一鳴拉麵

营业中

休息中

好耐冇黎呢邊食拉麵！都係好多人要等位😅而湯底一如以往咁出色😋😋湯底有幾個選擇，同朋友一人叫左最傳統嘅豬骨湯底同黑蒜油湯底, 分別配豬軟骨同叉燒黑蒜油湯底好濃👍🏻好耐冇食過咁香濃嘅湯底😋😋拉麵可揀直麵曲麵，仲可選軟硬度，我要左硬身嘅直麵，煮得剛剛好，唔會太淋有咬口，配埋半邊溫泉蛋，好正👍🏻👍🏻叉燒肥瘦適中，好香👍🏻豬軟骨正正常常，好入味同好淋另外都試左啖原味嘅豬骨湯底，唔會太咸或太杰身，都唔錯，個人鍾意黑蒜多啲😝除左拉麵，呢到仲有串燒/炸物/玉子燒等等嘅小食類，本身想試埋佢嘅玉子燒，但個拉麵連埋湯食都好飽，下次有機會再試下佢啲小食先🤤🤤唯一係呢到嘅位會逼左少少，坐得冇咁舒服