影片
更多
2020-10-29
285 浏览
朋友近來响佐敦返學，佢話見到一間食日本嘢嘅餐廳，好想去食，咁啱今日我又得閒，所以就陪佢一齊去食。呢間餐廳係响閣樓，入門口就見到有一個充滿和風味嘅擺設。裏面嘅環境都好有日式居酒屋嘅feel，坐位都幾多。職員安排我哋坐卡位，呢個卡位夠闊落，坐得好舒服。朋友話好肚餓，所以我哋點咗好多嘢食。呢度點餐係用柯打紙，今餐由朋友發板。飲品先到，朋友叫杯牛油果鮮奶沙冰。成杯青bb，好得意，朋友話牛油果味道重，入口creamy，好滑，凍冰冰，沙冰溶左就唔太甜，好啱佢。近來天氣涼左，所以我就叫咗杯熱嘅忌廉綠茶。個杯睇到都覺得靚，茶味比較重，不太甜，我就比較鍾意佢重茶味，帶點苦味先好飲。朋友想食壽司，佢點左佢最愛嘅三文魚腩壽司，仲要特長嗰隻。朋友話三文魚腩帶鮮味，油份適中，飯入口亦唔會散。七味炸雞藍都係朋友至愛，炸雞賣相好吸引，每件都好夠份量。雞入口好熱，出煙，雞皮帶少少芝士味道，旁邊果個醬，芝士味極濃，點埋醬一啖咬落去真係覺得超級邪惡，Ichiban。魷魚鬚唐揚就係我嘅至愛，份量都唔少。呢個炸得同樣香，食落鬆脆，配埋沙律醬食就最好味。串燒响居酒屋當然唔少得，我哋叫左個串燒五品盛盒。五款串燒有雞翼，雞軟骨，小
呢間餐廳係响閣樓，入門口就見到有一個充滿和風味嘅擺設。裏面嘅環境都好有日式居酒屋嘅feel，坐位都幾多。職員安排我哋坐卡位，呢個卡位夠闊落，坐得好舒服。
朋友話好肚餓，所以我哋點咗好多嘢食。呢度點餐係用柯打紙，今餐由朋友發板。
飲品先到，朋友叫杯牛油果鮮奶沙冰。成杯青bb，好得意，朋友話牛油果味道重，入口creamy，好滑，凍冰冰，沙冰溶左就唔太甜，好啱佢。
近來天氣涼左，所以我就叫咗杯熱嘅忌廉綠茶。個杯睇到都覺得靚，茶味比較重，不太甜，我就比較鍾意佢重茶味，帶點苦味先好飲。
朋友想食壽司，佢點左佢最愛嘅三文魚腩壽司，仲要特長嗰隻。朋友話三文魚腩帶鮮味，油份適中，飯入口亦唔會散。
七味炸雞藍都係朋友至愛，炸雞賣相好吸引，每件都好夠份量。雞入口好熱，出煙，雞皮帶少少芝士味道，旁邊果個醬，芝士味極濃，點埋醬一啖咬落去真係覺得超級邪惡，Ichiban。
魷魚鬚唐揚就係我嘅至愛，份量都唔少。呢個炸得同樣香，食落鬆脆，配埋沙律醬食就最好味。
串燒响居酒屋當然唔少得，我哋叫左個串燒五品盛盒。五款串燒有雞翼，雞軟骨，小青椒，冬菇同埋京蔥雞。五款都燒得唔錯，唔會燒得過火燶晒，調味調得剛好，味道十足。
又係朋友最愛嘅三文魚呀，今次呢個pizza係煙三文魚親子，Pizza皮薄，脆口，煙三文魚夠大塊，入口有溫泉蛋嘅流心蛋黃香同爆開嘅三文魚子，口感豐富，一流。
朋友知道我夜晚要飯落肚，所以就叫左個海膽海鮮炒黃金飯。呢個飯好大碟，超驚喜。平日d飯通常添兩三次就添完，但呢個好似食極都仲有。裡面充滿海鮮，有櫻花蝦，蜆肉，蝦仔同埋菇。飯炒得一d都唔油，飯亦軟硬適中，唔太咸，有蛋同埋海膽味道，幾好食。
张贴
