一鍋堂 (大鴻輝(荃灣)中心)

营业中

休息中

荃灣大鴻輝匯集咗大量嘅火鍋同放題店，平時要排好長隊，所以我哋今次晏晝嚟食呢間邊爐店就唔洗排隊，一入門口已經見到唔少裝飾同霓虹燈，排隊前可以係唔同打卡位影下相，入去之前先揀套餐同湯底，可惜鴛鴦湯底就要額外加錢。 午餐時間係100分鐘，我地揀咗藥膳養生湯底，一嚟到嗰陣已經有好多藥材喺上面，味道濃郁。店員好快就畀咗個自助落單qr code我哋揀，可能係午市嘅原因，有啲類別好似冇咁多選擇，但都足夠我哋慢慢試。除咗自助落單點野食之外，出面亦有自助沙律，蔬菜、熟食同飲品吧，選擇非常豐富，要試曬每一款都唔係容易嘅事。打邊爐最需要嘅就係下火，佢哋自製嘅養生飲品就岩曬啦，而隔離嘅自選沙律亦都好開胃。我地揀既B餐肉類選擇較多，有安格斯同封門柳，牛花分佈均勻，而且肉味非常香濃。加上各款小食、麵同丸類，食到非常飽肚。要留意既係餐廳係離座前40分鐘就會last order，所以要提早叫多d野食。

一鍋堂係我喜歡的餐廳，今次試下荃灣店。依舊有好多款湯底可以揀，最終揀了 潮汕和 杏汁豬肚 鍋。潮汕鍋的味道同胡椒豬肚相若，但就轉左做大地魚。反而未試過杏汁豬肚湯做湯底，好有新鮮感。杏汁的味道帶黎新鮮感。牛肉的質素不錯，最愛封門柳，有肉香又嫩口；牛板腱正常。 牛脷芯每碟質素不同，唔同既牛有唔同的脷🤣。無論size同口感都不同！有些滑嫩有些較瘦，味道都不同。羊肉片很好，每片都帶爽脆，口感得意。飲品唔同左味！我飲開洛神花茶，好像唔同左配方。不過依舊人氣旺盛，會沽清的！另外試左玫瑰黑枸杞茶，都不錯。羅漢果雪梨茶有點甜。 今次點了未試過的芫荽燒賣。少少芫荽味的魚肉燒賣，口感味道正常。

今天早上約咗朋友結伴到荃灣行山，大約行咗1個半鐘，到中午大家係時候醫肚啦！好想放肆下，選擇了眾安街附近大鴻輝大廈19/F「 一鍋堂 」食放題火鍋🍲。搭lift到餐廳門口，標語場景很可愛，拍攝打卡一流👍。火鍋湯底選擇很多，有養生、靚湯，豬骨湯底火候十足。我就點了胡椒豬肚湯做湯底😋。遙遠窗外的自然光感覺環境很舒服，座位寬躺舒適，地方空間很大😊。餐點安排，用手機二維碼點餐，方便環保♻️。自助形式，熟食區擺放食物很整齊👍。飲品櫃有多種飲品選擇，一鍋堂自家出養生茶飲品都很吸引😍。胡椒豬肚湯底，食落豬肚爽口，無腥味😋。食物質素新鮮，美國安格斯牛肉、封門柳、牛利心托、炸魚皮，雲吞、魚皮餃，手打墨魚丸，都係我喜愛食物😋。最後衝刺食甜品，雲呢拿雪糕🍦，很滿足放題火鍋😍。

與朋友相聚，急急忙忙送仔女番學，終於有兩小時私人時間去嘆個午餐。揸車好方便，荃灣好多停車場，泊車步行到大鴻輝中心，準時12 點開門。火鍋店地方好闊，我們坐窗邊位，居高臨下看著開揚風景，心情特別好。我們挑選午餐火鍋放題B餐，特選安格斯牛，有15款特色湯底，韓式泡菜湯、沙嗲湯、豬骨湯、芫荽湯，都好吸引，我哋最後選了養生藥膳湯。很快湯鍋就上枱了，行香藥材味。牛肉封門柳實在入口彈牙肉味很濃香，還有很多熟食可以選擇，飲品蔬菜類井井有條，很整潔。確是一個很好的火鍋地方，難怪朋友常常來。

荃灣打邊爐， 一鍋堂有好多選擇。 可以搞一個湯底或者兩個湯底。我哋減咗兩個湯底吃火锅！ ！去到荃湾当然系拣一锅堂！一锅堂有好多选择！又可以转鸳鸯汤底！ ！所以我哋今次就叫咗两个汤底！ ！分别系皮蛋芫茜汤底！同埋药膳汤底！一锅堂最出色的就系渠哋啲生虾！只只大大只！ ！好生猛！ ！其次就系渠哋啲和牛！味道非常甜美牛肉味！ ！皮蛋芫茜湯 藥膳湯底 兩款邊間湯底即食小食有白雲鳳爪冬菇大大兩個人食到捧福滿滿 埋單都係每人300最後仲有飯後甜品 自製雲呢拿雪糕

星期五晚，約咗朋友兩公婆去荃灣一鍋堂食火鍋6：30去到餐廳，一去到就有位，唔洗等我哋選咗杏汁豬肺湯底然後選咗性價比比較抵嘅B餐當日嘅牛肉，我哋都覺得牛板鍵比較好食，好多食評都話封門柳好食，我哋就唔覺得有幾好食，加上我哋一開始叫咗4盤，盤盤都碎濕濕，每塊好似兩隻手指公咁細塊，一啲都唔覺得好好食，反而牛板鍵有驚喜另外最驚喜係啲蝦，夠彈牙，隻隻都幾大隻，好食

這店的鍋底選擇十分多，真令人產生選擇困難症，最後我選了潮汕湯底，因為比較特別。湯底料頭十足，有點意外，大地魚、酸菜、豆卜、花菇等等，湯底食味不錯，正確選擇。這裏的牛肉選擇不是很多，但質量令人有點驚訝，沒想到在放題火鍋可吃到這種級數的牛肉，封門柳油花均勻，入口牛味十足，軟滑可口，令人回味。安格斯牛肉也不錯，完全沒有渣，不肥膩。很少放題有白膳片，這店竟然有我的至愛，當然要吃個夠，肉質爽彈，頗新鮮，鮮甜美味，不可不試。其他生料種類繁多，蝦、蜆等海鮮都很新鮮，尤其是蝦十分爽口。各款丸類都很有質素，我特別喜歡吃墨魚丸和牛丸，十分Q彈，正點。這裏的青菜也很新鮮，自己在冰櫃裏挑，這樣可保持新鮮，不錯。而且還有不少熟食，可滿足不同人的需要。特別要一讚的是店家自家製的冰茶，我特別愛喝玫瑰花黑枸梘茶，真是食火鍋的最佳拍檔。結算二人不用550元，可算實惠。

每次想打邊爐，腦海都會諗起一鍋堂😛今次第一次食一鍋堂既午市比起晚市無咁爆場，變相環境無咁嘈空間又闊落啲👍🏻叫左個b餐100分鐘任食有4款牛簡，都好夠食！同埋簡左蕃茄牛柳粒湯底～點完餐同湯底就可以埋位～侍應好快就拎個湯底黎等個湯底滾既時候最岩出去搵野食同用手機點餐😎第一次試呢個湯底啲野食索曬啲蕃茄汁 唔洗點好多豉油都入曬味😆四款牛肉方面個人最喜歡係封門柳，肉質最柔嫩，同埋牛味最重😋😋其他部位都好味同肉質唔會韌，而且厚度適中，唔會切到好薄，真材實料蜂巢豆腐同豆卜係必點，因為完全係索曬個湯底！除左肉類之外，其他餸菜都好多選擇～海鮮類都encore左牛栢葉 、海魷，好爽口！最後緊係唔少得整個雪糕黎食下

呢個疫情都好少出去打邊爐，好彩開返晚市又可以到處去食飯。選擇B套餐$247特選安格斯牛，湯底有十幾種我選蘿蔔粟米豬骨湯。食物種類又有很多，冷盆，自助沙律吧，蔬菜，丸類，牛肉，海鮮，餃子，粉麵類，手作花果茶，汽水，雪糕等任飲任食。玫瑰花黑杞子茶，淡淡玫瑰花味加上黑杞子一起幾香又唔會太甜。美國安格斯牛肉，牛肉香濃肉質又唔會韌。封門柳肉質嫩牛味重，食物種類好多，我只選左部分食品，蜆肉鮮甜又肥美，8吋長蟹柳好少見，蟹柳鮮甜，蝦大大隻又爽彈，牛丸有肉汁又爽口彈牙。蘿蔔粟米豬骨湯，湯底足料有兩大塊豬骨，湯底香濃。蝦大大隻又新鮮，粟米好甜。稻庭烏冬和白玉菇吸收湯精華好好味。芋頭又夠粉好香，蓮藕片又爽脆，菠菜韭菜餃又幾特別，韭菜香濃皮又夠煙韌。花膠又幾爽口。

晚市堂食恢復翻之後，緊係即刻約埋朋友去食啦。同朋友又點少得打邊爐？我地叫咗放題b餐，任食120分鐘。湯底簡單地叫咗個豬骨湯！坐低之後可以用qr code落單，非常方便！等嘢食到嗰陣，可以去自助區拎下丸、腸同熟食！選擇都好多！醬料選擇都唔少，可以按自己喜好去「混醬」！開胃小菜都有唔少，酸酸辣辣好開胃！熟食最鍾意古法炆腩肉同紅燒蘿蔔牛腩！兩款都非常入味，入口軟糯！飲品選擇都好多！最鍾意佢地自家嘅茶品，唔會好甜，茶味香，打邊爐嗰陣飲就好解膩！打邊爐冇可能唔食肉啦！B餐有唔少肉揀，美國安格斯牛肉、封門柳、紐西蘭羊卷肉等等。最鍾意就係美國安格斯牛肉，油花平均，肉味濃，唔使淥太耐，肉質一啲都唔會老唔會韌！封門柳肉質腍身，味道濃厚！好食！另一款大推嘅食物就係啲手打丸類。粒粒都好彈牙。細細粒易熟易入口，有好多種口味揀！蝦滑味道好鮮，有口感、夠彈牙，都好肯定真係新鮮現打！海鮮都係另一個非常好嘅項目，海蝦鮮甜爽口，沙白蜆大隻又多肉，冇沙，好鮮甜。忍唔住同朋友叫咗好多隻蝦嚟食！最surprise係有花膠叫！最後食埋個雲尼拿雪糕，就完結咗呢個邊爐放題之旅!一鍋堂係好高質嘅火鍋店，店員服務好好 ，無論係上食物同

第二次幫襯一鍋堂火鍋，保持水準👍🏻款式多又好味😋最緊要係最平每人都係百幾蚊，淨係食出面啲冷熱盤都滿足😌冷盤都好好味😋中意食麻辣豬耳同雞腎，連沙律都有，減肥人士建議先食沙律👍🏻雖然無遮無掩，但有冷氣吹住，同埋都唔見有小昆蟲，出嚟夾野嘅人都好合作帶哂口罩😷，衛生情況ok👌🏻另一邊仲有啲邊爐料，基本野要齊哂，其他野就用張單個QR code落單～上面仲有個花米粉，幾得意幾好食，可以試下👍🏻大量火鍋醬料，我落咗大量生熟蒜，食完第二日個口仲有陣味🤣仲有個一鍋堂特色飲品櫃！多種獨家花茶，嚟到一定唔會再飲可樂🤣用QR code落單真心方便，上菜又快👍🏻款式都唔少，海鮮新鮮，啲肉都好靚👍🏻👍🏻👍🏻

基本上香港人都會好鍾意打邊爐無論春夏秋冬都會好想烚吓烚吓一鍋堂的確係由細到大打邊爐之選平時打邊爐都係晚飯時間今次試吓中午打邊爐依家有100分鐘任食邊爐套餐。基本上一定食得飽飽依家用qr code 落order, 基本上都唔會漏單不過食得晒先好叫，唔好造成浪費啊入座時間湯底越來越多選擇，冇記錯依家有16個選擇。另外出邊雪櫃都有多款野飲同蔬菜簡👍🏻 的確係滿足晒唔同人幾好味最後，不得不讚美封門柳，牛黎講，真係好好味。

晚市堂食解禁後,逐一相約好友聚餐,這次約了同住區內的好友到荃灣飯局;雖然香港已踏入五月,但天氣乍暖還寒,時晴時雨,所以打邊爐很適合這個時節;而芸芸食肆之中,好友與我這次都一致都指向了大鴻輝這棟美食大廈內的一鍋堂;在連續兩日紅色假期後,預估食材會更加好,所以這天下午就打電話去訂了位;晚市的第一節在7點開始,約定好友此前在大鴻輝中心地下等;隨著排隊的人流逐漸進入電梯,到達餐廳所在樓層時一打開門,空氣中彌漫著的氣味以及門口的佈置,都是那麼的熟悉,令人甚有好感!掃了出行碼量了體溫,然後在門口櫃台選定套餐B及鴛鴦湯底,再由職員帶位後在舖排於走廊邊的二人枱入座;高層的景觀,依舊坐得舒服,加上高樓底,良好的冷氣系統,餐具乾淨整潔,皆是好友與我都偏愛一鍋堂的箇中原因;甫一坐低,好友與我都將手機的接收網絡轉用了餐廳的Wi-Fi,再掃描了店員放低的二維碼紙仔,進入了主畫面,就可以在手機上開始點選食材;與好友商量好就選好第一輪十幾樣熟悉又有標誌性的食材,趁湯底未到之前,大家分工合作--好友去拿取飲品,我就帶回了醬料(重點一定要有芫茜)及鮮蔬;(有高質食材又鍾愛重口味的,必選麻辣湯底;但原來胡椒豬肚湯也相當高

一鍋堂 一向都係火鍋放題界穩陣派～間唔時想假期想打邊爐就會諗起佢午市比晚市更抵食！16款湯底任選～～午市火鍋 特選安格斯 B 餐 $148 （90分鐘）如果唔係特別鍾意食牛嘅，b餐就最抵食，亦已有3款牛肉選擇！另加$30任食海鮮近排更加入不少素食元素，不論前菜、火鍋配料熟食區都有不少素食選擇！ 食得健康啲同突顯番牛肉肉味，揀左健康嘅 皮蛋芫荽湯底 封門柳最軟稔安格斯牛味唔錯手工丸細細粒必食～海鮮類有版、蜆、鱔片等芫荽魚肉燒賣夠特別 飲品當然唔少得自家制冷泡茶最愛洛神花，酸酸唔太甜，解膩一流！

疫情之下好耐都冇打邊爐，今日一於同朋友一齊食個100分鐘午餐自助放題！大家都鍾意食牛，所以就揀咗$178特選安格斯set b，鍾意食牛嘅朋友仔唔好錯過，呢個餐性價比高，有幾款唔同嘅靚牛食！湯底我哋就揀咗好滋補嘅沙參玉竹鯊魚骨湯，真係有成條鯊魚骨，味道香醇，材料豐富，豬骨湯香噴噴，又唔會有色粉，所以食完唔會好頸渴。我哋當然主攻牛肉同豬肉，安格斯牛、封門柳入口即溶，肥瘦均勻，而牛坂腱牛肉味就最濃，牛脷心托較為爽口。呢度啲牛真係好高質素，食幾碟都返本！除咗牛肉，豬肉都好出色，必食西班牙豬肉，有少少脂肪，但又唔會太肥，切得夠薄，肉質軟林。另外有幾款火鍋配料都係呢度獨有，好似手作珍寶蝦丸，好足料，夠晒彈牙！蝦膠釀冬菇、手打麻辣豬肉餃、手打孜然雞肉丸全部都好特別同好味，放題來講都可以提供到更多特別嘅配料，真係用心經營！除咗火鍋配料，出面仲有好多熟食同前菜才可以任拎任食，試咗南乳齋菜，南乳味好香，啲齋菜索晒啲南乳汁，好高質！