍲博多明太子和牛腸鍋 牛腸搭配大量芽菜、椰菜、韭菜等蔬菜以醬油湯底燉煮而成牛腸肥美彈牙 味道濃郁 吸收了蔬菜嘅清甜蔬菜亦吸收咗牛腸嘅香味食到最後追加咗拉麵 麵條都吸收咗湯底嘅精華💕醬油最中餅薄脆餅中間夾住煙肉薯仔沙律拌玉中間仲有豚肉 味道好香🍤吉列大蝦JunG39名物必點😋豬肉包住虎蝦 外層炸得香脆虎蝦鮮味彈牙 口感非常豐富🍳明太子芝士玉子燒😍明太子非常香口 玉子中間夾住芝士可以拉絲玉子燒得啱啱好 充滿蛋汁 好juicy🦀特製炸鮮奶蟹肉炸鮮奶外脆內軟鮮奶口感軟滑 加上蟹肉味道香甜🍣拖羅花卷拖羅蓉加上蔥花同醬油味道鮮美 充滿油脂香味😌🐙大阪薄餅章魚燒表面有大量木魚絲 章魚燒燒得外脆內嫩 內裏嘅章魚大大粒底下有薄餅增加章魚燒嘅口感 …查看更多

銅鑼灣呢間高質日本餐廳換咗新Menu，款式多到眼花繚亂。店員力推「博多明太子和牛腸鍋（鹽湯底）」，餐廳更於香港首次引入和牛腸！鍋內有牛腸、原條明太子、芽菜與韭菜；明太子要趁熱快食，否則會散入湯底，口感就冇咁「爆卵」喇。😋多款小食同樣有驚喜👍焦糖鵝肝伴多士，厚切鵝肝先點焦糖醬再加果乾，一口放落去超滿足😌特製炸鮮奶蟹肉（2件）外脆內綿，蟹肉加洋蔥帶出可樂餅feel😍雞柳伴紫蘇以紫蘇葉包住炸雞柳，清香不膩。子持昆布在日本常見、香港較少見，魚卵粒粒彈牙蘆筍豬肉卷則以薄切豬肉包著蘆筍，清甜不喧賓奪主。🥢「煙肉薯仔沙律伴明太子芝士最中餅」用糯米烤成薄脆餅殼，做成鹹食版本，明太子配薯仔沙律幾夾飲品有巨峰乳酸梳打，提子味濃而且氣足，用嚟解膩一流。🍇✨呢間都係會再來encore嘅餐廳，不過在場聽到好多日本人同韓國人嚟食，同埋都幾爆，記得一定要預約😀…查看更多