一鍋堂 (大鴻輝(荃灣)中心)

营业中

休息中

阿女想食牛肉火鍋，即刻諗起選擇超多嘅一鍋堂，呢度地方寬敞，兩個人都俾張大卡座，唔似其他火鍋店細細張枱、逼逼夾夾，放完個鍋之後冇位擺食物！我們選擇了B餐，有三款牛肉及牛脷心托，又有豬肉及十幾款手打丸類及雲吞任食，啱哂愛食嘅囡囡！除咗任點食之外，還有食物吧，大量食材及蔬菜任意取用，任你如何揀飲擇食，梗會揾到啱你嘅食物！湯底我哋就揀咗艇家一品魚湯鍋，未打邊爐之前先飲半碗，魚湯加上大量粟米、蟲草花，仲有其他配料去煲，成鍋魚湯非常之鮮甜！嚟慣嚟熟嘅囡囡，主攻封門柳，佢話莫講任點任食嘅，一般嘅火鍋店都未必有供應；只有專供上等牛肉嘅火鍋店才食到，還要限量！呢度任點任食，所以佢食得好開心！我就鍾意佢油豐富、有𡁻頭得嚟肉味又濃，兼且又冇筋，唔會食到攰，一人可以KO幾碟！薄薄的安格斯非常出色，只需在湯中輕灼三秒，放入口中便會即化，然後油香充滿成個口腔，顯見用料高級，乃非一般任食火鍋！其他手打丸類亦甚有特色，彈牙好味，每樣一碗未能滿足，好食到一共叫咗三轉！飲品除一般的汽水外，亦有比較少有嘅薄荷烏龍茶同洛神花茶!食到飽飽後，最後每人整返杯桃味雪糕，做呢餐完美嘅終結！

星期六十二點黎到餐廳,環境闊落光猛,自然光入到餐廳,感覺舒服,十二點未有太多客人,我地兩個被安排一張四人卡位,爽,另外冷氣都好夠涼我地揀左食100分鐘既B餐,湯底就揀左杏汁白肺湯同餐廳新出既魚湯杏汁白肺湯滾起好香,飲落好清甜,白肺都係洗得好乾淨魚湯有幾片脆肉鯇,肉質彈牙有魚應有既鮮味,另外有幾隻蝦同沙白蜆,啲蜆雖然好細粒,但出奇地鮮甜同埋無沙既除左用QR code落單外,出面亦有自助區有野飲,蔬菜,熟食,涼拌,雪糕等等我最鍾意飲佢地自家既洛神花茶,酸酸甜甜最開胃,同埋天氣咁熱飲佢就最啱涼拌個麻辣薯仔絲同蒜蓉青豆都好食,咬落去shor shor聲好清脆熟食既炸金菇同炸粟米都好食,有驚喜叫左黑松露墨魚滑同蟹子墨魚滑,食落彈牙有咬口,有鮮味,店員仲超好幫我搞混分成兩粒,呢啲服務去邊搵呀,值得一讚另一驚喜係個羊肉卷,個口感係爽爽地咁勁出奇雪糕係密桃乳酪味,好食,食完一杯仲唔夠要添食,真係估唔到總括黎講四百幾有咁多野食同咁既環境都算超值

身邊嘅朋友想打邊爐時，通常第一時間就諗起一鍋堂，因為佢哋嘅食物質素真係好高質。所以今日又同朋友嚟到荃灣一鍋堂，享受佢嘅高質火鍋放題🙈120分鐘火鍋放題，有3個set選擇，我哋就揀咗B餐，而且19:00前埋單仲有優惠特價👍開始先揀咗湯底，有成16款，如果有選擇困難症，都真係幾難揀😂 好在我同朋友都鍾意食辣，我哋就揀咗麻辣湯底。裡面有個極大嘅火鍋配料自助區，肉丸類蔬菜飲品都可以自行任攞，當然火鍋醬油都可以隨自己口味調教。美國安格斯牛肉、封門柳、牛脷心托、牛板腱。全部都好新鮮，我哋特別鍾意食封門柳，肉質鮮嫩鍾意食牛嘅一定不能錯過，食完可以用手機再order 任點。豬頸肉、墨魚滑都係必點之一，另外驚喜竟然仲有蜆類可以點💯最後不得不提嘅係一鍋堂出咗好多自家製飲品，其中呢款洛神花茶值得推介，味道好特別酸酸甜甜特別開胃🥰

再次黎到大鴻輝中心的一鍋堂，可能附近多左競爭，人流無以前咁多，但都仲係好多，特別多左一D老人家。由出電梯到入到座差不多用了15分鐘時間，因為前面的食客面對太多選擇，又唔知揀咩餐、又唔知揀咩湯底。又有人話訂左位所以不用排隊便可登記入座。不過開始時間都係以入座起計，所以唔駛太擔心遲開始。環境很大很闊落。自助吧的選擇也很多，又有很多自家制的飲品。湯底揀左潮汕，味道較清。最近食牛成日都有封門柳，肉質鬆軟，不易變韌，而且牛肉味極為濃郁美國安格斯牛肉，沒有太多的脂肪，打邊爐一流。牛脷心薄薄一片，亦已有嚼口。魚皮可能放耐咗，走左氣。店員話係啱啱推出的桃味雪糕，味道啖啖的，清新

今個夏天真係好熱！不過都無阻我同男朋友想打邊爐既興致即時搵左荃灣既一鍋堂book枱打個即興邊爐係大鴻輝既一鍋堂，地點好方便呢種3~4人既枱，位置都好闊落一鍋堂邊爐當然唔少得熟食啦，有好多中式菜，例如妃子娃娃菜等自助吧好多野食，沙律吧連秋葵都有，仲有小紫薯，日式冷麵等等醬料方面都好多配搭，生蒜炸蒜沙茶醬等等，想要辣仲再辣椒仔，亦有芫茜，岩晒芫茜一族我地嗌左豬骨蘿蔔粟米湯底，胡椒味亦好濃郁，惹味食物方面係QR code 落單，有餃子類，手打肉丸，蝦滑等等，亦有蔬果類肉類上菜時有指示種類，幾貼心我地嗌左set B, 安格斯牛肉肥瘦適中，肉質鮮嫩！亦有唔同品種例如封門柳，牛脷心托等飲類仲有羊同豬2人枱，d托盤好貼心設計可以疊高好方便甜品方面有雪糕機

今晚約左朋友係荃灣大鴻輝，雖然連續多日極高溫，但一樣無阻我地熱愛邊邊既心大鴻輝火鍋餐廳選擇眾多，今次我地揀返最穩陣既任飲飲食「一鍋堂」，食過咁多次，每次都質素穩定唔會出事😎坐得舒服又冷氣夠，夏天打邊爐完全無問題任飲任食兩小時，有自助區有丸類、餐前小食、熟食、蔬菜、飲品，都可以自取沙律，麻辣雞腎、秋葵都係必食一鍋堂d丸唔錯架，雖然丸唔翻本，但每次都忍唔住會試重有雪糕機，新口味「清新桃味」，記得要留肚吃，配埋個士多啤梨漿勁正🤤其他食材就QR code落單，落完好快就到，零漏單海蝦一定要食，勁新鮮，爽彈而且唔吝嗇，每次點都四隻咁上牛、羊、豬都齊，重有牛舌同封門柳，都係必食手打丸、滑類，當然也不能錯過我地食既係B餐，限時120分鐘，埋單全包$546，食左好多款，勁滿足食埋雪糕，完美

疫情咁內，我都比較小出街食飯，呢排情況真係好好多，所以即刻享受下一個火鍋放題先。地方好大又闊落，可以容納好多人，卡位超多，非常闊落舒適。養身藥膳湯我朋友話呢排熱氣，唔想食辣，所以我地就揀左個清清地既藥膳湯。我鍾意個湯底好香藥材味，唔會太濃和苦，感覺養身d健康d。我地揀左b餐，叫左呢三隻牛肉分別係牛板腱，封門柳和美國安格斯牛肉。我自己就比較喜歡食牛板腱，大大片，牛味又重，當中有些肥和筋，口感煙韌。如果又想食牛又怕好蘇，就可以選擇安格斯，但如果又想要重牛肉味又唔想韌，就可以選擇封門腱。丸類款式都比較多，無可能樣樣都食下，所以我都係揀左好想食果幾款。100%濃汁爽彈牛丸，咬入口有小小牛汁流出黎，中間有些少肥既脂肪，非常彈牙，真係必食。另外還有黑松露墨魚滑，芝士獅子狗，蟹子蝦滑，平時好難可以買好小，而家可以一次過品嚐下。除此之外，有我最愛既鵝腸，雞件，餃子，峰巢豆腐，魚肚，脆肉鯇，樣樣都小小實在太好了，可以試多幾款唔同。另外我拿左有少量熟食，有日本蕃薯，青瓜，土豆絲，麻辣雞賢，天婦羅和沙律，食完飽到一個點。自助區淨係丸和腸類都有咁多，真係款式多羅羅。熟食區都有好幾款，不過我實在太飽了，已經食唔

🌸荃灣人氣火鍋🌸一鍋堂🍲想品嚐豐盛滋味火鍋？今天特意相約友人到了荃灣一間超人氣火鍋放題店-「一鍋堂」享用一頓豐富的火鍋放題作是日晚餐❗餐廳裝修簡潔精美，座位寬敞舒適。採用二維碼自助點菜，方便快捷，上菜速度非常快❗店員亦非常殷勤有禮，會時替客人收拾碗碟。🍽我們惠顧了以下晚市放題：👉🏻B餐 120分鐘特選安格斯牛 $248@而放題套餐包括：👉🏻自選湯底🍲紫菜櫻花蝦鍋湯底味道鮮甜，以紫菜、櫻花蝦及味噌等材料熬製而成，味噌香嫩豐足，味道清新香甜。🐂火鍋肉類有多款嚴選肉類，當中包括美國安格斯牛肉、封門柳、牛脷心托、精選進口牛板腱、西班牙栗飼豬肉及紐西蘭羊卷肉等。各款肉類配料也非常優質，安格斯牛肉相當肥美，肉質鮮嫩惹味，油脂分均分佈，豬肉肉質感鬆化，羊肉香羶。🐟海鮮配料有多款時令新鮮海鮮火鍋配料，包括沙白、大蜆、鮮嫩魚肉及帆立貝等，海鮮配料非常鮮香美味。🥟其他火鍋配料還有多款火鍋必備配料，包括100%濃汁爽彈牛丸、手作珍寶蝦丸、蟹籽蝦膠釀冬菇、蟹籽手打蝦滑、自家製鮮蝦雲吞、手作麻辣豬肉丸、鮮鵝腸、手作豬肚丸、潮州馬鮫魚丸、野生竹笙、日本紅心蘿蔔及韓式BB八爪魚等，水餃皮薄餡靚，漿肉肉丸彈牙，非常惹

好耐無去過一鍋堂打邊爐平時通常都係去開旺角個間荃灣哩間分店都係第一次黎嗌左個b餐 120分鐘盛惠$248————————————————自助餐照舊有好多選擇擺位分類得好好 乾淨企理大量丸類選擇野飲既種類都有好多 想健康啲有自家製茶飲可以揀菜都有四五種湯底既選擇有十幾種有啲湯底上次黎都無見過今次就試左一鍋潮汕湯 味道都唔錯肉類都有唔少選擇 安格斯牛肉油脂分佈均勻 紐西蘭小羊肉都好食 肉質軟熟 騷味唔會太重海鮮都幾多款可以揀少見啲既有花膠不過我自己就鐘意鱔片同埋貝類 食落幾新鮮 滑都有幾款 蝦 魚 墨魚滑 味道質地都唔錯唯一無咁完美既就係二人枱既大小擺埋棟配料既話壓迫感就會好重 好驚撞跌啲碟所以影相都影唔到好多————————————食物質素唔錯店員勤快 上菜收碟速度快性價比的確唔錯

如果想喺荃灣食嘢，好多時候都會直接去大鴻輝😎😎今次就嚟咗一鍋堂，上一次喺旺角食過，印象都唔錯，一於再接再厲🥰🥰店入面有啲潮語燈飾，幾盞鬼，打卡一流入到餐廳，首先揀咗湯底先，佢哋嘅湯底有成10幾個選擇，各有特色，今次我就揀咗冬陰功湯底😎😎冬陰功香味強勁，食咗兩轉，越煮越出味！唔辣既，主要係啲香葉味道，我自己仲加多咗啲蕃茄，超正😛😛坐低咗，就可以出去拎嘢飲，另外仲有一啲已經可以即刻食嘅冷盤，好似沙律，蕎麥麵。芝麻菠菜等等，仲有其他熱食，乾燒伊麵都有！好吸引！如果好肚餓，即刻就可以醫肚😆😆自家手打丸，另外仲有一個珍寶蝦丸，真材實料，都幾爽口彈牙，值得一試👍🏼我哋叫咗B餐，可以食安格斯牛，密密食，非常滿足！上菜速度都算幾快，安格斯牛賣相幾靚仔，牛味突出，又唔會太肥，超滋味👍🏼👍🏼有好多新鮮蔬菜，或者配料，都可以喺出面自取，例如萵筍，芋絲，南瓜，出前一叮等等，食到飽飽地都可以出去行個圈，可能有意外發現😋😋佢哋嘅蔬菜都算乾淨新鮮，而且每一盤嘅份量唔會太多，咁就唔會浪費啦😎😎100分鐘限時，時間可以話係啱啱好，唔算太趕。依間分店座位都算幾闊落，喺大鴻輝好唔錯嘅選擇👍🏼👍🏼

荃灣大鴻輝中心向來出名多好嘢食，今日突然想打邊爐，就黎食下有唔少好評嘅一鍋堂。今次揀食B餐，包多幾款牛肉同手打丸類，出面自助區任食。餐廳整體環境乾淨整潔，座位之間距離都幾大，唔會覺得迫。今次被安排坐卡位，位置闊落，張檯夠晒大。一坐低就先去自助區睇下有咩食啦，基本上分為熟食、前菜、飲品同火鍋配料，夾左幾款熟食同前菜試下，麻辣豬耳、麻辣鳳爪都好食，而最有驚喜嘅係鴨血豆腐，鴨血入味口感佳，估唔到放題小食有咁嘅質素👍🏻👍🏻而嘢飲就試左自家製嘅洛神花茶，酸酸甜甜幾開胃。一鍋堂主打特色湯底，有成八款可揀，因為今日唔想食太重口味，就揀左沙參肉竹鯊魚骨湯。湯底非常清甜，可惜落左配料之後就俾牛味搶左，所以下次應該未落料之前就飲返碗先。打邊爐嘅主角當然係牛肉🐂啦，B餐一共包四款牛，每款都試過，美國安格斯牛肉、封門柳嫩滑牛味重👍🏻，牛頸脊正常質素，但最鍾意嘅係放題好少食到嘅牛脷心托，係牛舌最近喉嚨嘅部位，口感帶點爽脆，encore左幾次😋另外都試左好多款丸類，比較推薦蟹籽手打蝦滑、黑松露手打墨魚滑、牛丸呢幾款，爽口彈牙，吸收清甜嘅湯底食非常好味👍🏻仲有竹笙、蘿蔔呢啲比較吸味嘅配料，都非常值得一叫。呢餐無論湯

我同朋友最鐘意就係打邊爐，特別係任食放題任點，鍾意食幾多就食幾多，啱晒我呢種肉食獸，而且食量比較大，任食就無後顧之憂啦。當然最緊要就係選擇款式多，肉嘅質素亦都不錯，湯底同醬料亦都非常重要，我自己比較重口味，呢間正正就岩晒我，淨係湯底都有16款選擇，我特別喜歡麻辣同沙嗲，湯底濃郁。以手機落單，圖片清晰，操作簡單，肉嘅質素中等，我喜歡牛板腱，肥瘦適中，墨魚滑彈牙，鴨血、花膠、超長蟹柳等等都不錯。最後梗係要整埋自助雪糕🍦，冰涼解油膩，飲品方面有自製冰茶，呢個價錢都幾抵食。

自從第5波疫情後，真係勁少去打邊爐🍲，所以今日就約左一個勁鐘意打邊爐嘅朋友一齊去下一鍋堂打下邊爐🫕最下舊啦⋯⋯我地因之前話好耐都冇去一鍋堂打邊爐🍲，不如就去下啦，雖然我地約平日，但當日都幾多人呀，好彩我一早book左位，如果冇book位都唔知🤔9點入唔入到去食呀。我地就叫左b餐，真係豬、牛、羊🐑都有得任叫，牛肉同以往一樣都係咁正，好有牛味。出面重有沙律🥗吧及小食，打邊爐🍲配料都可以在自助吧到拿勁方便。

第三次食一鍋堂今次覺得服務麻麻，準時尼到拎位，櫃檯店員粗聲粗氣答覆。我明明係佢面前scan埋安心出行+針卡，佢記錯係隔離幾個客，大聲疾呼我「你未嘟!你未嘟!」真係畀佢吹漲。清清楚楚講咗湯底佢又問返我揀邊款，做野心不在焉講返野食，自助熟食區得幾款，牌上面show嘅野食都欠奉，講緊係7點半左右。冷盤區幾亂下，盤秋葵入面有蕃茄，盤蕃茄入面又有粟米。雖然應該係D客拎野食得衰，但店員fill野食時都可以做多步，撇返走D碎屑/隔離嘅野食火鍋配料尚算新鮮。但海鮮類數量都頗少，5人枱，點蝦得4隻，點蜆就5隻。其中一隻唔開口，基本上鍾意食海鮮嘅嗌幾轉都唔夠喉肉就正常啦，羊就未夠融雪，硬邦邦菜算係嫰，亦都無甩皮甩骨。飲品果幾款茶都唔錯，大大樽解渴整體質素比以前下降，加上訂位又要用佢個app，少少麻煩。

荃灣一鍋堂門口對出有個打卡位上面有一句「有一種朋友叫打邊爐的爐友」，好多年前就開始幫襯荃灣一鍋堂，以前不定期就會同好朋友嚟食宵夜打邊爐，充滿咗快樂嘅回憶，嗰陣時宵夜任食先係百幾蚊。今次與朋友相聚，就相約係一鍋堂。荃灣分店之前裝修過，整體都好乾淨，店舖光猛，大部份座位係卡位，有屏板相隔，剛好可以遮擋坐低咗嘅食客，保持私隱度。同朋友傾偈傾到眉飛色舞，都可以悠然自得。晚上七點幾嚟到，可揀120分鐘火鍋放題A、B或C餐，考慮到主要都係肉類唔同，最後揀咗B餐，含豬、牛、羊等6種肉類，都好豐富，只係$248。湯底有15款選擇，每日由60斤以上豬骨湯熬成，有辣、有唔辣、有清甜、又有養生嘅湯底可以選擇，加$50就可以轉鴛鴦鍋。最後揀咗酸酸辣辣嘅泡菜鍋！QR code落單之後，職員就神速送上食物，安格斯牛肉、封門柳、牛板腱、豬肉、羊肉各樣都叫啲，牛肉色澤同雪花都好靚，味道同口感當然都唔錯，豬肉、羊肉薄切，好快淥熟，滲透泡菜湯味！另外鴨血、超長蟹柳、魷魚、手工麵、牛柏葉、響鈴、竹笙、紅心蘿蔔、金菇、豬肉餃、蟹籽蝦膠釀冬菇、滷水熟食，乜都叫啲，樣樣食材都唔錯，自己就好鍾意鴨血同竹笙，口感好，唔係間間火鍋店都