七福神和食亭

营业中

休息中

去了佐敦既七福神食日本野，乾淨坐得幾闊落又舒服，menu勁多選擇！帆立貝刺身六切，幾新鮮，唔會雪到死實實！質感綿綿細嫩，幾厚切！油甘魚刺身四切，油香豐富，好有彈性夠鮮味！蟹子沙律細份已經咁大份！非常滿足又抵食， 沙律爽身清香，好開胃呀。網燒牛扒，這個水準非常高！用刀切開已feel到非常嫩淋，未食都知好食！果然無失望，真係好嫩滑，牛味幾香，再配上特製醬汁更加吸引。海膽海鮮黃金炒飯，配料非常豐富，超多餡！海膽碎，魷魚，蟹柳，菌菇等，炒到粒粒分明！食出層次豐富既感覺！更有三文魚籽粒既鮮香，將整個炒飯帶到更高層次，絕無挎張而且幾有鑊氣，炒飯唔油膩！好手勢！順帶一提係上菜時間非常爽手又快！值得加分。

大滿足日本菜@七福神和食亭佐敦彌敦道311-313號1樓大包圍的日本菜式餐廳, 供應壽司、刺身、燒物、炸物和拉麵等等應有盡有, 本MENU好精美, 照片拍得好看, 只是看照片已令我大腦失控, 心中什麼也想點來食了!!!$218 刺身盛合, 顧名思意就是有5種時令刺身啦, 新鮮又抵食的‧海膽三文魚左口魚赤身帶子或蝦,全都鮮甜，包括海膽只需二百多，實在是性價比超高。海膽好creamy有小小海水味，有甜味慢慢在口中散發。$58 燒明太子，第一次食，即是魚春位置風乾，切片燒香，有股鹹味，都要花點力氣咬的,覺得似下酒小食。偏好以小食前菜來填飽肚子的我, 從串燒炸物類入手,椰菜炒完甜甜地又爽口, 是我喜愛的蔬菜之一, 這$62 炒野菜當然要點啦, 因為有椰菜。$58 食完刺身來略熟的肉食, 炸雞塊伴芝士醬，現炸熱呼呼。$78 味噌燒三文魚，呈現日本家庭料理風。$75 5串串燒. 除開一串才十來元!!!! 很驚喜實惠, 冬茹, 雞軟骨, 青椒, 雞肉長蔥, 雞翅。肉類在燒熟後散發出肉香, 輕輕鬆鬆埋單同男朋友每人人均食左$300, 同食日式放題差不多, 但刺身就一定新鮮同有質素分別啦, 而熟食甚有質

呢間係OpenRice好平真係爆炸多900幾個 所以去左試試 如果叫午市套餐唔貴wo都係$50-80午市嚟到 基本上呢到都爆場 好多人叫左⭐️三文魚親子丼魚子量幾多 三文魚夠肥美但如果三文魚可以滿滿一層覆蓋表面會靚仔好多⭐️滑蛋豬扒飯呢個高質 豬扒啱啱炸起 外層好脆身高分位係 塊豬扒真係好厚而且大塊覆蓋晒成個碗表面加埋豬扒上面有一層滑蛋 好餸飯👍🏻除此之外呢度嘅壽司套餐好似都幾抵食下次再試試啦.七福神和食亭 (佐敦)佐敦彌敦道311-313號1樓

難得近日疫情好轉，跟朋友約了很多次都取消了，朋友介紹在佐敦有間日本餐廳 – 七福神，近似居酒屋，就提早一星期預約，8:30來到，餐廳都人山人海，有多個卡座，而且防疫措施足。餐牌有刺身、壽司、小食、炸物、串燒、麵類、烏冬等….連西式pizza都有，應有盡有，比日本居酒屋還要豐富。我們點了大阪燒醬油豚肉炒麵 $78、金龍蝦飯卷 $48、魷魚鬚唐揚 $58、活赤貝刺身 $58、甘蝦壽司 $26、吞拿魚壽司 $38、京都豚肉煮 $88、炸雞唐揚配芝士醬 $58、墨魚咀唐揚 $62、荔枝香桃梳打大阪燒醬油豚肉炒麵 - 關鍵就是要有大阪燒醬，不會太咸，細麵條完全沾裹醬汁微酸的滋味，口感有彈性。金龍蝦飯卷 - 蝦炸得香脆，蟹籽充足。魷魚鬚唐揚 - 香酥又鬆脆炸魷魚鬚，彈牙口感十足。活赤貝刺身 - 新鮮即開的活赤貝刺身，食落肉質更爽厚、味道更鮮甜，令人再三回味！甘蝦壽司、吞拿魚壽司 - 吞拿魚比油甘魚和鰤魚更為清甜，而且油份不會過膩，鮮味、酸度和甜度均衡，甘蝦肉質細綿、味道甜美。京都豚肉煮 -豬肉煮到很軟嫩，肥糕與肉比例相當均衡。炸雞唐揚配芝士醬 – 配上芝士醬一流，做多少少運動都值得。總評：真心覺

第2次幫襯七福神 今次係慶祝朋友生日本身openrice訂左18:30 有88折 點知全部都遲到就無左88折~ 不過都照食!我地3個人叫左好多野食!1. 細蟹柳青瓜沙律$52 **每次都會比佢個份量嚇親!大家記我叫份細已經好足夠2. 饅魚炒飯$78 足料份量多 食唔曬要打包3. 芝麻雞翼$45 燒得好脆口但入面仲好JUICY4. 雜錦天婦羅$75 正正常常5. 鐵板牛舌$78 好厚肉 味道麻麻另外仲叫左幾款壽司同卷物 都係正常!埋單$67X總黎講份量足 味道佳最好提早訂位, 因為位置唔多!

佐敦有好多高質餐廳，今日過左黎食呢間七福神和食亭，環境舒服，高質美食。芝麻雞翼香脆可口，放左陣影完相都仲熱辣辣，雞翼肉非常入味。9/10鰻魚飯鰻魚份量好多，應該接近有原條鰻魚，每舊都好肥好香魚油味，食落冇細骨，食到停唔到口。9/10芝士焗天火蠔蠔上面鋪滿芝士同沙律醬，極為邪惡。而蠔就好大隻，好有咬口，食落好重蠔味。 6/10海膽刺身好鮮甜，完全冇腥味，有會幾片紫菜同壽司飯跟，但一板海膽黎計份量好似少左Ｄ，不過真係好好味，冇後悔食海膽，真係好想叫多個10/10海老天婦羅共有6隻蝦，唔算特別大隻，不過肉質都彈牙，有咬口。7/10

今晚黎到呢一間七福神和食亭到食晚飯，朋友話這一間餐廳大碟夾抵食，等我都親身試下先。一坐底，睇一睇個餐牌，價錢吾算高，我地叫左幾樣野食，睇下好吾好味先😋呢個蟹籽沙律，作為前菜非常好。我以為幾十蚊，會係一人份量，上菜時，個份量大到可以4個人食，勁抵食👍🏻👍🏻雞翼串，雞翼上面加鹽一齊燒，好野味。雞翼吾會燒到非常乾，咬落去重可以食雞肉既肉汁👍🏻三文魚腩壽司，三文魚腩係特長，可以食到三文魚腩獨有果種魚脂既味道。清酒煮海蜆，每一隻海蜆都好大隻，應該精心挑選過。之前食過一啲係勁細隻😥，體好差。今次由於蜆非常大隻，所以入口時，可以食到蜆既鮮味，而且蜆肉吸收埋清酒，有淡淡酒味味，勁好味，抵讚👍🏻神戶野菜炒，呢一個價錢，真心抵食，夠大碟。佢地落左醬汁去炒，味道比較濃，用黎送飯或壽司比較適合。主食方面，我點了滑蛋豬排飯。都係勁大碗，估佢吾到😂 雞蛋吾會煮到好老，滑滑的口感，連飯一齊放入口，好味呀😍滑蛋豬排飯一定會有醬汁，令豬排同埋飯都有濕濕的感覺，容易入口。佢地個醬汁同豬排味好夾，而且豬排都好大件，一啖豬排一啖飯，食到停吾到口👍🏻👍🏻 好建議食呢個滑蛋豬😋大板燒醬油豚肉炒麵，呢一個份量都係好大碟，而且醬油味

我在Openrice預訂周日晚上7點2人，享有88折。我們6.30到達，當時餐廳只有幾個顧客, 但是我們被reception拒絕入座了。說如果我們想享受折扣的話， 必須7點入座。我問為什麼。reception甚至不在乎，說-如果你不喜歡, 這是您的選擇。我們笑著走了。首先，我們到達時，當時餐廳只有幾個顧客,  我們在晚餐高峰期之前吃完晚飯, 可以盡快把桌子還給下一輪顧客（如果有）。這是雙贏。其次，這是最重要的-工作人員的態度。接待處的年輕人很有態度，甚不在乎。當他說如果我在6.30進去時，我沒有資格享受晚上7點的預訂折扣。真是笑話。我是這家餐廳的老顧客，我來給你生意，折扣並不重要，但服務的態度讓我不高興, 那我就走。 誰最終失去生意？這message是餐廳管理層注意的, 您的員工是您的客戶離開的主要原因。

今日嚟到呢一間餐廳 我哋見到佢嘅Menu非常之多元化又有炸物燒物刺身壽司 真係滿足到我同男朋友所有嘅願望我哋首先叫咗個酥炸魷魚同埋芝麻雞翼酥炸魷魚份量非常之多 而且唔會太油我覺得炸得啱啱好芝麻雞翼亦都係唔錯 好香脆之後我哋就叫咗少少壽司有三文魚腩火炙三文魚腩同埋平目魚平目魚好清新 三文魚腩都好肥美火炙三文魚腩更加唔使講啦增加左油香味啊我哋仲叫咗軟殼蟹卷 好好食呀 入面嘅軟殼蟹仲保留到酥脆 唔會林晒之後我同男朋友都叫咗主食一個係香辣海鮮烏冬烏冬非常之足料啊 有勁多海鮮而且湯底都唔錯烏冬亦都煮得啱啱好好煙韌男朋友就叫咗個鰻魚飯 佢嚟到我哋見到有勁多件鰻魚真係超滿足

上次是中午時間來食，今次再約朋友在此食飯吹水，因為記得佢地的食物水準唔錯而價格亦大眾化，坐低才發現餐牌上的菜式都唔同了，多了一些其他的選擇，可以令到保持新鮮感。刺身盛有5款不同配搭，我比較喜歡油甘魚及租蝦，所以選了1號，果然水準穩定，油甘魚新鮮鮮甜，帶子亦算厚身，甜蝦SIZE 合適，總共10片，計落每片$18元。芝士烔天火蠔，蠔的SIZE 都大多肉，燒焗唔會太乾，食落JUICY 蠔味濃，如果再多D芝士更野味。鐵板燒牛舌，燒得夠火爐，好淋身唔會太乾，醬油味濃郁，咬落去有牛肉味而軟綿綿。三文魚腩壽司，夠肥夠長夠大件，鮮味十足。左口魚壽司，食到淡淡魚香。蟹味噌甲羅燒，自從上次在另一間餐廳食過此菜式後，開始喜歡此款式，這裡相對味道唔會太濃，加上鱈魚干食好配合，如何有多幾片鱈魚干更好。鰻魚炒飯，飯底乾身，少油，水準保持。

去同女朋友慶祝生日食生日飯，因為要比蛋糕驚喜所以就搵間唔係放題既日本餐廳。就Book咗呢間七福神和食亭。我地叫咗以下既野：三文魚、三文魚腩、左口魚刺身炙燒帶子、甘蝦、北奇貝、油甘魚壽司豆腐野菜湯串燒煙肉帶子忌廉蟹肉餅三文魚手卷軟殼蟹手卷壽司做到基本功，唔似某大集團快子掂下就散（我唔係壽司食家😅我最多識睇呢樣）軟殼蟹手卷好食，脆口，似係即叫即整最有好印象都係豆腐野菜湯入口感覺好健康同清淡總結來講，直得再試

朋友近來响佐敦返學，佢話見到一間食日本嘢嘅餐廳，好想去食，咁啱今日我又得閒，所以就陪佢一齊去食。呢間餐廳係响閣樓，入門口就見到有一個充滿和風味嘅擺設。裏面嘅環境都好有日式居酒屋嘅feel，坐位都幾多。職員安排我哋坐卡位，呢個卡位夠闊落，坐得好舒服。朋友話好肚餓，所以我哋點咗好多嘢食。呢度點餐係用柯打紙，今餐由朋友發板。飲品先到，朋友叫杯牛油果鮮奶沙冰。成杯青bb，好得意，朋友話牛油果味道重，入口creamy，好滑，凍冰冰，沙冰溶左就唔太甜，好啱佢。近來天氣涼左，所以我就叫咗杯熱嘅忌廉綠茶。個杯睇到都覺得靚，茶味比較重，不太甜，我就比較鍾意佢重茶味，帶點苦味先好飲。朋友想食壽司，佢點左佢最愛嘅三文魚腩壽司，仲要特長嗰隻。朋友話三文魚腩帶鮮味，油份適中，飯入口亦唔會散。七味炸雞藍都係朋友至愛，炸雞賣相好吸引，每件都好夠份量。雞入口好熱，出煙，雞皮帶少少芝士味道，旁邊果個醬，芝士味極濃，點埋醬一啖咬落去真係覺得超級邪惡，Ichiban。魷魚鬚唐揚就係我嘅至愛，份量都唔少。呢個炸得同樣香，食落鬆脆，配埋沙律醬食就最好味。串燒响居酒屋當然唔少得，我哋叫左個串燒五品盛盒。五款串燒有雞翼，雞軟骨，小

等咗食日本菜好耐，今晚終於有機會食，朋友推介去到呢間老字號店 - 七福神和食亭 共進晚餐。行一條樓梯上去就到了，餐廳以木為主，環境裝修好日式化。餐牌上的食物款式超級多，很少日本餐廳可以那麼多食物款式呢！我們一口氣點了11款美食，先點了我最喜歡的壽司🍣。炙五味是我最喜歡的，喜歡炙燒的味道，燒得很香，特別是芝士三文魚🍣，魚油加上厚厚的芝士食落去特別Creamy。另外鰻魚壽司竟然是無骨的，所以我再encore再食。另外三文魚腩壽司是長長的，食落去很鮮味呢！一向吃日本菜我都必叫軟殼蟹手卷，即叫即炸，難怪食落去軟殼蟹那麼香脆可口。串燒方面，醬油燒京蔥雞肉有三大件，雞肉肉質鮮嫩，燒得恰到好處。燒肉帶子串望落去都非常Juicy。七味炸雞很有份量，同樣地都是即叫即炸，外皮香脆之餘，咬一啖入面嘅肉汁唧晒出嚟。熱辣辣的黑松露海膽茶碗蒸很足料，鮮甜的海膽配上滑溜的蒸蛋，實在令人回味。S3鐵板燒牛舌好有鑊氣，牛舌質感很林，食落去好軟口。重點是兩人食咗咁多嘢，埋單都只係$600有找，難怪店舖座無虛席，確實是老字號日本菜餐廳，性價比高之餘，食物質素有保證！

第一次嚟食七福，朋友係附近返工話午餐食過ok。早d嚟拎位坐卡位。活赤貝、三文魚、甘蝦、赤身、左口魚 $178活赤貝非常爽口帶甜！甘蝦更甜，但無貝咁爽口。厚切三文魚同赤身。左口魚都唔錯，但火炙左口魚油脂會更突出。火炙三文魚壽司 $25長形三文魚帶油脂香口，一口上飯入口！火炙帶子壽司 $26好多香葱cover佢，保護色係白色，哈哈！有d厚度既，帶子同活赤貝甜度接近。依度既貝殼類似乎不錯！海膽壽司 $48甘甜，無異味，有d青瓜食落無咁流！雜菜天婦羅 $62青椒、茄子、冬菇、蕃薯、南瓜無油益味，好！特別蕃薯同南瓜好粉粉帶厚肉，冬菇都大大粒。唔好睇少雜菜天婦羅，雜菜好易出水，但依度做得好好乾身點蘿蔔汁提味！忌廉蟹肉餅 $48超飽既小食，一開始以為係忌廉點蟹肉餅，點知原來係忌廉配蟹肉餅。識落有少少爆漿嘅感覺到好易有少少似薯容餅。清酒煮大蜆 $88大大粒肉，粒粒無沙juicy子！比較特別嘅係，佢除咗清酒之外，放咗啲香蔥同埋辣椒煮，所以提左點辣味，好微好微。石鍋蒜香牛肉飯$68勁多牛肉，愛牛人士必叫，朋友介紹要食。 蒜香好似仲少過牛肉，勁誇張囉！牛肉唔係勁多肥肉個種肥牛，大多是瘦肉！另外仲識到一啲飯焦

今日嚟到佐敦七福神， 其實呢一間餐廳自己以前都聽聞過，其實應該都好似開咗一排而且有朋友盛讚呢一間餐廳，咁我就同朋友試一試呢一間餐廳， 咁上到去其實內裏都算寬敞而且坐得都幾舒服 都唔錯 有一定嘅空間感。 咁我哋叫咗以下食品：魚切魚生丼: 裏面有三文魚、吞拿魚、雞蛋青瓜絲、魚子、帶子同其他魚生， 咁其實呢個魚生返分量我覺得都算多而且最重要就係每一粒魚生都好新鮮，所以呢一間日本餐廳來貨啲魚生都OK的。安康魚肝: 食得多鵝肝到厭啦，咁今次我介紹下食魚肝 。呢個安康魚乾我覺得texture真係有啲似鵝肝，因為其實係朋友介紹食安康魚肝，都係嗰句營養價值高而且我覺得都幾鮮美同佢個口感都滑潤， 所以我都幾like!蟹味噌甲羅燒: 咁佢有鳕魚乾或者紫菜珍珠飯揀，咁我就要咗雪魚乾，用左幾多蟹糕去燒、加小小蔥花 、睇碟野知道師父好細心同我哋燒， 因為而家自己燒一定燒唔出咁嘅效果， 將啲蟹膏放落鱈魚片到食 味道真係非常之夾，而且蟹膏同蟹肉香濃，最緊要嘅就係佢呢一個價錢唔係特別貴，所以呢一道菜我誠意推介。七味軟殼蟹卷: 呢個捲其實我覺得都ok嘅，因為啲軟殼蟹脆卜卜，同埋佢落咗好多我最鍾意食嘅蟹子，所以睇賣相已經