中記

今晚想食鑊氣小炒？唔使諗到咁複雜🔥，直衝灣仔呢間隱世大排檔就得！呢度晚晚火紅火綠，鑊氣夠到爆燈💥！仲保留住舊式手寫菜牌、摺枱膠凳，一坐低就已經時光倒流三十年📺～-▪️ 豉椒炒蜆配煎米粉底 $168蜆肉大隻到呢🦪～ 豉椒汁鹹辣惹味，最正係個煎米粉底，脆卜卜索盡啲蜆汁，食到「索索聲」😋！▪️ 火焰胡椒蝦 $78上枱即淋酒點火，成枱藍色火光🔥！蝦肉爽彈仲有淡淡酒香，相機食先必點📸！▪️ 啫啫通菜煲 $98熱辣辣滋滋聲♨️，蝦醬鹹香攻鼻，煲底啲豬油渣同蒜頭先係靈魂，送飯無得頂🍚！▪️ 勁揪咕嚕肉 $98外脆內軟，酸甜汁調到恰恰好，夾埋啤酒真係一絕🍻～▪️ 豉椒炒大蟶皇 $168真‧手掌長蟶皇！肉質爽嫩無沙，豉椒香完全滲入，鮮到震💯！📍 中記大排檔灣仔軒尼詩道225號駱克道市政大廈熟食中心2樓CF9-13號舖溫馨提示：晚市6點後開始排隊🚶‍♂️🚶‍♀️，想食就早啲撲位！環境就真係大排檔格局，呢啲先係風味嘛～🌬️🍃#灣仔掃街 #香港大排檔 #鑊氣之王 #即叫即炒 #平民美食 中記 豉椒炒蜆 火焰蝦 街坊飯堂 食在熟食中心…查看更多

小炒的街坊盛宴🫶🏻 位於灣仔駱克道市政大廈熟食中心2樓，從港鐵灣仔站步行8分鐘即達，店內是熟悉的街坊熟食店氛圍，燈光溫暖，桌椅整潔，滿是人間煙火氣🎊必試火焰胡椒蝦🔥上桌時帶著熱氣與胡椒香，蝦殼酥脆易剝，肉質彈牙鮮甜，胡椒的辛香滲進肉裡，每一口都夠惹味，238元的價格對得起新鮮度。豉椒炒大蜆子皇蜆肉飽滿無沙，豉椒香濃鮮爽，分量十足。豉椒炒蜆（配煎米粉底）同樣出色，蜆肉鮮甜，米粉吸收了海鮮的鮮味，鹹香適中。勁揪咕嚕肉外皮酥脆不油膩，肉塊扎實多汁，酸甜醬汁剛好，98元一份很實在👍🏻黃金鮮魷外脆內嫩，鹹香帶點微甜，口感彈牙；啫啫通菜煲鍋氣十足，通菜鮮嫩，蒜香濃郁，78元一份解膩剛好。性價比超高，服務員動作快，上菜速度快，完全不用等👍🏻…查看更多

唔使下下走入廟街先搵到地道大排檔風味！灣仔駱克道市政大廈熟食中心二樓呢檔「中記」，晚晚鑊氣沖天，仲保留住七八十年代鐵皮大排檔格局，牆上仲掛住手寫菜牌，夠晒懷舊！🔥必食推介🔥▫️「豉椒炒蜆～煎米粉底」$168鑊氣爆炒嘅蜆肉肥嘟嘟，豉椒汁鹹香帶微辣，最正係個煎到金香脆口嘅米粉底，索盡鮮味醬汁，咬落「索索聲」！▫️「勁揪咕嚕肉」$98老師傅手勢嘅甜酸芡調得恰到好處，外脆內軟嘅肥瘦豬肉啖啖肉，仲有青紅椒同菠蘿加持，送啤酒一流！▫️「啫啫通菜煲」$98熱辣辣上枱仲滋滋聲！蝦醬鹹香撲鼻，通菜夠嫩唔老韌，最正係煲底嘅蒜頭同豬油渣，香到忍唔住扒多兩啖飯！▫️「火焰胡椒蝦」$78上枱即場淋酒點火，火焰蝦上枱噴火超惹味！藍色火燄包住每隻開邊大頭蝦，胡椒香氣直攻鼻腔，蝦肉爽彈仲帶淡淡酒香，視覺味覺雙重享受！▫️「豉椒炒大蟶子皇」$168手臂咁長嘅蟶子王夠霸氣！師傅火候控制得宜，蟶子肉保持爽嫩彈牙，豉椒汁完全滲入肉縫，鮮味大爆發！呢度晚市要等位，想食記得早啲搵位！雖然環境冇室內餐廳咁優雅，但就係要咁先有大排檔風味嘛～#香港美食 #港式大排檔 #鑊氣小炒 #灣仔食乜好 #市政熟食中心 #中記 #火焰蝦 #豉椒炒蜆 #地道風味 #平民美食 #香港飲食日記…查看更多

中記 (灣仔)灣仔軒尼詩道225號駱克道市政大廈熟食中心2樓CF9-13號舖今日打完乒乓波，就喺附近嘅呢間熟食中心「中記」開餐，叫咗個胡椒豬肚海蜆雞煲同鮮濃雞湯浸時蔬，埋單326蚊，講真份量大得嚇親，兩個人都食得好滿足！個雞煲一上枱香噴噴，胡椒味夠曬霸道但唔搶，豬肚燜到軟腍得嚟仲帶咬口，海蜆鮮甜彈牙，雞肉浸埋啲湯汁，每啖都惹味到舔脷！跟住個時蔬夠嫩，雞湯底鮮得嚟清潤，啱晒解煲嘅濃味😍環境雖然係大排檔，但出品夠實在，而且有冷氣，都坐得好舒服😌嘢食食落好味，呢種街坊價嘅足料煲真係相當唔錯，下次再想歎吓其他熱騰騰嘅菜式，相信都一定會好夠鑊氣，一定再嚟幫襯！…查看更多

從OpenRice下了2張單共四款食物，等了很久再電聯後才被接單，但自取時發覺訂單已被取消，初時他們說OpenRice壞機了，我覺得並非事實並把接單後的截圖展示出來，他們改口說所選食物售罄，但為甚麼四款食物可以同時售罄？從落單到自取已花了不少時間，接着訂單又被取消，午飯時間所餘無幾，我還是兩手空空，他們的服務方式真另人難以接受…查看更多

由細到大，我好中意同家人都會去熟食中心食飯，不過都係第一次嚟灣仔，地鐵站A2出口步行3分鐘就到二個人叫咗三個小菜食乾炒牛河 -份量足夠三人份量，d牛肉大大件又彈牙，好有鍋氣肉碎四季豆 -肉碎欖菜配料好夠 四季豆好乾身 蠔仔煎蛋 -熱辣辣上台，d蛋好滑，勁多蠔仔，好食三個小菜都系大大碟，價價又好公道，鍋氣又夠 調味料方面都用得好好，食完之後唔會覺得好鹹好頸渴，#推薦呢度雖然係街市，但係冷氣都好多，如果冬天嚟食羊腩煲得好正…查看更多

呢個熟食中心冷氣真係夠晒狠！唔使驚食到成頭汗咁狼狽，坐低五分鐘即刻叫嘢食～🐟 江豚魚抵讚！條魚滑到呢～啲骨俾師傅變走晒魔法一樣！個醬汁甜絲絲又唔會死咸，撈飯可以食多兩碗啊！🍗 風沙雞堅係風騷！成碟鋪滿金蒜，未食已經聞到香到暈！雞皮脆到咔嚓聲，估唔到連雞胸都唔「鞋」，仲有肉汁爆出嚟！🌶 菜心都可以咁盞鬼？得條莖咋！冇葉嘅！但爽脆到好似食緊薯片咁，加埋蒜蓉辣椒一齊炒，辣辣哋好過癮～🐦 乳鴿細細隻但夠晒味！皮脆肉嫩真係冇吹水，兩個人share啱啱好，食完仲會啜埋手指嗰隻！呢度啲鑊氣真係冇得頂，價錢又唔會肉赤，同老婆吹住水食飯，成個夜晚都開心晒！😆…查看更多

收工接埋老婆去搵食 ，今次去咗灣仔駱克道熟食中心2樓嘅中記大排檔！個場冷氣夠晒凍！唔怕食到身水身汗，坐低即刻叫咗幾款餐牌上嘅師傅推介！大推「醬燒江豚魚」，真心呢個係好鬼好食！🐟✨ 魚肉滑，中間條大骨全起晒，食得超輕鬆！醬汁甜咸適中，滲入魚肉每一角落，外面搵唔到嘅獨門秘方😍跟住試咗 「招牌風沙雞」🍗😋 表面鋪滿炸蒜頭，香到爆棚，雞皮炸到金黃脆卜卜，肉汁仲lock得住，連雞胸都唔會乾！每一啖都係享受，如果配埋杯凍啤酒，簡直係爽到爆👍🏻仲有 「蒜蓉辣椒炒增城遲菜心」🥬🌶 唔好諗住有菜葉食！😂最主要都係食菜心莖。菜心嘅莖爽脆無渣，蒜蓉同辣椒炒到好香，微辣嘅味道超開胃，食完一碟有衝動想再叫encore ！😜最後點咗 「脆皮BB乳鴿」，認真皮脆肉嫩，啖啖肉香，都唔會細隻，兩個人分啱啱好！🕊👍 總括黎講，呢度嘅菜式水平唔錯，又食到師傅嘅原創食物，味道濃郁又夠地道，價錢仲好親民！同老婆一邊食一邊吹水，輕鬆又滿足！😋…查看更多

街市內的中菜小館一向都是卧虎藏龍，今晚我和老公便去了位於駱克道市政大厦熟食中心內的‘’中記‘’試試風味小炒。想不到這裡平日也吸引到大批食客光顧，熱鬧非常。🐔招牌風沙雞(半隻)～店員大力推介這道菜！雞肉色澤金黃，皮脆肉嫩。雞皮炸到脆卜卜，零脂肪，令一向不吃雞皮的我也破戒吃下幾塊。🦐滿城盡帶黃金蝦～蛋黃蝦咸香惹味，蝦殼脆卜卜。🥬鮮濃雞湯浸時蔬～第一次吃‘’增城遲菜心‘’！口感清甜無渣，菜味濃郁，爽脆可口。…查看更多

🔥薯仔牛柳粒：外脆內嫩嘅完美配搭大排檔嘅小炒，最緊要夠鑊氣，而呢碟薯仔牛柳粒就完全做到！一上枱，已經聞到濃郁嘅牛油同黑椒香，令人即刻流晒口水。 薯仔：外脆內軟，香口非常薯仔粒切得大小適中，表面煎到金黃微焦，咬落去外皮香脆，入面依然保持薯仔嘅綿密口感，完全唔會過淋或者過硬。師傅明顯掌握得好好，薯仔粒吸收咗牛油同黑椒嘅香味，食落帶少少甜，非常惹味！ 牛柳粒：嫩滑多汁，肉香濃郁牛柳粒嘅質素亦相當高，肉質鬆軟得嚟有咬口，完全唔會韌。表面輕輕煎香，鎖住肉汁，每啖都充滿牛肉嘅鮮味。黑椒嘅微辣同牛油嘅香氣完美襯托出牛肉嘅風味，唔會太鹹，調味恰到好處。 🔥椒鹽豬扒：香口惹味嘅極致大排檔嘅椒鹽豬扒一向係人氣之選，今次試到嘅版本亦冇令我失望！一上枱，已經聞到撲鼻嘅椒鹽香，豬扒炸到金黃酥脆，睇見已經流口水。 外皮：酥脆得嚟唔油膩豬扒外層炸得極其香脆，但一啲都唔覺得油膩，證明師傅控油功夫了得。表面灑滿椒鹽同蒜粒，香氣逼人，超級滿足！ 豬扒肉質：juicy唔乾柴好多地方嘅椒鹽豬扒都會炸到過乾，但呢度嘅豬扒依然保持到肉汁，肉質鬆軟，完全唔會韌。豬扒本身醃得入味，帶少少蒜香同五香粉味道，同椒鹽嘅鹹香配合得天衣無縫。 🔥白菜仔炒肉片：清新與鑊氣嘅平衡食咗兩款濃味小炒，當然要叫返個清淡少少嘅菜式平衡下。白菜仔炒肉片加咗少量三色椒，顏色鮮艷，睇落已經好開胃！ 白菜仔：爽脆清甜白菜仔炒得剛剛好，保持到爽脆口感，完全唔會過淋，而且清甜多汁，證明食材新鮮。師傅炒嘅時間掌握得好好，菜葉依然翠綠，冇出水嘅情況。 肉片：嫩滑入味肉片用咗豬肉，切得薄身，炒得嫩滑唔韌，仲帶少少醬油香，非常入味。肉片同白菜仔嘅比例啱啱好，唔會太多肉搶咗菜嘅鮮味。 三色椒：增添色彩同口感雖然三色椒嘅份量唔多，但係佢哋嘅微甜同爽脆口感，令成碟菜更加豐富。椒嘅顏色亦令成個餸更加吸引，睇見都開心！ …查看更多

Located in Wan Chai Market, Chung Kee serves authentic Hong Kong dai pai dong street food. The setting is bustling and lively, with a charmingly chaotic vibe that’s part of its local appeal. While the air conditioning struggles to keep up with the heat, the quality of the food makes up for it.I ordered a bowl of oyster congee, which came in a surprisingly large portion, generously studded with tiny fresh oysters that added a briny richness to the comforting rice porridge. The crispy fried chicken, served as a half portion, was beautifully golden and crackling on the outside, juicy and flavorful on the inside—a satisfying contrast to the soft congee.…查看更多

煎炸炒燉煮🍳中餐比較啱我口味。行行下灣仔，中記都好耐未食過。😋又係同班friend出黎回下味。🦀 🦀炒蟹上枱睇炒蟹份量麻麻地。蟹膏量尚可。開咗四件啱好夠食。蟹肉夠鮮😋生鮮先夠生猛。殼脆口，鹹香味十足。🦑🦑 椒鹽九肚魚+椒鹽鮮魷酥口，菜枱時仲係比較新鮮熱辣。肉滑滑地，蒜味香口夠嗮味。椒鹽味突出，鮮魷同理。🥩 🥩 薯角黑椒牛肉薯仔炸脆之後香到極致👍。牛肉同樣肉味濃，且唔乾身依舊有油水。炒出嘅汁+薯仔+牛味😋真係可以餸一大碗飯。…查看更多

過咗哩排條氣順返D，好耐未出黎食飯就睇好去中記。都係趁人唔多之時book住先。等人到齊直接有得坐。🍲【酸菜豬肚】東北嘅friend試咗一啖佢話好正宗，個菜嘅size都係夠大份。我未食過正宗嘅東北酸菜不過係酸味夠力，肉都係煮入酸汁味就好爽口。似三文魚淋檸檬汁嘅爽口feel超好餸飯。🍲【水煮毛血旺】我食唔慣，唔好評價。鹹香辣味道都有，只係食唔慣。🦃【芝麻雞】香，芝麻嘅香真係覺。肉唔柴仲留返雞味，芝麻煎嘅面皮真係香到難形容，不過真係好熱氣。🍽️【炒青苗】青口爽脆，新鮮惹味。唔食蔬菜食中餐係冇feel嘅。最後食飽咗陸續人愈來愈多，所以幾個人上樓食飯最好都係先過個人book位先唔使等咁耐。…查看更多

星期日想在灣仔找個平價又快速的午餐，英記卻休息了，於是來到了位於駱克道街市的中記。一份炒牛河連凍飲，只需$36，是個經濟實惠的選擇。中記的炒牛河份量十足，河粉炒得油亮入味，牛肉片也給得大方。雖然不是什麼精緻料理，但鑊氣十足，味道也算不錯，足以滿足簡單的午餐需求。搭配一杯冰涼的凍飲，更是消暑解渴。對於追求快速、實惠的食客來說，中記的炒牛河無疑是個不錯的選擇。雖然環境比較簡樸，但味道和價格都相當親民，是在灣仔街市裡解決一餐的好去處。下次如果想在灣仔找個平價的午餐，不妨考慮一下中記的炒牛河。…查看更多

叫外賣每星期都會叫！但今日就送少左個餐！連野飲都冇叫到！就係等個餐同杯野飲！點知冇！1點食飯到而家都未有得食！為左食個炒麵，但等黎得個吉！即係下次唔駛叫啦？？！…查看更多