一鳴拉麵

营业中

休息中

天氣凍凍地最啱去食個熱辣辣嘅拉麵。大埔有間隱世拉麵店，開喺一條唔起眼嘅巷仔入面。拉麵質素高，價錢合理，所以我間唔時都會去食。一鳴拉麵有五款拉麵：豬骨、黑蒜油、莞茜、辣味同期間限定。五款我都試過，但我最鍾意嘅都係辣味。一黎出面比較少見，二黎冬天食個超辣拉麵真係好爽😂。焰鳴(辣味)拉麵辣道十足，好野味。有木耳、櫻花蝦作配料。溏心蛋好味。拉麵有得揀曲麵或者直麵，我比較鍾意曲麵，粗啲彈牙啲。配料方面有得揀叉燒或者豬軟骨，我鍾意叉燒多啲，肥瘦適中，好腍好夠味，好食！之前試過炸雞同雞心串燒，都幾好食。所以今次都想試下其他串燒，就叫咗客厚切牛舌試下。$58得一串三舊，雖然係貴啲，但牛舌係厚切，而且燒得好好食，重牛味之餘都好腍，好香好好食，值得encore!環境好日本風，野食質素高，值得一試！

早幾日放假同朋友去左大埔踩下單車郊遊下 ，踩完係大埔行下發覺大埔都好似幾多好野食下咁 ，行到七點幾最後我地決定食呢間門面幾有特色既拉麵店。入到去感覺都唔錯，幾有日本feel 。坐抵睇下餐牌佢拉麵選擇有五個，我地三個人就叫左三款唔同黎一齊試下另外叫了兩款小食。黑蒜油豬骨濃湯配叉燒拉麵 賣相吸引一上枱已經聞到陣陣黑蒜香味，湯底相當濃厚，一試個湯不得了勁濃豬骨湯配埋黑蒜香真係好好味，麵同叉燒都岩岩好 叉燒唔會柴皮 讚👍🏻另外叫了左個炸雞都好出色，唔會炸到乾真真 ，咬落了仲要勁多汁，熱辣辣好好食 。總括黎講 可以番食🙈👍🏻👍🏻

這店過往已有很多食評，為此寫評純粹更新一下，而且四年前左右來吃過，舖面與食物沒很大變化。一般出外吃日式拉麵，至少起標都$70-$80（已沒計那些動輒過百的一難拉麵🍜之類及九龍城某家$68但碗內墊了一大塊石頭少了半個麵底且得2片叉燒...）這家底價是$58，已感覺上實惠。因開舖12點過了10分鐘已內進，尚餘些許4人枱。因時間尚早且自己二人但預算能快食，所以照坐4人座，店職員沒反對。一碗 芫荽醬豬骨湯拼叉燒曲麵，芫荽醬有中等味但去除了平常吃到的草腥味，湯底濃稠，加上曲麵粗身，吃起來像沾麵。叉燒有3片交足貨。另加小食 炸雞4件左右就炸得有點過硬。

平時大埔食黎食去係蕃茄螺絲粉，今次就食左呢間日本拉麵。門口已經好日本風，店內裝潢以日本上世紀特色為主題。今次試左個「一鳴」拉麵，湯底較油，但可以接受，配菜好足料，拉麵做到水準，值得一試！

是日收工便與朋友到此食下佢既拉麵隔離仲有間應該係姐妹店黎 食日本壽司🍣燒物刺身咁鋪頭細細，但好有日本🇯🇵feel 好似入左去日本啲居酒屋🏮呀我哋被安排坐吧枱位置，可以同師傅有更直接交流 可以望住師傅整我同朋友一人一碗簡左黑蒜。鳴同限定。鳴，姐係廣島蠔豬骨湯一上拉麵🍜嘩左一聲 啲蠔好大隻呀！隻隻都脹卜卜飲飽水咁，本身諗住係細細隻冇咩期望，飲啖湯有好濃蠔味，應該有落蠔去煲湯 我朋友就嗌左黑蒜油，成碗都黑蚊蚊 我都試左啖湯，反而蠔拉麵比佢更濃，麵質同配料就冇試佢個啲啦，應該都係一樣冇咩特別小食：有秋葵紫洋蔥牛油果，個汁酸酸地幾好，配埋拉麵食冇咁濟

有日想食拉麵就試下呢間一鳴見有special menu ramen就試下呢個貴少少既廣島蠔（好似係）拉麵🍜蠔有三隻，隻隻都好大size下喎，食落幾鮮甜 唔錯唔錯。👌🏼👍🏻

前幾日已經好有聖誕氣氛，於是又再相約同事開車出去找找食，上次去完大圍，今日一於去大埔，車程順利但找車位就⋯⋯都唔知點解成知大埔都好多車霸晒位，真的是一位難求，兜了一圈後，終於有個路邊位，開始覓食⋯⋯行過一條街之後發現有條後巷，見到有一間與日本食店相連的拉麵店，於是就膽粗粗入去試下，個裝修真的好似去咗日本咁，店鋪細細，煮麵位反而好大，睇下個餐牌，原來有午餐拉麵，58/一碗⋯⋯咁平，心諗會唔會中伏呢？同事要黑蒜拉麵加豬軟骨，我就要了一個地獄拉麵加蟹柳，個麵上嚟真的不得了，超香！個賣相好吸引，一食更加不得了，真心好好食，我個辣麵的辣度好得，好耐未試過食得咁過癮！下次可以再嚟食下其他口味先！

日本拉麵喺香港實在好普遍，隨時隨地都食到不過追求有質素又好味，就唔係間間餐廳都做得到呢度裝修簡潔，充滿日式風格拉麵可以根據自己喜好選擇，湯底、麵嘅軟硬度 、配料等等都可以自由配搭除咗拉麵，呢度仲有串燒同其他小食可以揀豬骨濃湯拉麵豬骨湯底係拉麵最基本嘅配搭，呢碗豬骨湯湯底香濃唔太鹹拉麵揀咗直麵，食落口感爽滑秘製地獄醬豬骨拉麵對於唔係特別食得辣嘅我嚟講，呢個辣度係可以接受，不過如果想再辣啲，點餐紙上面都可以註明加大辣度呢款揀咗曲麵，比起直麵會較煙韌叉燒係邊位較肥，中間係瘦肉，食落爽口又充滿肉香味廣島蠔豬骨拉麵呢款係限定拉麵，配料除咗廣島蠔仲揀咗豬軟骨蠔肉大大件，食落鮮美唔會腥，確實份量十足又好味鰻魚玉子燒呢款同平時嘅玉子燒好唔同，佢外面係一層滑蛋，包住滿滿嘅鰻魚肉，口感偏滑呢間拉麵店喺大埔已經一段時間，評價唔錯，質素確實有保證

今日再過黎大埔，左搵右搵想整個拉麵食下，入左呢間一鳴拉麵。睇到個店名，即刻諗起火影忍者入面既渦卷鳴門去一樂食拉麵既畫面😍😍小學睇到大個，始終未睇晒，可能等到退休再睇...唔知到時終卷未...言歸正傳，入到黎舖頭唔算大，好多人幫襯。環境黎講同普遍既拉麵舖都差唔多，都幾唔錯。睇左兩睇份menu就叫左個‘焰鳴’，姐係地獄醬豬骨湯底拉麵😂。我唔知大家鐘意麵底硬度如何，我自己食意大利粉定拉麵都係要硬身既，如果唔夠硬，成碗即刻扣一百分..終於黎啦碗麵，賣相好唔錯😛食落去麵質我都好滿意，叉燒同隻流心蛋都係水凖以上，如果麵量可以再多就好🤤另外叫多個炸雞，呢個炸雞真係喜出望外，肉超滑...外皮又炸到好脆，鐘意炸雞既朋友一定要試下！！一個人食晒實在太邪惡了😈😈

最近天氣轉涼❄️☃️想食番換熱辣辣拉麵暖暖身同隔離唔係互通的，請注意⚠️呢間淨係食拉麵🍜黑蒜 嗚 拉麵🍜豬骨濃湯🍲配自家製黑蒜油，湯底十分濃郁🥣黑蒜味道幾岀，配上香蔥，香噴噴的味道，可以連湯飲曬，仲有半隻糖心蛋、木耳絲等等配料可選叉燒或豬軟滑麵類可選擇直麵or 太麵，呢個揀咗白色的直麵唔夠調味可以自己加芝麻、七味粉等等焰。嗚拉麵🍜秘製地獄醬豬骨湯底辣度可自由選擇，由唔辣去到🌶🌶🌶，自己揀咗🌶🌶但唔算太辣配上十分多海老蝦米🦐十分惹味呢個揀咗太麵即黃色曲麵叉燒肥瘦適中，浸透湯底精華拉麵即叫即整，但十分有效率最後點了一份煎雞軟骨餃子🥟外表程金黃色，入面包含椰菜絲、雞軟骨等等，沾少少醋一起吃，不錯👍🏼

呢日同屋企人再去到大埔嘅人氣拉麵店， 對上一次嚟差不多一年前， 店舖六點鐘開門，我哋就六點入去所以唔使等位， 呢排嘅天氣比較凍， 見到店舖喺門口有提供熱茶畀等候嘅客人享用， 呢方面幾細心。豬骨濃湯拉麵豬骨湯夠曬香濃， 入口幾滑身， 湯嘅香濃程度可以做到掛麵嘅效果， 流心蛋嘅溫度控製做得幾好， 日本叉燒做得夠入味夠冧。黑蒜豬骨濃湯拉麵香濃嘅豬骨湯加咗黑蒜， 黑蒜獨特嘅香味 ，味道嘅層次感昇華。限定鳴( 廣島蠔豬骨)呢款限定嘅拉麵餐廳有應該定期會轉， 因為我都幾鍾意食蠔所以見到有廣島蠔就嗌， 呢個面嘅成本都幾高有三隻又大又肥嘅蠔， 蠔有鮮味， 個拉麵嗌咗配豬軟骨， 豬軟骨都做到入味冧身。鰻魚玉子燒將鰻魚燒喺玉子燒入面，再淋上鰻魚汁， 師傅嘅手勢都幾好，蛋嘅厚薄程度幾一致， 蛋唔會煎得太老。

之前食過一鳴丼食堂，好好食，一直都想食埋佢隔離間一鳴拉麵，今日黎大埔墟，就食佢吧！其實呢條巷仔真係唔顯眼，係要特登搵先會入黎。但都算多人食，係好食先會吸引到人黎吧！拉麵有5款，我地叫左黑蒜豬骨湯，太麵，揀左豬軟骨。再叫左個芝士明太子玉子燒，同埋煎雞軟骨餃子。拉麵先來，黑蒜油好香，但一開頭冇咩煙，以為唔熱，一夾起d 麵，推開左d 油，d 湯既熱氣先湧出黎，有d 興奮！枱面仲有炸蒜同拉麵胡椒，加埋落碗麵到食好香！糖心蛋、豬軟骨都係出色既，仲有兩塊紙菜，都算多料。之後黎既芝士明太子玉子燒同煎雞軟骨餃子賣相都唔錯，餃子好熱，要放一陣先食到。 入面既餡都算多，脹卜卜。玉子燒都非常出色，蛋既熟度剛剛好，d芝士分佈得幾好，每一舊切開都有，加埋明太子既醬，味道好豐富，是必食的！Btw, 呢間餐廳d 日文歌幾好聽。

已經唔係第一次嚟食啦，今次又黎到大埔覓食，由於已經10:30，附近都唔知有咩食，之前食過一鳴拉麵，所以對佢印象好好，諗住查查佢仲有冇開，點知真係仲有開！！所以呢個時間都嚟咗食拉麵叫咗個芫荽味嘅拉麵，成日覺得見到綠色嘅就覺得比較健康，我覺得呢個湯底好特別好好味而且湯底好濃郁所以好夠味！我就揀咗曲面，同埋辛辣醬揀咗三個，而且餸揀咗係豬軟骨，豬軟骨好林，湯底我就覺得唔係好夠辣，可能因為我比較食得辣仲叫咗唐揚炸雞，炸雞冇乜特別但係好細好易入口，同埋佢嘅醬搭配得好好食！水都係一如既往嘅冰檸檬水溫泉蛋真係好正雖然已經好夜，但係都仲有好多人仲食緊

呢幾日天氣突然轉冷，真係好想食番碗熱騰騰嘅拉麵🍜暖暖胃，今晚就同朋友朝著呢個目標覓食。諗返起上次食咗一鳴丼食堂幾唔錯，仲打算有機會要試埋旁邊呢間一鳴拉麵，所以一於就冒著寒風行過黎呢條小巷食拉麵！我點咗個 限定。鳴（廣島蠔豬骨湯）原本以為只係有蠔味嘅湯底，黎到先知真係有三隻蠔！先試一口湯，香濃豬骨湯帶點蠔嘅鮮味，不錯喔！以湯拌麵吃了幾口，已經覺得好溫暖。蠔非常肥美飽滿，食落口感好creamy，唔會腥。朋友點嘅係 焰。鳴(秘製地獄醬豬骨湯底），我都試咗少少，個湯有少少肉碎，好濃郁惹味，喜歡食辣嘅人必試！豬軟骨好入味好香另外再加咗件咖哩薯餅，脆脆外皮包裹著熱騰騰嘅薯泥，日式咖哩甜甜地，好食呢！

夜晚收工入大埔揾朋友食飯，行行下就見到呢間一鳴拉麵店，隔離仲有間一鳴丼食堂，兩間都好吸引，但因為好耐冇食拉麵既緣故，就揀左拉麵店 無論喺出面定入面睇都好有日本既小店feel，可能因為平日晚市既關係，唔洗等位就入得呢間拉麵有五款湯底揀，店員特登提左我地地獄湯底都幾辣，所以我最後就揀左豬骨湯底，而朋友就揀左黑蒜油我兩款湯底都試左，我就鍾意豬骨湯底多啲，都幾濃厚，一啲都唔淡，仲有半隻溏心蛋，我配左豬軟骨，好夠滷汁既味道，好味朋友既黑蒜油就配左叉燒，味道比豬軟骨淡啲，如果唔鍾意太濃味既朋友可以試下呢款除左拉麵之外，仲有好多小食同飲品選擇我地就叫左炸雞同茄子，佢既炸雞絕對值得一試，佢配既忌廉醬係自製既，有啲酸酸地，好夾個雞同埋食得出新鮮炸，好脆好香口個茄子就有別於平時食既燒茄子，用大阪燒既方法取代左平時既蒜蓉，別有一番風味同埋呢野都唔貴，叫左兩碗拉麵兩個小食都係二百頭左右，好抵食