中記

营业中

休息中

我自己不會只去特色餐廳，更會多幫襯些人情味小店，例如駱克道街市有好多平野食，下午茶時間更是平靚正，大概三十多元都有一個餐，灣仔區都好受老街坊歡迎的！炸雞脾配薯條🍗😄 、 西多士是我最喜歡的下午茶之一， 大大隻炸雞脾大過塊面，炸到外脆內仍熱乎乎的！🍗西多士又是邪惡又吸引， 配上牛油🧈蜜糖滋味！配上平時愛飲的熱奶茶檸香☕️等都不錯的！中記灣仔軒尼詩道225號駱克道市政大廈街市熟食中心2樓 CF9-13 號舖

去完駱克道街市買完餸，順便上一層到熟食中心食返個下午茶，地方整潔冷氣足夠👍餐牌上有多款茶餐選擇，有飯、麵、多士及小食等，價錢亦都好抵食。我哋二人就點了炸雞髀🍗西多士、豬扒星洲炒米同兩杯飲品！雞髀有手掌般大隻，雞皮炸到脆卜卜，香脆可口，肉質都好滑。西多士炸至金黃色，搽上牛油煉奶好香口，好好食！豬扒星洲炒米，炒得好有鑊氣，米粉炒得好乾身不會太油，豬扒餣得入味，撈埋辣椒醬食更加惹味！最後飲埋杯熱奶茶，滿足！

小米之父，即係茂利， 間中會光顧軒尼詩熟食中心的中記。今天小米興趣班後， 就順便在此來個下午茶。在涼浸浸的熟食中心，找到中記的座位。細看餐牌，下午茶好抵，午餐又好抵，早餐仲抵。在灣仔這旺區，竟然有如此價位! 如果其他區都有咁抵食的餐廳就好囉! 難怪小米之父喜歡和堆同事到這個熟食中心啦！ 招牌西多士 小米喜歡香口炸物，早就看中西多。香噴噴的西多上枱後，小米就急不及待倒出糖漿。還未把牛油和糖漿拌勻就下刀切件。廿几蚊茶餐，白包中間還著夾花生醬，誠意十足。 看著小米把西多切至細細件，有儀態地享用西多，真係老懷安慰。黑椒焗牛柳粒飯午市餐牌，三十六有蒸餸飯，四十二有焗飯，當然要選焗飯。 自己少食白汁，又不想食蕃茄，唯有點黑椒牛柳粒。鍚紙兜焗飯，表面滿滿的芝士，牛柳粒。叉起牛柳有拉芝，我喜歡。下方還有青椒紅辣椒洋蔥，還有蛋炒飯墊底。原來炒飯才是主角。剛焗起的炒飯，混有黑椒紅辣椒就更加熱辣辣，伴著香甜洋蔥碎和新鮮脆口的青椒，單食墊底的焗飯已經覺得很美味。雖不是金鑲銀炒飯，也足以讓人食呀食! 而牛柳粒，早已變成配角了。 下次再臨中記，一定會翻兜這個黑椒焗飯。不過自己會走牛肉， 主力食焗炒飯。再來一杯有&

中同飯局之有人提議食大排檔所以就去咗以前都算成日去嘅駱克道街市度食薑蔥廣島蠔火腩煲 - $98個味都唔錯廣島蠔夠晒肥美而且份量都唔少火腩同豆腐卜用嚟送飯夠晒好味😋椒鹽鮮魷 - $68呢個係有驚喜嘅本身唔係特別鍾意食魷魚但呢個椒鹽鮮魷外層好香好脆入面就好彈牙感覺新鮮所以我都食咗唔少😂豉油皇炒鵝腸 - $68其中一個朋友唔食鵝腸🥺真係有少少可惜🥺呢個鵝腸唔會太鹹又幾爽口重點係大大條，唔會好散😋黃金蝦 - $78唔係唔好食只不過係同預期中有啲岀入啲蝦都少少細隻而且一心係諗住應該炸到可以全隻食晒但啲殼都係有啲硬😅食唔得晒但黃金係多嘅個味係幾夠鹹香燒牛舌 - $22/串我哋叫咗小辣最係後好似無咩味咁😂串燒頭同尾嘅牛舌粒都有啲硬中間個啲就幾淋同Juicy椒絲腐乳通菜 - $55少少辣幾吸引人繼續食落去😋不過如果啲菜再嫩啲就會更好🤣

灣仔熟食中心三點三下午茶時間，位於灣仔市政大樓熟食中心內，一間多款選擇的茶餐廳，你想吃的都一定有，能滿足到你。至於下午茶時段去，當然少不了要吃下午茶啦！《招牌西多士》$23西多士炸得很金黃，內裏得花生醬亦很均勻，表面上的牛油也很治癒，倒上糖漿，很滿足！《風味豬扒包配薯條》$28超抵吃！只需要廿多元便吃到一份正正常常的下午茶，這更是一份滋味的港式西式茶餐，豬扒包大大份，薯條多，抵吃！！早餐和午餐也有超多種類的款式，炸、炒、焗⋯⋯也有，且抵吃！總結：抵吃的茶記。

本身覺得街巿上面啲熟食中心餐廳不錯，但呢間我就覺得認真麻麻，但仍然係坐無虛席……我地2個人叫左個中式牛柳、椒鹽白飯魚、椒絲腐乳炒通菜、一個燒原條茄子同埋一串燒牛舌粒。中式牛柳望落好似樣但食落奇韌無比，完全咬唔開，諗住算啦唔咬成舊放入口𡁻，𡁻左成分鐘都吞唔到，成舊吐出，淨係食左啲汁咋……串燒牛舌粒又係奇韌無比，我以為自己食緊雞腎，又硬又韌又有筋，又係吞唔到吐左，睇黎佢啲牛類唔係好得咁食個燒茄子啦，好香孜然味，好大條熱辣辣，點知食落無乜味，味道同個香味有好大落差，可以加返啲醬油落去燒會有味啲。暫時得椒鹽白飯魚同通菜正常，以後都唔會再去😮‍💨

【#熟食中心 】#中記 之前去過駱克道街市有好多好平既野食，聞說依間既 #咖喱吉列豬扒飯 都幾出名，所以就試吓。雖然我去既係下午茶時間，但正價時段好多間大約四十左右就可以，係灣仔區都好受歡迎👍同之前一樣，上次去果間一樣好多人，而中記就仲有唔少檯。望見餐牌係$32，之前好似只係$28，即係貴咗幾蚊🤔 而且下午茶選擇唔算好多。因為座位比較凍，所以就叫咗杯 #熱檸水 ，有三片薄檸檬，冇苦澀味，有D餐廳用劣質檸檬澀到難以入口。個飯都幾大碟，一定食得飽😄 #咖喱 都幾濃，偏深色但唔辣，應該係港式口味🤣 #吉列豬扒 都好大塊，食落去唔係乾柴，都炸得幾好👍 飯就一般，比較硬身，對於個胃唔太好既我來講可能要花多時間消化😄依度一個有趣既地方，並唔係張張檯都有餐牌，而且餐具係要出去自己拎，好似食自助餐咁🤣同埋落單同埋單都係電腦化，係熟食中心比較罕見。可能我個位比較大風，飯食落口唔覺熱，即使係杯野飲明明摸落辣手，但飲落都好似係暖既。亦可能因為「自助化」既關係，服務就欠奉🤔 今次食完之後，依間有唔少位但隔離滿座，係有原因既😐推介指數：5.5/10中記灣仔軒尼詩道225號駱克道市政大廈街市熟食中心2樓 CF9-

東䥫線過海雖然未誇張得令我感到超興奮，但無可否認會展站行去駱克道市政大廈都算幾近，至少大部分路線不外乎係有蓋行人天橋，睇住估高map搜尋，唔駛行到腳都震！呢個市政樓底相對矮，所以隔音會比較差，附近觥籌交錯嘅大聲講大聲笑嘅聲絕對唔係幾隔到聲。久處此地未必覺，但喺離開舖面、玻璃門閂咗、搭番電梯落樓就會發覺仲乜對耳清靜咗咁多就對比得到。啲姐姐埋位嚟落單即場攞部機印埋張單出嚟，數目分明。到埗時間啱啱扎咗下午茶晚飯交界，嗌碟乾炒牛河先40蚊抵到喊，比平時大排檔相對淡口，牛肉片唔算多，不過依然夠鑊氣，收40蚊真係冇要求。串燒調味同樣相對較淡口，本人覺得可接受。串燒賣相幾整齊討好；飲啤酒係俾個「戰鬥碗」你乾。椒絲腐乳通菜亦頗大碟，菜綠味濃，又係，收50幾蚊仲想點。又小菜、又邊爐、又串燒……餐牌選項多到差啲甫唔哂……

呢間街市大排檔由細食到大，睇住佢疫情下嘅整體價錢都比以前貴咗少少，不過多咗唔少新菜式!應該多咗唔少新客路~💁🏻‍♀️<<蜜瓜脆奶>>($78)好少地方有得食~ 所以唔少朋友覺得好新奇!其實佢係一層炸皮包住又甜又軟身嘅蜜瓜奶!不過我嫌佢炸過龍，厚啲炸粉嘅位置炸到好硬😗食一兩嚿過吓口癮都OK嘅~~~💁🏻‍♀️<<黃金涼瓜>>($68)望到佢嘅炸皮就知佢同我食開嘅「黃金XX」有啲出入🤨佢嘅外皮係炸粉同鹹蛋黃混合，而炸粉比例較多，所以鹹蛋黃味唔算好濃~涼瓜處理得唔錯!! 唔苦~ 帶少少甘香👍🏻💁🏻‍♀️<<芝麻雞>>有得揀半隻($78)/一隻($138)人多嘅話，叫一隻都幾抵!!芝麻超多所以幾香~~鍾意食皮嘅會覺得幾香口!唔食皮嘅我，拆落嚟見到皮下有唔少脂肪🫣點佢嘅泰式辣醬可以中和少少油膩感!酸酸哋，都開胃啲👌🏻💁🏻‍♀️<<水煮毛血旺>>($98)雖然唔及台灣鴨血咁滑~ 但佢外面層衣算Q彈!麻辣湯底都算辣得順口，唔會好搶喉🙌🏻.最有驚喜係佢有吸味+掛汁嘅寬粉!!!!!如果唔

熟食中心隱身於街市樓上，環境同服務都唔好咁大期望，雖然感覺上桌椅都有啲黏笠，但無可見污漬，可以接受蠔仔粥（大）非常大碗，食咗十碗都仲有，味道不俗，但蠔仔質素參差金銀蛋浸白菜仔，甚具大排檔風味，味道唔會死鹹，可以自選時蔬配搭炸大腸無異味，外皮夠脆但又未至於一咬即化，點啲酸甜汁更加香口，仲伴以罐頭菠蘿清新吓口腔蜜瓜脆奶好新奇，以紙包蜜瓜奶作基底，脆鮮奶手法烹調，炸粉脆皮唔太厚，蜜瓜奶甜甜地滑捋捋，特別之餘感覺港式串燒可以自己揀辣度同調味，燒韮菜調味都沾染得好均勻，而且唔會乾到冇哂汁水硬吞秋刀魚無腥味，外皮好脆，而且保留到秋刀魚味蒜蓉燒茄子真係屋企好難做到，蒜蓉落得好闊綽，拌燒茄子食好開胃翠玉瓜正常，牛舌都還好，牛肉粒幾香牛味，所有串燒火侯控制不俗火辣三寶原來係濕炒，好有大排檔嘅鑊氣，醬汁好有川辣風味，絕對係大辣水平，水魷+牛柏葉+鵝腸都好爽口，而且非常掛汁，如果可以切細塊啲就更好

本人在灣仔開業三年，一直都食中記。佢好明顯貴過附近幾間(孖仔最平，三十連飲品)，但只要食多幾次，比較過，就明。中記啲野，入味，配料多，又足料。最最最重要的是，有鑊氣。食中餐，最重要的是呢樣。一個炒米，佢嘅火候可以炒到香口，乾身，而唔肥膩，真係好多收你五六十蚊嘅茶餐廳都做唔到呢個水準。貴幾蚊係有道理嘅。

12：50手機落單5個飯 到1點仲未接單 打過去又打唔通1：13去到餐廳同佢講先確認接單催左3次先係1：50分執齊啲嘢返到office經已2點建議唔好係度買外賣 唔係等到你傻唔會再係度買

🌃 食肆環境為熟食市場，位置寬敞，大排檔風格，適合朋友聚舊。.👨‍👩‍👧‍👧以下為3人份量參考（💲人均$28)（下午茶).🐷 大澳魚蝦蟹炒飯(連熱飲)💲28👉 真係估唔到28蚊連飲品，可以食到海鮮炒飯， 仲要係大澳主題， 喺上菜嘅時候已經聞到濃烈嘅咸蝦醬味， 完全符合到大澳嘅主題， 配料有蝦仁，蟹柳仲有魚柳， 仲要好夠鑊氣。.🐟 香辣馬來炒貴刁 (連熱飲)💲28👉 味道正宗， 貼近馬來口味，都係好夠鑊氣， 貴刁炒得唔錯，唔會好鬆散，配料有火腿、蔥、蒜，辣椒，食落好開胃，28蚊嚟講物超所值。.🐟 XO醬肥牛炒公仔麵 (連熱飲)💲28👉 28蚊嚟講肥牛份量都ok，如果多啲會更好， 但係公仔麵份量大大份， 加上XO醬爆炒，幾惹味。.🐟 咖哩鴛鴦扒飯(連熱飲)💲28👉 非常適合食肉獸， 完全唔似28蚊嘅份量， 有好多塊雞扒同豬扒， 仲有 啲薯仔， 配上港式咖哩， 唔怪得係openrice推介熱門碟頭飯， 唯獨白飯只是微暖。.🕍 中記灣仔軒尼詩道225號駱克道市政大廈街市熟食中心2樓 CF9-13 號舖.此價格只供參考及以當時為準，實際價格或會與本文章有所差異。-

早前有好多人介紹我去食呢一間喺灣仔嘅餐廳，喺街市熟食中心入面嘅大排檔，基本上價錢同埋食物質素真係非常之地圖，今次就是在一個地道嘅酸菜魚，都係$108 ，非常吸引，而且呢一度嘅酸菜魚份量都十足，酸菜嘅味道好足夠，酸酸辣辣真係非常之開胃！魚肉亦都好滑！非常推介！

灣仔區附近都好多食肆，中、西、日、韓、星、馬泰菜，咩都應有盡有。但如果想搵夠鑊氣嘅餐廳，我一定會揀黎中記，大排檔、火鍋、串燒都有，岩哂一班同事或老友飲住啤酒談天說地。黃金鮮魷鮮魷的外皮好香脆，食到淡淡鹹蛋黃味。紅燒乳鴿一隻乳鴿嘅份量都好足夠，如果兩個人食，每人食半隻，份量啱啱好！酸菜魚酸菜魚好抵食入邊有好多魚塊，切成一片片，仲有紅薯寬粉，好抵食牛舌串燒&多春魚串燒依家佢哋仲有埋串燒食，好平，用嚟送啤酒一流炸哈密瓜奶+淮山淮山好爽口，密瓜奶嘅味道濃郁。芝麻雞喺依度嘅招牌菜式，呢度只係半隻，份量好大好抵食，食到淡淡芝麻味，絕對係特色之作燒茄子茄子上面嘅蒜蓉同茄子好配搭，好入味。燒韭菜韭菜唔痴牙，微辣，好惹味整體而言食物的份量很多，食物的選擇也很多，適合一班朋友聚會，談天說地！