一鳴拉麵

营业中

休息中

聽講呢間拉麵店有芫荽拉麵，我係芫荽迷，緊係要試試去。去到既時候已經好多人等位。我叫左芫荽拉麵，我朋友就叫左個秘製地獄醬豬骨湯底拉麵。芫荽拉麵超重芫荽味，湯底好濃郁，佢嘅配料好豐富，有溏心蛋、木耳同埋紫菜。佢既豬軟骨煮得好淋，可以食埋d軟骨，唔錯。佢個麵可以簡軟硬度，我簡左軟，但好感依然好彈牙，唔係話煮到淋曬個種軟。因為我唔係好食得辣，所以我就試左一羹朋友既辣醬湯底，果然好惹味好辣，食得辣既朋友應該會好鍾意。我地叫左幾款小食。個一口牛好淋同埋食落去有d入口即溶既感覺，佢切得細粒，食落去好感恰到好處。個雞軟骨外脆內軟，配檸檬汁無得頂，唔會話好多炸粉，都幾多肉。個牛舌佢用左d蒜片燒，所以好香，好感彈牙。

好耐冇黎呢邊食拉麵！都係好多人要等位😅而湯底一如以往咁出色😋😋湯底有幾個選擇，同朋友一人叫左最傳統嘅豬骨湯底同黑蒜油湯底, 分別配豬軟骨同叉燒黑蒜油湯底好濃👍🏻好耐冇食過咁香濃嘅湯底😋😋拉麵可揀直麵曲麵，仲可選軟硬度，我要左硬身嘅直麵，煮得剛剛好，唔會太淋有咬口，配埋半邊溫泉蛋，好正👍🏻👍🏻叉燒肥瘦適中，好香👍🏻豬軟骨正正常常，好入味同好淋另外都試左啖原味嘅豬骨湯底，唔會太咸或太杰身，都唔錯，個人鍾意黑蒜多啲😝除左拉麵，呢到仲有串燒/炸物/玉子燒等等嘅小食類，本身想試埋佢嘅玉子燒，但個拉麵連埋湯食都好飽，下次有機會再試下佢啲小食先🤤🤤唯一係呢到嘅位會逼左少少，坐得冇咁舒服

大埔墟火車站附近幾分鐘就到既 日式拉麵店 之前 試過佢地個一鳴食堂都唔錯 今次就試埋個拉麵先拉麵可以由湯底 麵款 麵質 配料 都可以自由選 價錢唔貴 好貼心 一鳴拉麵 湯底係豬骨 一啲都唔係死咸 質地好濃好厚 好掛麵 溏心蛋好有醬油味 黑蒜鳴拉麵 黑蒜油豬骨湯底 黑蒜油好香濃 豬軟骨 好淋好入味 鰻魚串燒 醬油唔咸帶少少甜香 食落鰻魚味好香 唔會得醬油味禁 肉質好滑好嫩 唔錯士佐豆腐 雖然 細細粒 但千祈唔好一啖放入口 因為 裡面個豆腐好滑好熱既 記得咬一半 放凍食 門面裝潢好日本風 但係 整體拉麵到小食一啲都唔伏 仲幾好味 價錢又唔係貴 性價性高

大埔好出名嘅拉麵店，雖然位置唔起眼，起一條小巷裏面，但係裡面非常熱鬧，有好多好嘢食。拉麵店入面充滿日本氣氛，一枱一椅既裝潢以及Menu都好有日式feel。不過裏面位置略嫌有點迫，坐得唔舒服，不過為左碗拉麵都係值得。可以自己揀麵質，同配料，太麵麵身比較粗，有口感D,直麵就比較幼身少少黑蒜·鳴好濃嘅豬骨湯底配黑蒜油，配埋豬軟骨，豬軟骨同拉麵索曬黑蒜嘅湯底，但又唔會太漏，配埋溏心蛋，好好味，忍唔住飲埋d湯。限定·鳴見到Menu上呢個係限定推介，湯咖喱拉麵，比較少見。呢個拉麵係冇得揀配料，一定係會配叉燒，而且佢並唔係配一般木耳絲，而係配番薯，茄子，薯仔，紅蘿蔔。湯底好濃咖喱味，但又唔會好咸，配料索曬啲咖喱湯底，好正。如果鐘意食拉麵，呢間值得推介。

大埔搵食，因為去唔到日本既關係好想食日本野，就揀左拉麵，因為呢間店舖裝修得好有日式拉麵小店feel，一於入去呢間試下店面唔大，我早去，食完發現出面都幾多人等，不過細有細好，牆面裝飾好有心機，睇到廚房入面呢樣非常地道，整個環境很nice！主食拉麵，有一張紙自己填想配咩麵同咩湯底，好個人化。白黑紅三味算係常見，但香菜呢款真係幾特別，鐘意芫茜既可以試下😂我地就選左白（豬骨湯）同黑（黑蒜），有曲麵同直麵，辣同唔辣揀，因應唔同麵底同配料，一碗麵大約$80到。豬骨湯底好香，夠濃，但係唔太咸，唔會食完好想飲水果種，溏心蛋一流，的確有流心。紫菜同香蔥都好配合拉麵，個麵亦彈牙，飽肚亦好味既一碗拉麵。想食小吃都有好多款揀，諗唔到叫咩都仲有廚師推介，大部分係燒物，炸物，亦都有玉子。我地仲叫左個燒茄子（$22），份量剛剛好，燒得非常香口，亦都貼心切到一口size，想唔太heavy又想食燒物可以一試。總結黎講呢間拉麵CP值幾高，環境服務同食物水準都唔錯，可以黎過下日本小店癮！

今日放工就約左朋友在大埔食野之前都去過附近食野 但係又未試過尼間 就俾佢既鋪面attract左 係門口排左大概五分鐘就快得我不嬲都鍾情於咁既小店 好鍾意佢個種暗暗地 唔會太光 同朋友傾計食野好有feel我就叫左個黑蒜嗚 間鋪頭幾好 可以俾你有唔同choices 有得間咩麵條、麵質 最重要係可以俾我揀多蔥我覺得佢個湯底係碗拉麵既精粹所在佢勁濃郁既黑蒜味一試真係翻唔到轉頭而朋友就叫左個一鳴(豬骨濃湯拉麵)我都試過佢既湯底味道都好重豬骨湯味但是我都係比較鍾意黑蒜多一點除左有主食之外，佢都有唔同既小食我地都叫左個炸雞食係即叫即炸既炸雞外脆內軟佢個醬係自家制的酸酸甜甜幾特別整體上個環境和整體佈置都令我食得好舒服尼d咁高質既小店一定要轉尋味!

店舖外的裝飾十分具日本風味在門外已擺設餐牌供參考，我可以先透過餐牌再決定食與否，十分user friendly店鋪內有酒精消毒液供食客使用，在這疫症爆發時期顯得十分貼心❤️餐廳以拉麵為主食，一般有4款口味🥢而我選擇了限定口味的咖喱風味🥢一份日式餃子咖喱口味拉麵 一點也不辣 可以大口大口的食唐心蛋以及各配料的味道和相貌都十分出色，下次光顧我會再試另一種味道湯底麵的軟硬度，配料份量和餸的添加都由食客選擇餃子配答醬汁味道十足，外面脆脆好香口飲品方面則點了一杯荔枝燒酒特飲，雖有酒精但卻不太明顯，有着濃濃的荔枝味，適合喝不酒精濃度高的人士。整體而言，這餐拉麵十分滿意，不論是食物質素，空間環境以及店員服務，一些基本的定時添加茶主動都是令人會再次光顧的水準

同朋友行過大埔，突然好想食拉麵，見到門面好似唔錯，好有日式風格！就走咗去試吓！店裏面嘅環境都幾好，細細間咁，所以好快會滿，要幫襯就要早啲去，如果唔係就要排隊啦！拉麵可以比客人customise 自己鍾意嘅味道，啲面可以揀軟或者硬，直面定係曲面，配豬軟骨定係叉燒，要多蔥定係少。真係好細心！啱晒有要求嘅客人！我就叫咗個地獄醬拉麵，即係辣嘅拉麵湯底，紅卜卜咁，睇落去好似好辣，但其實我覺得唔係好辣，可能我食得辣。鍾意刺激嘅可以去試吓 我嗰碗配左豬軟骨，好食！very nice!呢間鋪頭仲有得食莞茜味湯底嘅拉麵，鍾意食莞茜嘅一定唔可以錯過！成個湯底都係深綠色，好過癮！大家去試下啦！鋪頭仲有得叫串燒，正！我地叫左牛柳粒，好食！仲叫左牛舌串燒叫咗雞軟骨，配埋沙律醬食，yummy!推薦大家去試吓！

每次入到黎大埔，知道有呢間正宗嘅日本拉麵，有時間嘅都會去食下。今次分別試咗黑蒜同埋豬骨湯。佢哋嘅湯底好龍朱古力味同充滿骨膠原，每次都起碼飲半碗！至於叉燒亦都燒得好香。入開來大埔嘅朋友都好值得去試吓啊！

呢間拉麵我食過好多次，今日放工又約左d friend黎食飯🤪唔係住開大埔可能覺得好難搵，因為佢係條巷到，不過其實火車站行黎10分鐘都唔洗就到餐廳唔算好大，不過坐得幾舒服拉麵有5款揀，可以自己揀麵條、麵質、蔥、配料、辣度因為好鍾意食芫茜，基本上次次黎都係食芫茜拉麵，冇轉過😂今次都係一樣叫左芫茜拉麵我覺得豬軟骨好食過叉燒，肉質好淨一d都唔un。麵質揀硬，好岩我口味！最好味係個湯底，其實芫茜味唔算好濃，不過係有，同個麵好夾好好食今次仲叫左幾款小食。第一次食雞胸軟骨，唔錯，炸左原來好爽口，幾好食加埋檸檬汁同沙律好fresh牛柳串燒都唔錯，唔un，同蒜片蔥一齊食幾香牛舌好厚身，果然係厚切，好juicy

今次黎到大埔覓食 係門口見到裝修幾特別 個feel幾似真係日本嘅拉麵店就 所以就試下佢紫菜好脆口 面頭好多青蒽令碗麵更加香 蛋嘅熟度岩岩好仲要係流心嘅 蛋黃有少少咸味 湯底幾濃 唔會話太咸 好味到我最尾飯曬啲湯tim 而拉麵嘅軟硬度就有得揀嘅 我就揀咗硬啲 令碗麵更有咬口豬軟骨好入味 亦都好淋好易咬 份量仲唔少tim 雞軟骨應該係即叫即炸嘅 因為黎到嘅時間係超紙熱 而佢嘅份量亦都唔少ga 仲有兜沙律醬比你yum黎食 做小食真係一流ga枱面亦都有唔同嘅醬料俾大家添架例如芝麻，蒜頭，七味粉同拉麵胡椒，我就加咗芝麻因為會令碗拉麵更加香。最括而言，拉麵嘅湯底同豬軟骨都好好味

好耐冇食拉麵啦,咁啱同朋友行經位於大埔嘅一鳴拉麵店鋪附近,決定食個拉麵晚餐。店鋪細細,但好有日本風格,透過大玻璃窗可見到廚師大顯廚藝。剛坐下,服務員送上檸檬水同消毒紙巾,令客人頓覺窩心又放心。餐牌都有沙律、小食、主食、串燒、玉子燒、拉麵及飲品等多種款式供應。我哋點了1️⃣ 黑醋汁南瓜秋葵沙律2️⃣ 黑蒜油叉燒湯拉麵3️⃣ 野菜叉燒炒拉麵4️⃣ 鰻魚玉子燒黑醋汁南瓜秋葵沙律🥙超甜日本南瓜,爽滑嫩綠秋葵,同濃烈香氣紅洋蔥絲,配上黑醋汁。味道酸酸甜甜,清新輕怡,促進食慾。簡簡單單又能保留食物營養價值。拉麵有五種款式,我哋揀咗黑蒜、普通質感、多蔥花配叉燒曲麵。黑蒜油叉燒湯拉麵🍜麵條吸收濃郁湯底味道後，充滿濃厚黑蒜油香味,加埋勁多蔥花香氣，入口保持煙韌。叉燒軟腍,溏心蛋嫩滑,加上爽口木耳,令湯拉麵多重口感。按個人喜愛再加入辣粉、辣油、芝麻或拉麵胡椒令味道更提升！野菜叉燒炒拉麵🍝炒拉麵口感同湯拉麵同樣煙韌,加入爽口椰菜、芽菜、洋蔥、叉燒同雞蛋等大量配料,再混合醬汁炒出色香味俱全美食。灑上芝麻就更香口啦！鰻魚玉子燒玉子燒有多種口味選擇,我哋要咗鰻魚。厚厚嘅玉子燒,雞蛋保持嫩滑，內裡又軟又juice。加上鰻魚甘香美味

今日早左放工就相約左朋友在大埔食拉麵🍜之前都去過，覺得幾好再去食，今次再去依舊不錯呢👍🏻👍🏻我們6點幾就去到人唔算多，雖然細細間坐位都好舒服。焰鳴平時都少食辣今次試辛辣湯底拉麵，個麵質感爽口，有紫菜、高質流心蛋同大量櫻花蝦好多料相當豐富👍🏻👍🏻黑蒜嗚黑蒜味濃郁，個麵質都是選擇左普通食落很爽口，用料同樣豐富好足料😋😋土佐豆腐以日本豆腐整成的　，入口細滑，外皮炸得十分鬆脆👍🏻👍🏻

疫症當前，一入到黎餐廳，店舖員工已經好細心為我們遞上咗現時珍貴的酒精濕紙巾。值得一讚。呢度嘅點菜方式係用點餐紙，非常方便快捷清晰。 店舖入邊有五款拉麵可以選擇。我就選擇咗呢度出名嘅一鳴拉麵，而我老公呢就選擇咗黑蒜拉麵(黑蒜。鳴)最令人驚喜嘅係呢度嘅價錢平均每碗都只係70幾蚊，比好多香港其他嘅拉麵店都平好多。 係點餐紙入邊，顧客可以選擇麵嘅種類、麵質、香蔥嘅多少同埋配料配料(可以揀豬軟骨或者叉燒)最欣賞呢度可以揀多蔥唔使加錢。Yeah!!啱晒我呢啲多蔥怪•我比較鍾意呢度嘅曲麵，比較煙銀。而且每碗拉麵都有木耳紫菜同埋半隻糖心蛋。所以已經好多料，如果你要追加其他配菜都唔係好貴，加十元有一款！ 兩碗拉麵之中，我比較鍾意黑蒜拉麵，因為湯底比較濃郁，黑蒜味又好突出，好香濃另外我哋我叫咗兩款小食，我哋叫咗呢度出名嘅芝士粟米玉子燒，蛋味香濃，芝士可以拉到絲。香香甜甜好正同埋叫咗炒雜菜$48，辣辣地老公話炒得幾好味，如果份量再多少少就prefect池！ 呢一間日本拉麵店整體感覺乾淨企理，店員有禮貌，食品質素唔錯，價錢便宜，值得一試。

放假訓左成日有啲肚餓就同男朋友一齊去搵野食。天寒地凍好想搵啲熱野食，上openrice搵到依間拉麵店好似唔錯就諗住去試吓。我地岩岩去到果陣唔算好多人，一到就入得，但遲我地2-3個字就要排隊lu.佢有5款拉麵湯底可以簡同埋都有好多配菜可以追加。都算好多選擇👍🏻我就叫左黑蒜油豬骨叉燒拉麵，湯底好濃豬骨味，麵都好彈牙👍🏻糖心蛋都好好味男朋友就叫左焰·鳴，佢就話好惹味，我試左到啖就覺得太辣啦，對於啲唔係好食得辣既人黎講就唔係好接受到啦。最後我地仲叫左芝士粟米玉子燒都好足料下嫁，芝士仲要流心既👍🏻但味道就偏甜。我都覺得唔錯既。平時行開又想食拉麵既，不妨一試。